ماسكا تاعۋدىڭ مىناداي پايداسىن بىلەسىز بە

  • كەلۋ قاينارى: ىلە گازەتى
  • 03:26:15 26/08/2020

    جارىم جىلدان استام ۋاقىتقا جالعاسقان ىندەتكە قارسى تۇرۋ ارقىلى ادامدار ماسكا تاعۋدىڭ ماڭىزدىلىعى جونىندە ورتاق تانىمعا كەلدى. بۇل عانا ەمەس، ماسكانىڭ كۇندەلىكتى تۇرمىسىمىزدا ۇنەمى قولدانىسقا تۇسۋىنە بايلانىستى، ادامدار ماسكا تاعۋدىڭ كوپتەگەن پايداسىن بايقادى. مىسالى، قىستا جىلۋ ساقتايدى، جازدا كۇنگە كۇيدىرمەيدى، ءتورت ماۋسىمدا دا تاعۋعا بولادى، ماسكا تاقساڭىز كەز كەلگەن ۋاقىتتا بەزەنۋىڭىزدىڭ قاجەتى جوق.

    تاقىرىپقا ورالساق، مەديتسينالىق تۇرعىدان ايتقاندا، ماسكا شىنىندا ۇنەمى قولدانىلاتىن ءارى ءونىمدى قورعانۋ بۇيىمى سانالادى. بۇگىن كوپشىلىككە ماسكا تاعۋدىڭ دەنساۋلىققا پايداسى جونىندە ناقتىراق تانىستىرامىز.

    تىنىس جولى جۇقپالى اۋرۋلارى

    مۇندا جاي تۇماۋ، جۇقپالى تۇماۋ، وكپە قابىنۋى، وكپە تۋبەركۋلەزى قاتارلىلاردى قامتيدى. بۇل اۋرۋلاردىڭ تارالۋ جولى اۋىزدان شىققان شاشىراندى ارقىلى تارالادى. مىسالى، داۋىستاپ سويلەگەندە، تۇشكىرگەندە، جوتەلگەندە نەمەسە قاقىرعاندا، ءىشىنارا اۋرۋ قوزدىرعىشتار اۋاعا تارالادى، اۋادا شاشىراندى فورما ارقىلى باسقالارعا جۇعادى. قازىرگى جاڭا تيپتى ايدارشا ۆيرۋس وكپە قابىنۋ ۆيرۋسى جۇقپالىلىعى ەرەكشە كۇشتى ءبىر ءتۇرلى اۋرۋ قوزدىرعىش، ارينە، باسقا ۆيرۋستار مەن باكتەريالارعا دا نەمقۇرايدى قاراۋعا بولمايدى، ءبىز ماسكا تاعۋ ارقىلى تىنىس جولى ارقىلى جۇعۋدىڭ وتە جاقسى الدىن الۋ رولىن اتقارامىز، اۋرۋ باكتەرياسىن سىرتقا قالدىرامىز.

    اسىرە سەزىمتالدىق اۋرۋلار

    مۇندا اسىرە سەزىمتالدىق مۇرىن قابىنۋى، اسىرە سەزىمتالدىق تەرى قابىنۋى، اسىرە سەزىمتالدىق دەمىكپە سياقتىلاردى قامتيدى. ءبىز تۇرمىستا، ۇنەمى كەيبىر اسىرە سەزىمتالدىق تۋدىراتىن نارسەلەرگە مىسالى، گۇل توزاڭى، شاڭ - توزاڭ، حايۋاناتتاردىڭ ءجونى سياقتى نارسەلەرگە جولاساق اسىرە سەزىمتالدىق تۋىلادى. بۇل زاتتار بەت پەن مۇرىن قۋىسىنىڭ كىلەگەي قابىعىنا تيگەننەن كەيىن، كىلەگەي قابىقتا قاندى ىسىك پايدا قىلادى، ونان سوڭ مۇرىن بىتەلۋ، تۇشكىرۋ، ماڭقا اعۋ، تەرى قىشۋ قاتارلى اۋرۋ بەلگىلەرى پايدا بولادى، سالماقتىلارىندا ءتىپتى اسىرە سەزىمتالدىق تالۋ جاعدايى بولادى. ەگەر ماسكا تاقساق، اسىرە سەزىمتالدىق تۋدىراتىن زاتپەن جاناسۋدان ساقتانىپ، سول ارقىلى اسىرە سەزىمتالدىق سيپاتتى اۋرۋلاردان ساقتانۋ رولىن اتقارۋعا بولادى.

    قالىپتان تىس اۋا الماسۋ جالپى بەلگىلەرى

    قالىپتان تىس اۋا الماسۋ دەگەنىمىز تىنىس الۋدىڭ جيىلىگىنىڭ وتە تەز، تىنىس الۋ تەرەڭدىگىنىڭ وتە كۇشتى بولۋىن مەڭزەيدى. بۇل دەنەدەگى كومىرتەگى قوس توتىعىن قالىپتان تىس ىعىستىرىپ، دەنەدەگى كومىرتەگى قوس توتىعىنىڭ قويۋلىعى تومەندەيدى.

ناۋقاستىڭ اۋرۋ بەلگىسى تىنىس الۋ سيپاتتى سىلتىمەن ۋلانۋ، بەت - اۋىز اينالاسى ۇيۋ، سونداي – اق، ساۋساقتاردىڭ تارتىلۋ جاعدايى تۋىلادى، بۇل جاعداي ادەتتە پسيحيكالىق فاكتور، كوڭىل كۇيدىڭ تولقۋى، قىزۋى ورلەۋ سياقتىلارمەن قاتىستى بولادى. قالىپتان تىس اۋا الماسۋعا شالدىققان ناۋقاستار جونىنەن العاندا، ماسكا تاعۋ نەمەسە بەت بۇركەنىش تاعۋ ارقىلى كومىرتەگى قوس توتىعىنىڭ شىعارىلۋىن ازايتىپ، كومىرتەگى قوس توتىعىنىڭ قايتالاي ءسىمىرىلۋىن جاقسارتۋعا بولادى، ناۋقاستىڭ اۋرۋ جاعدايى بىرتىندەپ جاقسارادى.

جاۋاپتى رەداكتور: گۇلدەن ماقسات قىزى