ٴتىلشىمىز لۋ جۇڭ، ەرىكتى تىلشىلەر سۇن ۋ، جيان ساۋميڭ حابارلايدى. ىلەدە وسى جولى ىندەت تۋىلعاننان بەرى وبلىسقا توتە قاراستى اۋدان - قالالار، ٴارقايسى قاتىستى ورىندار كاسىپورىنداردى قيىنشىلىق قىسپاعىنان قۇتىلدىرۋ ساياساتتارىن مۇقيات دايەكتىلەندىرىپ، تياناقتاندىرىپ، ورتا، شاعىن، ۇساق كاسىپورىنداردى قيىنشىلىق قىسپاعىنان قۇتىلدىرىپ، كاسىپورىنداردىڭ جۇمىستى، ٴوندىرىستى قالپىنا كەلتىرۋىن جەبەدى. جەر - جەردەگى كاسىپورىندار ىندەتتەن ساقتانۋ - تىزگىندەۋدىڭ ٴتۇرلى قىزمەتىن ويداعىداي ىستەۋ العى شارتىندا، بەلسەنە ٴوندىرىس جۇرگىزىپ، تاپسىرىس قابىلداپ، ٴوندىرىستىڭ ورنىقتى اينالىمىن ىلگەرىلەتتى.

سوڭعى كۇندەردەن بەرى نىلقى اۋدانىنداعى ۇن وندىرەتىن، مانەرلەيتىن كاسىپورىندار ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋمەن بىرگە، بار كۇشىن سالىپ ٴوندىرىستى مىقتى يگەردى.  وڭدەلگەن استىق پەن ۇننىڭ ساقتاۋلى قورى جەتكىلىكتى بولىپ، بازاردىڭ قالىپتى قامداۋىن قامتاماسىزداندىردى.

10 - ايدىڭ 5 - كۇنى، نىلقى اۋدانىنداعى ورتا، شاعىن كاسىپورىندار كاسىپ اشۋ بازاسىنا ورنالاسقان جيڭيۋان استىق مانەرلەۋ شەكتى جاۋاپكەرشىلىك سەرىكتەستىگىنىڭ ۇن ٴوندىرۋ سەحىندا ماشينانىڭ گۇرىلدەگەن ۇنىمەن ٴبيداي زىرىلداپ اينالىپ جاتقان تيرمەن ماشيناسىنان ٴوتىپ، ەلەكتەن وتكىزۋ، كەبەكتەن ارىلتۋ، مايدالاۋ سياقتى جۇمىس تارتىپتەرىنەن سوڭ قالتا - قالتا اپپاق ۇندار اۆتوماتتاندىرىلعان ۇلاسپالى ٴوندىرىس جەلىسىنەن شىعارىلىپ جاتتى. وڭدەلگەن ۇن قامباسىنىڭ ەسىك الدىندا ۇن تاسىمالداۋعا كەلگەن اۆتوموبيلدەر قايشالىستى. 

جيڭيۋان استىق مانەرلەۋ سەرىكتەستىگى − ٴشول ەگىستىكتىڭ ساپالى ٴبيدايىن ساتىپ الۋ، مانەرلەۋ جانە ساتۋدى ٴبىر تۇلعالاندىرعان اۋىل شارۋاشىلىق كاسىپورنى، كۇنىنە 50 توننا ۇن وندىرەدى. وندىرگەن ٴشۇل ەگىستىك ۇنى ىلە وبلىسىنىڭ جانە ىشكى ولكەنىڭ بازارلارىن قامدايدى.

«وسى رەت ىندەت تۋىلعاننان كەيىن سەرىكتەستىگىمىز ٴبىر جاعىنان ىندەتتەن ساقتانۋ - تىزگىندەۋدى، ەندى ٴبىر جاعىنان ٴوندىرىس حاۋىپسىزدىگىن مىقتى يگەرىپ، ٴوندىرىستى بوساڭسىتپاي، ۇننىڭ زاۆود باعاسىن جوعارىلاتپاۋعا، ساپاسىن تومەندەتپەۋگە كەپىلدىك ەتتى» دەدى سەرىكتەستىكتىڭ جاۋاپتىسى ما جىحۇڭ تىلشىگە.

