汉文 ىلە اقپارات تورابىنا حوش كەلدىڭىزدەر!
ٴتىپتى دە شۇعىلالى بولاشاق جاراتۋعا قۇلشىنامىز
2022-10-26 12:08:27     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ٴتىپتى دە شۇعىلالى بولاشاق جاراتۋعا قۇلشىنامىز

ىلەدەگى قوعامنىڭ ٴار سالاسىنداعىلار جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسى تۇراقتى كوميتەتى مۇشەلەرىنىڭ جۇڭگولىق، شەتەلدىك تىلشىلەرمەن كەزدەسۋ ٴماجىلىسىنىڭ تىكە تاراتىلىمىن تىڭدادى جانە كوردى

ٴتىلشىمىز لۋ جۇڭ حابارلايدى. جاڭا جورىق — داڭق پەن ارمانعا تولى ۇزاق جورىق.  ۇلى جوبا جاسالدى، دابىل الدەقاشان قاعىلدى. ٴبىز اسقاق جىگەرمەن قايراتتانا ۇمتىلىپ، ەرلىكپەن العا ىلگەرىلەپ،  ٴتىپتى دە شۇعىلالى بولاشاق جاراتۋعا قۇلشىنۋىمىز كەرەك.

10 - ايدىڭ 23 - كۇنى ەندى عانا جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ٴبىرىنشى جالپى ماجىلىسىندە سايلانعان جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جانە جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي بەيجيڭ حالىق سارايىندا جۇڭگولىق، شەتەلدىك تىلشىلەرمەن ىستىق ىقىلاسپەن كەزدەستى، باس شۋجي شي جينپيڭ ماڭىزدى ٴسوز سويلەدى. ىلەدەگى قوعامنىڭ ٴار سالاسىنداعىلار راديو، تەلەۆيزور، توراپ سياقتى ارنالارمەن ناق مايدان تىكە تاراتىلىمىن تىڭدادى، كوردى. كوپشىلىك جابال مىنانى ٴبىلدىردى: جاپپاي سوتسياليستىك وسىزاماندانعان مەملەكەت قۇرۋ جۇڭحۋا ۇلتىنىڭ اسىل ارمانى مەن تىلەگىن ارقالاعان، وعان جۇڭگو حالقىنىڭ كۇرەسى مەن ماڭداي تەرى سىڭگەن. جۇڭگو ۇلگىسىندەگى وسىزامانداندىرۋ - جۇڭگو كوممۋنيستىك پارتياسى مەن جۇڭگو حالقىنىڭ ۇزاق ۋاقىتتىق امالياتتىق ىزدەنىسىنىڭ جەمىسى، ۇلى دا جاپالى ٴىس. جاپالى بولعاندىعى سەبەپتى، ۇلى، جاپالى بولعاندىعى سەبەپتى اناعۇرلىم داڭقتى. ٴبىز جاڭا كەزەكتى ورتالىق كوميتەتتىڭ باسشىلىق كوللەكتيۆىن باتىل قولداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، وزىنە سەنىپ، ٴوزىن الۋەتتەندىرىپ، تۋراشىلدىقتى ساقتاپ، جاڭالىق اشىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەلەگەي ۇلى كۇشىن ۇيىستىرامىز. 

نىلقى اۋداندىق اۋىل - قىستاقتى گۇلدەندىرۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى جاڭ شيۇڭجيە بىلاي دەدى: «باس شۋجي شي جينپيڭ جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرىمەن بىرگە جۇڭگولىق، شەتەلدىك تىلشىلەرمەن كەزدەسكەن كەزدە <العا باسۋ جولىندا مەيلى بوران - شاشىن بولسىن، الدە اساۋ تولقىندار بولسىن، حالىق ماڭگى ٴبىزدىڭ ەڭ بەرىك سۇيەنىشىمىز، ەڭ قۋاتتى كۇشىمىز، ٴبىز باستان - اياق حالىقپەن قيىن - قىستاۋ شاقتاردى بىرگە وتكەرىپ، حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرۋىمىز كەرەك> دەدى. اۋىل - قىستاقتى گۇلدەندىرۋ ستراتەگياسىنىڭ ۇزدىكسىز جاپپاي ىلگەرىلەتىلۋىنە بايلانىستى، اۋىل - قىستاقتىڭ بارلىق جەرىندە اۋىل شارۋاشىلىعى جوعارى ساپالى، جوعارى ٴونىمدى، اۋىل - قىستاق ورتاسى قونىستانۋعا جايلى، كاسىپتەنۋگە ىڭعايلى، شارۋالار باي - باقۋاتتى تۇرمىس كەشىرگەن داۋىرلىك كارتينانىڭ كەستەلەنەتىندىگىنە سەنىمدىمىن. الدا پارتيا 20 - قۇرىلتايىنىڭ رۋحىن جەتەكشى ەتىپ، نىلقى اۋدانىنىڭ ٴىس جۇزىندىگىمەن بىرلەستىرىپ، كەدەيلىكتەن ارىلتۋدان قامال الۋ تابىستارىن ۇزدىكسىز بەكەمدەپ جانە كەڭەيتىپ، كەدەيلىكتەن ارىلعان بۇقارانىڭ ىشكى قوزعاۋشى كۇشىن ۇزدىكسىز سەرپىلتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ ٴۇشىن بەرىك نەگىز قالايمىن».

