ما شيڭرۇي بايىنعولين موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، شىنايى يگەرىپ ناقتى ىستەپ، شىندىققا جۇگىنىپ ناقتى ءىس ىستەپ، شينجياڭدى زاڭمەن جونگە سالۋدى جاپپاي ىلگەرىلەتۋ كەرەك

5 - ايدىڭ 16 - كۇنىنەن 17 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي بايىنعولين موڭعۇل اۆتونوميالى وبلىسىنا بارىپ تەكسەرۋ - زەرتتەۋ جۇرگىزدى. سۋرەتتە: 5 - ايدىڭ 17 - كۇنى ما شيڭرۇي حىجيڭ اۋدانى تۇڭشين مەشىتىندە ءدىني قيمىلداردى ورىستەتۋ، ءدىن قىزمەتىن زاڭمەن باسقارۋ قۇرىلىسى، ءدىني قايراتكەرلەرگە قامقورلىق جاساۋ، ولاردى باۋلۋ سياقتى جاعدايلاردى تاپتەشتەي ۇعىستى.

　　 سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 17 - كۇنى كورلادان حابارلايدى. اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسى ەندى عانا جابىلىسىمەن 5 - ايدىڭ 16 - كۇنىنەن 17 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي بايىنعولين موڭعۇل اۆتونوميالى وبلىسىنا بارىپ، نەگىزگى ساتىداعى ساياسي زاڭ ورىندارى، اۋىل - قىستاق الەۋمەتتىك اۋماعى، بۇقاراعا قىزمەت وتەۋ تەرەزەسى، ءدىني قيمىل ورىندارى سياقتى جەرلەردى ىشكەرىلەي ارالاپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن جونگە سالۋدى جاپپاي ىلگەرىلەتىپ، شىنايى يگەرىپ ناقتى ىستەۋ، شىندىققا جۇگىنىپ ناقتى ءىس ىستەۋ ءىس جۇزىندىك ارەكەتىمەن اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسى رۋحىنىڭ ناقتى تياناقتانۋىنا، ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.

　　ما شيڭرۇي ءار جەرگە بارعاندا ساياسي - زاڭ جۇيەسىنىڭ نەگىزگى ساتىداعى ورىندارىنا ارنايى بارىپ تەكسەرۋ - زەرتتەۋ جۇرگىزىپ، احۋال ۇعىسىپ، حال سۇراپ، جاعدايدى ىشىكەرىلەي ۇعىستى. بۇگۇر اۋداندىق قوعام حاۋىپسىزدىگى مەكەمەسى، ياڭشيا قالاشىق ساقشى بولىمشەسى، حوشۇت اۋداندىق تەۋىلعا قالاشىق ساقشى بولىمشەسى، بيڭتۋان 2 - شىسى تيەمىنگۋان قالاسى 30 - تۋان شۋاڭفىڭ قالاشىعى جاپپاي جونگە سالۋ ورتالىعى سياقتى جەرلەردە ما شيڭرۇي ورنىقتىلىقتى قورعاۋ قىزمەتىنەن جاسالعان مالىمەتتى مۇقيات تىڭداپ، كوپشىلىكپەن بىرگە حاۋىپسىزدىك، ورنىقتىلىق جاعدايىنا تالداۋ جاساپ، لاڭكەستىككە قارسى تۇرىپ، ورنىقتىلىقتى قورعاۋ ساياسات - تاكتيكالارىن جانە ءادىس - تاسىلدەرىن ساپالىلاندىرۋدى اقىلداستى. ول بىلاي دەپ باسا دارىپتەدى: ورنىقتىلىق − ءار ۇلت بۇقاراسىنىڭ ورتاق ارمان - تىلەگى جانە باياندى تىنىشتىقتىڭ العى شارتى. قاتاڭ سوققى بەرۋدىڭ تەگەۋرىندى كۇيىن ساقتاپ، لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن زاڭ بويىنشا جۇرگىزىپ، عىلمي تالداۋ جاساۋ، تۇجىرىمداۋ، دالمە - ءدال ساقتاندىرۋ، الدىن الۋ - تىزگىندەۋ قابىلەتىن ۇزدىكسىز جوعارىلاتىپ، زورلىقتى كۇش لاڭكەستىك قاتەرىن وركەن كەزىندە تيۋىمىز، تۋىلماي تۇرعان كەزەڭدە جويۋىمىز كەرەك؛ زاڭمەن باسقارۋ رۋحىن اسقاقتاتىپ، زاڭمەن باسقارۋ وي جەلىسىن مىقتاپ ورناتىپ، قاتاڭ تۇردە زاڭدا بەلگىلەنگەن ۇقىق شەگى، قاعيدا، ءتارتىپ بويىنشا قىزمەت جاۋاپكەرشىلىگىن اتقارىپ، قوعام اماندىعىن باسقارۋ، ساقتانۋ - تىزگىندەۋدىڭ جان - جاقتى، ستەرەولدى، زەردەلىلەنگەن جۇيەسىن جەدەل ورناتىپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى، ارنايىلاندىرۋدى ىلگەرىلەتىپ، شينجياڭنىڭ قوعامدىق كەلەلى جاعدايىنىڭ ءۇرتىس ورنىقتى، ۇزاق ۋاقىت ورنىقتى بولۋىن ساقتاۋ كەرەك.

