汉文 ىلە اقپارات تورابىنا حوش كەلدىڭىزدەر!
جاڭا داۋىردەگى قارت كادرلار قىزمەتىن دەن قويا، سۇيىسپەنشىلىكپەن ويداعىداي ىستەدى
2022-09-15 13:18:53     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

− وبلىستىق پارتكوم قارت كادرلار مەكەمەسىنىڭ ۇلگىلى ورگان قۇرۋ قىزمەتى جونىندە

ياڭ جيڭ - ي (ٴوز ٴتىلشىمىز)


جۋىق جىلداردان بەرى  وبلىستىق پارتكومنىڭ قارت كادرلار مەكەمەسى پارتيا قۇرىلىسىنىڭ جەتەكشىلىگىن كۇشەيتىپ، ۇلگىلى ورگان قۇرۋدى قارت كادرلار قىزمەتىمەن توعىستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرىپ، شينجياڭ قىزمەتىنىڭ باس نىساناسىن بەرىك مىقتى يگەرىپ، جاڭا داۋىردەگى قارت كادرلار قىزمەتىن دەن قويا، سۇيىسپەنشىلىكپەن ويداعىداي ىستەپ، بۇكىل وبلىستىڭ جاڭا داۋىردەگى قارت كادرلار قىزمەتىن جەبەۋدە تىڭ ىلگەرىلەۋشىلىككە، تىڭ ناتيجەگە قول جەتكىزىپ، تىڭ قامال الۋدى جۇزەگە اسىردى.

پارتيالىق جەتىلىمدى كۇشەيتىپ، ساياسيدا بەرىك ۇلگىلى ورگان قۇردى

وبلىستىق پارتكوم قارت كادرلار مەكەمەسىنىڭ پارتيا باس ياچەيكاسىنىڭ قاراستىلىعىندا 4 پارتيا ياچەيكاسى، جالپى 65 پارتيا مۇشەسى بار. بۇل مەكەمە ساياسيدى دارىپتەۋدى باستان - اياق قارت كادرلار قىزمەتىنىڭ ٴارقايسى جاعىندا تياناقتاندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجيدىڭ قارت كادرلار قىزمەتى جونىندەگى ماڭىزدى بايىمداۋلارىنىڭ، ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ، تياناقتاندىرىپ، ۇلگىلى ورگان قۇرۋدى تۇتقا ەتىپ، جەتەكشىلىك ەتۋ لەكسياسىن جاساۋ، ارناۋلى تاقىرىپتا پارتيا ساباعىن ٴوتۋ، شوعىرلى تاربيەلەۋ، ۇيرەنۋ ماتەريالىن وتباسىنا جەتكىزۋ سياقتى فورمالارمەن پارتيالى كادرلاردىڭ پارتيالىق جەتىلىمىن كۇشەيتىپ، ولاردىڭ ساياسي ساپاسىن جوعارىلاتىپ، ساياسي نازاريالىق ۇيرەنۋدى قىزمەتتىڭ، تۇرمىستىڭ تۇتاس بارىسىنا سانالىلىقپەن ساباقتاستىرىپ، ۇلگىلى ورگان قۇرۋدى «ەكىنى تۇراقتاندىرۋدى» باتىل قورعاۋدىڭ، «ەكىنى قورعاۋدى» باتىل ورىنداۋدىڭ ناقتى امالياتىندا تياناقتاندىردى. بۇكىل وبلىستاعى دەمالىسقا، زەينەتكە شىققان كادرلاردى رەت سانى بويىنشا 6 مىڭ نەشە مايدان ساياسي نازاريالىق ۇيرەنۋگە ۇيىمداستىردى.

