汉文 ىلە اقپارات تورابىنا حوش كەلدىڭىزدەر!
پارتيا 20 - قۇرىلتايىنىڭ رۋحىن جاپپاي ۇيرەنىپ، يگەرىپ، تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە قۇلشىنۋ كەرەك
2022-10-28 12:50:21     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 1 - رەتكى توپتىق ۇيرەنۋىندە بىلاي دەپ باسا دارىپتەدى

پارتيا 20 - قۇرىلتايىنىڭ رۋحىن جاپپاي ۇيرەنىپ، يگەرىپ، تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە قۇلشىنۋ كەرەك

شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى. 20 - كەزەكتى جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 10 - ايدىڭ 25 - كۇنى تۇستەن كەيىن پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە 1 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجي−ى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: پارتيا 20 - قۇرىلتايى ساياسيدا، نازاريادا، امالياتتا ءبىر قىدىرۋ كەلەلى جەتىستىكتەرگە قول جەتكىزىپ، جاڭا داۋىردەگى جاڭا جورىقتاعى پارتيا مەن مەملەكەت ىستەرىنىڭ دامۋى جونىندە كەلەلى باعىت - ساياسات بەلگىلەپ، ستراتەگيالىق ورنالاستىرۋ جاسادى، بۇل پارتيامىزدىڭ حالىقتى ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋىنىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋىنىڭ ساياسي جارناماسى جانە ارەكەت تۇعىرناماسى. بۇكىل پارتيا جاپپاي ۇيرەنۋ، جاپپاي يگەرۋ، جاپپاي تياناقتاندىرۋ جاعىنا كۇش سالىپ، پارتيا 20 - قۇرىلتايىندا العا قويىلعان نىسانا - مىندەتتەردى بۇلجىماي ناقتاپ تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە قۇلشىنۋ كەرەك.

لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي پارتيا 20 - قۇرىلتايىنىڭ رۋحىن تەرەڭ ءتۇسىنۋ جانە دايەكتىلەندىرۋ، تياناقتاندىرۋ جونىندە اسەرلەرىن اڭگىمەلەدى. ولار مىنالاردى ءبىلدىردى: پارتيا 20 - قۇرىلتايى جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، «ۇشكە ۋاكىلدىك ەتۋ» ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاڭا ءداۋىردىڭ 10 جىلىنداعى ۇلى وزگەرىستەر جانە ونىڭ بەلەستىك ءمانى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسى جانە وعان سىڭىرىلگەن تۇرعى، كوزقاراس، ءادىس، جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ بورىشى، مىندەتى، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى، ماندىك تالابى جانە ءسوز جوق مىقتاپ يگەرۋگە ءتيىستى كەلەلى پرينسيبى سياقتى كەلەلى نازاريالىق جانە امالياتتىق ماسەلەلەردى تەرەڭ بايىمداپ، 2035 - جىلعا دەيىنگى ەلىمىز دامۋىنىڭ باس نىساناسى مەن الداعى 5 جىلداعى باستى نىسانا - مىندەتتەردى بەلگىلەپ، پارتيانىڭ جاپپاي باسشىلىعىن كۇشەيتۋ جانە جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋ جونىندە ورنالاستىرۋ جاساپ، جاڭا داۋىردەگى جاڭا جورىقتا پارتيا مەن مەملەكەت ىستەرىنىڭ دامۋىنا ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. ءبىز باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاۋىمىز، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن قورعاۋىمىز كەرەك. ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”مەملەكەتتىڭ زور ءىسىن“ كوكەيدە بەرىك ساقتاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كوتەرىڭكى رۋحاني كۇيمەن، ناقتى ىستەۋ قىزمەت ستيلىمەن پارتيا 20 - قۇرىلتايىنىڭ رۋحىن دايەكتىلەندىرىپ، تياناقتاندىرىپ، جاڭا جورىقتا پارتيا مەن مەملەكەت ىستەرىنىڭ دامۋىندا جاڭا جاعداي اشۋعا قۇلشىنۋىمىز كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنداعى جولداستار ولاردىڭ پىكىرىن مۇقيات تىڭدادى.

شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ اتاپ كورسەتتى: پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ كەزەكتەگى جانە بۇدان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ ماڭداي الدى ساياسي مىندەتى بولادى. ورتالىق كوميتەتتىڭ ساياسي بيۋروسى باستاماشىلدىقپەن بۇكىل پارتيادا، بۇكىل ەلدە پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ويداعىداي مىقتى يگەرىپ، قالىڭ كادرلار مەن بۇقارانىڭ پارتيا 20 - قۇرىلتايىنىڭ رۋحىن كەڭ كولەمدە، ىشكەرىلەي ءتۇسىنۋىن جانە يگەرۋىن ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە جاپپاي ۇيرەنۋ جاعىنا كۇش سالۋ كەرەك. تەك جاپپاي، جۇيەلى، ىشكەرىلەي ۇيرەنگەندە عانا پارتيا 20 - قۇرىلتايىنىڭ رۋحىن تولىق، دالمە - ءدال، جان - جاقتى ءتۇسىنىپ، بۇل نە، نە ىستەۋ كەرەك، قالاي ىستەۋ كەرەك دەگەندەردى انىق ءتۇسىنىپ، دايەكتىلەندىرۋگە، تياناقتاندىرۋعا بەرىك نەگىز قالاۋعا بولادى. ەڭ اۋەلى ءتۇپ نۇسقانى وقىپ، قاعيدانى ءتۇسىنۋ كەرەك. باسشى كادرلار باياندامانى قاز - قالپىندا ۇيرەنۋمەن بىرگە، قۇرىلتايدىڭ بايانداماسىن ۇيرەنۋدى قۇرىلتايدا سويلەنگەن جەلىلەس سوزدەردى جانە قاتىستى حۇجاتتاردى ۇيرەنۋمەن ءوزارا ۇشتاستىرىپ، پارتيا 18 - قۇرىلتايى بايانداماسىنىڭ، 19 - قۇرىلتايى بايانداماسىنىڭ رۋحىن ۇيرەنۋمەن ءوزارا ۇشتاستىرىپ، بايلانىستىرىپ ۇيرەنۋى كەرەك. جاڭا ءداۋىر باستالعاننان بەرى پارتيانىڭ نازاريالىق جاڭالىق اشۋى مەن امالياتتىق جاڭالىق اشۋى توتەنشە جاندى بولدى، ءبىزدىڭ ۇيرەنۋىمىز دە سونداي جاندى بولۋعا ءتيىس، استە كەيبىر ۇعىمدار مەن ايتىلىمداردى ەستە ساقتاپ الۋمەن عانا توقتاپ قالۋعا بولمايدى. پارتيا 18 - قۇرىلتايىنان بەرى، پارتيا مەن مەملەكەت ىستەرىندە قول جەتكىزگەن تاريحي تابىستارمەن، تۋىلعان تاريحي وزگەرىستەرمەن تىعىز بايلانىستىرىپ، وسىناۋ جىلدارى ءبىز باسىپ وتكەن اسا وزگەشە، ايرىقشا ەرەكشە بارىستارمەن بايلانىستىرىپ، ءبىزدىڭ رەفورما جاساۋ، ەسىك اشۋدى تەرەڭدەتۋدەگى، جوعارى ساپالى دامۋدى ىلگەرىلەتۋدەگى، ەلەۋلى حاۋىپ - قاتەرلەر مەن سىن - سايىستارعا ءونىمدى توتەپ بەرۋدەگى ناقتى امالياتتارىمىزبەن بايلانىستىرىپ، حالىقارالىق ورتاداعى تەرەڭ وزگەرىستەرمەن بايلانىستىرىپ، پارتيا 20 - قۇرىلتايىنداعى پارتيا مەن مەملەكەت ىستەرىنىڭ دامۋى جونىندەگى كەلەلى باعىت - ساياساتتار مەن ستراتەگيالىق ورنالاستىرۋلاردىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن ىشكەرىلەي ءتۇسىنۋ كەرەك.