　　ما شيڭرۇي حىجيڭ اۋدانىنداعى بالعىنتاي حۋاڭمياۋ بۇتحاناسى، تۇڭشين مەشىتى، كورلا قالاسىنداعى ىنتىماق مەشىتى، بۇگۇر اۋدانىنداعى ءمايتاي مەشىتى، قىزىل مەشىت قاتارلى ورىندارعا بارىپ، ءدىني قيمىلداردىڭ ورىستەتىلۋى، ءدىن قىزمەتىن زاڭمەن باسقارۋ قۇرىلىسى، ءدىني قايراتكەرلەرگە قامقورلىق جاساۋ، ولاردى باۋلۋ سياقتى جاعدايلاردى تاپتەشتەي ۇعىستى. ول بىلاي دەپ اتاپ كورسەتتى: ۇلت، ءدىن قىزمەتى شينجياڭنىڭ قوعام ورنىقتىلىعىنا جانە باياندى تىنىشتىعىنا سايادى. پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، زاڭدىلارىن قورعاۋ، زاڭسىزدارىن تەجەۋ، ۇشقارىلىقتى اۋىزدىقتاۋ، سىنالاپ كىرۋگە قارسى تۇرۋ، قىلمىسقا سوققى بەرۋ كەرەك؛ ءدىن قىزمەتىن زاڭمەن باسقارۋ قۇرىلىسىن كۇشەيتىپ، دىنگە سەنەتىن بۇقارانىڭ زاڭدى، قالىپتى ءدىني قاجەتىن زاڭ بويىنشا قامتاماسىز ەتىپ، زاڭمەن باسقارۋ وي جەلىسى جانە زاڭمەن باسقارۋ ءتاسىلى ارقىلى ءدىن سالاسىنداعى قايشىلىقتار مەن ماسەلەلەردى شەشۋ كەرەك؛ پارتيا، ۇكىمەت كادرلار قوسىنى، ءدىن سالاسىنداعى ۋاكىل - قايراتكەرلەر قوسىنى، ءدىن ءىلىمىن زەرتتەۋ قوسىنى قۇرىلىسىن كۇشەيتىپ، قىزمەت قابىلەت دەڭگەيىن ۇزدىكسىز جوعارىلاتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك.

　　اۋىل - قىستاق الەۋمەتتىك اۋماقتىڭ بۇقاراعا قىزمەت وتەۋ ورتالىعى − نەگىزگى ساتىنى باسقارۋ جۇيەسىنىڭ ماڭىزدى شەبى. بۇگۇر اۋدانى حۇڭچياۋ الەۋمەتتىك اۋماعى قىزمەت وتەۋ ورتالىعى، ياڭشيا قالاشىعى چيگايبۇلاق قىستاعى پارتيا مۇشەلەرىنە، بۇقاراعا قىزمەت وتەۋ ورتالىعى، حىجيڭ اۋدانى قوعامدىق قايشىلىقتاردى، داۋ - شارلاردى جاراستىرۋ، شەشۋ ورتالىعى سياقتى جەرلەردە ما شيڭرۇي قىزمەتكەرلەرمەن، جۇمىس بىتىرتۋگە كەلگەن بۇقارامەن اڭگىمەلەسىپ، پىكىر اۋىستىرىپ، قىزمەتتىڭ باعىتتامالىلىعىن، ناقتى ونىمدىلىگىن كۇشەيتىپ، قوعامدىق قايشىلىقتان، داۋ - شاردان ساقتانۋدىڭ، جاراستىرۋدىڭ، شەشۋدىڭ كوپ نەگىزدى كەشەندى مەحانيزمىن كەمەلدەندىرىپ، تۇتاس قوعامدا جۇمىستى زاڭ بويىنشا ىستەيتىن، جۇمىس بولسا زاڭعا جۇگىنەتىن، ماسەلەنى شەشۋدە زاڭنان پايدالاناتىن، قايشىلىقتى شەشۋدە زاڭعا سۇيەنەتىن تاماشا ورتا قالىپتاستىرىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ارناسىن قالىپتاستىرۋ كەرەكتىگىن باسا دارىپتەدى.

