ومىرگە تەرەڭ تامىر تارتىپ، اڭگىمەنى جاقسى ايتايىق

  • كەلۋ قاينارى: ىلە گازەتى
  • 03:14:11 04/09/2020

 

    سۇحباتتاسۋشىلار: مويان (جۇڭگو جازۋشىلار قوعامىنىڭ ورىنباسار ٴتوراعاسى، جازۋشى)

    دۇڭ ياڭ (حالىق گازەتىنىڭ ٴتىلشىسى)

 

    وزەكتى ٴتۇيىن

    جازۋشى ەڭ اۋەلى ۇلت تىلىنە ۇلەس قوسقان ٴتىل مامانى بولۋى كەرەك، سوندا عانا انا ٴتىلىمىزدى دامىتىپ، ٴتىپتى دە اسەرلى ٴارى بەينەلەۋ قۋاتىنا يە، ورامدى دا كوركەم تۋىندى جازا الادى.

    جازۋشى كەڭ بايتاق وڭىردەن وزىنە ٴتان ٴورىس اشۋى، ٴوزى وسكەن توپىراققا تەرەڭ تامىر تارتىپ، ودان سارقىلماس ٴنار قابىلداپ، وزىندىك بوگەنايىن قالىپتاستىرعان تۇلعاعا اينالۋى كەرەك.

    مۇنداي جاڭا ٴومىر مەن تاجىريبە كوڭىل تۇكپىرىنە ءۇڭىلۋدىڭ تىڭ تۇرعىسىن ازىرلەيدى؛ سوعان ۇقساس كوڭىل تۇكپىرىمىزدەگى جاڭا تۇرعى زاتتاردىڭ جاڭالىعى تەگى قاي جەرىندە ەكەنىن بىلدىرەدى، بالكىم جاڭا ادەبيەت دەگەنىمىز وسى شىعار.

    اڭگىمە ايتۋدىڭ ماقساتى سىرالعى دوس تابۋ، بۇل جۇڭگوداعى عانا ەمەس، دۇنيەدەگى سىرلاس دوستىقتى قامتيدى. اڭگىمەنى جاقسى ايتۋدا ەڭ ماڭىزدىسى ىزگىلىك پەن شىنايىلىقتا، وسىنداي تۋىندى عانا اناعۇرلىم كوپ وقىرمان كوڭىلىنەن ورىن الىپ، ولاردى اسەرلەندىرەدى ٴارى ولارعا ىقپال جاساي الادى.

    «تەمىر سوققاندا قولدى تومەن ۇستاۋ كەرەك، شىعارماشىلىقتا دا بايسالدىلىق كەرەك»

    ٴتىلشى: ەرتەرەكتە جازعان شىعارمالارىڭىز قيالعا باي، بوياۋى قانىق ەدى، جۋىقتاعى جاڭا اڭگىمەلەر جيناعىڭىز «جاي تولىسقان ادام» ٴتىپتى دە قاراپايىم دا بايسالدىلىعىمەن، كوسىلە باياندايتىن تارتىمدىلىعىمەن وقىرماننىڭ نازارىن وزىنە تارتتى. اسەمدىكتىڭ ورنىن قاراپايىمدىلىقتىڭ باسۋىنىڭ، روماننىڭ كوركەمدىك ستيلىنىڭ وزگەرىسىنىڭ استارىندا، شىعارماشىلىعىڭىزدا قانداي بۇرىلىس بولدى؟

جاۋاپتى رەداكتور: گۇلدەن ماقسات قىزى