قارت كادرلار قىزمەتىن پارتيا قۇرىلىسىنىڭ جالپى ورنالاستىرۋىنا ەنگىزىپ، ٴبىر تۇتاس جوسپارلاپ ىلگەرىلەتىپ، تياناقتاندىرۋدى كۇشەيتىپ، جۇڭگو كوممۋنيستىك پارتياسى ورتالىق كوميتەتى كەڭسەسى «جاڭا داۋىردەگى دەمالىسقا، زەينەتكە شىققان كادرلاردىڭ پارتيا قۇرىلىسى قىزمەتىن كۇشەيتۋ جونىندەگى پىكىرىن» ىشكەرىلەي ۇيرەنىپ، دايەكتىلەندىرىپ، «ساپالىلاندىرۋ+ ساپالى قۇرۋ» ۇلگىسىن اتقارىپ، جەكە قۇرۋ، بىرلەستىرىپ قۇرۋ، پارتيا ۇيىمىن قارت كادرلاردىڭ قوعامدىق ۇيىمدارىندا قۇرۋ سياقتى تاسىلدەرمەن دەمالىسقا، زەينەتكە شىققان كادرلار پارتيا ۇيىمىنىڭ ٴونىمدى جالپىلاسۋىن ۇزدىكسىز كەڭەيتتى. دەمالىسقا، زەينەتكە شىققان كادرلاردىڭ پارتيا ياچەيكاسىن ولشەمدەندىرۋ، جۇيەلىلەندىرۋ قۇرىلىسىن تىڭعىلىقتى ورىستەتىپ، اۆتونوميالى رايوننىڭ ٴبىر تۇتاس ورنالاستىرۋىنا ساي، «ىلە وبلىسىنىڭ دەمالىسقا، زەينەتكە شىققان كادرلار پارتيا ياچەيكاسىن ولشەمدەندىرۋ، جۇيەلىلەندىرۋ قۇرىلىسىن ىلگەرىلەتۋ جوباسىن» بەلگىلەپ، «بەستە جاقسى» دەمالىسقا، زەينەتكە شىققان كادرلار پارتيا ياچەيكاسىن قۇرۋ قىزمەتىن بەلسەنە، نىق قاداممەن ىلگەرىلەتىپ، بۇكىل وبلىستاعى دەمالىسقا، زەينەتكە شىققان كادرلاردىڭ 234 پارتيا ياچەيكاسىنىڭ 2022 -، 2023 -، 2024 - جىلدارى ۇدايى 3 جىل جاپپاي ولشەمگە جەتۋىنە كەپىلدىك ەتىپ، دەمالىسقا، زەينەتكە شىققان كادرلاردىڭ پارتيا ۇيىمدارىن قارت كادرلاردىڭ يدەياسىن بىرلىككە كەلتىرەتىن، قارت كادرلاردىڭ كۇشىن ۇيىستىراتىن نەگىزگى شەپ ەتىپ جانە پارتيا مۇشەلەرى مەن بۇقارانىڭ بايلانىسىن نىعايتاتىن جىلى مەكەن ەتىپ قۇرۋعا قۇلشىنۋدا.

دانەكەرلىك فۋنكتسياسىن كۇشەيتىپ، قارت كادرلاردىڭ رۋحاني مادەني تۇرمىسىن بايىتتى

وبلىستىق پارتكوم قارت كادرلار مەكەمەسى قارت كادرلاردىڭ ۇيرەنۋ - تاربيەسىن ۇزدىكسىز كۇشەيتىپ، شوعىرلى ۇيرەنۋ، ۇيرەنۋ مازمۇنىن ۇنحاتتا جولداۋ، ۇيرەنۋ ماتەريالدارىن وتباسىنا جەتكىزۋ، ينتەرنەت جەلىسىندە پىكىر اۋىستىرۋ سياقتى فورمالارمەن پارتيانىڭ ٴۇنىن قارت كادرلارعا جەتكىزىپ، پارتيا مەن ۇكىمەتتىڭ قامقورلىعىن دەمالىسقا، زەينەتكە شىققان كادرلاردىڭ كوكەيىنە ۇيالاتتى.

