− پارتيا 20 - قۇرىلتايى ۋاكىلدەرىنىڭ سايلانىپ شىعۋىنان ەستەلىك
شينحۋا اگەنتتىگىنىڭ تىلشىلەرى
جاڭا داۋىرگە ات سالىسقاندا، جۇڭگو كوممۋنيستەرى ماڭگىلىك ۇلى ءىستى مۇرات ەتتى؛
جاڭا جورىقتا ەكپىندەي ىلگەرىلەگەندە، جۇڭگو كوممۋنيستەرى مۇراتتان اينىماي قايراتتانا العا ىلگەرىلەدى.
2022 - جىلى 9 - ايدىڭ 25 - كۇنى جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى ۋاكىلدەرىنىڭ ەسىمدىگى قوعامعا رەسمي جاريالاندى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى 38 سايلاۋ ورنى زەيىن قويا ۇيىمداستىرىپ، تىعىز ورنالاستىرىپ، پارتيا 20 - قۇرىلتايىنىڭ ۋاكىلدەرىن سايلاپ شىقتى. ولار بارلىق پارتيا مۇشەلەرىنىڭ اراسىنان جۇزدەن جۇيرىك، مىڭنان تۇلپار بولىپ تاڭدالىپ، ءار دارەجەلى پارتيا ۇيىمدارىنىڭ دارەجە بويىنشا سارالاپ تاڭداۋىنان ءوتىپ سايلانىپ شىققان ۇزدىكتەر.
اۋەلگى ماقساتتى ۇمىتپاي، بورىشتى ەستە بەرىك ساقتاپ، كەلەلى تاپسىرمانىڭ ۇددەسىنەن شىعىپ، ۇزدىكسىز كۇرەس جۇرگىزدى.
2296 ۋاكىل 96 ميلليوننان استام پارتيا مۇشەسىنىڭ، 4 ميلليون 900 مىڭنان استام نەگىزگى ساتى پارتيا ۇيىمىنىڭ كەلەلى تاپسىرماسىن ۇستىلەرىنە الىپ، بۇكىل پارتيانىڭ ەركىن ۇيىستىرىپ، حالىقتىڭ تىلەگىن ارقالاپ، قاسيەتتى بورىشتارىن اتقارۋدا. قۇرىلتاي كەزىندە ۋاكىلدەر ورتالىق كوميتەتتىڭ بايانداماسىن تىڭدايدى جانە قاراپ تەكسەرەدى، ورتالىق ءتارتىپ تەكسەرۋ كوميتەتىنىڭ بايانداماسىن قاراپ تەكسەرەدى، قالىڭ پارتيا مۇشەلەرىنىڭ، بۇقارانىڭ پىكىرى مەن تالابىن اڭىس ەتەدى، پارتيانىڭ كەلەلى ماسەلەلەرىن تالقىلايدى جانە ۇيعارادى، جاڭا كەزەكتى ورتالىق كوميتەتتى جانە ورتالىق ءتارتىپ تەكسەرۋ كوميتەتىن سايلاپ شىعادى.
جالپى جاعدايعا ساياتىن كەلەلى ساياسي مىندەت −
باس شۋجي شي جينپيڭ مەن پارتيا ورتالىق كوميتەتى ۋاكىلدەردى سايلاۋ قىزمەتىنە وسكەلەڭ ءمان بەرىپ، جان - جاقتى ورنالاستىرۋ جاساپ، ايقىن تالاپتار قويىپ، ۋاكىلدەردى سايلاۋ قىزمەتىنىڭ تولىق تابىسپەن ورىندالۋىنا شىنايى كەپىلدىك ەتتى
2022 - جىلى 8 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىن 2022 - جىلى 10 - ايدىڭ 16 - كۇنى بەيجيڭدە اشۋدى ۇسىنىس ەتتى.ءداۋىردىڭ بەتالىسى مەن ورنى تاريحتىڭ كوورديناتىندا بەلگىلەندى.
الدا اشىلاتىن پارتيا 20 - قۇرىلتايى بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا قاراي شەرۋ تارتقان شەشۋشى ساتتە اشىلاتىن اسا ماڭىزدى قۇرىلتاي، بولاشاق 5 جىلداعى، ءتىپتى ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن عىلمي جوسپارلايدى، ول پارتيا مەن مەملەكەت ىستەرىندە الدىڭعىلاردىڭ ءىزىن باسىپ، بولاشاققا جول اشۋعا سايادى، جۇڭگوشا سوتسياليزمنىڭ بولاشاعى مەن تاعدىرىنا سايادى، جۇڭحۋا ۇلتىنىڭ ۇلى گۇلدەنۋىنە سايادى.
20 - قۇرىلتاي ۋاكىلدەرىن سايلاۋ قىزمەتىن مۇقيات ويداعىداي ىستەۋ 20 - قۇرىلتايدى جاقسى اشۋدىڭ ماڭىزدى نەگىزى. ۋاكىلدەردىڭ ساپاسىنىڭ، قابىلەتىنىڭ، ستيلىنىڭ قانداي بولۋى ءىس اقىلداسۋدىڭ، شەشىم جاساۋدىڭ ساپاسىنا تىكەلەي اسەر ەتەدى، قۇرىلتايدىڭ رايىنا اسەر ەتەدى. 20 - قۇرىلتاي ۋاكىلدەرىن ويداعىداي سايلاپ، قۇرىلتايدىڭ مىندەتتەرىن تولىق تابىسپەن ورىنداۋ پارتيانىڭ باسشىلىق ۇيتقىلىق رولىنىڭ تولىق ساۋلەلەنۋىمەن بايلانىسىپ جاتادى، پارتيا مەن مەملەكەت ىستەرىنىڭ گۇلدەنىپ - كوركەيۋىمەن، باياندى بولۋىمەن بايلانىسىپ جاتادى.
شي جينپيڭ جولداستى ۇيتقى ەتكەن پارتيا ورتالىق كوميتەتى 20 - قۇرىلتاي ۋاكىلدەرىن سايلاۋ قىزمەتىنە ايرىقشا ءمان بەرىپ، باس شۋجي شي جينپيڭ ءوزى جوسپارلاپ، ورنالاستىرىپ، ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن جانە ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، ارناۋلى اقىلداسىپ، 20 - قۇرىلتاي ۋاكىلدەرىن سايلاۋ قىزمەتىنىڭ جەتەكشى پرينسيبىن، جالپى تۇلعالىق تالابىن جانە نىسانا - مىندەتتەرىن تۇراقتاندىردى.
ۋاكىلدەردى سايلاۋ بارىسىندا، باس شۋجي شي جينپيڭ كوپ رەت مالىمەت تىڭداپ، ماڭىزدى نۇسقاۋ بەرىپ، پارتيانىڭ باسشىلىعىن كۇشەيتۋ، كانديدات تولىمدىلىق شارتىن قاتايتۋ، ساياسي وتكەل مەن پاكتىك وتكەلىن قاتاڭ يگەرۋ، ۋاكىلدەردىڭ قۇرىلىمىن ىشكەرىلەي جاقسارتۋ، سايلاۋ ءتارتىبىن قاتايتۋ سياقتىلار جونىندە ايقىن تالاپتاردى ورتاعا قويدى. باس شۋجي شي جينپيڭنىڭ ماڭىزدى نۇسقاۋى ۋاكىلدەردى سايلاۋ قىزمەتىن ويداعىداي ىستەۋگە ايقىن باعدار كورسەتىپ، ءتۇبىرلى بويسۇنۋ ولشەمىن ازىرلەدى.