قورعاس قالالىق قوعام حاۋىپسىزدىگى مەكەمەسى شارلاۋ، قورعانۋ - تىزگىندەۋ ۇلكەن اترەتىنىڭ باستىعى يۇي شاڭپيڭ بىلاي دەدى: «بۇگىن ايرىقشا ىقىلاستى كوڭىل كۇيمەن جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسى تۇراقتى  كوميتەتى مۇشەلەرىنىڭ جۇڭگولىق، شەتەلدىك تىلشىلەرمەن كەزدەسۋ ٴماجىلىسىنىڭ تىكە تاراتىلىمىن كوردىم. بۇدان كەيىن <كوشباسشىلىق> رولىمدى تولىق ساۋلەلەندىرىپ، حالىق ساقشىلارى مەن كومەكشى ساقشىلاردى يدەيانى پارتيا 20 - قۇرىلتايىنىڭ رۋحىمەن بىرلىككە كەلتىرۋگە باستاپ، قۇرىلتايدىڭ رۋحاني ٴمانىن ىشكەرىلەي ۇعىنىپ، ٴىس جۇزىندىك ارەكەتىم ارقىلى <ٴبىر ٴوڭىردىڭ تىنىشتىعىن ساقتاۋ، ٴبىر ٴوڭىردىڭ ورنىقتىلىعىن قورعاۋ، ٴبىر وڭىردەگى بۇقاراعا قىزمەت وتەۋ> ۋادەمىزدى امالياتتا ايگىلەپ، قورعاس قالاسىنىڭ قوعام حاۋىپسىزدىگى ىستەرى ٴۇشىن تىڭ ٴارى ٴتىپتى دە زور ۇلەس قوسامىن».

قۇلجا قالاسى تاسكوپىر اۋىلىنىڭ ورىنباسار باستىعى ٴازىمات يلاحۇن بىلاي دەدى: «پارتيانىڭ 20 - قۇرىلتايى اۋىل - قىستاقتى گۇلدەندىرۋدىڭ جاڭا جوباسىن بەلگىلەدى، جاڭا كەزەكتى ورتالىق كوميتەتتىڭ باسشىلىق كوللەكتيۆىن باتىل قولداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، اۋەلگى ماقسات پەن بورىشتى ۇزدىكسىز امالياتتا ايگىلەپ، يدەيا مەن ارەكەتتى پارتيا 20 - قۇرىلتايىنىڭ رۋحىمەن بىرلىككە كەلتىرىپ، تاسقىنداعان ىنتا، اسقاق جىگەرمەن قىزمەتكە كىرىسىپ، قىستاق تۇرعىندارىن ٴتىپتى دە كوركەم تۇرمىستى بىرگە جاراتۋعا، باقىتتى مەكەندى بىرگە قۇرىپ، بىرگە يگىلىكتەنۋگە باستايمىن».

قۇلجا اۋدانى دولان ەگىس الاڭى پارتكومىنىڭ شۋجيى بي جىچياڭ بىلاي دەدى: «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، ٴسوزسىز، جۇڭگوشا سوتسياليستىك جاڭا ٴداۋىردىڭ تىڭ داستانىن جازا الاتىندىعىمىزعا سەنىمدىمىن. بۇدان كەيىنگى قىزمەت بارىسىندا نەگىزگى ساتى پارتيا ۇيىمىنىڭ جاۋىنگەر قورعاندىق رولىن اناعۇرلىم ويداعىداي ساۋلەلەندىرىپ، بۇقارانىڭ قيىنشىلىعىن شەشىپ، بۇقارا ٴۇشىن ناقتى ٴىس ىستەپ، بۇقارانىڭ تابىس سەزىمىن، باقىت سەزىمىن جانە حاۋىپسىزدىك سەزىمىن ۇزدىكسىز جوعارىلاتامىن».

شينجياڭ تيانيۇن ورگانيكالى اۋىل شارۋاشىلىعى شەكتى سەرىكتەستىگىنىڭ باس جوراسى جاڭ شيۋ بىلاي دەدى: «ٴبىز قازىر ۇلى داۋىردە جاساپ جاتىرمىز، بۇل ٴداۋىر - وراي مەن سايىسقا تولى ٴداۋىر. حالىقتىق كاسىپورىن تيجاراتشىسى رەتىندە  ەكونوميكانى دامىتۋ بورىشىن ارقالاۋمەن بىرگە، ىلەنىڭ ەكونوميكاسىنىڭ جوعارى ساپالى دامۋىنا كۇش - قۋاتىمدى ارناپ، بىلەك سىبانا قايراتتانا ىستەپ، بوران - شاشىنعا بوگەلمەي العا ىلگەرىلەپ، ەلىمىزدىڭ سۋىق سۋ بالىعى كاسىپ سالاسىنىڭ دامۋىنا بارىنشا ٴوز ۇلەسىمدى قوسىپ، جۇڭحۋا ۇلتىنىڭ ۇلى گۇلدەنۋىنە كەرپىش بولىپ قالانامىن!»