شي جينپيڭ بىلاي دەپ اتاپ كورسەتتى: پارتيا 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە جاپپاي يگەرۋ جاعىنا كۇش سالۋ كەرەك. پارتيا 20 - قۇرىلتايى رۋحىنىڭ مازمۇنى توتەنشە باي، ءارى ساياسي جاقتاعى كورەگەندىك جانە نازاريالىق جاقتاعى تەرەڭ تولعانىس بار، ءارى نىسانا جاعىنداعى عىلمي ۇيعارىم جانە قىزمەت جاعىنداعى ستراتەگيالىق ورنالاستىرۋ بار، بۇلار ءوزارا بايلانىسقان، ورگانيكالىق بىرلىگى بار. تەك تاريح پەن رەالدىقتى، نازاريا مەن امالياتتى، حالىقارا مەن ەل ءىشىن ءوزارا ۇشتاستىرۋ ادىسىنە تاباندى بولىپ، تۇتاس تۇلعادان ءىشىنارالىققا دەيىن، ونان تاعى ءىشىنارالىقتان تۇتاس تۇلعاعا قايتا - قايتا وي جۇگىرتە بىلگەندە عانا، پارتيا 20 - قۇرىلتايىنىڭ رۋحىن جاپپاي يگەرىپ، شالا - شارپى بىلۋدەن، سولاي بولاتىندىعىن ءبىلىپ، ءبىراق نەلىكتەن سولاي بولاتىندىعىن بىلمەۋدەن ساقتانۋعا بولادى. جاڭا داۋىردەگى جۇڭگوشا سوتسياليزم يدەياسىنىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ءادىستى جاپپاي يگەرىپ، ”ەكىنى ۇشتاستىرۋدى“، ”التىعا تاباندى بولۋدى“ ىشكەرىلەي ءتۇسىنىپ، جاڭا داۋىردەگى جۇڭگوشا سوتسياليزم يدەياسىنىڭ رۋحاني ءمانىن دۇرىس تانۋ، يگەرۋ كەرەك. جاڭا ءداۋىردىڭ 10 جىلىنداعى ۇلى وزگەرىستەردىڭ ىشكى ءمان - ماعىناسىن جانە كەلەلى ءمانىن جاپپاي يگەرىپ، وسى ۇلى وزگەرىستەردىڭ پارتياعا، جۇڭگو حالقىنا، سوتسياليستىك وسىزامانداندىرۋ قۇرىلىسىنا، عىلمي سوتسياليزمنىڭ 21 - عاسىرداعى جۇڭگوداعى دامۋىنا جاساعان تەرەڭ ىقپالىن ىشكەرىلەي اڭعارىپ، جاڭا داۋىردەگى جاڭا جورىقتا جاڭا داۋىردەگى پارتيانىڭ جاڭالىق اشۋ نازارياسى مەن ستراتەگيالىق ورنالاستىرۋىنا، ستراتەگيالىق شارالارىنا، ءسوز جوق، اۋىتقىماي تاباندى بولۋدى تەرەڭ ءتۇسىنىپ، ستراتەگيالىق سەنىمدى بەكەمدەۋ كەرەك. جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە ءسوزسىز مىقتى يگەرۋگە ءتيىستى كەلەلى پرينسيبىن جان - جاقتى يگەرىپ، جۇڭگو ۇلگىسىندەگى وسىزامانداندىرۋ نازارياسى مەن جاپپاي سوتسياليستىك وسىزاماندانعان مەملەكەت قۇرۋ ستراتەگيالىق ورنالاستىرۋىنىڭ قاتىناسىن تەرەڭ ءتۇسىنىپ، الدىڭعىسىنىڭ ارتقىسىنىڭ نازاريالىق تىرەگى ەكەندىگىن تانىپ، سول ارقىلى جاپپاي سوتسياليستىك وسىزاماندانعان مەملەكەت قۇرۋ ستراتەگيالىق ورنالاستىرۋىنىڭ عىلميلىعى مەن سوزسىزدىگىن تەرەڭ ءتۇسىنۋ كەرەك. پارتيا 20 - قۇرىلتايىندا ورتاعا قويىلعان ءتۇرلى ستراتەگيالىق ورنالاستىرۋلاردى جاپپاي يگەرىپ، ەلىمىزدىڭ دامۋىندا ءدوپ كەلگەن جاڭا ستراتەگيالىق ورايلارمەن، جاڭا ستراتەگيالىق مىندەتتەرمەن، جاڭا ستراتەگيالىق ساتىلارمەن، جاڭا ستراتەگيالىق تالاپتارمەن، جاڭا ستراتەگيالىق ورتامەن تىعىز بايلانىستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ نىسانا - مىندەتتەرىنىڭ ماشاقاتتىلىعى مەن كۇردەلىلىگىن تەرەڭ تانىپ، دايەكتىلەندىرۋدەگى، تياناقتاندىرۋداعى سانالىلىق پەن تاباندىلىقتى كۇشەيتۋ كەرەك.