2021 - جىلى 11 - ايدا، پارتيا ورتالىق كوميتەتى «جۇڭگو كوممۋنيستىك پارتياسى ورتالىق كوميتەتىنىڭ پارتيا 20 - قۇرىلتايىنىڭ ۋاكىلدەرىن سايلاۋ قىزمەتى جونىندەگى حابارلاندىرۋىن» باسىپ تاراتىپ، 20 - قۇرىلتاي ۋاكىلدەرىن سايلاۋ قىزمەتىنە جان - جاقتى ورنالاستىرۋ جاسادى −
پارتيا ورتالىق كوميتەتى مىنالاردى ايقىندادى: 20 - قۇرىلتاي ۋاكىلدەرىن سايلاۋ قىزمەتىن ويداعىداي ىستەۋدە، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ۋستاۆىن ءتۇبىرلى بويسۇنۋ ولشەمى ەتۋگە تاباندى بولىپ، پارتيانىڭ سيپاتىنا، باستى ماقساتىنا تاباندى بولىپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيا ىشىندەگى دەموكراتيانى تولىق ساۋلەلەندىرىپ، تولىمدىلىق شارتىن قاتايتىپ، سايلاپ شىعۋ ءتارتىبىن قاتاڭداستىرىپ، سايلاۋ ءتارتىبىن قاتايتىپ، سايلانىپ شىققان 20 - قۇرىلتاي ۋاكىلدەرىنىڭ ساپاسىنىڭ تاماشا، قۇرىلىمىنىڭ ۇيلەسىمدى، تارالۋىنىڭ كەڭ بولۋىنا، پارتيا مۇشەلەرى قولداۋىنا يە بولۋىنا شىنايى كەپىلدىك ەتۋ كەرەك.
پارتيا ورتالىق كوميتەتىنىڭ بەكىتۋىمەن ورتالىق كوميتەت ۇيىمداستىرۋ ءبولىمى ءماجىلىس اشىپ، پارتيا 20 - قۇرىلتايىنىڭ ۋاكىلدەرىن سايلاۋ قىزمەتىنە ناقتى ورنالاستىرۋ جاسادى ءارى سايلاۋ قىزمەتى جۇمىستارى كۋرسىن ۇيىمداستىرىپ ورىستەتىپ، «پارتيا 20 - قۇرىلتايى ۋاكىلدەرىن سايلاۋ قىزمەت ءتارتىبىن» قۇراستىرىپ باسىپ، ۋاكىلدەردى سايلاۋ قىزمەتىنىڭ تۇزىمدەنۋىنە، تارتىپتەنۋىنە، ولشەمدەنۋىنە شىنايى كەپىلدىك ەتتى؛ ۋاكىلدەردى سايلاۋ بارىسىندا ءارقايسى سايلاۋ ورىندارىمەن پىكىرلەسۋدى جانە بايلانىس جاساۋدى كۇشەيتىپ، قاتىستى ساياساتتىق ماسەلەلەرگە دەر كەزىندە اقىلداسىپ جاۋاپ بەرىپ، جاقسى تاجىريبەلەردى، جاقسى ءادىس - امالداردى قورىتىندىلاپ، جالپىلاستىرىپ، قىزمەت جەتەكشىلىگىن كۇشەيتتى. ورتالىق كوميتەت ۇگىت ءبولىمى، ورتالىق كوميتەت ۇيىمداستىرۋ ءبولىمى پارتيا ورتالىق كوميتەتى بەكىتكەن ۇگىت جوباسىنا ساي، مەديالاردى بەلسەندىلىكپەن ۇگىت جۇرگىزۋگە ۇيىمداستىرىپ، ۋاكىلدەردى سايلاۋ قىزمەتىنىڭ ءساتتى جۇرگىزىلۋىنە تاماشا قوعامدىق پىكىر رايىن قالىپتاستىردى.
پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ 20 - قۇرىلتاي ۋاكىلدەرىن سايلاۋ قىزمەتىن ويداعىداي ىستەۋدىڭ ءتۇبىرلى كەپىلى.
پارتيا ورتالىق كوميتەتى مىنالاردى تالاپ ەتتى: پارتيانىڭ باسشىلىعىن كۇشەيتۋدى ۋاكىلدەردى سايلاۋ قىزمەتىنىڭ تۇتاس بارىسىمەن ساباقتاستىرىپ، ۇسىنۋ، كورسەتۋ، ۇيىمدىق تەكسەرۋ، كانديداتتى تۇراقتاندىرۋ، ءماجىلىس اشىپ سايلاۋ سياقتى بۋىنداردا پارتيانىڭ ۇيىمدىق باسشىلىعى مەن وتكەلدى يگەرۋ رولىن شىن مانىندە ساۋلەلەندىرۋ كەرەك.
ءارقايسى سايلاۋ ورىندارىنداعى پارتيا ۇيىمدارى پارتيا ورتالىق كوميتەتىنىڭ تالابىن مۇقيات دايەكتىلەندىرىپ، تياناقتاندىرىپ، ساياسي دەڭگەيدى جوعارىلاتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن شىن مانىندە كۇشەيتىپ، پارتيا 20 - قۇرىلتايى ۋاكىلدەرىن سايلاۋ قىزمەتىن ماڭىزدى ورىنعا قويىپ، ۇيىمدىق باسشىلىقتى كۇشەيتىپ، ىجداعاتپەن ورنالاستىرىپ، ۋاكىلدەردى سايلاۋ قىزمەتىنىڭ تولىق تابىسپەن ورىندالۋىنا شىنايى كەپىلدىك ەتتى.
2022 - جىلى 7 - ايدا، جۇڭگو كوممۋنيستىك پارتياسى ورتالىق كوميتەتىنىڭ جانە مەملەكەت ورگاندارىنىڭ ۋاكىلدەر ءماجىلىسى بەيجيڭدە اشىلىپ، ورتالىق پەن مەملەكەت ورگاندارىنان پارتيانىڭ 20 - قۇرىلتايىنا قاتىناساتىن 293 ۋاكىلدى سايلاپ شىقتى.
پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ”ەڭ باستاپقى ءبىر كيلومەترى“ رەتىندە، ورتالىق پەن مەملەكەت ورگاندارى پارتيانىڭ باسشىلىعىن پارتيا 20 - قۇرىلتايى ۋاكىلدەرىن سايلاۋ قىزمەتىنىڭ ءار جاعىندا ايگىلەدى. ورتالىق پەن مەملەكەت ورگاندارى قىزمەتى كوميتەتىندەگى باسشى جولداستار ۋاكىلدەردى سايلاۋ قىزمەتىنە باسا ءمان بەرىپ، ايقىن تالاپتاردى ورتاعا قويدى؛ ورتالىق پەن مەملەكەت ورگاندارىنان پارتيا 20 - قۇرىلتايىنا قاتىناساتىن ۋاكىلدەردى سايلاۋ قىزمەتى كەڭسەسىن دەر كەزىندە قۇرىپ، قىزمەت كوميتەتى ءماجىلىسىنىڭ باسشىلىعىندا قىزمەت ورىستەتتى. تاراۋلاردىڭ پارتيا باسشىلىق گرۋپپالارى (پارتكوم) تۇلعالىق جاۋاپكەرشىلىكتەرىن مۇقيات اتقاردى، نەگىزگى جاۋاپتى جولداستار ءبىرىنشى جاۋاپتى ادامدىق قىزمەت جاۋاپكەرشىلىكتەرىن شىن مانىندە ارقالادى...
