وبلىسقا توتە قاراستى ورىندارداعى ورمان، جايىلىم جۇيەسىندەگىلەر:

تۇنىق سۋ، جاسىل تاۋدى قورعاپ، كورىكتى ىلە قۇرامىز

ٴتىلشىمىز لي جيان حابارلايدى. بىرنەشە كۇننەن بەرى باس شۋجي شي جينپيڭنىڭ پارتيانىڭ 20 - قۇرىلتايىندا جاساعان بايانداماسى ىلە وبلىسىنىڭ ورمان، جايىلىم جۇيەسىندەگى پارتيالى كادرلاردىڭ قىزۋ اڭىسىن قوزعادى. كوپشىلىك جابال مىنانى ٴبىلدىردى: ىلەنىڭ تۇنىق سۋ، اشىق اسپانىن ويداعىداي قورعاپ، كورىكتى ىلە قۇرۋعا ۇلەس قوسامىز.

پارتيا 18 - قۇرىلتايىنان بەرى ىلە وبلىسى شي جينپيڭنىڭ ەكولوگيالىق وركەنيەت يدەياسىن بەلسەنە امالياتتا ايگىلەپ، تاۋ، سۋ، ورمان، اتىز، كول، جايىلىمدى ٴبىر تۇلعالاندىرىپ قورعاۋ مەن جۇيەلى جونگە سالۋدى ٴبىر تۇتاس جوسپارلاپ ىلگەرىلەتىپ، ورمان، جايىلىم ەكولوگياسىن قورعاۋ، قالپىنا كەلتىرۋ قۇرىلىسىن كۇش سالا جۇرگىزىپ، ورمان، جايىلىم بايلىعىن قورعاۋدى، باسقارۋدى جانە عىلمي پايدالانۋدى كۇشەيتىپ، ورمان، جايىلىمدى جوعارى ساپالى دامىتۋدا كورنەكتى ناتيجەلەرگە قول جەتكىزدى.

قازىرگە دەيىن ىلە اڭعارىندا 472 مىڭ 200 مۋ جەرگە جاساندى ورمان وتىرعىزىلىپ، 434 اۋىل - قىستاق جاسىلداندىرىلىپ، كورىكتەندىرىلىپ، سازدىقتى قورعاۋ، قالپىنا كەلتىرۋ قىزمەتى جاپپاي ىلگەرىلەتىلدى، مەملەكەتتىك 5 شۇرات باقشاسىن تۇيىندە سىناق ەتۋ مەملەكەتتىڭ تەكسەرىپ - وتكىزىپ الۋىنان ٴساتتى ٴوتتى.

«پارتيا 20 - قۇرىلتايى بايانداماسىنىڭ تۇرعىسى بيىك، وندا جۇڭگو ۇلگىسىندەگى وسىزامانداندىرۋدىڭ ايبىندى جوباسى جۇيەلى جاسالعان». وبلىستىق ورمان شارۋاشىلىعى جانە جايىلىم مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ٴسايدىنۇر نۇردىبەك ۇلى بىلاي دەدى: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، جەتە ٴتۇسىنىپ، ەكولوگيانى ماڭداي الدى ورىنعا قويۋعا، جاسىل دامۋعا تاباندى بولىپ، ەكولوگيانى قورعاۋدىڭ قىزىل سىزىعىن قاتاڭ ساقتاپ، ورمان، جايىلىم قىزمەتىنىڭ كۇش سالۋ ٴتۇيىنىن دۇرىس يگەرىپ، تومەنگى شەكتە ويلاۋعا تاباندى بولىپ، دامۋ ورايىن مىقتى يگەرىپ، جاراتىلىستىق قورعالاتىن جەر جۇيەسى قۇرىلىسىن جەدەل ىلگەرىلەتىپ، ورمان باستىعى ٴتۇزىمى قىزمەتىن ناقتى، ويداعىداي يگەرىپ، ورمانعا، جايىلىمعا ساياتىن نىسانداردى تەكسەرىپ بەكىتۋگە قىزمەت وتەۋدى بار كۇشپەن ويداعىداي ىستەيمىز؛ جەمىس ورمان شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى تىڭعىلىقتى ىلگەرىلەتىپ، ورمان ٴوسىرۋ، جاسىلداندىرۋ قىزمەتىن عىلمي ورىستەتىپ، ورمان، جايىلىم ٴورت اپاتىنان جانە زياندى ورگانيزمدەردەن ساقتانۋدى ۇزدىكسىز كۇشەيتىپ، جابايى حايۋاناتتار مەن وسىمدىكتەردى قورعاۋ سياقتى ٴتۇيىندى قىزمەتتەردى ۇزدىكسىز ورىستەتىپ، بۇكىل وبلىستا ورمان، جايىلىم ىستەرىن دامىتۋدىڭ جاڭا جاعدايىن قۇلشىنا اشىپ، ەكولوگياسى تاماشا كوركەم ىلە قۇرۋعا ٴتيىستى ۇلەس قوسامىز.

قورعاس اۋداندىق ورمان شارۋاشىلىعى جانە جايىلىم مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى ۋاڭ ياحۇي بىلاي دەدى: «بۇدان بىلاي ٴبىز پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى نەگىزگى جەلى ەتىپ، ورمان شارۋاشىلىعىن، جايىلىمدى دامىتۋعا وسكەلەڭ ٴمان بەرىپ، ورمان باستىعى ٴتۇزىمىن جاپپاي اتقارىپ، تاۋ، سۋ، ورمان، اتىز، كول، جايىلىم، ٴشول جۇيەسىن جونگە سالۋدى ٴبىر تۇتاس جوسپارلاپ، ىلە وزەنى الابىنىڭ قورعاس بولەگىندەگى ەكولوگيانى قالپىنا كەلتىرۋ، جونگە سالۋ ينجەنەرياسىن ىلگەرىلەتىپ، تۇتاس اۋداننىڭ مەملەكەت جەرى ەكولوگيالىق حاۋىپسىزدىك قالتقىسىن اناعۇرلىم بەكەمدەيمىز، ەكولوگيالىق جاعدايدى ۇزدىكسىز جاقسارتىپ، ورمان، جايىلىم ورنالاسۋىن ۇزدىكسىز كەمەلدەندىرىپ، قورعاس قالاسىنىڭ اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق، ورتاسى اناعۇرلىم كوركەم بولۋىنا مۇمكىندىك جاراتىپ، جاسىل قورعاستىڭ دامۋ جاڭا ٴورىسىن ۇزدىكسىز اشامىز».

چاپچال سىبە اۆتونوميالى اۋدانى ميلياڭچۋان حۇيزۋ ۇلتتىق اۋىلىنىڭ ورىنباسار باستىعى جاڭ گۋاڭحۋا مىنانى ٴبىلدىردى: قورشاعان ورتانى قورعاۋ مەن ورمان، جايىلىم شارۋاشىلىعىن دامىتۋعا جاۋاپتى نەگىزگى ساتى كادرى رەتىندە بۇدان بىلاي ٴبىز قىزمەت ٴتۇيىنىن اۋىل - قىستاق ورتاسىن ونان ارى كورىكتەندىرۋگە اۋدارامىز. سونىمەن بىرگە، ىلە وزەنى الابىندا وزەن شارلاۋ - تازالاۋدى كۇشەيتەمىز؛ ەرەكشە جەمىس ورمان شارۋاشىلىعىن ۇزدىكسىز دامىتىپ، شارۋالاردىڭ كىرىسىن ارتتىرىپ، كورىكتى اۋىل - قىستاق قۇرۋدى جەبەيمىز.