شي جينپيڭ بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە جاپپاي تياناقتاندىرۋ جاعىنا كۇش سالۋ كەرەك. قۇر ءسوز ەلدى توزدىرادى، ىسكەرلىك ەلدى وزدىرادى، ءىستىڭ ورىندالۋىندا ءبىر ۇلەسى ورنالاستىرۋعا بايلانىستى بولسا، توعىز ۇلەسى تياناقتاندىرۋدان كەلەدى. تياناقتاندىرۋدى يگەرۋگە باسا ءمان بەرىلمەسە، تياناقتاندىرۋ مۇقيات ويداعىداي يگەرىلمەسە، قانشا كەرەمەت جوبا مەن ورنالاستىرۋدىڭ بارلىعى قيسىنسىز قيالعا اينالادى. پارتيا 20 - قۇرىلتايىنىڭ رۋحىن دايەكتىلەندىرۋدە، تياناقتاندىرۋدا جوسپار بولۋى، ورنالاستىرۋ بولۋى كەرەك، باس نىسانانى، باس باعداردى، باس تالاپتى يگەرۋ العى شارتىندا ءتۇرلى نىسانالار مەن مىندەتتەردى اشالاپ، تياناقتاندىرۋدىڭ ناقتى جوباسىن باعىتتامالى تۇردە الىپ شىعىپ، ايقىن ۋاقىت كەستەسىن، قۇرىلىس چەرتوجىن جاساپ، تىڭعىلىقتى تۇردە العا قاراي ىلگەرىلەتۋ كەرەك. ساياسي بيۋروداعى جولداستار باستاماشىلدىقپەن شىنايى يگەرىپ، ناقتى ىستەپ، وزدەرى جاۋاپتى بولعان سالالاردىڭ نەمەسە باسقارۋىنداعى جەرلەردىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ قىزمەتى جونىندە ورنالاستىرۋ جاساپ، جەدەل ارەكەتتەنۋ كەرەك. پارتيا 20 - قۇرىلتايىندا جاسالعان شەشىمدەر، ورنالاستىرۋلار رەفورمانىڭ، دامۋدىڭ، ورنىقتىلىقتىڭ، ىشكى ساياساتتىڭ، ديپلوماتيانىڭ، مەملەكەت قورعانىسىنىڭ، پارتيانى باسقارۋدىڭ، مەملەكەتتى باسقارۋدىڭ، ارميانى باسقارۋدىڭ ءار جاعىن قامتيدى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى سياقتى ءارقايسى قاتىستى جاقتار جانە قاتىستى تاراۋلار دايەكتىلەندىرۋ، تياناقتاندىرۋ جوباسىن جاساپ، ايقىن تالاپ قويۋ، ياعني اياق الىستى يگەرۋ، اسىرەسە، ساپاعا ءمان بەرۋ كەرەك. پارتيا 20 - قۇرىلتايىندا بەلگىلەنگەن نىسانا - مىندەتتەردىڭ تاياۋ مەرزىمدىگى، ورتا مەرزىمدىگى ءارى ۇزاق مەرزىمدىگى دە بار، ولاردىڭ جەڭىلى مەن اۋىرىن، ادەتتەگىسى مەن شۇعىلىن ايقىن ايىرۋ كەرەك، ءارى جاپپاي ىلگەرىلەتۋ، ءارى ءتۇيىندى كورنەكتىلەندىرۋ كەرەك؛ ءارى قازىرگىنى مىقتى يگەرۋ، ءارى ۇزاق بولاشاققا كوز جىبەرۋ، نەگىز قالايتىن، ۇزاق بولاشاققا پايدالى ىستەردى كوبىرەك ىستەۋ، فورماشىلدىق، تورەشىلدىك ىستەۋدەن ساقتانۋ كەرەك. وڭىرلەر، تاراۋلار وزدەرىنىڭ ءىس جۇزىندىك جاعدايىمەن ۇشتاستىرىپ، پارتيا ورتالىق كوميتەتى العا قويعان ستراتەگيالىق ورنالاستىرۋلاردى ءوز ءوڭىرىنىڭ، ءوز تاراۋىنىڭ قىزمەت مىندەتىنە اينالدىرۋ كەرەك. بۇكىل مەملەكەت ءبىر تۇتاس جۇيە يدەياسىن بەرىك ورناتىپ، ءوز ءوڭىرىنىڭ، ءوز تاراۋىنىڭ قىزمەتىن جوسپارلاۋدا جانە ىلگەرىلەتۋدە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى العى شارت ەتىپ، قىزمەتتى جاسامپازدىقپەن ورىستەتىپ، ءبىر ءوڭىردىڭ داڭقىن اسىرۋمەن قاتار، جالپى جاعدايدى ارلەندىرۋ كەرەك.