ورتالىق كاسىپورىن جۇيەسى (بەيجيڭدەگى) مەكەمە - ورىندارىنىڭ پارتيا ۇيىمدارى كەڭ كولەمدە ۇيىمداستىرۋ، جۇمىلدىرۋ جۇرگىزىپ، قالىڭ پارتيا مۇشەلەرىن پارتيا 20 - قۇرىلتايىنىڭ ۋاكىلدەرىن سايلاۋدىڭ كەلەلى ءمانىن جەتە تانۋعا، ۋاكىلدەردى سايلاۋ قىزمەتىنىڭ ساياسات - بەلگىلەمەلەرىن، ءتارتىپ - بۋىندارىن تۇسىنۋگە، يگەرۋگە تاربيەلەدى، جەتەكتەدى؛ ورتالىق فينانس جۇيەسى پارتيانىڭ ۇيىمدىق باسشىلىعى مەن وتكەلدى يگەرۋ رولىن ساۋلەلەندىرىپ، ۇيىمدىق تەكسەرۋدى قاتايتىپ، كانديداتتىڭ ساياسي وتكەلىن ويداعىداي يگەرۋدى كورنەكتىلەندىردى؛ ولكەلەر، رايوندار، قالالار ۇسىنىلاتىن كانديداتتاردى سارالاپ تاڭداپ جوعارىعا مالىمدەۋ، ۋاكىل كانديداتتارىنىڭ العاشقى كانديداتتارى مەن زاپاس كانديداتتارىن تۇراقتاندىرۋ سياقتىلاردا تۇگەلدەي پارتكوم تۇراقتى كوميتەتىنىڭ ءماجىلىسىن نەمەسە پارتكوم جالپى ءماجىلىسىن اشىپ توپتىق اقىلداستى. سايلاۋ ورىندارىنىڭ پارتيا ۇيىمدارى زەيىن قويا دايىندالىپ، پارتيا قۇرىلتايىن نەمەسە پارتيا ۋاكىلدەرى ءماجىلىسىن ويداعىداي اشىپ، عىلمي، ۇيلەسىمدى سايلاۋ ءادىسىن جاساپ، كانديداتتاردى تانىستىرۋ ءتاسىلىن كەمەلدەندىرىپ، ۋاكىلدەردى دەموكراتيالىق ۇقىقتارىن دۇرىس جۇرگىزۋگە جەتەكتەدى...
پارتيا 20 - قۇرىلتايىنىڭ ۋاكىلدەرىن سايلاۋ قىزمەتى 2021 - جىلى 11 - ايدا باستالىپ، بيىل 7 - ايدا تولىق اياقتادى.
20 - قۇرىلتاي ۋاكىلدەرىنىڭ سايلانىپ شىعۋى پارتيا 20 - قۇرىلتايىنىڭ جەڭىسپەن اشىلۋىنا كەڭ ورتاق تانىم ۇيىستىرىپ، بەرىك نەگىز قالاپ، وزىنە سەنۋدىڭ، ءوزىن الۋەتتەندىرۋدىڭ رۋح - جىگەرىن جوعارىلاتىپ، قايراتتانا تالپىنىپ، ەكپىندەي ىلگەرىلەۋدىڭ وڭ ەنەرگياسىن ۇستەدى.
ساياسي وتكەلدى، پاكتىك وتكەلىن قاتاڭ يگەرىپ، پارتيانىڭ باسشىلىعىن كۇشەيتۋ مەن دەموكراتيانى ساۋلەلەندىرۋدىڭ ورگانيكالى بىرلىگىنە تاباندى بولدى −
ۋاكىلدەردى سايلاۋ قىزمەتىندە ولشەمدى قاتايتىپ، بارىستى قاتاڭداستىرىپ، ءتارتىپتى قاتايتىپ، سايلانىپ شىققان ۋاكىلدەردىڭ پارتيا ورتالىق كوميتەتىنىڭ تالابىنا ۇيلەسۋىنە، پارتيا مۇشەلەرىنىڭ قولداۋىنا يە بولۋىنا شىنايى كەپىلدىك ەتتى
20 - قۇرىلتاي ۋاكىلدەرىن سايلاپ شىعۋ − قالىڭ پارتيا مۇشەلەرىنىڭ دەموكراتيالىق ورتالىقتاندىرۋ ءتۇزىمى پرينسيبى بويىنشا، دەموكراتيالىق ۇقىقتارىن دۇرىس جۇرگىزىپ، پارتيانىڭ ىشكى ساياسي تۇرمىسىنا قاتىناسۋىنىڭ ماڭىزدى جولى جانە فورماسى.
پارتيا ورتالىق كوميتەتى مىنالاردى تالاپ ەتتى: ۇيرەنۋ - ۇگىتتەۋ، ۇيىمداستىرۋ - جۇمىلدىرۋ، ۇسىنۋ - كورسەتۋ، ماجىلىستە سايلاۋ، ءتارتىپتى قاتايتۋ سياقتى قىزمەتتەردى ويداعىداي ىستەۋ ارقىلى ۋاكىل سايلاۋ بارىسىن شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ بارىسىنا، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋ، تياناقتاندىرۋ بارىسىنا، مۇرات - سەنىم تاربيەسىنىڭ جانە پارتيالىلىق، پارتيا ستيلى، پارتيا ءتارتىبى، پارتيا تاريحى تاربيەسىنىڭ بارىسىنا، پارتيانىڭ ىشكى ساياسي تۇرمىسىنىڭ جاندى امالياتى مەن دەموكراتيالىق ورتالىقتاندىرۋ ءتۇزىمى تاربيەسىنىڭ بارىسىنا اينالدىرۋ كەرەك.
− تولىمدىلىق شارتىن قاتايتىپ، ساياسي ولشەمدى كورنەكتىلەندىرىپ، كوممۋنيستىك پارتيا مۇشەلەرىنىڭ اراسىنداعى ۇزدىكتەردى سارالاپ تاڭداپ شىقتى.
پارتيا ورتالىق كوميتەتى مىنانى تالاپ ەتتى: پارتيا 20 - قۇرىلتايىنىڭ ۋاكىلى يدەيا، ساياسي، قابىلەت، ستيل، قىزمەت ناتيجەسى، مىندەت اتقارۋ سياقتى 6 جاقتاعى شارتتى ازىرلەپ، سەنىمى بەرىك، ساياسيدا ىسىلعان، ستيلى تاماشا، كىرشىكسىز، پاك ۋاكىلدى سايلاپ شىعۋعا شىنايى كەپىلدىك ەتۋ كەرەك.
سايلاۋ ورىندارى ساياسي ولشەمدى ماڭداي الدى ورىنعا قويۋعا تاباندى بولىپ، ساياسي ساپاسىن تەكسەرۋدى تەرەڭدەي، ناقتى ىستەپ، كانديداتتىڭ ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنۋ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ سياقتى جاقتارداعى بەينەسىنە، جاعدايىنا باسا ءمان بەرىپ ۇعىسىپ، كانديداتتىڭ ساياسي وتكەلىن قاتاڭ يگەردى.
قولىنا پارتيا 20 - قۇرىلتايى ۋاكىل كانديداتتىعىنا ۇسىنىلاتىن كانديداتتاردى باعالاۋ كەستەسىن ۇستاعان شيزاڭ شاننان قالاسى لۇڭزى اۋدانى يۇيماي اۋىلدىق پارتكومىنىڭ ورىنباسار شۋجيى، اۋىل باستىعى رىنچيڭ پيڭسو ونى مۇقيات وقىپ، ءوزىنىڭ پىكىرلەرىن ءبىر - بىرلەپ تولتىردى.
وسىنداي باعالاۋ كەستەسىنەن شيزاڭنىڭ ءار دارەجەلى ۇيىمداستىرۋ تاراۋلارى جيىنى 2000 نەشەسىن تاراتتى. وعان جەكەلەي سويلەسۋ، دەموكراتيالىق باعالاۋ ءماجىلىسىن اشۋ سياقتى تاسىلدەردى قوسىپ، جالپىلىق تۇجىرىم، تالداۋ جۇرگىزىپ، قاتاڭ ساراپتادى.
قاتاڭدىقتى ەڭ باستى ورىنعا قويىپ، كانديداتتاردىڭ ساپاسىنا كەپىلدىك ەتتى.
