汉文 ىلە اقپارات تورابىنا حوش كەلدىڭىزدەر!
پارتيا 20 - قۇرىلتايىنىڭ رۋحىن ۇيرەنىپ، اسقاق ارىنمەن جاڭا ساپارعا اتتانامىز
2022-10-26 12:11:42     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ىلەدەگى كادر - بۇقارا:

پارتيا 20 - قۇرىلتايىنىڭ رۋحىن ۇيرەنىپ، اسقاق ارىنمەن جاڭا ساپارعا اتتانامىز

ٴتىلشىمىز لۋ جۇڭ حابارلايدى. پارتيانىڭ 20 - قۇرىلتايى جەڭىسپەن جابىلدى، ىلە وبلىسىنداعى پارتيالى كادر - بۇقارا جاڭا ارمان - تىلەكتەرىن بۇكپەسىز اڭگىمەلەپ، جاڭا دامۋ جونىندە اقتارىلا كەڭەس قۇرىپ، جاپپاي مىنانى ٴبىلدىردى: ٴسوز جوق، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، بىلەك سىبانا قايراتتانا ىستەپ، جاڭا ناتيجە جاراتۋعا قۇلشىنامىز.

«اۋىل شارۋاشىلىعىن، اۋىل - قىستاقتى الدىمەن دامىتۋدا تاباندى بولىپ، كەدەيلىكتەن ارىلتۋدان قامال الۋدىڭ تابىستارىن بەكەمدەپ جانە كەڭەيتىپ، اۋىل شارۋاشىلىعىندا قۇدىرەتتى ەل قۇرۋدى جەدەلدەتۋ كەرەك، پارتيا 20 - قۇرىلتايىنىڭ بايانداماسىندا جاسالعان دامۋ جوباسى كىسىنى جەلپىندىرەدى. ٴبىز پارتيا 20 - قۇرىلتايىنىڭ رۋحىن ويداعىداي ۇيرەنۋدى، ويداعىداي دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى اۋىل شارۋاشىلىعى، اۋىل - قىستاق جۇيەسىنىڭ كەلەلى ساياسي مىندەتى ەتىپ، 1 - كاسىپتىڭ جوعارى ساپالى دامۋىن ىلگەرىلەتىپ، اۋىل - قىستاقتى گۇلدەندىرۋدە تىڭ ىلگەرىلەۋشىلىككە قول جەتكىزۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدا تىڭ قادام تاستايمىز» دەدى وبلىستىق اۋىل شارۋاشىلىق، اۋىل - قىستاق مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ماقسات مۇراتقان ۇلى. 

«پارتيا 20 - قۇرىلتايىنداعى گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا، باس شۋجي شي جينپيڭ بىلاي دەپ اتاپ كورسەتتى: كەزەكتەگى ەڭ ماڭىزدى مىندەت − بىلەك سىبانا قايراتتانا ىستەپ، پارتيانىڭ 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى نىق قاداممەن ناقتى ارەكەتكە اينالدىرىپ، ناقتى ونىمدىلىككە قول جەتكىزۋ. ساۋدا ىستەرى قىزمەتكەرى رەتىندە پارتيا 20 - قۇرىلتايىنىڭ بايانداماسىنان بەلسەنە كۇش - قۋات الىپ، قىزمەتتىڭ ٴىس جۇزىندىك جاعدايىمەن ۇشتاستىرىپ، ۇيرەنۋ ناتيجەمدى قىزمەتتىڭ قوزعاۋشى كۇشىنە جانە قىزمەت قابىلەتىنە اينالدىرىپ، وسكەلەڭ جاۋاپكەرشىلىك سەزىممەن، بورىشتىلىق سەزىممەن قىزمەتكە كىرىسە ىستەپ، ىلە ەكونوميكاسىنىڭ جوعارى ساپالى دامۋىنا ۇلەس قوسامىن» دەدى وبلىستىق ساۋدا ىستەرى مەكەمەسىنىڭ كادرى جاڭ شۇي.

