ومىرگە تەرەڭ تامىر تارتىپ، اڭگىمەنى جاقسى ايتايىق

  • كەلۋ قاينارى: ىلە گازەتى
  • 03:14:11 04/09/2020

 ال ٴبىر تاڭداۋلى روماندى شەتەل تىلىنە اۋدارعاندا وقىرمان كوڭىلىنەن شىقپايدى، ويتكەنى اۋدارماشى ۋاقيعا جەلىسىن عانا قۋالاپ، ونىڭ تىلدىك بوياۋىن جەتكىزە المايدى.

    جازۋشىدا تىلگە دەگەن كۇشتى تالپىنىس بولۋى، وزىندىك تىلدىك ستيلدى سومداي ءبىلۋدى ومىرلىك ساباق ەتۋ كەرەك. جازۋشىنىڭ ٴتىلى مۇمكىندىكتىڭ بارىنشا دۇرىس، بارىنشا تارتىمدى بولۋى، ورنىن تاپسا وينامايتىن ٴسوز جوق، قاراپايىم سوزدەردىڭ ٴوزى دە شىعارمانىڭ تىنىسىن اشىپ، وقىرمانىن تۇشىندىرادى. ەگەر اڭگىمەڭىز جاقسى، بايانداۋ ٴتاسىلىڭىز شەبەر، تىلدىك بوياۋى قانىق بولسا، وندا شىعارماڭىزدىڭ وقىرمانى ٴتىپتى دە كوبەيەدى.

    ادەبيەت قىزمەتكەرى بولعان بىزدەر ۇلت ٴتىلىن بايىتۋ جانە دامىتۋ سىندى ەرەكشە ماڭىزدى مىندەت ارقالاپ وتىرمىز. جازۋشى ەڭ الدىمەن ٴوز ۇلتىنىڭ تىلىنە ۇلەس قوساتىن ٴتىل مامانى بولۋى كەرەك. ولار انا ٴتىلىمىزدى بايىتىپ قالماستان، ونىڭ ٴتىپتى دە اسەرلى، بەينەلەۋ قۋاتىنا يە، شۇرايلى دا كوركەم بولۋىنا مۇمكىندىك جاسايدى. لۋشۇن، لاۋشى، جۋ زىچيڭدەردى ويلاپ كورشى... قازىرگى زامانعى حانزۋ ٴتىلى وسىنداي ادەبيەت الىپتارىنىڭ كلاسسيكالىق تۋىندىلارىنىڭ نەگىزىندە قالىپتاسقان جانە بايىتىلعان، ولاردىڭ شىعارمالارى قازىرگى زامانعى حانزۋ ٴتىلىنىڭ نەگىزىن قالادى.

    «اياداي اۋىلدان تەرەڭ قۇدىق قازا ءبىلۋ كەرەك»

    ٴتىلشى: لۋشۇننىڭ اڭگىمەلەرىندە ايتىلاتىن «لۋجىن قالاشىعى»، لاۋشىنىڭ سۋرەتتەيتىن «بەيپيڭ قالاسى» سياقتى ٴسىزدىڭ روماندارىڭىزدا «گاۋميدەگى شىعىس تەرىستىك اۋىلى» تۋرالى اڭگىمە تاۋسىلمايدى، شىعارماشىلىقپەن شۇعىلدانعان ونداعان جىلداردان بەرى، «پوچتا ماركاسىنداي» عانا جەردىڭ اڭگىمەسىن ەلىمىزدىڭ ٴىشى – سىرتىنداعى وقىرماندارعا تانىستىردىڭىز، جازۋشىنىڭ «تۋعان جەرىنىڭ» وقىرماندى باۋرايتىنداي تەگى نەندەي قۇدىرەتى بار؟

    مويان: كەي جازۋشى اياداي جەردىڭ اڭگىمەسىن شىعارماسىنا ومىرلىك ارقاۋ ەتىپ، ودان تەرەڭ قۇدىق قازىپ، سارقىلماس بۇلاققا اينالدىرادى. مەن وسىدان شابىت الىپ، تۋعان جەرىم «گاۋميدەگى شىعىس تەرىستىك اۋىلىنىڭ» دۇنيە ادەبيەتىنىڭ كارتاسىنان ويىپ ورىن الۋىنا بەل بۋدىم. دۇنيەنىڭ جاعراپيالىق كارتاسىنان بۇل جەردى تابا المايسىز، ٴبىراق دۇنيە ادەبيەتىنىڭ كارتاسىندا «گاۋمي شىعىس تەرىستىك اۋىلى» بولۋعا ٴتيىس.

    رەال ومىردە اۋىل – قىستاق ٴتۇپ – تامىر، ادەبيەت اۋىلدىڭ توپىراعىنان ٴنار الىپ، كوگەرىپ – كوكتەيدى. جازۋشى ٴۇشىن تۋعان جەرى ەڭ قىمبات ءارى ونىڭ شىعارماشىلىق ارقاۋى. جازۋشى تۋعان جەردەن ٴنار الىپ، سۋىن ٴىشىپ، ءدامىن تاتىپ، ەسەيىپ – ەرجەتەدى. مەنىڭ بالالىق شاعىم گاۋميدىڭ شىعىس تەرىستىك اۋىلىندا ٴوتتى، بۇل جەردە وقىدىم، ماحابباتتاستىم، وتاۋ كوتەرىپ، ٴۇيلى باراندى بولدىم، كوپتەگەن دوستارمەن تانىستىم، قيساپسىز حيكايا تىڭدادىم، مۇنىڭ ٴبارى مەنىڭ كەيىنگى شىعارماشىلىعىما قىمباتتى بايلىق بولدى.

جاۋاپتى رەداكتور: گۇلدەن ماقسات قىزى