汉文 ىلە اقپارات تورابىنا حوش كەلدىڭىزدەر!
«ماڭىزدى شەپ، ماڭىزدى تۇعىر، ماڭىزدى ارنالىق» رولدى ساۋلەلەندىرەمىز
2022-10-25 11:15:21     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

وبلىستىق ساياسي كەڭەستەگىلەر:

«ماڭىزدى شەپ، ماڭىزدى تۇعىر، ماڭىزدى ارنالىق» رولدى ساۋلەلەندىرەمىز

ەرىكتى ٴتىلشى شۇي بين حابارلايدى. ىلە وبلىستىق ساياسي كەڭەس ورگانى 10 - ايدىڭ 21 - كۇنى پارتيالى كادرلاردى ۇيىمداستىرىپ، جەلىدە بەينەەكران ارقىلى شوعىرلى ۇيرەنۋ فورماسىمەن پارتيا 20 - قۇرىلتايىنىڭ بايانداماسىن مۇقيات ۇيرەندى. كوپشىلىك وزدەرىنىڭ يدەيالىق تانىمى جانە قىزمەت ورنى جاۋاپكەرشىلىگىمەن بىرلەستىرە وتىرىپ، ىشكەرىلەي پىكىر اۋىستىرىپ، ۇيرەنۋ اسەرلەرىن ٴبولىستى. وبلىستىق ساياسي كەڭەس پارتيا باسشىلىق گرۋپپاسىنىڭ مۇشەسى، باس حاتشى، ورگان پارتيا باسشىلىق گرۋپپاسىنىڭ شۋجيى كۇڭ ليڭشىڭ وبلىستىق ساياسي كەڭەس ورگانىنىڭ پارتيا 20 - قۇرىلتايىنىڭ رۋحىن ۇيرەنۋى، ۇگىتتەۋى، دايەكتىلەندىرۋى، تياناقتاندىرۋى جونىندە ورنالاستىرۋ جاسادى.

كۇڭ ليڭشىڭ الدىمەن ٴوزىنىڭ ۇيرەنۋ اسەرىن اقتارىلا اڭگىمەلەدى. ول بىلاي دەدى: «پارتيا 20 - قۇرىلتايىنىڭ بايانداماسى − تۋ ۇستاپ، باعدار بەلگىلەپ، جالپى جاعدايدى ٴبىر تۇتاس مەڭگەرگەن، ورەسى اسا بيىك، يدەياسى تەرەڭ، جاڭا داۋىردەگى جۇڭگو كوممۋنيستەرىنىڭ وسكەلەڭ سەنىمىنىڭ، قايراتتانا ەكپىندەي العا ىلگەرىلەۋىنىڭ ساياسي جارناماسى، اقيقات شۇعىلاسىن شاشقان، ماركسيزمدى جۇڭگوشالاندىرۋداعى، زامانالاندىرۋداعى باعدارنامالىق قۇجات، جۇڭگوشا سوتسياليزمنىڭ ۇلى جەڭىسىنە قول جەتكىزۋدەگى باس باعدارناما، جالپىلىق جۇمىلدىرۋ جانە جالپىلىق ورنالاستىرۋ». ول مىنانى تالاپ ەتتى: «پارتيا 20 - قۇرىلتايىنىڭ رۋحىن جاپپاي، دالمە - ٴدال ۇعىنىپ، ساياسي كەڭەس جۇيەسىندە پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن جەدەل كوتەرىپ، بارشا ساياسي كەڭەس مۇشەلەرى مەن ٴار سالاداعى بۇقارانى پارتيا تۋى استىندا <قۇرىشتاي بەرىك> ىنتىماقتا بولۋعا باستاپ، ساياسي كەڭەستىڭ <ماڭىزدى شەپ، ماڭىزدى تۇعىر، ماڭىزدى ارنالىق> رولىن اناعۇرلىم ويداعىداي ساۋلەلەندىرىپ، كەڭەستىك دەموكراتيانى جاپپاي دامىتىپ، كەڭەستىك دەموكراتيانىڭ كەڭ كولەمدە، كوپ ساتىلى تۇزىمدەنە دامۋىن تىڭعىلىقتى ىلگەرىلەتىپ، ىشكەرىلەي كەڭەسىپ، ٴوزارا ىقپالداس بولۋ، پىكىردى تولىق جەتكىزۋ، ورتاق تانىمدى كەڭىنەن ۇيىستىرۋ ورەسىن ۇزدىكسىز جوعارىلاتىپ، ٴبىر نيەتتە بولىپ، جۇڭگو ارمانىن بىرگە جۇزەگە اسىرۋدىڭ قۇدىرەتتى بىرىككەن كۇشىن قۇلشىنا قالىپتاستىرۋىمىز كەرەك».

