ماماندار سىزگە ماسكىنى دۇرىستاپ تاعۋدى جانە الۋدى ەسكەرتەدى

  • كەلۋ قاينارى: تيانشان تورى
  • 09:41:33 01/02/2021

    

   انار بۇلت/شينجياڭ گازەتىنىڭ ءتىلشىسى چاۋ جين 1 - ايدىڭ 27 - كۇنى ۇرىمجىدەن حابارلايدى. ۇدايىلانعان ىندەتتەن ساقتانۋ - تىزگىندەۋ بارىسىندا سىرتقا شىققاندا ماسكى تاعۋ اسا قاجەتتى. ماسكىنى دۇرىس تاقتىڭىز با؟ ۆيرۋستان ءونىمدى قورعانا الدىڭىز با؟ اۋرۋدىڭ الدىن الۋ - تىزگىندەۋ ماماندارى سىزگە ماسكىنى قاتە تاعۋدىڭ جۇعىمدالۋ حاۋپىن ارتتىراتىندىعىن ەسكەرتەدى.

    ”ماسكىنى يەككە ءتۇسىرۋ − جۇعىمدالۋ حاۋپىن ارتتىرادى“. اۆتونوميالى رايوندىق اۋرۋدىڭ الدىن الۋ - تىزگىندەۋ ورتالىعى زارارسىزداندىرۋ، جۇعىمدالۋدى تىزگىندەۋ ورتالىعىنىڭ مەڭگەرۋشىسى ياڭ حۇڭساي مىنانى ەسكەرتەدى: كۇندەلىكتى تۇرمىس بارىسىندا باسىم كوپ ساندى ادام ماسكىنى دۇرىس تاعادى، تەك از سانداعى ادام عانا ماسكىنى مۇرنىنا دەيىن جاۋىپ تاقپايدى، كەيبىرەۋلەرى، اۋەلى، تاماقتانعاندا ۇيرەنشىكتى ادەتىمەن ماسكىنى يەگىنە ءتۇسىرىپ الادى. بۇلاي ىستەگەندە ماسكىنىڭ ىشكى قاباتى بىلعانادى، تاماقتى دا، قولدى دا، ت. ب بىلعايدى.

    ”كەيبىرەۋلەر ماسكىنى الىپ توتە قالتاسىنا سۇڭگىتە سالادى، كەيبىرەۋلەر بىلەگىنە تاعىپ الادى، بۇلاي ىستەگەندە ماسكىنىڭ ىشكى قاباتى لاستانىپ، قورعاۋ ونىمدىلىگىنەن ايرىلادى“، - دەدى ياڭ حۇڭساي.

    ياڭ حۇڭساي بىلاي دەپ ەسكەرتتى: ماسكىنى العاندا ماسكىنىڭ سىرتقى قاباتىن ۇستاماۋ كەرەك، قوس قولمەن قۇلاققا ىلىنگەن رازىنكە جىپتەن ۇستاپ الىپ، مەديتسينالىق قوقسىق ساندىعىنا تاستاپ، دەرەۋ قولدى جۋۋ كەرەك. اسىرەسە، بالالارعا كومەكتەسىپ ماسكى تاققاندا، قولمەن بالانىڭ ماسكىسىنەن، بەتىنەن، باسىنان ۇستاماۋعا كوڭىل ءبولۋ كەرەك. ماسكىنى ۋاقىتشا الىپ ساقتاعان كەزدە الدىمەن قوس قولدى تازالاپ، سوڭىنان ماسكىنى ىشكى جاعىنا تۋرالاپ بۇكتەپ، تازا، بىتەۋ قالتاعا سالۋ كەرەك.

    ينتەرنەت جەلىسىندە تانىمال ءمولدىر ماسكىنى ىستەتۋگە بولا ما؟ ياڭ حۇڭساي مىنانى ءبىلدىردى: ولشەمدى مەديتسينالىق ماسكى − ماتەريالمەن اۋا الماستىرادى ءارى تۇكىرىك شاشىراندىلارىن توسادى. ال ءمولدىر ماسكىنىڭ ماتەريالى سۋلياۋ، ول ۆيرۋستى سۇزە المايدى، قورعاۋ رولىن دا اتقارا المايدى، بۇدان سىرت، ءىشىنارا ماقتادان جاسالعان ماسكىنى تاعۋدى دا ۇسىنىس ەتپەيمىز.

جاۋاپتى رەداكتور: گۇلدەن ماقسات قىزى