ياڭ شياۋدۋ، ەركىن يمىرباقى ماجىلىسكە قاتىناستى

ءماجىلىس ما شيڭرۇيدى ۋاكىلدەر ۇيىرمەسىنىڭ باستىقتىعىنا، لي يفيدى ورىنباسار باستىقتىعىنا، حى جۇڭيوۋدى باس حاتشىلىعىنا سايلادى

　　10 - ايدىڭ 15 - كۇنى، جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن شينجياڭ ۇيعۇر اۆتونوميالى رايونىنىڭ ۋاكىلدەر ۇيىرمەسى جالپى ءماجىلىس وتكىزدى.

　　 سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ تىلشىلەرى ياۋ تۇڭ، ليۋ شياڭ 10 - ايدىڭ 15 - كۇنى بەيجيڭنەن حابارلايدى. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن شينجياڭ ۇيعۇر اۆتونوميالى رايونىنىڭ ۋاكىلدەر ۇيىرمەسى 10 - ايدىڭ 15 - كۇنى تۇستەن بۇرىن جالپى ءماجىلىس وتكىزىپ، پارتيا 19 - كەزەكتى ورتالىق كوميتەتى جەتىنشى جالپى ءماجىلىسىنىڭ رۋحىن جەتكىزدى، ۇيرەندى، دايەكتىلەندىردى، ۋاكىلدەر ۇيىرمەسىنىڭ باستىعىن، ورىنباسار باستىعىن، باس حاتشىسىن سايلادى.

پارتيا 20 - قۇرىلتايىنىڭ ۋاكىلدەرى ياڭ شياۋدۋ، ەركىن يمىرباقى ماجىلىسكە قاتىناستى.

ءماجىلىس ما شيڭرۇيدى ۋاكىلدەر ۇيىرمەسىنىڭ باستىقتىعىنا، لي يفيدى ۋاكىلدەر ۇيىرمەسىنىڭ ورىنباسار باستىقتىعىنا، حى جۇڭيوۋدى ۋاكىلدەر ۇيىرمەسىنىڭ باس حاتشىلىعىنا سايلادى.

ما شيڭرۇي ءماجىلىستى باسقارعاندا بىلاي دەپ اتاپ كورسەتتى: پارتيانىڭ 20 - قۇرىلتايى − جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان شەشۋشى مەزگىلدە اشىلعان ءبىر رەتكى اسا ماڭىزدى قۇرىلتاي، پارتيا مەن مەملەكەت ىستەرىندە الدىڭعىلاردىڭ ءىزىن باسىپ، بولاشاققا جول اشۋعا سايادى، جۇڭگوشا سوتسياليزمنىڭ بولاشاعى مەن تاعدىرىنا سايادى، جۇڭحۋا ۇلتىنىڭ ۇلى گۇلدەنۋىنە سايادى. ءارقايسى ۋاكىل بۇكىل رايونىمىزداعى بارلىق پارتيا مۇشەلەرىنىڭ ءۇمىتى مەن ماڭىزدى تاپسىرماسىن ارقالاعان، ماڭىزدى ساياسي بورىش پەن ساياسي جاۋاپكەرشىلىك ارقالاعان، ءسوز جوق، ”ەكىنى تۇراقتاندىرۋدىڭ“ شەشۋشى ءمانىن جەتە تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورنالاستىرۋلارىمەن، تالاپتارىمەن باتىل بىرلىككە كەلتىرىپ، تاسقىنداعان ساياسي ىنتامەن، كوتەرىڭكى رۋحاني كۇيمەن، كۇشتى جاۋاپكەرشىلىك تانىممەن، قاتاڭ مىندەت اتقارۋ رۋحىمەن زەيىن - زەردەنى شوعىرلاندىرا وتىرىپ قۇرىلتايدى ويداعىداي اشۋ كەرەك. قۇرىلتايدىڭ حۇجاتتارىن دەن قويا ۇيرەنىپ، نازاردى قۇرىلتايدىڭ نەگىزگى تاقىرىبىنا شوعىرلاندىرىپ، شينجياڭنىڭ ءىس جۇزىندىك جاعدايىنا ۇشتاستىرا، كەمەلدى تالقى ورىستەتىپ، كوپتەپ پاراساتتى، سىندارلى، ءىستى كوزدەيتىن كەڭەس بەرىپ، كوپتەپ ناقتى، جارامدى شارا ۇسىنۋ كەرەك. ساياسي ءتارتىپ پەن ساياسي قاعيداعا قاتاڭ بويسۇنىپ، ۇيىمدىق تارتىپكە قاتاڭ بويسۇنىپ، قۇرىلتايدىڭ ءتۇرلى تارتىپتەرىنە قاتاڭ بويسۇنىپ، ۋاكىلدىك جاۋاپكەرشىلىكتى مۇقيات وتەپ، سايلاۋ مىندەتىن باتىلدىقپەن بۇلجىماي ويداعىداي ورىنداپ، شينجياڭ ۋاكىلدەر ۇيىرمەسىنىڭ تاماشا رۋحاني كەلبەتى مەن وبزارىن تولىق ايگىلەۋ كەرەك.

ما شيڭرۇي بىلاي دەپ باسا دارىپتەدى: جاڭا ءداۋىردىڭ جاڭا جورىعىنداعى جاڭا مىندەت، جاڭا تالاپتار الدىندا، بۇكىل شينجياڭداعى ءار ۇلت پارتيا مۇشەلەرى، كادرلار پارتيا تانىمىن، پارتيا مۇشەسى تانىمىن ۇزدىكسىز كۇشەيتىپ، ستراتەگيالىق سەنىمدى بەكەمدەپ، ستراتەگيالىق سەرگەكتىكتى ساقتاپ، سەنىمدى، كۇرەس جىگەرىن نىعايتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، رەفورما جاساۋدى، دامۋدى، ورنىقتىلىقتى ءجىتى دە نىق قاداممەن ىلگەرىلەتىپ، ءتۇرلى حاۋىپ - قاتەرلەر مەن سىن - سايىستارعا بەلسەنە توتەپ بەرىپ، بۇكىل ىنتا - پەيىلىمەن بۇقارا ءۇشىن ناقتى ءىس، يگى ءىس ىستەپ، يكەمدى نولگە ءتۇسىرۋ باس باعىتىنا تاباندى بولىپ، ىندەتتەن ساقتانۋ - تىزگىندەۋدى زاڭ بويىنشا، عىلمي، دالمە - ءدال ويداعىداي يگەرىپ، حاۋىپ - قاتەرلەردى، كومەسكى كىناراتتاردى مۇقيات اشالاي تەكسەرىپ، ءوندىرىس حاۋىپسىزدىگىن ناقتى يگەرىپ، ەگجەي - تەگجەيلى يگەرىپ، بۇكىل شينجياڭنىڭ قوعامدىق كەلەلى جاعدايىنىڭ ورنىقتىلىعىن شىنايى قورعاپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى قۇلشىنا ساقتاپ، پارتيا 20 - قۇرىلتايىنىڭ جەڭىسپەن اشىلۋىنا ءىس جۇزىندىك ارەكەتپەن قىزمەت وتەۋ، قامتاماسىزدىق ازىرلەۋ كەرەك.

پارتيا 20 - قۇرىلتايىنىڭ ۋاكىلدەرى شاۋكەت يمىن، نۇرلان ءابىلماجىن، جاڭ چۇنلين، جاڭ جۋ، تيان شياڭلي، چىن ۋيجۇن قاتارلىلار ماجىلىسكە قاتىناستى.