وبلىستىق ساياسي كەڭەستىڭ ورىنباسار باس حاتشىسى ەرنۇر ناۋان ۇلى بىلاي دەدى: «پارتيالى كادر رەتىندە پارتيا 20 - قۇرىلتايىنىڭ رۋحىن باستاماشىلدىقپەن ويداعىداي ۇيرەنىپ، ۇگىتتەپ جانە دايەكتىلەندىرىپ، ٴاردايىم قام جەپ تۇراتىن جاۋاپكەرشىلىك سەزىممەن بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشىپ، بۇقارانىڭ باقىتى ٴۇشىن ايانباي تەر توگىپ، بارشا جۇرتتى ويدى ٴبىر اراعا شوعىرلاندىرىپ، كۇشتى ٴبىر اراعا جۇمساپ، ەش بۇلجىماستان پارتياعا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسۋگە تاربيەلەپ جانە باستاپ، ٴداۋىردىڭ ٴۇمىتىن اقتاپ، بورىشىمدى ادا ەتەمىن».

وبلىستىق ساياسي كەڭەس ەكونوميكا قىزمەتى كوميتەتىنىڭ ورىنباسار مەڭگەرۋشىسى يۇي جاۋچياڭ بىلاي دەدى: «پارتيا 20 - قۇرىلتايىنىڭ بايانداماسى − ٴبىزدىڭ جاڭا جورىقتا ەكپىندەي ىلگەرىلەۋدەگى ارەكەت تۇعىرنامامىز، ول ٴبىزدىڭ ىسكەرلىك كورسەتىپ، جاڭالىق اشۋ سەنىمىمىز بەن بەكىمىمىزدى بارىنشا ارتتىردى. جاڭا داۋىردەگى ساياسي كەڭەس قىزمەتكەرى رەتىندە پارتيا 20 - قۇرىلتايىنىڭ رۋحىن قىزمەتتىڭ جاڭا قوزعاۋشى كۇشىنە اينالدىرىپ، ارناۋلى كوميتەت قىزمەتىنىڭ جاۋاپكەرشىلىگىن تياناق ەتىپ، ٴار سالاداعى مۇشەلەرمەن تىعىز بايلانىس جاساپ، ارناۋلى كوميتەتتىڭ مىندەت اتقارۋ جاڭا تۇعىرىن ورناتىپ، حالىقتىق ساياسي كەڭەستىڭ دەموكراتيالىق باقىلاۋى مەن مۇشەلەردىڭ ٴار سالاداعى بۇقارامەن بايلانىس جاساۋ ٴتۇزىمى مەحانيزمىن بەلسەنە قاراستىرىپ جانە كەمەلدەندىرىپ، مۇشەلەردى بىلەك سىبانا قايراتتانا ىستەپ، ىنتىماقتاسا كۇرەس جاسايتىن سەنترلەس شەڭبەردى قۇلشىنا سىزۋعا ىنتىماقتاستىرا باستايمىن».

وبلىستىق ساياسي كەڭەس ورگان پارتكومىنىڭ ارناۋلى مىندەتتەگى ورىنباسار شۋجيى جوۋ ۋىن بىلاي دەدى: «پارتيا 20 - قۇرىلتايىنىڭ رۋحىن ىشكەرىلەي ۇعىنىپ، جەتە ٴتۇسىنىپ، شىنايى تياناقتاندىرۋدى ساياسي كەڭەس ورگانىنىڭ پارتيا قۇرىلىسى قىزمەتىندەگى ماڭىزدى ساياسي مىندەتى ەتىپ، پارتيا ياچەيكاسىن سۇيەنىش ەتە وتىرىپ، «ٴۇش جيىن، ٴبىر ساباقتىڭ» رولىن ساۋلەلەندىرىپ، پارتيالى كادرلاردى ۇيرەنۋگە، زەرتتەۋ - تالقىلاۋ، پىكىر اۋىستىرۋعا مەرزىم بويىنشا ۇيىمداستىرىپ، پارتيا 20 - قۇرىلتايىنىڭ بايانداماسىندا العا قويىلعان جاڭا يدەيا، جاڭا ستراتەگيا جانە جاڭا شارالاردى ىشكەرىلەي ۇعىنىپ، پارتيا 20 - قۇرىلتايى رۋحىنىڭ ساياسي كەڭەس قىزمەتىندە تياناقتانىپ تامىر تارتۋىن، ونىمدىلىك جاراتۋىن ىلگەرىلەتەمىن».

ساياسي كەڭەس ورگانىنداعى جاس كادر چىن ياليڭ بىلاي دەدى: «پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋدى جاڭالىق اشا العا ىلگەرىلەۋدىڭ قىزمەت امالياتىندا تياناقتاندىرىپ، ارقالاعان ساياسي جاۋاپكەرشىلىگىم پەن تاريحي بورىشىمدى قاي - قاشان دا ەستە بەرىك ساقتاپ، جۇڭگو كوممۋنيستەرىنىڭ رۋحاني قان تامىرىن ۇزدىكسىز جالعاستىرىپ، شىنايى قوسقان ۇلەسىم مەن ناتيجەم ارقىلى جاڭا داۋىردەگى جاس پارتيا مۇشەسىنىڭ <اۋەلگى ماقساتتى ۇمىتپاۋ، بورىشتى ەستە بەرىك ساقتاۋ> سەرتىن امالياتتا ايگىلەيمىن».