ۇعىسۋعا قاراعاندا، نىلقى اۋدانىندا قازىرگى بار ۇن مانەرلەيتىن كولەمنەن جوعارى 3 كاسىپورىننىڭ بارلىعى دا تولىق ٴوندىرىس جۇرگىزۋدە ەكەن. نىلقى اۋدانىنداعى ٴارقايسى تاراۋلار قاتىناس، ەلەكتر ەنەرگياسى، شيكىزات، ساتۋ سياقتى بۋىنداردا كاسىپورىندارعا بار كۇشپەن قولداۋ كورسەتىپ، استىق بازارىنىڭ قامداۋى مەن باعانىڭ ورنىقتىلىعىنا كەپىلدىك ەتىپتى.

كۇز، قىس ماۋسىمى − بۇرشاق ونىمدەرىنىڭ ساۋداسى كۇسەت مەزگىل. قۇلجا قالاسىنداعى اۋىل شارۋاشىلىعىن كاسىپ سالالاندىرۋداعى ٴتۇيىندى جەتەكشى كاسىپورىن بولعان ىلە جييۋان بۇرشاق كاسىبى ازىق - تۇلىك سەرىكتەستىگى ىندەتتەن ساقتانۋ - تىزگىندەۋدىڭ قاتاڭ دا كۇردەلى جاعدايىندا بەلسەنە قيمىلداپ، قامداۋدى قامتاماسىزداندىرۋعا قۇلشىنۋدا. 

قورعاس ەكونوميكالىق اشۋ رايونى قۇلجا باقشا رايونىنا ورنالاسقان جييۋان بۇرشاق كاسىبى ازىق - تۇلىك سەرىكتەستىگىنىڭ ٴوندىرىس سەحىندا جۇمىسشى - قىزمەتكەرلەردىڭ ٴارقايسىسى ٴوز مىندەتىن اتقارىپ، ٴوندىرىس جۇمىسى تارتىپپەن جۇرگىزىلۋدە. زات جونەلتۋ رايونىندا جۇمىسشىلار جاڭادان وندىرىلگەن بۇرشاق ونىمدەرىن قوراپتاپ تاسىمالداۋدا.

ٴتىلشىنىڭ ۇعىسۋىنشا، ىندەتتىڭ ىقپالىنان بۇرىنعى 40 جۇمىسشى - قىزمەتكەردەن قازىر تەك 20 ادام عانا قىزمەت ورنىندا ەكەن. ادام ازايعانىمەن، ٴوندىرىس مولشەرى وزگەرمەگەن، جۇمىسشىلار ۇستەمەلەپ جۇمىس ىستەۋدە. كاسىپورىن كۇنىنە 7 توننا بۇرشاق ىرىمشىگىن، 3 توننا بۇرشاق سىرنەسى مەن بۇرشاق قابىرشىعىن وندىرەدى، بۇلار نەگىزىنەن قۇلجا قالا رايونىنداعى ٴارقايسى اۋىل شارۋاشىلىق ونىمدەرى بازارلارى مەن الەۋمەتتىك اۋماقتىڭ زاتتىق ماتەريالدارمەن قامداۋ تۇيىندەرىنە ساتىلادى. سونىمەن بىرگە، ٴوندىرۋ - ساتۋدىڭ قاۋىرت مەزگىلىنە بەيىمدەلۋ ٴۇشىن، بۇل كاسىپورىن كۇنى بۇرىن سويا بۇرشاق سياقتى 200 توننادان استام شيكىزات دايىنداعان.

