اۆتونوميالى وبلىستىق پارتكومنىڭ تۇراقتى كوميتەتى 2022 - جىلعى 18 - رەتكى ٴماجىلىسىن اشتى

اۆتونوميالى رايوندىق 10 ـ كەزەكتى پارتكوم ٴۇشىنشى جالپى ٴماجىلىسىنىڭ رۋحىن جەتكىزىپ، ۇيرەنىپ، دايەكتىلەندىرۋ، تياناقتاندىرۋ قىزمەتىنە ورنالاستىرۋ جاسادى

پۋ شۋەمەي ٴماجىلىستى باسقاردى

ٴتىلشىمىز لي شين ـ ان، ەرىكتى ٴتىلشى ليۋ گوچياڭ حابارلايدى. 5 - ايدىڭ 17 - كۇنى تۇستەن بۇرىن اۆتونوميالى وبلىستىق پارتكومنىڭ تۇراقتى كوميتەتى 2022 - جىلعى 18 - رەتكى ٴماجىلىسىن اشىپ، اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن جەتكىزىپ، ۇيرەنىپ، ٴماجىلىس رۋحىن دايەكتىلەندىرۋ، تياناقتاندىرۋ قىزمەتىنە ورنالاستىرۋ جاسادى. وبلىستىق پارتكومنىڭ شۋجيى پۋ شۋەمەي ٴماجىلىستى باسقاردى ٴارى ٴسوز سويلەدى. 

ماجىلىستە مىنالار اتاپ كورسەتىلدى:  اۆتونوميالى رايوندىق 10 - كەزەكتى پارتكومنىڭ ٴۇشىنشى جالپى ٴماجىلىسى − بۇكىل شينجياڭ بويىنشا جوعارىدان تومەنگە دەيىن شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرىپ، تياناقتاندىرىپ، شينجياڭنىڭ رەفورما، دامۋ، ورنىقتىلىق قىزمەتتەرىن كۇش - قايراتتى تاسقىنداتا، ويداعىداي ىستەپ، پارتيا 20 - قۇرىلتايىن قارسى الۋ شەشۋشى كەزەڭىندە اشىلعان ٴبىر رەتكى اسا ماڭىزدى بەلەستىك مانگە يە ٴماجىلىس. 

اۆتونوميالى رايوندىق پارتكومنىڭ شۋجيى ما شيڭرۇيدىڭ جاساعان قىزمەت بايانداماسى، ٴسوزى جانە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنيازدىڭ ەكونوميكالىق قىزمەت جونىندەگى ارناۋلى ٴسوزى شي جينپيڭنىڭ زاڭمەن باسقارۋ يدەياسى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن ىشكەرىلەي دايەكتىلەندىرگەن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرگەن، اسا كۇشتى ساياسي سيپاتقا، جەتەكشىلىك سيپاتقا، باعىتتامالىلىق سيپاتقا جانە اتقارۋ مۇمكىندىگىنە يە بولىپ، ٴبىزدىڭ كەزەكتەگى جانە بۇدان بىلايعى ٴبىر مەزگىلدەگى قىزمەتتەردى ويداعىداي ىستەۋىمىزگە جول كارتاسىن ايقىنداپ، مىندەت جۇكتەدى. وبلىس بويىنشا جوعارىدان تومەنگە دەيىن اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ، تياناقتاندىرۋدى ماڭىزدى ساياسي مىندەت ەتىپ، وسكەلەڭ ٴمان بەرىپ، دەن قويا ۇيىمداستىرىپ، شارالاردى اشالاپ، جاپپاي تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارى مەن تالاپتارىنىڭ ىلەدە تامىر تارتىپ، ناقتى ونىمدىلىككە قول جەتكىزۋىنە كەپىلدىك ەتۋى كەرەك.