سايلاۋ ورىندارى ”ءتورت ءسوز جوق“ تەكسەرۋ تالابى مەن پاكتىك پىكىرىنە ”قوس قول قويۋ“ بەلگىلەمەسىن مۇقيات تياناقتاندىرىپ، ”ارحيۆ ماتەريالىن، ءسوز جوق، تەكسەرۋدى، جەكە ىستەر مالىمەتىن، ءسوز جوق، تەكسەرۋدى، ءتارتىپ تەكسەرۋ، باقىلاۋ - تەكسەرۋ ورگاندارىنىڭ پىكىرىن، ءسوز جوق، تىڭداۋدى، تارتىپكە، زاڭعا قايشى ماسەلەلەردىڭ ءىز - دەرەگىنىڭ ناقتىلىعىن، تەكسەرۋگە بولاتىندىعىن بىلدىرەتىن ارىز - ارمان مالىمدەۋلەردى، ءسوز جوق، تەكسەرۋدى“ باتىل ورىنداپ، كانديداتتاردىڭ پاكتىك تومەنگى شەگىن بەرىك يگەردى. باسشى كادرلاردىڭ جۇبايىنىڭ، بالالارىنىڭ، سونداي - اق ولاردىڭ جۇبايلارىنىڭ ساۋدا ىستەۋ، كاسىپورىن قۇرۋ ارەكەتتەرىن ارناعا ءتۇسىرۋ سياقتىلاردىڭ جەتىستىكتەرىنەن ويداعىداي پايدالانىپ، پارتيا ءتارتىبى، اكىمشىلىك ءتارتىپ جازاسى جاعدايى مەن دەموكراتيالىق تۇرمىس جيىنىندا، ۇيىمدىق تۇرمىس جيىنىندا ورتاعا قويعان پىكىرلەرىن سالالاپ، جالپىلىق تالداۋ جاساپ، قاتاڭ انىقتاپ تەكسەرىپ، كانديداتتارعا ”جالپى بەتتىك دەنساۋلىق تەكسەرۋ“ جۇرگىزدى.
ازاتتىق ارميا مەن قارۋلى ساقشى ءبولىمى ”ەكىنى تۇراقتاندىرۋدى“ باتىل قورعاعان، ”ءتورت تانىمدى“ سانالى تۇردە كۇشەيتكەن، ”ءتورت سەنىمدى“ بەكەمدەگەن، ”ەكىنى قورعاۋدى“ ورىنداعان، اسكەري ىستەر كوميتەتى ءتوراعاسى جاۋاپتى بولۋ ءتۇزىمىن دايەكتىلەندىرىپ، كۇش ۇيىستىرىپ سوعىسقا دايىندالىپ، شايقاس جۇرگىزۋدە، كەلەلى مىندەت اتقارۋدا ناتيجەسى كورنەكتى بولعان ۇزدىك پارتيا مۇشەلەرىن 20 - قۇرىلتاي ۋاكىلى ەتىپ سايلاۋدى تالاپ ەتتى؛ چيڭحاي، سانشي ساياسيدا تولىمسىزداردى باتىل تۇردە تويتارىپ تاستاپ، پاكتىك ماسەلەسىندە ”نولدىك توزىمدىلىكتى“ ايقىن ورتاعا قويدى؛ بەيجيڭ ۇسىنۋعا، كورسەتۋگە 2 رەت تەكسەرۋ جۇرگىزىپ، ”كىناراتى بارلاردى كورسەتۋدەن“ ساقتاندى؛ جىجياڭ كانديداتتاردىڭ ءار جاقتاعى بەينەسىن قاتاڭ تەكسەرىپ، تۇرمىس شەڭبەرى، قوعامدىق قارىم - قاتىناس شەڭبەرى ارقىلى ولاردىڭ وتباسى تاربيەسى، وتباسى سالتى جاعدايىن يەلەۋگە ءمان بەردى؛ جياڭسۋ، شاندۇڭ قاتارلى جەرلەر كانديداتتاردىڭ سالاۋاتىن قاتاڭ تۇراقتاندىرۋدان وتكىزىپ، سالاۋاتىنىڭ شىنايى بولماۋىنان، ناقتى بولماۋىنان ساقتانىپ، ”اتىن جامىلىپ“ ءوندىرىس پەن قىزمەتتىڭ ءبىرىنشى شەبىنىڭ ۋاكىل سانىن يەلەپ الۋىنىڭ الدىن الدى...
ورتالىق كوميتەت ۇيىمداستىرۋ ءبولىمى ەستەلىككە العان كادرلاردىڭ پارتيا ستيلى، پاكتىك قۇرىلىسى جاعدايى جونىندە ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ پىكىرىن الدى، سونداي - اق ورتالىق كوميتەت ۇيىمداستىرۋ ءبولىمى جەكە ىستەر مالىمەتىن تەكسەرىپ انىقتاپ، ۋاكىل كانديداتى بولۋعا ۇيلەسپەيتىندەرىنە دەر كەزىندە رەتتەۋ جۇرگىزدى.
− سايلاپ شىعۋ ءتارتىبىن قاتايتىپ، پارتيانىڭ باسشىلىعى مەن دەموكراتيانى ساۋلەلەندىرۋدىڭ بىرلىگىنە تاباندى بولدى.
پارتيانىڭ باسشىلىعى مەن دەموكراتيانى ساۋلەلەندىرۋدىڭ بىرلىگىنە تاباندى بولىپ، 20 - قۇرىلتاي ۋاكىلدەرىن قاتاڭ تۇردە بەلگىلەنگەن ءتارتىپ بويىنشا ويداعىداي سايلاۋ − ۋاكىلدەردىڭ العاباسارلىعى مەن كەڭ كولەمدى ۋاكىلدىك سيپاتىن كۇشەيتۋدىڭ ماڭىزدى كەپىلى.پارتيا ورتالىق كوميتەتى مىنالاردى ايقىندادى: 20 - قۇرىلتاي ۋاكىلدەرىن سايلاپ شىعۋدا تومەننەن جوعارىعا قاراي بولۋ، جوعارى مەن تومەن ۇشتاسۋ، قايتا - قايتا اقىلداسۋ، دارەجە سايىن ىلعاۋ سىندى ادىستەر قولدانىلىپ جۇرگىزىلەدى، ۋاكىلدەردى سايلاپ شىعۋ ءتارتىبى − ۇسىنۋ، كورسەتۋ، ۇيىمدىق تەكسەرۋ، ۋاكىل كانديداتتارىنىڭ العاشقى كانديداتتارىن تۇراقتاندىرۋ، ۋاكىل كانديداتتارىنىڭ زاپاس كانديداتتارىن تۇراقتاندىرۋ، ءماجىلىس اشىپ سايلاۋ سياقتى 5 نەگىزگى بۋىنعا بولىنەدى.
قىس كەزىندە شينجياڭدا مالشىلار مال فەرمالارىندا قوي، سيىرلارىن باعادى.
بيىل 1 - ايدىڭ 30 - كۇنى شينجياڭ بۋىرشىن اۋداندىق پارتكومىنىڭ جاۋاپتى جولداستارى قاقاعان ايازعا قاراماي، اۆتوكولىكپەن 100 كيلومەتردەن استام جول باسىپ ەگىز توبە اۋىلىنا بارىپ، مالشى پارتيا مۇشەسى جاقىپپەر قاليماعا 20 - قۇرىلتايدىڭ ۋاكىلدەرىن سايلاۋ ساياساتى مەن تالاپتارى جونىندە ۇگىت لەكسيا جاساپ، ۇسىنىلعان، كورسەتىلگەن كانديداتتار جونىندە ونىڭ پىكىرىن تىڭدادى.
