汉文 ىلە اقپارات تورابىنا حوش كەلدىڭىزدەر!
نىسانادان جازباي، بۇلجىتپاي مىقتى يگەردى
2022-10-12 12:05:54     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

− پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتىڭ 8 ءتۇرلى بەلگىلەمەسىن دايەكتى اتقارعاندىعى، ستيل قۇرىلىسىن ىلگەرىلەتكەندىگى جونىندە جالپى شولۋ

شينحۋا اگەنتتىگىنىڭ 10 - ايدىڭ 8 - كۇنى بەيجيڭنەن بەرگەن حابارى. شينحۋا اگەنتتىگى 10 - ايدىڭ 8 - كۇنى «نىسانادان جازباي، بۇلجىتپاي مىقتى يگەردى − پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتىڭ 8 ءتۇرلى بەلگىلەمەسىن دايەكتى اتقارعاندىعى، ستيل قۇرىلىسىن ىلگەرىلەتكەندىگى جونىندە جالپى شولۋ» اتتى كولەمدى جالپى شولۋ جاريالادى.

ماقالادا بىلاي دەلىندى: 8 ءتۇرلى بەلگىلەمە جۇڭگوعا تەرەڭ وزگەرىس اكەلدى.

2022 - جىلى 9 - ايدىڭ 9 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى. ءماجىلىستىڭ ماڭىزدى ءبىر كەڭەستىك ءتارتىبى «19 - كەزەكتى ورتالىق كوميتەتى ساياسي بيۋروسىنىڭ ورتالىقتىڭ 8 ءتۇرلى بەلگىلەمەسىن دايەكتى اتقارۋ جاعدايى جونىندەگى باياندامانى» قاراۋ بولدى.

ماقالادا مىنالار اتاپ كورسەتىلدى: پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى تاباندىلىقپەن ستيلدى دۇرىستاپ، ءتارتىپتى قاتايتۋ جونىندە جاڭا ورنالاستىرۋلار جاساپ، جاڭا تالاپتار قويىپ، ورتالىقتىڭ 8 ءتۇرلى بەلگىلەمەسىن اتقارۋدىڭ ەگجەي - تەگجەيلى ەرەجەسىنە وزگەرىس ەنگىزىپ، كەمەلدەندىرىپ، بۇكىل پارتيانىڭ ستيل قۇرىلىسىندا بوساڭسىماۋدى، توقىراماۋدى، قايتا اتتانۋدى ىلگەرىلەتتى. قاجىماي - تالماي قۇلشىنۋ ارقىلى ۇزاق ۋاقىت تەجەلمەگەن ءىشىنارا بۇرىس ستيلدەر مەن تەرىس پيعىلداردى تەجەپ، ۇزاق ۋاقىت شەشە الماعان ءسىڭىستى كىناراتتار مەن قاساڭ دەرتتەردى شەشتى، پارتيا ستيلى، ۇكىمەت ستيلى مۇلدە جاڭارىپ، قوعامدىق سالت، حالىقتىق سالت ۇزدىكسىز جاقساردى.

8 ءتۇرلى بەلگىلەمە ستيل قۇرىلىسىنىڭ بالاما اتىنا، جاڭا داۋىردەگى كوممۋنيستىك پارتيا مۇشەلەرىنىڭ ”التىن تانىسقىسىنا“ اينالدى.

ماقالا 3 بولىككە ءبولىندى: ەشقاشان بوساڭسىماي، ستيل قۇرىلىسىن تەرەڭدەتۋدى، ناقتىلاندىرۋدى ىلگەرىلەتتى؛ ءوزى ۇلگى بولىپ، تۇتاس پارتيادا ونەگە تىكتەپ، ۇلگى كورسەتتى؛ ەلەۋلى ناتيجەگە قول جەتكىزىپ، جاڭا جورىققا پارمەندى كەپىلدىك ازىرلەدى.

ماقالادا مىنالار اتاپ كورسەتىلدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، تۇتاس پارتيادا جوعارىدان تومەنگە دەيىن تەمىرگە ءىز، تاسقا تاڭبا قالدىرىپ، ستيل قۇرىلىسىن توقتاۋسىز ىشكەرىلەي ىلگەرىلەتسە، ءسوز جوق، تاماشا ستيلمەن ىنتىماقتاسا ەكپىندەي ىلگەرىلەۋدىڭ تەلەگەي كۇشىن ۇيىستىرىپ، ەكىنشى 100 جىلدىق كۇرەس نىساناسىن جۇزەگە اسىرۋعا قاراي ارشىندى قاداممەن ۇزدىكسىز العا تارتا الادى.