 ماجىلىستە مىنالار باسا دارىپتەلدى: ۇيرەنۋدى جەدەل ۇيىمداستىرىپ، پارتكوم (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ۇيرەنۋى، توپتىق تالقىلاۋ، ماماندار لەكسيا سويلەۋ سياقتى فورمالار ارقىلى ٴماجىلىس رۋحىن ٴتۇپ نۇسقا بويىنشا ۇيرەنۋ كەرەك. وبلىستىڭ 4 باسشىلىق القاسىنىڭ مۇشەلەرى «شەشۋشى ازشىلىقتىڭ» رولىن ساۋلەلەندىرىپ، باستاماشىلدىقپەن الدىمەن ۇيرەنىپ، ىشكەرىلەي ۇيرەنىپ، ۇيرەنۋدى زاڭمەن جونگە سالۋ تانىمىن ارتتىرۋدىڭ، زاڭمەن جونگە سالۋ رۋحىن ساۋلەلەندىرۋدىڭ، قىزمەتتى جاقسارتۋدىڭ، جوعارىلاتۋدىڭ بارىسىنا شىن مانىندە اينالدىرۋى؛ جالپى ٴماجىلىس رۋحىن ۇيرەنۋدى ٴار دارەجەلى پارتيا مەكتەپتەرىنىڭ (اكىمشىلىك شۋەيۋاندارىنىڭ)، سوتسياليزم شۋەيۋاندارىنىڭ تاربيەلەۋى مەن نەگىزگى ساتى پارتيا ۇيىمدارىنىڭ «ٴۇش جيىن، ٴبىر ساباعىنىڭ» ماڭىزدى مازمۇنى ەتىپ، جوسپار جاساپ، ارناۋلى تاقىرىپقا ەنگىزىپ، بارشا كادردى ىشكەرىلەي ۇيرەنۋگە، ەگجەي ـ تەگجەيلى تۇسىنۋگە، جان - جاقتى زەرتتەۋگە، قۇنىتتاپ وقۋعا جەتەكتەپ، بۇكىل وبلىستا ۇيرەنۋ ورلەۋىن جەدەل كوتەرۋ كەرەك.

ۇگىت - لەكسيانى ويداعىداي ىستەپ، اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋدى بۇكىل وبلىستىڭ ۇگىت - يدەيا قىزمەتىنىڭ ماڭىزدى تۇيىندەرىنە ەنگىزۋ كەرەك. ۇگىت - لەكسيا جوباسىن جاساپ، جالپى ٴماجىلىس رۋحىن الۋان فورمالى، كوپ ساتىلى، جان ـ جاقتى ىشكەرىلەي ۇگىتتەۋ؛ ٴارقايسى ۇلت تىلىندە «قويىن داپتەر» قۇراستىرۋعا، باسىپ شىعارۋعا ۇيىمداستىرىپ، بارشا پارتيالى كادرلار مەن ٴار ۇلت بۇقاراسىنىڭ ۇيرەنۋىنە ۇسىنۋ؛ ۇگىت - لەكسيا ۇيىرمەسىن نەگىزگى ساتىعا ىشكەرىلەي بارىپ، ۇگىت - لەكسيا قيمىلىن تىڭعىلىقتى ورىستەتۋگە ۇيىمداستىرىپ، جالپى ٴماجىلىس رۋحىنىڭ ورگاندارعا، اۋىل - قىستاقتارعا، الەۋمەتتىك اۋماقتارعا، كاسىپورىندارعا، مەكتەپتەرگە، ٴدىني قيمىل ورىندارىنا جەتكىزىلۋىن ىلگەرىلەتىپ، جالپى ٴماجىلىس رۋحىن جالپى جۇرت تەگىس بىلۋىنە، جۇرت جۇرەگىنە تەرەڭ ۇيالاۋىنا شىنايى كەپىلدىك ەتۋ؛ قىستاقتا تۇراتىن كادرلاردى، نەگىزگى ساتى كادرلارىن، حالىق ۇگىتشىلەرىن ۇيىمداستىرىپ، بۇقارا تۇسىنە الاتىن ۇعىنىقتى تىلمەن، بۇقارا ۇناتاتىن تاسىلمەن ۇگىت - لەكسيا جاساپ، جالپى ٴماجىلىس رۋحىنىڭ نەگىزگى ساتىدا ىشكەرىلەي ۇگىتتەلۋىن، تياناقتانۋىن ىلگەرىلەتۋ كەرەك. 

