شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 23 - كۇنى تۇستەن كەيىن، حالىق سارايىندا پارتيا 20 - قۇرىلتايىنا قاتىناسقان ۋاكىلدەرمەن، ۇسىنىس ەتىلگەن ۋاكىلدەرمەن جانە سىرتتاي قاتىناسقاندارمەن ىستىق ىقىلاسپەن كەزدەستى ءارى كوپشىلىكپەن سۋرەتكە ءتۇسىپ ەستەلىك قالدىردى.

لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، ما شيڭرۇي، ۋاڭ چىن، ۋاڭ ي، يىن لي، شى تايفىڭ، ليۋ حى، ليۋ گوجۇڭ، شۇي چيلياڭ، سۇن چۇنلان، لي گانجيە، لي شۋلەي، لي حۇڭجۇڭ، ياڭ شياۋدۋ، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين - ىر، حۋ چۇنحۋا، يۋان جياجۇن، حۋاڭ كۇنميڭ، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، ليۋ جينگو، ۋاڭ شياۋحۇڭ، ياڭ جيەچى، چىن شي، چىن چۋانگو، گو شىڭكۇن، يوۋ چۋان كەزدەسۋگە قاتىناستى.

حالىق سارايىنىڭ قوناقاسى زالىندا الۋان ءتۇرلى شىراقتار جارقىرايدى، پارتيا بەلگىسى بيىك ىلىنگەن، قىزۋ دۋماندى سالتانات لەبى ەسەدى. 2700دەن استام ۋاكىل، ۇسىنىس ەتىلگەن ۋاكىل جانە سىرتتاي قاتىناسۋشى وسى ارادا باس قوسىپ، تەبىرەنىستى كوڭىل كۇيمەن باسشى جولداستاردىڭ كەلۋىن كۇتىپ وتىر.

تۇستەن كەيىن ساعات 4تە، شي جينپيڭ قاتارلىلار قوناقاسى زالىنا كىرگەندە، بۇكىل زالدان كوپكە دەيىن شاتىرلاعان شاپالاق ءۇنى كوتەرىلدى. شي جينپيڭ قاتارلىلار كوپشىلىككە قول بۇلعاپ، قۇرمەت ءبىلدىرىپ، ءالسىن - ءالى كىدىرىپ الدىڭعى قاتارداعى جولداستارمەن ىستىق ىقىلاسپەن سويلەستى. ۋاكىلدەر شي جينپيڭ قاتارلى باسشى جولداستارعا تۇس - تۇستان سالەم بەرىپ، رياسىز ىززەت - قۇرمەت ءبىلدىرىپ، ىستىق ىقىلاستى سالەمدەرىن جەتكىزدى. زال ءىشى تولقىعان شىنايى سۇيىسپەنشىلىككە، قىزۋ مەرەيگە شومدى، شاپالاق ءۇنى، شاتتىق ءۇنى كوپكە دەيىن تولاستامادى.

مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار مەن باسشىلىق قىزمەتتەن بوساعان ساقا جولداستار دا كەزدەسۋگە قاتىناستى.