قارت كادرلاردىڭ يدەيالىق ساياسي تاربيەسىن شىنايى مىقتى يگەرۋمەن بىرگە، قارت كادرلار قيمىل ورتالىعىنىڭ (ٴۇي)، قارت كادرلار (قارتتار) داشۋەسىنىڭ، قارت كادرلار پارتيا مەكتەبىنىڭ قىزىل گەندى جالعاستىرۋ، مادەنيەتتى كۇتىمدەلۋدى دارىپتەۋ، ەكپىندەي ىلگەرىلەۋ قوزعاۋشى كۇشىن تاسقىنداتۋ سىندى نەگىزگى بازالىق رولىن تولىق ساۋلەلەندىرىپ، پارتيا قۇرىلعاندىعىنىڭ 100 جىلدىعىن قۇتتىقتاۋ جەلىلەس قيمىلدارىن كەڭىنەن ورىستەتىپ، رەت سانى بويىنشا 2 مىڭ 600 قارت كادردى توڭكەرىستىك تاربيە بازاسىن  ەكسكۋرسيالاۋعا ۇيىمداستىرىپ، ارناۋلى تاقىرىپتا سۇحپاتتاسۋ، لەكسيا جارىسى، ولەڭ - جىر، حۇسنيحات، سۋرەت جانە كەسكىن كورمەسىن اشۋ، نەگىزگى تاقىرىپتىق ۇگىت - لەكسيا سياقتى ٴتۇرلى قيمىلداردى رەت سانى بويىنشا  6 مىڭ 700 نەشە مايدان وتكىزدى. الۋان فورماداعى، باي مازمۇندى قيمىلداردى بەلسەنە ورىستەتتى، وبلىسقا توتە قاراستى اۋدان - قالالار «پارتيا قۇرىلعان 100 جىلداعى تىڭ تابىستارعا كۋا بولدىم» اتتى قارت كادرلاردىڭ ەكسكۋرسيالاۋ قيمىلىن رەت سانى بويىنشا 170 مايدان ۇيىمداستىرىپ وتكىزدى، قارت كادرلار باستان كەشكەندەرىن ۇيرەنگەندەرىمەن، ويعا تۇيگەندەرىمەن بىرلەستىرە وتىرىپ، شىنايى وزگەرىستەردى اقتارىلا اڭگىمەلەپ، شىنايى سەزىندى. دەمالىسقا، زەينەتكە شىققان كادرلارعا پارتيا ياچەيكاسى، قارت كادرلار قيمىل ورتالىعى، قارت كادرلار مادەنيەت - كوركەمونەر قوعامدىق ۇيىمدارى جانە قارتتار داشۋەسى ارقىلى «اۋەلگى ماقساتتى ۇمىتپاۋ، پارتياعا ىلەسۋ . عاسىرلىق تابىستار ارقىلى پارتيانىڭ شاپاعاتىن جىرلاۋ» لەكسيا جارىسى، «جەلەكتىلەر پارتيا تاريحىن وقۋ. ايەلدەر مەرەكەسىن قۇتتىقتاۋ» نەگىزگى تاقىرىپتىق پارتيا كۇنى قيمىلى، «ٴانىمدى پارتياعا ارنايمىن» قىزىل ٴان جارىسى، «توڭكەرىستىك حيكايالار جيناعى»، «مەنىڭ پارتياعا كىرۋ حيكايام»، «20 -قۇرىلتايدى قۋانىشپەن قارسى الايىق . كلاسسيكالىق شىعارمالار ماڭگى جالعاسادى» داۋىستاپ وقۋ سالونى سياقتى باي مازمۇندى ينتەرنەت جەلىسىندەگى مادەنيەت قيمىلدارىن ورىستەتىپ، قارت كادرلاردىڭ رۋحاني مادەنيەت تۇرمىسىن بايىتتى.

