ىلە وبلىسىنداعى كادرلار مەن بۇقارا شي جينپيڭ جولداستى ۇيتقى ەتكەن جاڭا كەزەكتى ورتالىق كوميتەتتىڭ باسشىلىق كوللەكتيۆىن باتىل قولدايتىندىقتارىن ٴبىلدىردى

ٴتىلشىمىز كاميلا حالمۇرات حابارلايدى. پارتيا 20 - قۇرىلتايىنىڭ جەڭىسپەن جابىلعان جانە جاڭا كەزەكتى ورتالىق كوميتەت باسشىلىق كوللەكتيۆىنىڭ سايلانىپ شىققان قۋانىشتى حابارى ىلە وبلىسىنداعى كادرلار مەن بۇقارانى بارىنشا جەلپىندىرىپ، سەنىمدەرىن تاسقىنداتتى. كوپشىلىك ٴبىر اۋىزدان مىنانى ٴبىلدىردى: پارتيانىڭ جاڭا كەزەكتى ورتالىق كوميتەتىنىڭ باسشىلىق كوللەكتيۆىن باتىل قولداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، سوتسياليستىك وسىزاماندانعان مەملەكەت قۇرۋدىڭ جاڭا جورىعىنا اتتانامىز.

باس شۋجي شي جينپيڭ جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەسكەن كەزدە: جاڭا جورىقتا ٴبىز بارلىعىن حالىق ٴۇشىن ىستەۋگە، بارلىعىندا حالىققا سۇيەنۋگە باستان - اياق تاباندى بولۋىمىز كەرەك - دەپ باسا دارىپتەدى. وبلىستىق پارتكوم بىرلىكساپ ٴبولىمىنىڭ ورىنباسار باستىعى جاڭ ۋجۇن بىلاي دەدى: «بۇل جاڭا كەزەكتى ورتالىق كوميتەت باسشىلىق كوللەكتيۆىنىڭ پارتيا مەن حالىق الدىنداعى جاۋاپكەرشىلىگىن ايگىلەيدى. جاڭا يدەيا جاڭا داۋىرگە جەتەكشىلىك ەتتى، جاڭا باسشىلىق كوللەكتيۆى جول باستاپ، جاڭا جورىققا اتتاندى. ٴبىز پارتيانىڭ جاڭا كەزەكتى ورتالىق كوميتەتىنىڭ باسشىلىق كوللەكتيۆىن باتىل قولدايمىز، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، پارتيا 20 - قۇرىلتايى رۋحىنىڭ جەتەكشىلىگىندە ٴبىر نيەت، ٴبىر تىلەكتە بولىپ، ٴورىس اشا ەكپىندەي ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ٴۇشىن ۇلەس قوسامىز. شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى باتىل ساقتاپ، پارتيا ورتالىق كوميتەتىنىڭ بىرلىكساپ جونىندەگى كەلەلى شەشىم - ورنالاستىرۋلارىن بۇلجىتپاي دايەكتىلەندىرىپ، تياناقتاندىرىپ، بارشا بىرلىكساپ مۇشەلەرىن بەلسەنە ىنتىماقتاستىرا باستاپ، تىنىستاس، تاعدىرلاس، تىلەكتەس بولىپ، جۇڭگو ارمانىن بىرگە ورىنداۋدىڭ قۇدىرەتتى بىرىككەن كۇشىن قالىپتاستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ داستانىن جازۋعا كۇش سالامىز».

باس شۋجي شي جينپيڭ جۇڭگولىق، شەتەلدىك تىلشىلەرمەن كەزدەسكەندە بىلاي دەپ باسا دارىپتەدى: ٴبىز باستان - اياق حالىقپەن قيىن - قىستاۋ شاقتاردى بىرگە وتكەرىپ، حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىس جونىندەگى تالپىنىسىن ۇزدىكسىز رەالدىققا اينالدىرۋىمىز كەرەك.

قۇلجا قالاسى چوڭكورىك ٴمالى باسقارماسى باقىت الەۋمەتتىك اۋماعىنىڭ ٴبىرىنشى شۋجيى، وبلىستىق پارتكوم وقۋ - اعارتۋ قىزمەتى كوميتەتىنىڭ وسى الەۋمەتتىك اۋماقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى جانار يمانالى قىزى بىلاي دەدى: «ٴبىز، ٴسوزجوق، باس شۋجي شي جينپيڭنىڭ تالابىن ويداعىداي تياناقتاندىرىپ، قىزمەتتى قۇلشىنا ىستەپ، حالىقتى اناعۇرلىم باقىتتى تۇرمىسقا كەنەلتەمىز. پارتيانىڭ جاڭا كەزەكتى ورتالىق كوميتەتىنىڭ باسشىلىق كوللەكتيۆىن باتىل قولداپ، پارتيا 20 - قۇرىلتايىنىڭ رۋحىن ويداعىداي ۇيرەنۋدى، ۇگىتتەۋدى، تياناقتاندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭداي الدى ساياسي مىندەت ەتىپ، نەگىزگى ساتىنىڭ ٴبىرىنشى شەبىندە حالىق تۇرمىسىنا ٴتيىمدى جاقسى ساياساتتاردى ناقتى، ەگجەي - تەگجەيلى تياناقتاندىرىپ، ٴار ۇلت بۇقاراسىنىڭ تابىس سەزىمىنىڭ ساپاسىن اناعۇرلىم كۇشەيتىپ، باقىت سەزىمىنىڭ اناعۇرلىم باياندى بولۋىنا مۇمكىندىك جاراتامىز».

نىلقى اۋداندىق جۇقپالى اۋرۋدان ساقتانۋ جانە تىزگىندەۋ ورتالىعىنىڭ ورىنباسار مەڭگەرۋشىسى مارحابا قوجاقىمەت بىلاي دەدى: «جاڭا داۋىردەگى 10 جىلدىق ۇلى وزگەرىستىڭ تابىسىنا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىگىندە بۇكىل پارتيانىڭ، بۇكىل ەلدەگى ٴار ۇلت حالقىنىڭ ىنتىماقتاسا كۇرەس جۇرگىزۋىندە قول جەتتى. مەن پارتيا مۇشەسى رەتىندە يدەيا، ساياسي، ارەكەت جاعىندا باستان - اياق پارتيا ورتالىق كوميتەتىمەن ٴبىر اۋىزدىلىقتى ساقتاپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن وي - سانامدى قارۋلاندىرىپ، امالياتقا جەتەكشىلىك ەتىپ، جاڭا بورىشتى باتىل ارقالاپ، قىزمەتتى اناعۇرلىم ويداعىداي قۇلشىنا ىستەپ، پارتيا مەن حالىققا تاماشا جاۋاپ قايتارامىن».