　　ما شيڭرۇي بىلاي دەپ باسا دارىپتەدى: ءىستىڭ ورىندالۋىنىڭ ءبىر ۇلەسى ورنالاستىرۋعا بايلانىستى بولسا، توعىز ۇلەسى تياناقتاندىرۋدان كەلەدى. اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ ورنالاستىرۋىن ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، ءىس جۇزىندىك جاعدايدى تياناق ەتە وتىرىپ ىستەر مەن قىزمەتتەردى جوسپارلاپ، حالىقتى باقىتقا كەنەلتۋدى ەڭ ۇلكەن ناتيجە ساناپ، ”ەڭبەك ماعان جازىلماسا دا بولادى“ دەيتىن يدەيانى بەرىك ورناتىپ، ”ءاردايىم قام جەپ تۇراتىن“ جاۋاپكەرشىلىك سەزىممەن فورماشىلدىقتان، تورەشىلدىكتەن باتىل ساقتانىپ، ”قاراقۋ“، ”سۇر ءمۇيىزتۇمسىق“ وقيعالارىنىڭ تۋىلۋىنان ساقتانىپ، شىندىققا جۇگىنىپ ناقتى ءىس ىستەپ، شىنايى يگەرىپ ناقتى ىستەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.

　　ما شيڭرۇي تاعى كاسىپورىن، باقشا رايونى، ەگىس اتىزى، جەمىس باعى، مەكتەپ سياقتى جەرلەرگە بارىپ تەكسەرۋ - زەرتتەۋ جۇرگىزدى، حۋاديان بۇگۇر جىلۋ ەلەكتر جانە كورلا شاڭكۋ جوعارى - جاڭا تەحنيكالىق كاسىپ سالاسى اشۋ رايونى جۇڭتاي مۇناي حيمياسى، تارىم مۇناي حيمياسى سياقتى كاسىپورىنداردا شينجياڭنىڭ ەنەرگيا بايلىعىن اشۋدى ارقاۋ ەتىپ، تىزبەكتى ۇزارتىپ، تىزبەكتى تولىقتاپ، تىزبەكتى كەڭەيتىپ، تىزبەكتى كۇشەيتىپ، جاڭا ەنەرگيا، جاڭا ماتەريالدار كاسىپ سالاسىن بار كۇشپەن دامىتىپ، جاسىل، تومەن كومىر قىشقىل گازدى اينالمالى دامۋدى ىلگەرىلەتۋدى باسا دارىپتەدى؛ حوشۇت اۋدانىندا، بۇگۇر اۋدانىندا ءبيداي، اق ورىك سياقتىلاردىڭ ءوسۋ جاعدايىن باسى - قاسىنا بارىپ كورىپ، استىق ءوندىرىسىن ورنىقتىرىپ، اتىز باپتاۋ جانە سۋدان پايدالانۋ سياقتىلارمەن قامتاماسىز ەتۋدى كۇشەيتىپ، اۋىل شارۋاشىلىعىنىڭ كاسىپ سالالانۋ دەڭگەيىن جوعارىلاتۋدى باسا دارىپتەدى؛ بيڭتۋان شيڭشين كاسىپتىك - تەحنيكالىق شۋەيۋانىندا شينجياڭنىڭ جوعارى ساپالى دامۋ قاجەتىمەن تىعىز بايلانىستىرىپ، ءتىپتى كوپ جوعارى ساپالى تەحنيكالىق - شەبەرلىك دارىندىلارىن باۋلۋدى باسا دارىپتەدى؛ تيەمىنگۋان قالاسىنداعى توڭكەرىستىك تاريحي ەسكەرتكىش سارايىندا بيڭتۋان رۋحىن، توراڭعى رۋحىن ساۋلەلەندىرۋدى باسا دارىپتەپ، ءار ۇلت كادرلارى مەن بۇقاراسىن جاڭا داۋىردە شەكارا وڭىرگە تامىر تارتۋعا، شەكارا وڭىرگە ءوزىن ارناۋعا ىنتالاندىردى.

　　اۆتونوميالى رايوننىڭ باسشىلارىنان ۋاڭ ميڭشان، ءزۇمىرات وبۇل، قادەن كابەن قاتارلىلار تەكسەرۋ - زەرتتەۋگە قاتىناستى.