كەيبىرەۋدىڭ ادامگەرشىلىگى 10 يۋان ارقىلى دا اڭعارىلادى

  • كەلۋ قاينارى: ىلە گازەتى
  • 06:27:43 12/07/2020

    3

    وسىنداي ۇساق ىستەر ارقىلى باسقالاردان پايدالانىپ قالۋدى كوزدەيتىن شاكەنە، جىمىسقى ادامدار بارلىعىمىزدىڭ ماڭىمىزدان تابىلاتىن سياقتى. ولار مەيلى قانداي ىستە دە ءوز مۇددەلەرىن عانا كوزدەيدى، ءوز مۇددەسىن بارىنشا زورايتىپ، باسقانىڭ مۇددەسىمەن مۇلدە ساناسپايدى.

    «ارامزانىڭ قۇيرىعى ءبىر - اق تۇتام» دەگەن ءسوز بار. مۇنداي ادامدار قاراماققا مۇلدە زيان تارتپايتىنداي كورىنگەنمەن، ءىس جۇزىندە ۇلكەن زيان شەگەتىن كىسىلەر ـ ءدال وسىنداي ادامدار. ويتكەنى ولاردا ادامگەرشىلىك دەگەن نارسە اتىمەن جوق بولعان سوڭ، ەشكىممەن دوس - جار بولا المايدى، بارلىق ادام ولاردان ات تونىن الا قاشادى؛ ولارعا شىنايى كوڭىلمەن جان اشىتىپ، باسىنا ءىس تۇسكەندە، باسىن سۇيەيتىن ادام دا تابىلمايدى. سوسىن دا، كىسىلىك ساپاردا قات - قابات ساتسىزدىكتەرمەن قيىندىقتارعا جولىعادى دا وتىرادى.

    تەك اناۋ پايدا الدىندا ءوز ءناپسىسىن تيا بىلەتىن، باسقالاردان ورىنسىز پايدالانۋدى ويعا دا المايتىن اق كوڭىل، اشىق - جارقىن كىسىلەردىڭ جان سارايى تازا، وسكەلەڭ ادامگەرشىلىكتى بولادى. ولار ءارقانداي ىستە ەڭ اۋەلى باسقانىڭ قامىن ويلايدى، ءوز پايدا - زيانىمەن ونشا ەسەپتەسىپ كەتپەيدى.

    مىنە، مۇنداي كىسىنىڭ ءومىر جولى قاشان دا ساۋلەلى، نۇرلى كەلەدى. ولار ءوزى عانا ەمەس، باسقانى دا مەيىر - ماحابباتتىڭ شۋاعىنا بولەيدى. مۇنداي ادامدار مەيلى قانداي جۇمىس ىستەسە دە، ۇنەمى ساتىنە باسىپ، تابىسپەن اقىرلاسىپ جاتادى. كەيدە ولار دا ۋاقىتتىق قيىندىقتارعا جولىعادى، مۇندايدا كوڭىلى جاقىن جۇرەتىن دوس - جارانى جيىلىپ كەلىپ قولىنان تارتىپ، قولتىعىنان دەمەپ تابىستىڭ تورىنە قاراي جەتەلەيدى.

    پايداكوس، الاياق ادامنان جىراعىراق ءجۇرۋدى ەستە بەرىك ساقتايىق، سونىمەن بىرگە، ءوزىمىز دە باسقادان پايدالانا قويۋعا قۇلىقتى بولمايىق. ويتكەنى ۇزىن ءسوزدىڭ قىسقاسى، كىسىلىك ساپاردىڭ تابىسپەن اياقتار - اياقتاماسىن بەلگىلەيتىن فاكتور - اركىمنىڭ ءوز ادامگەرشىلىگى!

جاۋاپتى رەداكتور: جازيرا بولاتباي قىزى