ىندەتتەن ساقتانۋ - تىزگىندەۋ جاعدايىنىڭ جاقسارۋىنا بايلانىستى، توعىزتاراۋ اۋدانى ٴوندىرىس - تۇرمىستى جوسپار، ٴتارتىپ بويىنشا بىرتىندەپ قالپىنا كەلتىرۋدە. توعىزتاراۋ اۋدانى ورتالىعىنىڭ سولتۇستىگىندەگى ونەركاسىپ باقشا رايونىنا ورنالاسقان شينجياڭ ىلە جياحى ٴسۇت ونىمدەرى شەكتى سەرىكتەستىگى − ٴسۇت ونىمدەرىن شوعىرلى ٴوندىرۋ، ساتۋ، ٴونىم زەرتتەپ اشۋ، مال باعىمشىلىعى، بيولوگيالىق ينجەنەريانى ٴبىر تۇلعالاندىرعان جارنالىق تۇزىمدەگى حالىقتىق كاسىپورىن، كۇنىنە 500 توننا شيكى ٴسۇتتى ٴبىر جاقتى ەتەدى، جىلدىق ٴسۇت ۇنتاعىن مانەرلەۋ مولشەرى 5 مىڭ تونناعا جەتەدى. «9 - ايدىڭ 15 - كۇنى كاسىپورنىمىز جۇمىستى، ٴوندىرىستى قالپىنا كەلتىردى. قازىر ٴبىز جەرگىلىكتى ورىن تاپسىرىس بەرگەن 8 توننا ٴسۇت تالقانى مەن ٴسۇتتى شاي جەدەل وندىرۋدەمىز» دەدى سەرىكتەستىكتىڭ باس ديرەكتورى ماۋ ۋيدۇڭ.

قورعاس جيڭۋي توقىماشىلىق شەكتى سەرىكتەستىگىنىڭ ٴوندىرىس سەحىندا زەردەلى، بۇكىلدەي اۆتوماتتى 400 دەن استام قولقاپ تىگۋ ماشيناسى جەدەل جۇمىس جۇرگىزۋدە، جۇمىسشىلار ۋاقىتپەن جارىسا قيمىلداپ تاپسىرىستى دايىنداۋدىڭ قاربالاس كۇيىنە وتكەن. ارناۋلى قولقاپ وندىرەتىن بۇل سەرىكتەستىك ەل ىشىندەگى وزىق كەزدەمە توقۋ ماشيناسى، قارقىنى تەز تىزبەكتى تىگىن ماشيناسى، زەردەلى، بۇكىلدەي اۆتوماتتى قولقاپ تىگۋ ماشيناسى سياقتى جابدىقتاردى، سونداي - اق پىشىندەۋ، جەلىمدەۋ ٴوندىرىس جەلىسىن ەنگىزدى، ونىمدەرى نەگىزىنەن جاپونيا، كورەيا سياقتى ەلدەرگە جانە ەۆروپا، امەريكا، ورتا ازيا، باتىس ازيا سياقتى رايوندارعا ساتىلادى ەكەن.

10 - ايدىڭ 6 - كۇنى ٴتىلشى ىلە وبلىستىق ونەركاسىپ جانە ينفورماتسيالاندىرۋ مەكەمەسىنەن مىنانى ۇعىستى: وسى جولى ىندەت تۋىلعاننان بەرى ىلە وبلىسىنا توتە قاراستى اۋدان - قالالار حاۋىپ - قاتەرى تومەن اۋدان وڭىرلەرىنەن باسقا جەرلەردەگى كاسىپورىندارعا تۇيىق اينالىمدا باسقارۋ شاراسىن اتقارىپ، ىندەتتەن ساقتانۋ - تىزگىندەۋدىڭ ٴتۇرلى شارالارىنىڭ كاسىپورىنداردا تياناقتانۋىنا كەپىلدىك ەتكەن. 10 - ايدىڭ 6 - كۇنىنە دەيىن وبلىسقا توتە قاراستى ورىندارداعى 260 ٴتۇيىندى ونەركاسىپ كاسىپورىننان 227 كاسىپورىن قالىپتى وندىرىسكە تۇسكەن.