دەن قويا، سۇيىسپەنشىلىكپەن قىزمەت وتەپ، قارت كادرلاردىڭ  بار كۇش - قۋاتىن ساۋلەلەندىردى

وبلىستىق پارتكوم قارت كادرلار مەكەمەسى دەن قويا، سۇيىسپەنشىلىكپەن، دالمە - ٴدال قىزمەت وتەۋ ۇستانىمىن قارت كادرلار قىزمەتىنىڭ تۇتاس بارىسىنا ساباقتاستىرىپ، توراپتا ۇيرەنۋ تۇعىرىن بەلسەنە قۇرىپ، «دەمالىسقا، زەينەتكە شىققان كادرلار قىزمەتى»، «شينجياڭ قارت كادرلارى» ٴۇنحات الەۋمەتتىك نومىرلەرى ارقىلى دەمالىسقا، زەينەتكە شىققان كادرلاردى توراپتاعى بايانداما ٴماجىلىسىن ەستۋگە، كورۋگە كەڭىنەن ۇيىمداستىردى ٴارى ينتەرنەت جەلىسىندە پىكىر اۋىستىردى. قارت كادرلاردىڭ «سيفر بەلەسىنەن» اتتاپ وتۋىنە كومەكتەسۋ ٴۇشىن، ۇدايى 3 جىل قارت كادرلارعا زەردەلى قول تەلەفوندى قالاي پايدالانۋ جونىندە رەت سانى بويىنشا ارناۋلى تاقىرىپتا 287 مايدان كۋرس اشتى. دەمالىسقا - زەينەتكە شىققان كادرلارعا دالمە - ٴدال قىزمەت وتەۋدى كۇشەيتىپ، «ٴبىر ادامعا ٴبىر شارا» قولداندى، قىزمەت ىستەپ جاتقان كادرلار دەمالىسقا شىققان كادرلاردى «بىردەن» كوتەرمەگە الۋ ٴتۇزىمىن ورناتتى. «قارت كادرلارعا ناقتى ٴىس ىستەپ بەرەمىن» امالياتتىق قيمىلىن تىڭعىلىقتى ورىستەتىپ، قارت كادرلاردىڭ ەمدەلۋىندە جاسىل جول اشتى؛ قارت كادرلار شوعىرلى قونىستانعان بەييۋان شاعىن تۇرعىندار رايونىنىڭ نەگىزدىك قۇرىلعىلارىن وزگەرتىپ جوندەدى؛ قارت كادرلاردىڭ ولەڭ - جىر، حۇسنيحات، سۋرەت جانە كەسكىن كورمەسىن، قىزىل كىتاپ ٴۇيىن سالدى؛ «جۇزدەسۋ، تىلەكتەس بولۋ» بولۋ سىندى جاعداي ۇعىسىپ، قىزمەت وتەۋ قيمىلىن ىشكەرىلەي ورىستەتتى. وتكەن جىلدان بەرى بۇكىل وبلىستا جيىنى رەت سانى بويىنشا 98 مىڭ قارت كادردان حال سۇرالىپ، ەرەكشە اۋىر قيىنشىلىعى بار 79 قارت كادرعا 244 مىڭ يۋان قاراجات تاراتىپ، دالمە - ٴدال كومەكتەستى. قىزمەت وتەۋدى باسقارۋ ٴتۇزىمى قۇرىلىسى كۇشەيتىلدى، قىزمەت ىستەپ جاتقان كادرلار قارت كادرلارمەن جاپپاي بايلانىس جاساۋ جانە «شىنايى قىزمەت وتەۋ بايلانىس كارتوچكاسى» ٴتۇزىمىن جاپپاي اتقارىپ، «تورتتە، ٴسوزسىز، جاعداي ۇعىسۋ» قىزمەت وتەۋ مەحانيزمىنە تاباندى بولىپ، قارت كادرلار قىزمەتىنىڭ داۋىرلىك سيپاتتى بەينەلەۋىن، باعىتتامالىلىقتى كورنەكتىلەندىرۋىن، ونىمدىلىكتى كۇشەيتۋىن ىلگەرىلەتتى.