ىلە اڭعارىنىڭ جۇپار ٴشوبى بۇكىل ەلدەگى جۇپار ٴشوپ ەگىلگەن جەر اۋماعىنىڭ %95 تەن استامىن ۇستايدى، ىلە جۇڭگوداعى جۇپار ٴشوپ مەكەنى سانالادى. 10 جىلدىق قاجىماي - تالماي قۇلشىنۋ ارقىلى ىلە اڭعارى اۋىل شارۋاشىلىق عىلىم - تەحنيكا توبى شەكتى سەرىكتەستىگى اۋماعى 20 مىڭ مۋدان اساتىن ىلە اڭعارى 10 مىڭ مۋلىق جۇپار ٴشوپ كاسىپ باقشاسىن قۇرىپ، 45 ٴتۇرلى جۇپار ٴشوپ مايساسىن ٴساتتى جەتىلدىردى، 6 ٴتۇرلى مايسانىڭ باستى قۇرامى مەملەكەتتىك ولشەمگە جەتتى، مۇنىڭ ىشىندەگى 2 ٴتۇرلى مايسانىڭ باستى قۇرامى فرانسيانىڭ جۇپار ٴشوپ كاسىپ سالاسىنىڭ ولشەمىنە جەتتى ٴتىپتى ودان استى.

2022 - جىلعى «ٴىرى ەل ىسكەر ديقانى» مەملەكەتتىك شارۋالار شەبەرلىك جارىسىنىڭ شارۋاشىلىق قۇرۋ، جاڭالىق اشۋ ٴتۇرى بويىنشا 1 - دارەجەلى سيلىققا يە بولعان ىلە اڭعارى اۋىل شارۋاشىلىعى عىلىم - تەحنيكا توبى شەكتى سەرىكتەستىگىنىڭ باس جوراسى جاڭ يۇنلي بىلاي دەدى: «پارتيا 20 - قۇرىلتايىنىڭ بايانداماسىندا:  جالپىلىق مەنشىكتەگى شارۋاشىلىقتى ەش مىزعىماستان بەكەمدەۋ جانە دامىتۋ، جالپىلىق مەنشىككە جاتپايتىن شارۋاشىلىقتىڭ دامۋىنا ەش مىزعىماستان شابىت بەرۋ، قولداۋ كورسەتۋ، جەتەكشىلىك ەتۋ كەرەك، - دەپ العا قويىلدى. بۇل ٴبىز سياقتى حالىقتىق كاسىپورىنشىلاردىڭ كوڭىلىن كولدەي تولقىتتى. ٴبىز پارتيا 20 - قۇرىلتايىنىڭ رۋحىن جەتەكشى ەتىپ، عىلمي زەرتتەۋ قوسىنىنىڭ كۇشىن ۇيىستىرىپ، وسى زامانعى كاسىپ سالاسى جۇيەسىن قۇرۋدى تىعىز ارقاۋ ەتە وتىرىپ اۋىل - قىستاقتى گۇلدەندىرۋدى ىلگەرىلەتىپ، جۇڭگونىڭ جۇپار ٴشوپ كاسىپ سالاسىن دامىتامىز».

نىلقى اۋدانى كوكحوتقىر موڭعۇل ۇلتتىق اۋىلى شىرىنتوعاي قىستاعىنىڭ ٴبىرىنشى شۋجيى، اۋداندىق تۇرعىن ٴۇي جانە قالا، اۋىل قۇرىلىسى مەكەمەسىنىڭ وسى قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى مياۋ چيڭتاي بىلاي دەدى: «جاڭا جورىقتا مەن ٴار ۇلت بۇقاراسىن ىنتىماقتاستىرىپ، باستاپ، ويدى ٴبىر اراعا شوعىرلاندىرىپ، كۇشتى ٴبىر اراعا جۇمساپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىن».