ٴتىلشىمىز حان شاشا، ەرىكتى تىلشىلەر سۇن جىنجىن، ۋي يانيان، ساۋ يوۋچىڭ، نا شين حابارلايدى. 10 - ايدىڭ 16 - كۇنى جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى سالتاناتپەن اشىلدى. كۇنەس اۋدانىنداعى كادرلار مەن بۇقارا، سونداي - اق قوعامنىڭ ٴار سالاسىنداعىلار راديو - تەلەۆيزور، ينتەرنەت ارقىلى پارتيا 20 - قۇرىلتايىنىڭ اشىلۋ جينالىسىنىڭ سالتاناتىن ٴدال ۋاعىندا تىڭدادى، كوردى.
كۇنەس اۋدانى نارات قالاشىعى شالكودە قىستاعىندا وبلىستىق پارتكوم قارت كادرلار مەكەمەسىنىڭ اتالعان قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى قىستاق كادرلارىن پارتيا 20 - قۇرىلتايى اشىلۋ سالتاناتىنىڭ تىكە تاراتىلىمىن شوعىرلى كورۋگە ۇيىمداستىردى. كوپشىلىك جابال مىنانى ٴبىلدىردى: باس شۋجي شي جينپيڭنىڭ 19 - كەزەكتى ورتالىق كوميتەت اتىنان قۇرىلتايعا جاساعان بايانداماسى جۇرت تىلەگىن ۇيىستىرىپ، ەكپىندەي ىلگەرىلەۋگە شابىتتاندىردى، بۇكىل پارتيا، بۇكىل ەلدەگى ٴار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا قاراي شەرۋ تارتقان شەشۋشى ساتتە، ٴبىز ۇزدىكسىز بۇلجىماستان پارتياعا ىلەسىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە تاباندى بولامىز.
«پارتيا 18 - قۇرىلتايىنان بەرى، مەملەكەت ينتەرنەت حاۋىپسىزدىگى جانە ينفورماتسيالاندىرۋ ىستەرىنىڭ دامۋىنا وسكەلەڭ ٴمان بەرىپ، ينتەرنەتتە قۇدىرەتتى ەل قۇرۋ سىندى كەلەلى ستراتەگيالىق ورنالاستىرۋ جاساپ، ينتەرنەت حاۋىپسىزدىگى جانە ينفورماتسيالاندىرۋ ىستەرىنىڭ دامۋىن ىلگەرىلەتۋدە تاريحي سيپاتتى جەتىستىكتەرگە قول جەتكىزدى. پارتيا 20 - قۇرىلتايىنىڭ اشىلۋى ينتەرنەت حاۋىپسىزدىگى جانە ينفورماتسيالاندىرۋ ىستەرىنە اناعۇرلىم تاماشا دامۋ ورايىن سيلايدى دەپ سەنەمىن، ٴبىز دە ينتەرنەتتىڭ مازمۇن قۇرىلىسىن كۇشەيتىپ، ينتەرنەتتى جان - جاقتى جونگە سالۋ جۇيەسىن كەمەلدەندىرىپ، ينتەرنەت حاۋىپسىزدىگى سايىسىنا بەلسەنە توتەپ بەرىپ، اقاۋسىز ينتەرنەت كەڭىستىگىن قالىپتاستىرامىز» دەدى كۇنەس اۋداندىق پارتكوم ينتەرنەت حاۋىپسىزدىگى جانە ينفورماتسيالاندىرۋ كەڭسەسى پارتيا ياچەيكاسىنىڭ شۋجيى ليۋ گو.
«دەنساۋلىق ساقتاۋ، سالاماتتىق جۇيەسىندەگى پارتيالى باسشى كادر رەتىندە، پارتيا 20 - قۇرىلتايىنىڭ رۋحىن باستاماشىلىقپەن ۇيرەنىپ، دايەكتىلەندىرىپ، تياناقتاندىرىپ، پارتيا 20 - قۇرىلتايىندا دەنساۋلىق ساقتاۋ، سالاماتتىق ىستەرى جونىندە جاسالعان ستراتەگيالىق ورنالاستىرۋلاردى تىعىز توڭىرەكتەي وتىرىپ، تۇتاس جۇيەدەگى پارتيالى كادرلاردى ىنتىماقتاستىرىپ، باستاپ، سالاماتتى كۇنەس قۇرۋدى جەتەكشى، رەفورما جاساۋ، جاڭالىق اشۋدى قوزعاۋشى كۇش ەتىپ، ۇدايىلانعان ىندەتتەن ساقتانۋ - تىزگىندەۋ سياقتى ٴتۇرلى قىزمەتتەردى مىقتى يگەرىپ، ەمدەۋ، دەنساۋلىق ساقتاۋعا قىزمەت وتەۋ جۇيەسىن اناعۇرلىم كەمەلدەندىرىپ، مەملەكەتتىك نەگىزگى ساتى دەنساۋلىق ساقتاۋعا قىزمەت وتەۋ سىناق رايونى قۇرىلىسىن كۇش سالا ىلگەرىلەتىپ، ەمدەۋ بايلىق قاينارىن بىركەلكى ورنالاستىرۋدى ىلگەرىلەتىپ، ٴار ۇلت بۇقاراسىنىڭ سالاماتتىعىنىڭ شىنايى قورعاۋشىسى بولامىز» دەدى كۇنەس اۋداندىق دەنساۋلىق ساقتاۋ، سالاماتتىق كوميتەتى پارتكومىنىڭ شۋجيى سۇن فۋحۋا.
«جاڭا داۋىردەگى جاس پارتيا مۇشەسى رەتىندە، پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى كەزەكتەگى ماڭداي الدى ساياسي مىندەت ەتىپ، باياندامانىڭ مايەكتى مازمۇنىن تەرەڭ ۇعىنىپ، جەتە ۇيرەنىپ، جەتە يگەرىپ، ناقتى ىستەپ، اۋىل - قىستاقتى گۇلدەندىرۋ، نازاريالىق ۇگىت - لەكسيا، ەرىكتى قىزمەت وتەۋ سياقتى اماليات بارىسىندا كۇنەستىڭ اسەم اۋەنىن اسقاقتاتىپ، كۇنەستىڭ تاماشا حيكاياسىن تاراتامىن» دەدى نارات قالاشىعى پارتكومىنىڭ مۇشەسى، ۇگىت القاسى باعينا تايىر قىزى.
«اۋىلعا قايتىپ شارۋاشىلىق قۇرعان جاس رەتىندە، ٴبىز تاماشا داۋىرگە كەز كەلدىك، الدا ٴبىزدىڭ اناعۇرلىم كەڭ شارۋاشىلىق قۇرۋ تۇعىرىمىز بولادى، مەن دە جوعارى مەكتەپتە ۇيرەنگەن كاسىپتىك بىلىمدەرىمدى جاڭا اقپارات قۇرالدارى تۇعىرىمەن ۇشتاستىرىپ، جانكۇيەرلەرىم ارقىلى تىكە تاراتىلىمدا اۋىلىمنىڭ اۋىل شارۋاشىلىق ونىمدەرىن ساۋدالاپ جانە ناراتتىڭ ساياحاتىن ويداعىداي تانىستىرىپ، اتا مەكەنىمنىڭ اۋىل شارۋاشىلىعى مەن ساياحاتىنىڭ توعىسپالى دامۋىنا دەم بەرىپ، اناعۇرلىم كوپ اۋىلداستارىمدى باقىتتى تۇرمىسقا باستايمىن» دەدى نارات قالاشىعى نارات الەۋمەتتىك اۋماعىنداعى اۋىلعا قايتىپ شارۋاشىلىق قۇرعان جاس − قانات باقىتكەلدى ۇلى.
«مەن مىنە وسىنداي ٴتاسىل ارقىلى بالامنىڭ بۇدان بىلاي قۇلشىنا ٴبىلىم ۇيرەنىپ، مۇرات - سەنىمدى بەكەمدەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ٴوز ۇلەسىن قوسۋىن ٴۇمىت ەتەمىن». اۋدانداعى مەكەمە - ورگان كادرى لۋ جۇن سول كۇنى 10 جاستاعى ۇلىمەن بىرگە پارتيا 20 - قۇرىلتايىنىڭ اشىلۋ سالتىن كوردى. «بىزگە ارقا سۇيەر بولىپ تۇرعان قۇدىرەتتى وتانىمىز ەكەنىن بالام بىلسە ەكەن دەيمىن! وتانىمىزدىڭ دامۋى بارعان سايىن جاقسارىپ، حالىق تۇرمىسىنىڭ بارعان سايىن باقۋاتتى بولۋىن تىلەيمىن!» دەدى ول.