ومىرگە تەرەڭ تامىر تارتىپ، اڭگىمەنى جاقسى ايتايىق

  • كەلۋ قاينارى: ىلە گازەتى
  • 03:14:11 04/09/2020

 الايدا جازۋشىنىڭ شىنايى مەكەنى مەن قالامىندا سۋرەتتەلگەن مەكەنىنىڭ پارقى زور بولادى. 30 جىل تىنباي ەڭبەك ەتكەن جازۋشىنىڭ جەكە تاجىريبەسى قانشا كوپ بولعانىمەن، كوپ وتپەي سارقىلادى، سوندىقتان تىرشىلىك اياسىن ۇزدىكسىز كەڭەيتۋى، ٴار الۋان ادامدار مەن ىستەرگە كەڭ پەيىلدىلىكپەن قاراۋى، سىرتقى دۇنيەدەن شىعارماشىلىق دەتالدارىن قابىلداپ، باسقالاردىڭ باستان وتكەرگەن ىستەرىن ٴوز كەشىرمەسىنە اينالدىرىپ، شىعارماشىلىعىن تىڭ مازمۇنمەن بايىتىپ، ٴوز ادەبيەت الەمىن قالىپتاستىرۋى كەرەك.

    ٴتىلشى: بەينە ٴسىز ايتقانداي، ٴار جازۋشىنىڭ تاجىريبەسى شەكتەۋلى، ولار ٴوزىن جانە باسقانى قايتالاۋدى قالامايدى، قايتا شىعارماشىلىعىندا جاڭالىق پەن تابىس بولۋىن تىلەيدى.

    مويان: بۇل جازۋشىنىڭ ومىرلىك شارۋاسى.

    جاڭالىق ەڭ الدىمەن جاڭا ٴومىر مەن تىڭ كەيىپكەردەن تۋادى. ەرتەرەكتە مەن گاۋميدەن بەيجيڭگە پويەزگە وتىرىپ، ون نەشە ساعاتتا جەتەتىنمىن، قازىر نەبارى 4 ساعات قاجەت. مەملەكەتتىڭ دامۋى وتە تەز، قوعامدا زور وزگەرىستەر تۋىلۋدا، بۇرىنعى شىعارمالارىمدا سۋرەتتەگەن اۋىل ادامدارىنىڭ وبرازى قازىر تاريح ساحناسىنان شەگىندى، ونىڭ ورنىن داۋىرگە ساي جاس كەيىپكەرلەردىڭ وبرازى باستى، ولار اۋىل – قىستاقتىڭ، قالانىڭ جانە ٴتۇرلى سالانىڭ ساحناسىنان بوي كورسەتىپ، جازۋشىلاردى ەرەكشە قىمبات، باي مازمۇندى، الۋان ٴتۇرلى جاسامپازدىق بايلىعىمەن قامدادى. ءومىردىڭ كوركەمونەرلىك بەينەلەۋشىسى بولعان جازۋشىدا دا كوپتەگەن جاڭا وي تۋىندادى.

    جاڭالىق تۋرالى توقتالعاندا، جازۋشى شى تيەشىڭنىڭ مىنا ٴبىر ٴسوزى ەسىمنەن كەتپەيدى: جاڭا كوزقاراس كوڭىل كوكجيەگىڭدى بەلگىلەيدى. بۇل ٴسوز ۇعىمعا تۇسىنىكسىز بولعانىمەن، ٴمانى تەرەڭدە جاتىر. ٴار ادامنىڭ ماسەلەگە كوزقاراسى ۇقسامايدى، ادەتتەگى ادامداردىڭ ماسەلەگە قاراتقان تۇرعىسى ٴبىرشاما جالاڭ كەلەدى، ٴبىراق جازۋشىنىڭ ماسەلەگە كوزقاراسى سان قۇبىلعانىمەن، ويى، ٴسوز جوق، يكەمدى بولۋى كەرەك. مۇنداعى يكەمدىلىك دەگەنىمىز ونىڭ كوزقاراسىن ۇزدىكسىز رەتكە سالىپ، ٴارى سىرتقى كورىنىستەن ىشكى جان دۇنيەگە ءۇڭىلۋدى، ٴارى ىشكى وي الەمى ارقىلى سىرتقى دۇنيەگە كوز جۇگىرتۋدى مەڭزەيدى. مۇنداي جاڭا ٴومىر مەن تاجىريبە كوڭىل تۇكپىرىنە ۇڭىلۋگە تىڭ تۇرعى ازىرلەيدى؛ سوعان ۇقساس كوڭىل تۇكپىرىمىزدەگى جاڭا تۇرعى زاتتاردىڭ جاڭالىعى تەگى قاي جەرىندە ەكەنىن بىلدىرەدى، بالكىم جاڭا ادەبيەت دەگەنىمىز وسى شىعار.

    «ادامزاتقا ورتاق سەزىم كوركەمونەر اۋىس – كۇيىسىنىڭ پسيحولوگيالىق نەگىزى»

    ٴتىلشى: شىعارماشىلىعىڭىزعا اۋىل – قىستاق ٴومىرى مەن حالىق مادەنيەتىن ارقاۋ ەتتىڭىز، وندا جەرگىلىكتى تەاتر سياقتى حالىق فولكلورىنىڭ ىقپالى تەرەڭ، سونىمەن بىرگە وتكەن عاسىردىڭ 80 – جىلدارىندا ادەبيەت مايدانىندا العاش بوي كورسەتتىڭىز، بۇل رەفورما جاساپ، ەسىك اشۋدىڭ العاشقى مەزگىلى، ەندەشە دۇنيە ادەبيەتىنىڭ اعىمىنا ۇشىراعان شىعارسىز.

جاۋاپتى رەداكتور: گۇلدەن ماقسات قىزى