پارتيا ورتالىق كوميتەتى 20 - قۇرىلتاي ۋاكىلدەرىن ۇسىنۋ، كورسەتۋدىڭ نەگىزگى ساتىدان باستالاتىندىعىن، بارلىق نەگىزگى ساتى پارتيا ۇيىمدارى مەن پارتيا مۇشەلەرىنىڭ قاتىناسۋ كەرەكتىگىن تالاپ ەتتى. ساناققا قاراعاندا، ءارقايسى سايلاۋ ورىندارىندا نەگىزگى ساتى پارتيا ۇيىمدارىنىڭ قاتىناسۋى جاپپاي قامتۋدى جۇزەگە اسىرىپ، پارتيا مۇشەلەرىنىڭ قاتىناسۋ مولشەرى ورتا ەسەپپەن ％5. 99كە جەتكەن.
حىنان يانليڭ اۋدانى جاڭچياۋ قالاشىعى پەيجۋاڭ قىستاعى پارتيا ياچەيكاسىنىڭ پارتيا 20 - قۇرىلتايىنىڭ ۋاكىل كانديداتىن كورسەتۋ ناق مايدانىندا، ياچەيكاداعى ءاربىر پارتيا مۇشەسىنىڭ بارلىعى 20 - قۇرىلتاي ۋاكىلدەرىن سايلاۋدىڭ ”7 بولىك، 25 باسقىشتى“ جۇمىس ءتارتىبىن الدى.
”بۇل جۇمىس ءتارتىبى ەرەكشە ايقىن، ءبىز نەگىزگى ساتى پارتيا مۇشەلەرى كورگەن زامان ءتۇسىنىپ، ۇيرەنگەن زامان بىلدىك“، - دەدى قىستاق پارتيا ياچەيكاسىنىڭ شۋجيى پەي دىگۇڭ.
حيلۇڭجياڭ شەكارانى شارلاپ كۇزەتۋشى پارتيا مۇشەلەرىن ۇيىمداستىردى، سىچۋان سياقتى جەرلەر سىرتقا شىعىپ جۇمىس ىستەگەن پارتيا مۇشەلەرىن ۇسىنۋ، كورسەتۋگە ات سالىسۋعا جۇمىلدىرۋ ىسىنە باسا ءمان بەردى؛ حىبەي ءبىر ءبولىم پارتيا مۇشەلەرىنىڭ جاڭا تيپتى ايدارشا ۆيرۋس وكپە قابىنۋ ىندەتى سەبەبىنەن قىسقى وليمپيادا سپورت جارىسىنىڭ چۇڭلي جارىس رايونىندا جابىق باسقارىلىپ، اسىلگى پارتيا ياچەيكاسىنا قايتىپ ۇسىنۋ، كورسەتۋگە قاتىناسا الماعان ءىس جۇزىندىك جاعدايىنا قاراتا، جارىس رايونى ىشىندە پارتيا مۇشەلەرىنىڭ جاعدايىن حابارلاندىرۋ، پىكىر الۋ سياقتى قىزمەتتەردى ويداعىداي ىستەدى؛ گانسۋ، گۋاڭدۇڭ، فۋجيان سياقتى جەرلەر كانديدات كورسەتۋ جاعدايىن كوپ ارنالى، كوپ ساتىلى، كوپ جاقتى ۇعىسىپ، پارتيالى بۇقارا مەن پارتيا قۇرىلتايى ۋاكىلدەرىنىڭ پىكىرىن، اسىرەسە، كانديداتتى باسقاراتىن تاراۋلار، بايلانىس ورناتىپ قىزمەت وتەيتىن وبيەكتىلەر، ماڭىنداعى ادامدار قاتارلى جاعدايدان حابارلى ادامداردىڭ پىكىرىن تولىق تىڭدادى؛ جياڭشي، حۋبەي سياقتى جەرلەر سۋرەتپەن ءتۇسىندىرۋ تاسىلىمەن سايلاۋ تارتىبىنە ەگجەي - تەگجەيلى نۇسقاۋشىلىق ەتىپ، پارتيا مۇشەلەرىنىڭ ساياسات - بەلگىلەمەلەردى، ءتارتىپ بۋىنداردى يگەرۋىنە كومەكتەستى...
ءارقايسى سايلاۋ ورىندارى پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيا ىشىندەگى دەموكراتيانى تولىق ساۋلەلەندىرىپ، دەموكراتيانىڭ ساپاسى مەن ناقتى ونىمدىلىگىن جوعارىلاتۋعا باسا ءمان بەرىپ، قىزمەتتەردى قاتاڭ بەلگىلەنگەن ءتارتىپ بويىنشا ورىستەتىپ، پارتيا ورتالىق كوميتەتىنىڭ تالابىنا ۇيلەسەتىن، قالىڭ پارتيا مۇشەلەرى قولداپ - قۋاتتايتىن 20 - قۇرىلتاي ۋاكىلدەرىن سايلاپ شىعۋعا شىنايى كەپىلدىك ەتتى.
− سايلاۋ ءتارتىبىن قاتايتىپ، باتىل پوزيتسيا، كەسكىن شارا ارقىلى ستيلدى دۇرىستاپ، ءتارتىپتى قاتايتتى.
ساياسي ءتارتىپتى، ۇيىمدىق ءتارتىپتى جانە سايلاۋ ءتارتىبىن قاتايتۋ − ۋاكىلدەردى سايلاۋدى ءساتتى جۇرگىزۋدىڭ ماڭىزدى قامتاماسىزدىعى.
”تومەندە، ءبىرىنشى كەڭەستىك ءتارتىپ باستالادى، كوپشىلىك كارتون ۇگىت فيلمىن كورىڭىزدەر“...
انحۇي حىفي قالاسى ليۋياڭ رايونى سانشياۋكوۋ ءمالىسى شيپيڭمىن الەۋمەتتىك اۋماعىندا، 36 پارتيا مۇشەسى قاتىناسقان پارتيا مۇشەلەرى جينالىسى الەۋمەتتىك اۋماقتىڭ ”اۋەلگى ماقسات ساباقحاناسىندا“ اشىلدى.
ساباقحانادا قويىلعان وسى ۇگىت فيلمى 2021 - جىلى انحۇي ولكەلىك پارتكوم ۇيىمداستىرۋ ءبولىمى جاساعان «كەزەك اۋىستىرۋ ءتارتىبىن قاتايتۋدا ”ونعا قاتاڭ تيىم سالۋ“» ۇگىت فيلمى ەدى. بۇل فيلم سۋرەت پەن ءسوزىن قاتار بەرىپ، جاندى دا شيراقى كارتون فورماسىمەن مىسال كەلتىرىپ، فاكتتى جايىپ سالىپ، ءجونىن ايتىپ، كەزەك اۋىستىرۋ ءتارتىبىن قاتايتۋدىڭ 10 ءتۇرلى ناقتى تالابىن ەگجەي - تەگجەيلى تۇسىندىرگەن.
چۇڭچيڭ سايلاۋ ءتارتىبىن قاتايتۋدى نەگىزگى ساتى پارتيا ۇيىمىنىڭ نەگىزگى تاقىرىپتىق پارتيا كۇنى قيمىلىنىڭ مازمۇنىنىڭ ءبىرى ەتىپ، تاربيەنى الدىڭعى ورىنعا قويۋدى، ساقتاندىرۋدى الدىڭعى ورىنعا قويۋدى، الدىن الۋدى الدىڭعى ورىنعا قويۋدى ورىندادى؛ لياۋنيڭ ءتارتىپ تەكسەرۋ، باقىلاۋ - تەكسەرۋ ورگاندارىنىڭ ”12388“ جانە ۇيىمداستىرۋ تاراۋلارىنىڭ ”12380“ تەلەفون، ارىز - ارمان، ينتەرنەت جانە كەلتە حات سىندى ”ءتورت ءبىر تۇلعالانعان“ جالپىلىق اشكەرەلەۋ تۇعىرىنىڭ رولىن ساۋلەلەندىرىپ، ارىز - ارمان اشكەرەلەۋىن دەر كەزىندە قابىلداپ، سالت جاعدايىن ناقتى ۋاقىتىندا قاداعالادى.
