− اۆتونوميالى رايوندىق 10 ـ كەزەكتى پارتكوم بەسىنشى جالپى ٴماجىلىسىنىڭ رۋحى وبلىسقا توتە قاراستى ورىندارداعى ٴار ۇلت كادرلارى مەن بۇقاراسى اراسىندا قىزۋ اڭىس قوزعادى
ٴتىلشىمىز حان شاشا حابارلايدى. بىرنەشە كۇننەن بەرى اۆتونوميالى رايوندىق 10 ـ كەزەكتى پارتكوم بەسىنشى جالپى ٴماجىلىسىنىڭ رۋحى وبلىسقا توتە قاراستى ورىندارداعى ٴار ۇلت كادرلارى مەن بۇقاراسى اراسىندا قىزۋ اڭىس قوزعادى، كوپشىلىك ٴبىر اۋىزدان بىلاي دەستى: «جالپى ٴماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، شينجياڭدى زاڭمەن باسقارۋعا تاباندى بولىپ، زاڭمەن باسقارىلاتىن ىلە قۇرۋعا بەلسەندى ۇلەس قوسامىز».
جالپى ماجىلىستە مىنالار العا قويىلدى: باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرۋ كەرەك.
«حالىق بۇقاراسىنا ٴاربىر دەلودان ادىلدىك پەن تۋراشىلدىقتى سەزىندىرۋگە قۇلشىنامىز». اۆتونوميالى رايوندىق جوعارى حالىق سوتى مەكەمەسى ىلە وبلىستىق بولىمشەسى پارتيا باسشىلىق گرۋپپاسىنىڭ مۇشەسى، ساياسي ٴبولىمىنىڭ مەڭگەرۋشىسى فىڭ جينجۋ بىلاي دەدى: «ساياسي ـ زاڭ كادر ـ ساقشىسى رەتىندە، باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ۇيرەنۋدى، دايەكتىلەندىرۋدى ۇزاق ۋاقىتتىق كەلەلى ساياسي مىندەت رەتىندە يگەرىپ، اۆتونوميالى رايوندىق 10 ـ كەزەكتى پارتكوم بەسىنشى جالپى ٴماجىلىسىنىڭ رۋحىن ويداعىداي دايەكتىلەندىرىپ، حالىق سوتى مەكەمەسىنىڭ سوت جۇرگىزۋ فۋنكتسيالىق رولىن شىنايى ويداعىداي ساۋلەلەندىرىپ، پارتياعا ادال بولۋدى جالپى جاعدايعا قىزمەت ەتۋ، ٴادىليانى حالىق ٴۇشىن جۇرگىزۋ، ٴادىليانى ٴادىل جۇرگىزۋدەگى ٴىس جۇزىندىك ارەكەتىممەن توعىستىرىپ، شينجياڭدى اناعۇرلىم كوركەم ەتىپ قۇرىپ شىعۋعا زاڭمەن باسقارۋ جاعىنان كۇش قوسامىن».
«قىستاق تۇرعىندارىن بەلسەنە ۇيىمداستىرىپ، زاڭ جالپىلاستىرۋ تاربيەسىن ورىستەتىپ، بۇقارانى زاڭعا قۇرمەت ەتۋگە، زاڭدى ۇيرەنۋگە، زاڭعا بويسۇنۋعا، زاڭدى قولدانۋعا باستايمىن». توعىزتاراۋ اۋدانى كولدەنەڭ قالاشىعى كۇرە قىستاعى پارتيا ياچەيكاسىنىڭ ورىنباسار شۋجيى سەرىكبول بايداۋلەت ۇلى بىلاي دەدى: «نەگىزگى ساتى كادرى رەتىندە، زاڭمەن جونگە سالۋ تانىمىن ورناتىپ، ٴىس جۇزىندىك قىزمەت بارىسىندا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، بۇقارانىڭ ٴوز ۇقىق - مۇددەسىن زاڭ ارقىلى قورعاۋىنا اناعۇرلىم ويداعىداي جەتەكشىلىك ەتەمىن».
كۇنەس اۋداندىق قوسىننان شەگىنگەن اسكەريلەر ىستەرى مەكەمەسى پارتيا باسشىلىق گرۋپپاسىنىڭ شۋجيى جاڭ جىچياڭ بىلاي دەدى: «جالپى ٴماجىلىستىڭ رۋحىن ۇيرەنىپ، ۇعىنىپ، <قوسىننان شەگىنگەن اسكەريلەردى قامتاماسىزداندىرۋ زاڭى> سياقتى زاڭ ـ ەرەجەلەردى دايەكتىلەندىرىپ، تياناقتاندىرىپ، ٴىستى قاتاڭ تۇردە زاڭ بويىنشا ىستەيمىز. قوسىننان شەگىنگەن اسكەريلەردىڭ اڭىس ەتكەن تالاپ - تىلەكتەرىن مۇقيات ٴبىر جاقتى ەتىپ، ورىندى، زاڭدى، شارت ـ جاعداي ازىرلەگەندەرىن دەر كەزىندە ۇيلەسىمدى شەشەمىز. سونىمەن بىرگە، حالىق تۇرمىسىن باعدار ەتۋدەن جازباي، <قوسىننان شەگىنگەن اسكەريلەردىڭ تابىس سەزىمىن ٴتىپتى دە تاتىمدى ەتۋدى> نەگىزگى جەلى ەتىپ، قوسىننان شەگىنگەن اسكەريلەردىڭ شۇعىل، قيىن، ۋايىمداعان، ٴزارۋ ماسەلەلەرىن دەر كەزىندە شەشەمىز».
ىلە شىفان داشۋەسىنە قاراستى باستاۋىش مەكتەپتىڭ ورىنباسار باستىعى شي جينحۋا بىلاي دەدى: «وقۋ ـ اعارتۋ قىزمەتكەرى رەتىندە، بۇدان كەيىن زاڭمەن جونگە سالۋ ۇگىت ـ تاربيەسىن ۇزدىكسىز كۇشەيتىپ، وقۋشىلاردىڭ زاڭمەن باسقارۋ تانىمى مەن ٴوزىن قورعاۋ تانىمىن جوعارىلاتىپ، كىشكەنتايىنان زاڭعا بويسۇناتىن جاقسى ادەت قالىپتاستىرۋىن، بالالاردىڭ اقاۋسىز ەسەيىپ ـ ەرجەتۋىن جەبەپ، وركەنيەتتى، جاراسىمدى مەكتەپ قۇرامىز».
«اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ كەمەڭگەرلىك جوبا ەكەندىگىن دالەلدەدى. ٴبىز شينجياڭنىڭ بولاشاعىنىڭ ٴتىپتى دە كوركەم بولاتىندىعىنا سەنەمىز». كۇنەس اۋداندىق قوعام حاۋىپسىزدىگى مەكەمەسى قولباسشىلىق ورتالىعىنىڭ ورىنباسار مەڭگەرۋشىسى ما چياڭ بىلاي دەدى: «تەمىر سوقساڭ قۇرىش بول» دەگەندەي، كادر ـ ساقشىلاردى نەگىزگى زاڭدى، زاڭداردى ىشكەرىلەي ۇيرەنۋگە ۇزدىكسىز ۇيىمداستىرىپ، زاڭعا قۇرمەت ەتۋ، زاڭدى ۇيرەنۋ، زاڭعا بويسۇنۋ، زاڭدى قولدانۋدىڭ ۇلگىسى بولىپ، حالىق بۇقاراسىنا ادىلدىكتىڭ، تۋراشىلدىقتىڭ جانىمىزدا ەكەنىن شىنايى سەزىندىرەمىز.