كۇندەلىكتى وتباسى تۇرمىسىندا قايتكەندە ىندەتتەن ساقتانۋدى جاقسى ىستەۋگە بولادى

  • كەلۋ قاينارى: ىلە گازەتى
  • 03:25:07 26/08/2020

  

    (1) اۋرۋ تاراپ جاتقان جەرلەرگە بارماۋ.

    (2) ادام شوعىرلانعان الەۋمەتتىك ورىندارعا بارۋدى ازايتۋ كەرەك، اسىرەسە، اۋا الماسۋى ناشار جەرلەر، مىسالى، الەۋمەتتىك مونشا، اراسان، كينوحانا، توراپحانا، KTV، ساۋدا سارايى، پويەز بەكەتى، اۋەجاي، كەمەجاي، كورمە سارايى قاتارلىلار.

    (3) جابايى حايۋاناتتارعا جاقىنداماۋ، ساتىپ الماۋ جانە جەمەۋ كەرەك؛ ءتىرى حايۋاناتتاردى (قۇس، تەڭىز ونىمدەرى، جابايى حايۋاناتتار سياقتىلار) ساتاتىن بازارعا مۇمكىندىگىنشە بارماۋ كەرەك، قۇس، ەت، جۇمىرتقانى ابدەن پىسىرىپ جەۋ كەرەك.

    (4) ءۇيدىڭ تازالىعىنا كوڭىل ءبولىپ، ۇنەمى تەرەزەنى اشىپ اۋا الماستىرىپ تۇرۋ كەرەك.

    (5) قول تازالىعىن قاي - قاشان دا ساقتاۋ كەرەك. الەۋمەتتىك ورىنداعى الەۋمەتتىك زاتتار مەن ورىندارعا جاناسۋدى ازايتۋ كەرەك؛ الەۋمەتتىك ورىنداردان قايتىپ كەلگەننەن كەيىن، اۋزىن باسىپ جوتەلگەننەن كەيىن، تاماقتىڭ الدى – ارتىندا قولدى قول جۋاتىن سۇيىقتىقپەن نەمەسە سابىنمەن، اعىپ تۇرعان سۋمەن تازالاپ جۋۋ، نە سپيرت قۇرامى بار قول جۋاتىن سۇيىقتىقتى ىستەتۋ كەرەك؛ قولىنىڭ تازا - تازا ەمەستىگىن بىلمەگەن جاعدايدا، قولمەن اۋىزدى، مۇرىندى، كوزدى ۋقالاۋدان ساقتانۋ كەرەك؛ تۇشكىرگەن نەمەسە جوتەلگەن كەزدە اۋىزدى، مۇرىندى جەڭىمەن باسۋ كەرەك.

    (6) سىرتقا شىققاندا ماسكا تاعۋ كەرەك. سىرتقا شىعىپ الەۋمەتتىك ورىندارعا، شيپاحاناعا بارعاندا نەمەسە قاتىناس قۇرالدارىنا وتىرعاندا دارىگەرلىكتە قولدانىلاتىن سىرتقى اۋرۋلار ماسكاسىن نەمەسە N95 ماسكاسىن تاعۋ كەرەك.

    (7) جەكە تازالىعى مەن اقاۋسىز تۇرمىس ادەتىن ساقتاۋ كەرەك، وتباسى مۇشەلەرى ورامالدى ورتاق ىستەتپەۋ كەرەك، ءۇي ءىشىنىڭ، ىدىس - اياقتاردىڭ تازالىعىن ساقتاپ، كيىم - كەشەكتى جايىپ تۇرۋ كەرەك. كەز كەلگەن جەرگە تۇكىرمەۋ، اۋىز بەن مۇرىندى قاعازبەن ءسۇرتىپ، قوقسىق ساندىعىنا تاستاۋ كەرەك. قورەكتىككە كوڭىل ءبولىپ، لايىقتى ارەكەت جاساۋ كەرەك.

    (8) جەكە ادام مەن وتباسى مۇشەلەرىنىڭ دەنساۋلىعىن باقىلاۋدى ىرىقتىلىقپەن جاقسى ىستەپ، قىزۋى ورلەگەن كەزدە سانالى تۇردە دەنە تەمپەراتۋراسىن ىرىقتىلىقپەن ولشەۋ كەرەك. وتباسىندا كىشكەنتاي بالا بولسا، بالانىڭ ماڭدايىن ەرتە - كەش سيپاپ كورۋ، ەگەر قىزۋى ورلەسە، دەنە تەمپەراتۋراسىن ولشەپ كورۋ كەرەك.

    (9) ۇنەمى قولدانىلاتىن كەرەك - جاراقتاردى دايىنداۋ. وتباسىندا قولداناتىن تەرمومەتر، ءبىر رەتتىك ماسكا، وتباسىندا ىستەتىلەتىن زارارسىزداندىرۋ بۇيىمدارى قاتارلى زاتتاردى دايىنداپ قويۋ كەرەك.

جاۋاپتى رەداكتور: گۇلدەن ماقسات قىزى