جاپپاي، ەگجەي - تەگجەيلى تياناقتاندىرۋدا اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ٴار رەتكى جالپى ٴماجىلىسىنىڭ رۋحىن ۇيرەنۋمەن، دايەكتىلەندىرۋمەن، شي جينپيڭنىڭ زاڭمەن باسقارۋ يدەياسىن ۇيرەنۋمەن، دايەكتىلەندىرۋمەن، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ، بەكىتۋلەرىنىڭ رۋحىن ۇيرەنۋمەن، دايەكتىلەندىرۋمەن، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن دايەكتىلەندىرۋ، تياناقتاندىرۋمەن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس، دايەكتىلەندىرۋمەن، قازىر جۇرگىزىلىپ جاتقان قىزمەتپەن ۇشتاستىرۋعا تاباندى بولىپ، ٴبىر ـ بىرلەپ جوبالاپ، زەرتتەپ جانە جاساپ، شارالاردى ناقتىلاندىرىپ، جاۋاپكەرشىلىكتى ايقىنداپ، يدەيانى ازات ەتىپ، تۋراشىلدىقتى ساقتاپ، جاڭالىق اشۋ، شىنايى يگەرىپ، ناقتى ىستەۋ، ناقتى ونىمدىلىككە جەتۋ جاعىنا كۇش سالۋ كەرەك. 

جاۋاپكەرشىلىكتى قاتايتۋ، ناقتىلاندىرۋ جاعىندا ٴار دارەجەلى پارتيا ۇيىمدارى وزدەرىنىڭ قىزمەت جاۋاپكەرشىلىگىمەن تىعىز ۇشتاستىرىپ، 13 جاقتاعى ٴتۇيىندى مىندەتپەن سالىستىرىپ، تەكسەرۋ - زەرتتەۋ جۇرگىزىپ، كوپتىڭ پاراساتىن ساۋلەلەندىرىپ، وبلىسىمىز بويىنشا دايەكتىلەندىرۋدىڭ، تياناقتاندىرۋدىڭ ناقتى جوباسىن قالىپتاستىرىپ، باعىتتامالىلىقتى، بولجامپازدىقتى اتقارۋ مۇمكىندىگىن كورنەكتىلەندىرىپ، ناقتى تياناقتاندىرۋدى، قۋزاۋ - تەكسەرۋدى، باعالاۋ - تەكسەرۋدى ورىنداپ، ىلەنىڭ ٴتۇرلى قىزمەتىنىڭ باستان - اياق دۇرىس بەتالىسپەن العا باسۋىنا كەپىلدىك ەتۋ كەرەك.

قۋزاۋ - تەكسەرۋدى كۇشەيتۋدە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ولشەم ەتۋگە تاباندى بولىپ، باقىلاۋ - تەكسەرۋ قىزمەتىن جالپى ٴماجىلىس رۋحىن دايەكتىلەندىرۋ، تياناقتاندىرۋدىڭ تۇتاس بارىسىنا ٴسىڭىرىپ، مىندەتتى، قارقىندى، ونىمدىلىكتى باقىلاۋمەن بىرگە، تانىمدى، جاۋاپكەرشىلىكتى، ستيلدى تەكسەرىپ، شينجياڭدى زاڭمەن جونگە سالۋدا، شينجياڭدى ىنتىماقتاسا ورنىقتىرۋدا، شينجياڭدى مادەنيەتپەن نارلەندىرۋدە، حالىقتى بايىتىپ شينجياڭدى گۇلدەندىرۋدە، شينجياڭدى باياندى كوركەيتۋدە تىڭ دا اناعۇرلىم زور تابىستارعا قول جەتكىزۋدى ٴبىر تۇتاس ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ٴىس جۇزىندىك ارەكەتىمىزبەن قارسى الۋىمىز كەرەك.