ۋاكىلدەر ۇيىرمەسى باستىعىنىڭ، بايلانىس جاساۋشىنىڭ تارتىپتىك باقىلاۋ جاۋاپكەرشىلىگى ءتىزىمىن ورناتىپ، ۋادەناماعا قول قويىپ، ۇيىرمەگە ىلەسىپ باقىلاۋ جانە ءماجىلىس سالتىن، ءماجىلىس ءتارتىبىن كۇندەلىكتى مالىمدەۋ ءتۇزىمىن اتقارۋدان قۋزاۋ - جەتەكشىلىك ەتۋ گرۋپپاسىن قۇرىپ، ارالاپ ءجۇرىپ قۋزاۋ - تەكسەرۋ، ايىرىم سۇحباتتاسۋ، اشىق ءارى جاسىرىن تەكسەرۋ سياقتى فورمالار ارقىلى ۋاكىل سايلاۋدىڭ جالپى بارىسىن باقىلاۋدى كۇشەيتۋگە دەيىن، ءارقايسى سايلاۋ ورىندارى ۇسىنۋ، كورسەتۋ، ۇيىمدىق تەكسەرۋ، ءماجىلىس اشىپ سايلاۋ سياقتى ءاربىر بۋىنداردا ءتارتىپتى قاتايتۋدى قايتا - قايتا باسا دارىپتەپ، ساتىلار سايىن قىسىم جەتكىزدى.
پارتيا ورتالىق كوميتەتىنىڭ تالابى بويىنشا، ءارقايسى سايلاۋ ورىندارى حۋنان حىڭياڭ، سىچۋان نانچۇڭ، لياۋنيڭ سياقتى جەرلەردىڭ داۋىس جيناۋ، پارامەن سايلانۋ، سايلاۋدى ءبۇلدىرۋ تيپتىك دەلولارىنان تولىق پايدالانىپ ساقتاندىرۋ تاربيەسىن ورىستەتىپ، باقىلاۋ، تەكسەرۋ تەبىنىن ارتتىرىپ، 20 - قۇرىلتاي ۋاكىلدەرىن سايلاۋدىڭ ستيلى پاك، سالتى دۇرىس بولۋىنا شىنايى كەپىلدىك ەتتى.
ۇلى تاريحي بورىشتى ارقالاپ، جاڭا جورىقتا ەكپىندەي ىلگەرىلەۋدىڭ اۆانگارد ونەگەسى بولدى −
سايلانعان ۋاكىلدەردىڭ ساپاسى تاماشا، قۇرىلىمى ۇيلەسىمدى، تارالىمى كەڭ بولىپ، جاڭا داۋىردەگى جۇڭگو كوممۋنيستەرىنىڭ تاماشا رۋحاني كەلبەتىن تولىق ايگىلەدى
ورتالىق كوميتەت ۇيىمداستىرۋ بولىمىندەگى قاتىستى جاۋاپتىنىڭ تانىستىرۋىنشا، سايلانعان ۋاكىلدەر پارتيا ورتالىق كوميتەتى بەلگىلەگەن شارتقا جالپى جاقتان ۇيلەسكەن، ءبىرشاما جوعارى يدەيالىق - ساياسي ساپاعا، تاماشا ستيلگە، مىنەز - قۇلىققا جانە ىستەردى كەڭەسۋدە ءبىرشاما قابىلەتكە يە بولىپ، ءوز قىزمەت ورىندارىندا كورنەكتى ناتيجەگە قول جەتكىزگەن كوممۋنيستىك پارتيا مۇشەلەرى اراسىنداعى ۇزدىكتەر ەكەن؛ ۋاكىلدەردىڭ قۇرىلىمى مەن تارالىمى ءبىرشاما ۇيلەسىمدى بولىپ، قۇرالۋ سالىستىرماسى پارتيا ورتالىق كوميتەتىنىڭ تالابىنا تۇگەل ۇيلەسىپ، كەڭ كولەمدى ۋاكىلدىك سيپاتقا يە بولعان.
”20 - قۇرىلتاي ۋاكىلى بولىپ سايلانعاندىعىمدى وتە ماقتانىش سانايمىن. مەن ادالدىقپەن مىندەت وتەپ، جاۋاپكەرشىلىگىمدى ادا ەتىپ، جاڭا كاسىپ كۇيىندەگى، تىڭنان جۇمىستانعان قاۋىمنىڭ پارتيا مۇشەلەرى ءۇشىن ءۇن قاتىپ، ەكونوميكالىق، قوعامدىق دامۋعا كەڭەس بەرەمىن“، - دەدى يۋانتۇڭ جەدەل جەتكىزۋ حۋنان نەگىزگى ساتى تور ءتۇيىنى اينالىمعا سالۋ ءبولىمىنىڭ جاۋاپتىسى ما شىگۋاڭ.
جەدەل جەتكىزۋ كاسىبىمەن اينالىسقانىنا 20 جىلعا تاياعان، جەتكىزگەن جولدامالارى ميلليون دانادان اسقان ما شىگۋاڭ ىلگەرى ”حۋنان ولكەسىنىڭ تەحنيكا شەبەرى“ بولعان، ”حۋنان ولكەسىنىڭ 1 - مامىر ەڭبەك مەدالىن“ ەنشىلەگەن، 2019 - جىلى داڭقپەن جۇڭگو كوممۋنيستىك پارتياسىنا مۇشە بولعان. تاياۋ جىلداردان بەرى ول تاعى ۇجىمدى باستاپ اۋىل - قىستاقتى گۇلدەندىرۋگە، الەۋمەتتىك اۋماقتى ىندەتتەن ساقتاۋعا قىزمەت وتەپ، بۇقارانىڭ جاقسى باعاسىنا يە بولدى.
ما شىگۋاڭ سياقتى ءوندىرىس پەن قىزمەتتىڭ ءبىرىنشى شەبىنەن كەلگەن تاڭداۋلى پارتيا مۇشەلەرى 20 - قۇرىلتاي ۋاكىلدەرى اراسىندا تولىپ جاتىر. سايلانعان 20 - قۇرىلتاي ۋاكىلدەرى اراسىندا ءوندىرىس پەن قىزمەتتىڭ ءبىرىنشى شەبىندەگى پارتيا مۇشەلەرى 771 بولىپ، ％33.6 تى يەلەدى.
سايلانعان 20 - قۇرىلتاي ۋاكىلدەرى ەكونوميكا، عىلىم - تەحنيكا، مەملەكەت قورعانىسى، ساياسي - زاڭ، وقۋ - اعارتۋ، ۇگىت، مادەنيەت، دەنساۋلىق ساقتاۋ، دەنە تاربيە جانە قوعامدىق باسقارۋ سياقتى ءار سالاعا، ولكە، قالا، اۋدان، اۋىل - قالاشىق (ءمالى)، قىستاق (الەۋمەتتىك اۋماق) سياقتى ءار ساتىعا، ورگان، كاسىپورىن، ءىسورىن، حالىقتىق ۇيىم سياقتى ءار جاققا تارالعان، ءار سالا، ءار كاسىپتەگى، ءار جاقتاعى پارتيا مۇشەلەرىنىڭ تىلەگىنە تولىق ۋاكىلدىك ەتەدى جانە ونى بەينەلەيدى.
