حالىقتىق ادەبيەت - كوركەمونەردىڭ ومىرشەڭدىگى جونىندە

  • كەلۋ قاينارى: ىلە گازەتى
  • 03:28:19 14/08/2020

 لياۋنيڭ ۋنيۆەرسيتەتى وتكىزگەن ساحنالىق تەاتردىڭ ارناۋلى كورمەسىندە ستۋدەنتتەر وزدەرى قۇراستىرىپ، رەجيسسەرلىگىن ىستەپ، وزدەرى ورىندايتىن حالىق ەرتەگىلەرىندەگى ساحنالىق تەاترلار، جاڭا مازمۇندار، جاڭا بەينەلەۋ فورمالارى تولاسسىز جارىققا شىقتى، بايىرعى اڭگىمەلەر مادەنيەت مايەگىن ايگىلەسە، جاڭا حيكايالار ءداۋىر كەلبەتىن سومداپ، زامانىمىزداعى ستۋدەنتتەردىڭ جاسامپازدىق قۋاتى مەن بولجاۋ قۋاتىن تولىق ايگىلەي ءبىلدى. جوعارى مەكتەپتەر دە حالىق ەرتەگىلەرىن دانەكەر ەتىپ، ساباقحانا وقىتۋىن جاڭالاپ، ستۋدەنتتەردى سانالى تۇردە تاڭداۋلى ٴداستۇرلى مادەنيەتكە جاسامپازدىقپەن مۇراگەرلىك ەتۋگە جەتەلەيتىن تاماشا اۋقىم قالىپتاستىردى. بيىل جۇڭگو حيكاياسىن ايتۋ مەرەكەسىندە ىندەتكە قارسى تۇرۋ حيكاياسى ارناۋلى قيمىلىن وتكىزىپ، جازۋ، قىسقا فيلم، دىبىس - كەسكىن، ويىن كورسەتۋ سياقتى كوپ ٴتۇرلى كوركەمونەر تاسىلدەرىنەن پايدالانىپ، جۇڭگو حالقىنىڭ ىندەتكە قارسى تۇرۋ حيكاياسىن تارتىمدى باياندادى، بۇلاردىڭ بارلىعى حالىقتىق ادەبيەت - كوركەمونەردىڭ جاڭالىق اشا دامۋداي باعالى تاجىريبەسىنىڭ جەمىسى ەدى. عالامتوردىڭ جالپىلاسۋىنا ىلەسىپ، ميكرو بلوك، ۋيچات، قىسقا كەسكىن، توراپ قوعامدىق توپتىڭ، وتە - موتە، جاستار قاۋىمىنىڭ مادەنيەت مازمۇنىن قابىلدايتىن نەگىزگى تەكشەسىنە اينالىپ، ميكرو كينو، قىسقا كەسكىن، توراپ ادەبيەتى، قول تەلەفون ويىنى، ادەبيەت جاسامپازدىعى جوباسى سياقتى تاماشالاۋ جانە ىقپالداستىق فورماسىمەن قايتا جاندانىپ، جاڭا ٴداۋىردى جىرلايتىن، جاڭا تۇرمىستى باياندايتىن جاندى دانەكەرگە اينالدى.

    الەۋمەتتىك مادەنيەتكە قىزمەت وتەۋ كەرەك

    الەۋمەتتىك مادەنيەتكە قىزمەت وتەۋ جۇيەسى قۇرىلىسى ارقىلى حالىقتىق ادەبيەت - كوركەمونەر الەۋمەتتىك اۋماقتارداعى بۇقاراعا جەتكىزىلۋمەن بىرگە، بۇقارانىڭ مادەني تۇرمىسىن بايىتتى ءارى ءوزىنىڭ مۇراگەرلىك ەتىپ، جاسامپازدىق جاراتۋىن ۇشتاي ءتۇستى، مۇنىمەن قوسا قالا مەن اۋىلدىڭ بىركەلكى دامۋىن جەبەۋگە، اۋىل - قىستاقتىڭ يدەيا - مادەنيەت شەبىن بەكەمدەۋگە كومەگىن تيگىزدى. جاڭاشا قالا - قالاشىقتانۋ بارىسىندا، تۇرمىس كەڭىستىگى مەن تۇرمىس ٴتاسىلىنىڭ وزگەرۋىنە بايلانىستى، شاندۇڭنىڭ جياۋنان كوكتەم مەرەكەسىندىك سىزبا - قيما سۋرەتتەرىنىڭ يقۋاتى مەن فورماسىندا دا وزگەرىستەر تۋىلدى. قاۋىمداستىق بايلانىستىڭ دانەكەرى سانالعان بۇل ٴداستۇرلى قولونەر الەۋمەتتىك اۋماق مادەنيەتىندە دامىپ جانە جالعاستىرىلىپ، الەۋمەتتىك اۋماق مادەنيەتىن وزەك ەتكەن جاڭاشا تاراتۋ جۇيەسىن قالىپتاستىردى. جياۋنان كوكتەم مەرەكەسىندىك سىزبا - قيما سۋرەتتەرى ۇلتتىق سالت - سانادان اشەكەيلەۋگە، ونان رەال جاسامپازدىققا قاراي بۇرىلىس جاسادى. ۇگىت - تاربيە رولى بار كوكتەم مەرەكەسىندىك سىزبا - قيما سۋرەتتەر ۇگىت تاقتاسى، جارناما تاقتاسى سياقتى الەۋمەتتىك مەديالار ارقىلى جۇرت نازارىنا ٴىلىنىپ، سوتسياليستىك وزەكتى قۇن كوزقاراسىن تاراتۋدىڭ دانەكەرىنە اينالدى. ينتەرنەت سياقتى جاڭا دانەكەرلەرمەن جاسامپازدىق جاراتۋشىلار ٴتۇرلى جولدارمەن ٴوزارا ۇيرەندى، اۋىس ـ كۇيىسپەن اناعۇرلىم كەمەلدەنىپ، جاسامپازدىق جاعىندا كوپ نەگىزدى كوركەمدىككە ۇمتىلسا؛ ال ساياحات كاسىبىنىڭ دامۋىنا ىلەسىپ، تۇرلىشە تۇرمىس ورتاسىنا بەيىمدەلەتىن كوكتەم مەرەكەسىندىك سىزبا - قيما سۋرەتتەردىڭ ٴتۇرىن ٴتىپتى دە مولايتا ٴتۇستى.

جاۋاپتى رەداكتور: گۇلدەن ماقسات قىزى