وڭ ەنەرگيا تاراتىپ، دەمالىسقا، زەينەتكە شىققان كادرلاردى ىلەنىڭ ەكونوميكالىق، قوعامدىق دامۋىنا تاعى دا تىڭ ۇلەس قوسۋعا ۇزدىكسىز باستادى. قازىر وبلىس، اۋدان ەكى دارەجەلى ورىندا قارت كادرلاردىڭ 12 ۇگىت - لەكسيا ۇيىرمەسى، قارت كادرلاردىڭ 17 ماماندار قىزمەت وتەۋ ۇيىرمەسى، دەمالىسقا، زەينەتكە شىققان كادرلاردىڭ ٴار ٴتۇرلى 102 ەرىكتىلەر قىزمەت وتەۋ اترەتى بار. قارت كادرلار «زور ۇگىت - لەكسيا+»، «شاعىن ساباقحانا+»، وسى زامانعى مادەنيەتتى اۋلالارعا جەتكىزۋ، عىلىم - تەحنيكالىق قىزمەت وتەۋدى اتىز باسىنا جەتكىزۋ سياقتى تاسىلدەردى قولدانا وتىرىپ، قىستاققا، الەۋمەتتىك اۋماققا، مەكتەپكە، شارۋا وتباسىنا ىشكەرىلەي بارىپ، مادەنيەت ارقىلى حالىققا تيىمدىلىك جەتكىزۋ، تەحنيكا ارقىلى شارۋالارعا كومەكتەسۋ سياقتى قيمىلداردى كەڭىنەن ورىستەتتى. «اسيا قىزمەت كەڭسەسى» ۋاكىلدىك ەتكەن 38 قارت كادرلار قىزمەت كەڭسەسى 500 دەن استام قارت كادردى ساياساتتى ۇگىتتەۋ، قوعام ورنىقتىلىعى مەن ۇلتتار ىنتىماعىن قورعاۋ، اۋىل - قىستاقتى گۇلدەندىرۋدى ىلگەرىلەتۋ سياقتى جاقتاردا بەلسەندى رولدارىن ساۋلەلەندىرۋگە باۋرادى جانە ۇيىستىردى. 2020 - جىلى جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى زەينەتكە شىققان 17 ەمدەۋ قىزمەتكەرى ىرىقتىلىقپەن ىندەتتەن ساقتانۋ - تىزگىندەۋدىڭ ٴبىرىنشى شەبىنە بارۋعا ٴوتىنىش ەتىپ، شايقاس جۇرگىزدى، 12 مىڭنان استام قارت كادر الەۋمەتتىك اۋماقتىڭ ىندەتتەن ساقتانۋ - تىزگىندەۋ قىزمەتىنە بەلسەنە قاتىناستى، 18 مىڭنان استام قارت كادر وزدىكتەرىنەن 2 ميلليون 962 مىڭ يۋان جىلۋ اتاپ، 110 مىڭ 600 يۋان ەرەكشە پارتيا جارناسىن تاپسىرىپ، ىندەتكە قارسى اتتانۋ قىزمەتىنە قولداۋ كورسەتتى.

بۇدان كەيىنگى قىزمەتتە وبلىستىق پارتكوم قارت كادرلار مەكەمەسى شينجياڭ قىزمەتى باس نىساناسىن تىعىز توڭىرەكتەپ، ساياسي قاسيەتكە، وسكەلەڭ رۋحقا يە، حالىققا سۇيىسپەنشىلىگى تەرەڭ، جاۋاپكەرشىلىك ارقالايتىن جاڭا داۋىردەگى «تورتكە يە» قارت كادرلار قىزمەتى قىزمەتكەرى بولۋعا ۇمتىلۋدى نىسانا ەتىپ، ۇلگىلى ورگان قۇرۋ ارقىلى پارتيا ۇيىمىنىڭ رولىن ساۋلەلەندىرىپ، قارت كادرلاردىڭ ساياسي قىزعىندىلىعىن ارتتىرىپ، قارت كادرلاردىڭ وزىندىك ەرەكشەلىككە يە ابزالدىلىعى مەن رولىن ساۋلەلەندىرىپ، قارت كادرلار قىزمەتىنىڭ عىلمي دامۋىن جۇزەگە اسىرۋدى بەرىك كەپىلمەن قامداپ، پارتيا ورتالىق كوميتەتى الاڭسىز، حالىق بۇقاراسى رازى بولۋدى شىنايى ورىنداپ، ۇزدىك ناتيجەلەرمەن پارتيا 20 - قۇرىلتايىنىڭ جەڭىسپەن اشىلۋىن قارسى الماقشى.