حاينان سياقتى جەرلەر پارتيالى باسشى كادر، ءوندىرىس پەن قىزمەتتىڭ ءبىرىنشى شەبىندەگى پارتيا مۇشەلەرى قاتارلى ۋاكىل كانديداتتاردىڭ سانىن تۇرگە ايىرىپ العا قويىپ، دالمە - ءدال ەسەپتەپ، تىڭعىلىقتى مەڭگەردى؛ گۋاڭشي، يۇننان سياقتى جەرلەر جان سانى ءبىرشاما كوپ از ۇلت پەن ەجەلدەن قونىستانىپ كەلە جاتقان از ۇلت كانديداتتارىن ءبىر تۇتاس جوسپارلاپ ويلاستىردى؛ شاڭحاي ايەل پارتيا مۇشەلەرىنىڭ سالىستىرماسى ءبىرشاما جوعارى بولۋداي ءىس جۇزىندىككە مەڭزەس، دالمە - ءدال شارا اتقارىپ، ايەل پارتيا مۇشەلەرى ۋاكىلدەرىنىڭ سالىستىرما تالابىن كۇش سالا جۇزەگە اسىردى...
سايلانعان 20 - قۇرىلتاي ۋاكىلدەرى اراسىندا ايەل پارتيا مۇشەسى 619؛ از ۇلت پارتيا مۇشەسى 264، 40 از ۇلت قامتىلعان؛ ۋاكىلدەردىڭ جاس قۇرىلىمى ۇيلەسىمدى، ورتاشا جاسى 52.2 جاس؛ ۋاكىلدەردىڭ مادەنيەت دەڭگەيى ءبىرشاما جوعارى، جوعارى تەحنيكۋمنان جوعارعى ماعلۇماتتاعىلار 2191 بولىپ، ％95.4تى ۇستايدى؛ ءار مەزگىلدە پارتياعا مۇشە بولعانداردىڭ بارلىعىنىڭ ۋاكىلى بار، رەفورما جاساۋ، ەسىك اشۋدان كەيىن پارتياعا مۇشە بولعاندار ۋاكىلدەردىڭ نەگىزگى تۇلعاسىنا اينالدى.
بۇل پارتيامىزدىڭ بەرىك تاپتىق نەگىز بەن كەڭ بۇقارالىق نەگىزگە يە، ۇرپاقتان - ۇرپاققا جالعاساتىن، ماڭگى سونبەيتىن قاۋلاعان تىرشىلىك تىنىسىنا جانە تاسقىنداعان ومىرشەڭدىك كۇشكە يە ەكەندىگىن تولىق اڭعارتتى.
ءارى كەڭ كولەمدى ۋاكىلدىك سيپاتتى بەينەلەدى، ءارى پارتيا مۇشەلەرىنىڭ العاباسارلىعىن ايگىلەدى.
سايلانعان 20 - قۇرىلتاي ۋاكىلدەرى اراسىندا مەملەكەتتىڭ كەلەلى دامۋ ستراتەگياسىن اتقارۋ، ءۇش ۇلكەن قامال الۋ شايقاسىن ويداعىداي جۇرگىزۋ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ، اپاتتان ساقتانۋ، اپاتتان قۇتقارۋ سياقتى شۇعىل، قيىن، قاتەرلى، اۋىر مىندەتتەر مەن جاپالى ورتادا بەينەسى كورنەكتى بولعان تاڭداۋلى كوممۋنيستىك پارتيا مۇشەلەرى بار ءارى ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى، پارتيا تاريحىن ۇيرەنۋ تاربيەسى بارىسىندا جارىققا شىققان ءوندىرىس پەن قىزمەتتىڭ ءبىرىنشى شەبىندەگى وزات تيپتەر دە بار، سونداي - اق جاڭا جۇڭگو قۇرىلعاندىعىنىڭ 70 جىلدىعىن، پارتيا قۇرىلعاندىعىنىڭ 100 جىلدىعىن قۇتتىقتاۋ سياقتى ماداقتاۋ - سيلاۋ قيمىلدارىندا ماداقتالىپ - سيلانعان نەمەسە داڭق اتاعى بەرىلگەن وزات ۇلگىلەر دە بار.
ساناققا قاراعاندا، ءوندىرىس پەن قىزمەتتىڭ ءبىرىنشى شەبىندەگى پارتيا مۇشەلەرى ۋاكىلدەرى اراسىندا 710 ادام ولكە - جۇن دارەجەلىدەن جوعارى داڭق اتاعىنا يە بولىپ، ％92.1تى ۇستاعان.
ىندەتكە قارسى اتتانۋ اۆانگاردى جۇڭ نانشان، قاھارمان تۋانجاڭ چي فاباۋ، ”ساۋلە شاشقان مەكتەپ باستىعى“ جاڭ گۇيمەي، ”عارىشتا ساباق وتكەن ايەل وقىتۋشى“ ۋاڭ ياپيڭ... 2296 ۋاكىل بەينە 2296 تۋ ىسپەتتى بارلىق پارتيا مۇشەلەرىن ءبىر نيەتپەن ىنتىماقتاسىپ، قايراتتانا العا ىلگەرىلەۋگە ىنتالاندىردى.
اۋەلگى ماقساتتى ۇمىتپادى، ولار حالىق ءۇشىن قىزمەت ىستەۋدىڭ ءبىرىنشى شەبىنە تامىر تارتتى −
تاڭ اتىسىمەن بالالار اۋرۋلارى ءبولىمىنىڭ شيپاگەرى لۋ شىڭمەي شانشي جياشيان اۋداندىق حالىق شيپاحاناسىنىڭ ەمدەۋ بولمەسىندە قاربالاستىققا ءتۇستى. جاسى 80گە تاياعان بولسا دا، ءار اپتادا 3 كۇندىك تەگىن ەمدەۋدى دەرلىكتەي اقساتىپ كورمەدى.
”مەن پارتيا مەن حالىقتىڭ ماعان سەنىم سيلاعاندىعىن، ماعان كۇش - قۋات بەرگەندىگىن ماڭگى ۇمىتپايمىن. مەن ۋاكىل بولىپ سايلانعاندىعىمدى ءبىر رەتكى جىگەرلەندىرۋ، ءبىر جاڭا باستاما دەپ ءبىلىپ، ناۋقاستارعا اناعۇرلىم جاقسى قىزمەت وتەپ، قوعامنىڭ ءۇمىتىن اقتايمىن، قۇپتاۋعا يە بولعاندىعىمنىڭ قارىمجىسىن وتەيمىن“، - دەدى لۋ شىڭمەي.
20 - قۇرىلتاي ۋاكىلى بولىپ سايلانعاننان كەيىن، گۇيجوۋ پانجوۋ قالاسى يۇيني اۋىلى يانبوليان قىستاعى پارتكومىنىڭ شۋجيى يۇي ليۋفىن بويىنداعى جۇگىنىڭ اناعۇرلىم اۋىرلاعاندىعىن سەزىندى. تاياۋ جىلداردان بەرى قىستاق تاماشا ەكولوگيالىق ورتانى تياناق ەتىپ، قىستاق تۇرعىندارى جارنا قوسۋ سياقتى تاسىلدەر ارقىلى 10 ميلليون يۋاننان استام قارجى قوسىپ، تاۋلى جەردى كەزۋ، تۇزدە تۇنەۋ سياقتى اۋىل - قىستاق ساياحات نىسانىن دامىتىپ، قىستاق تۇرعىندارىنىڭ تۇرمىسىن بارعان سايىن جاقسارتتى.
”مەن كۇش ۇستىنە كۇش قوسىپ، بۇكىل قىستاق تۇرعىندارىن باستاپ اۋىل - قىستاقتى گۇلدەندىرۋدى بىرگە ىلگەرىلەتىپ، كوپشىلىكتىڭ ’قالتاسىن‘ قامپايتىپ، شىنايى باقىت سەزىمىنە، تابىس سەزىمىنە كەنەلۋىنە مۇمكىندىك جاسايمىن“، - دەدى يۇي ليۋفىن.