شي جينپيڭ بىلاي دەپ اتاپ كورسەتتى: ساياسي بيۋروداعى جولداستار، وتە - موتە باستاماشىلدىقپەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاپ، باستاماشىلدىقپەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، باستاماشىلدىقپەن كەلەلى جاعدايمەن ساناسىپ، ءوز قىزمەت مىندەتىن وتەپ، وزدەرى جاۋاپتى بولعان قىزمەتتەردى ويداعىداي يگەرۋمەن بىرگە، جوعارى مەن تومەنگە، وڭ مەن سولعا تەڭ ءمان بەرۋگە كوڭىل ءبولىپ، سايكەسۋدى، سەلبەسۋدى كۇشەيتۋ كەرەك. كۇرەسكەرلىك رۋحتى اسقاقتاتىپ، كۇرەسكەرلىك قابىلەتتى كۇشەيتىپ، حاۋىپ - قاتەردەن ساقتانۋ، سىن - سايىسقا توتەپ بەرۋ، قىسىمعا قارسىلىق كورسەتۋ قۋاتىن كۇش سالا بەكەمدەپ، ءتۇرلى حاۋىپ - قاتەرلەرگە، سىن - سايىستارعا جۇرەكتىلىكپەن بەتپە - بەت كەلىپ، ءتۇرلى قيىندىقتى جۇرەكتىلىكپەن جەڭىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاي ناقتى تياناقتاندىرۋ كەرەك.

شي جينپيڭ بىلاي دەپ اتاپ كورسەتتى: پارتيا ورتالىق كوميتەتى پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە ورنالاستىرۋ جاسايدى. قاتىستى تاراۋلار قىزمەت جوباسىن اشالاپ، پارتيا 20 - قۇرىلتايى رۋحىنىڭ ورگاندارعا ەنۋىن، كاسىپورىن، ءىسورىندارىنا ەنۋىن، قالا، اۋىل الەۋمەتتىك اۋماقتارىنا جەتۋىن، مەكتەپتەرگە ەنۋىن، اسكەري كازارمالارعا ەنۋىن، ءتۇرلى جاڭا ەكونوميكالىق ۇيىمدار مەن جاڭا قوعامدىق ۇيىمدارعا ەنۋىن، سايتتارعا ەنۋىن ىلگەرىلەتۋ كەرەك. ءار دارەجەلى پارتيا مەكتەپتەرى (اكىمشىلىك شۋەيۋان) پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى كادرلاردى باۋلۋدىڭ باستى مازمۇنى ەتۋ كەرەك. جەر - جەر، تاراۋلار كادرلاردى شوعىرلى تۇردە كەزەكپەن باۋلۋدى ۇيىمداستىرۋدى مىقتى يگەرۋ كەرەك. ءار دارەجەلى باسشى كادرلار بارىنە ءوزى كىرىسۋ، ءارى ىسكەر، ءارى ۇگىتشى بولىپ، باستاماشىلدىقپەن ۇگىت لەكسيا جاساۋ كەرەك. ۇگىت - يدەيا قىزمەتى تاراۋلارى دەن قويا ۇيىمداستىرىپ، ءبىر تۇتاس جوسپارلاپ ورنالاستىرىپ، ۇگىت، يدەيا، تاربيە قىزمەتىن ويداعىداي يگەرىپ، سىرتقا قاراتىلعان ۇگىتتەۋ، تانىستىرۋ قىزمەتىن كۇشەيتىپ، حالىقارالىق قوعامدى پارتيا مەن مەملەكەتتىڭ كەلەلى باعىت - ساياساتتارى مەن دامۋ ستراتەگياسىن جان - جاقتى تۇسىنۋگە جەتەكتەۋ كەرەك.