جارقىن جۇزدەر، قاربالاس بەينەلەر، ۋاكىلدەر نەگىزگى ساتىعا تامىر تارتىپ، قاجىرلىلىقپەن ىستەپ، تىڭعىلىقتى ىستەپ، حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋ جولىندا قاجىماي - تالماي قۇلشىنىس جاسادى.
بورىشتى ەستە بەرىك ساقتادى، ولار قامال الىپ، قيىندىقتى جەڭۋدىڭ ەڭ الدىڭعى شەبىندە جان قيارلىقپەن شايقاستى −
”ۋاكىل بولىپ سايلانۋ داڭق، ونان دا ماڭىزدىسى، جاۋاپكەرشىلىك“، - دەدى مەملەكەتتىك اسقىن ەسەپتەۋ تيانجين ورتالىعى تيانحى قولدانىلمالى زەرتتەۋ - اشۋىنىڭ باس عالىمى مىڭ شياڭفي.
”تيانحىعا“ بار زەيىنىن سالعان وسى عىلمي زەرتتەۋ قىزمەتكەرى ەلىمىزدىڭ اسقىن ەسەپتەۋىنىڭ تابىسقا جەتۋىنىڭ، زورايۋىنىڭ، وزىپ شىعۋىنىڭ جالپى بارىسىن باستان وتكىزدى ءارى ونى ىلگەرىلەتتى. الدا ول ۇجىمىن باستاپ تاعى جاڭا بورىش ارقالاپ، اينىماس ەرىك - جىگەرمەن، شىڭدارعا باتىلدىقپەن تالپىناتىن كۇرەسكەرلىك جىگەرمەن ”القىمداعان“ قيىن ماسەلەلەردەن ۇزدىكسىز قامال الىپ، ”جۇڭگو جاسامپازدىعىنىڭ“ دۇنيە ءجۇزى جىلدامدىعىنىڭ شوقىسىنان ويىپ ورىن الۋىنا قۇلشىنا بەرمەك.
وسى مەزگىلدەردە قىسقا ارالىققا تەز سىرعاناۋ وليمپيادا سپورت جارىسىنىڭ اعا جۇلدەگەرى ۋ داجيڭ ساۋىعۋ جاتتىعۋىن جاساپ، كەلەسى قىسقى وليمپيادا سپورت جارىسى اينالىمىنا دايىندالۋدا.
”جان دۇنيەمىز جانە ەرىك - جىگەرىمىز قۇدىرەتتى بولعاندا عانا، مىزعىماس نىسانامىز بولعاندا عانا، تاماشا ناتيجەلەرگە قول جەتكىزە الامىز“. ۋ داجيڭ مىنانى ءبىلدىردى: ۋاكىل رەتىندە، وزىمە ءتىپتى دە قاتاڭ تالاپ قويىپ، حاۋىپ - قاتەر، كەدەرگىلەردەن تايسالماي، ەل ءۇمىتىن اقتاپ، اناعۇرلىم كوپ پارتيا مۇشەلەرىن ەلىمىزدىڭ دەنە تاربيە ىستەرىنىڭ دامۋىنا ءتىپتى دە زور ۇلەس قوسۋعا باستايمىن.
ايبىندى ۋادە، ەكپىندى سەرت جاڭا داۋىردەگى كوممۋنيستىك پارتيا مۇشەلەرىنىڭ اسقاق ارمانىن بەينەلەدى.
ماڭگى كۇرەس جۇرگىزدى، ولار ۇلى قايتا گۇلدەنۋدىڭ جاڭا جورىعىنا ات سالىستى −
9 - اي نيڭشيانىڭ ۇلتتار ىنتىماعى ايى، ۋجۇڭ قالاسى ليتۇڭ رايونى جينحۋايۋان الەۋمەتتىك اۋماعىنداعى پارتيا مۇشەسى ۋاڭ لانحۋا الەۋمەتتىك اۋماقتىڭ كورشىلەر مەرەكەسىنە دايىندالۋدا.
20 - قۇرىلتايدىڭ ۋاكىلى بولىپ سايلانعاننان كەيىنگى قىزمەتتەرىنە ايالداعاندا، ۋاڭ لانحۋا بىلاي دەدى: ”جاپپاي سوتسياليستىك وسىزاماندانعان مەملەكەت قۇرۋدا بىردە - ءبىر ۇلتتىڭ قاعىس قالۋىنا بولمايدى. ءبىز ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن ىلگەرىلەتۋشى بولۋعا قۇلشىنۋىمىز كەرەك“.
سيفرمەن مەڭگەرىلەتىن جونۋ ستانوگىنىڭ جانىندا جۇڭگو قارۋ - جاراق ىشكى موڭعۇل 1 - ماشينا توبى شەكتى سەرىكتەستىگى 4 - بولىمشە سەرىكتەستىگىنىڭ سيفرمەن مەڭگەرىلەتىن جونۋ ستانوك جۇمىسشىسى جاۋ جيڭ ءبىر قولىمەن شويىن بولاتتى ۇستاپ تۇرىپ، پراكتيكانتتارعا ۇساق بولشەكتەردى مايدالاعانداعى ستانوك دوعاسى، بەنت ويىعى، كونۋستىلىك سياقتى تەحنيكالاردى ءتۇسىندىرىپ جاتتى. مەملەكەتتىك تەحنيكا شەبەرى بولعان وسى ”80 - جىلداردىڭ تۇلەگى“ داڭقپەن 20 - قۇرىلتايدىڭ ۋاكىلى بولىپ سايلاندى.
”جاساۋ كاسىبىنەن شىققان نەگىزگى ساتى ۋاكىلى رەتىندە، مەن، ءسوز جوق، ۇستا رۋحىن ۇزدىكسىز امالياتتا ايگىلەپ، ۇقىپتىلىقپەن ىستەپ، قىزمەت ورنىمدى ءسۇيىپ، ۇلەس قوسىپ، جاڭا داۋىردەگى جاڭا جورىقتا ۇزدىكسىز جوعارى ساپالى دامىعان ءىرى ەلدىڭ ’جاساۋىنا‘ ءوز كۇش - قۋاتىمدى ارناپ، پارتيا مەن حالىقتىڭ سەنىمىن اقتايمىن“، - دەدى جاۋ جيڭ.
جۇرەكتەردى توعىستىرىپ، كۇش - قۋات ۇيىستىرىپ ۇلى كاسىپ جاراتىپ، جۇدىرىقتاي جۇمىلىپ بولاشاقتى بەتكە الدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا 20 - قۇرىلتايىنىڭ 2296 ۋاكىلى تاسقىنداعان قايراتپەن، زور سەنىممەن، استە بوساڭسىمايتىن رۋحاني كۇيمەن جانە العان بەتىنەن قايتپايتىن كۇرەسكەرلىك بەينەمەن پارتيا 20 - قۇرىلتايىنىڭ جەڭىسپەن اشىلۋىن قارسى الۋدا.
جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 20 - قۇرىلتايىنىڭ ۋاكىلدەرى قاسيەتتى مىندەت بورىشتارىن ادالدىقپەن ورىنداپ، ورتاق تانىم جانە كۇش - قۋات ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن ىنتىماقتاسا كۇرەس جۇرگىزەدى.
(تىلشىلەر جاڭ شياۋسۇڭ، ديڭ شياۋشي، سۇن شاۋلۇڭ، فان سىشياڭ، جاڭ يان)
(شينحۋا اگەنتتىگىنىڭ 9 - ايدىڭ 28 - كۇنى بەيجيڭنەن بەرگەن حابارى)