汉文 ىلە اقپارات تورابىنا حوش كەلدىڭىزدەر!
 ”جاسىل ءتۇستى“ − دامۋدىڭ ەڭ جارقىن اجارىنا اينالدىرامىز
2022-10-29 11:44:08     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

 ۋاكىل جەڭىس قادىس:

  ”جاسىل ءتۇستى“ − دامۋدىڭ ەڭ جارقىن اجارىنا اينالدىرامىز

  □ انار بۇلت \ شينجياڭ گازەتىنىڭ تىلشىلەرى ياۋ تۇڭ، ليۋ شياڭ

”جۇڭگو كوممۋنيستىك پارتياسى مەن جۇڭگو حالقى جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋىن بەرىك سەنىممەن ىلگەرىلەتۋدە“. جەڭىس قادىس ءوزىنىڭ ۋاكىل بولىپ، پارتيا 20 - قۇرىلتايىنا قاتىناسقاندىعىن ماقتانىش سەزىندى جانە ودان جىگەرلەندى. ول مىنالاردى ءبىلدىردى: ءسوزسىز، ءتۇرلى قىزمەتتەردى مىقتاپ، ويداعىداي يگەرىپ، حالىق بۇقاراسىنىڭ پارتيا 20 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ ءىس جۇزىندىك ونىمدىلىگىن كورۋىنە مۇمكىندىك جاسايمىز.

جەڭىس قادىس ۇيرەنۋ، دايەكتىلەندىرۋ مىندەتىن كولەمدى ساياحات، زور سالاماتتىق، ءىرى اۋىل شارۋاشىلىعى، تازا ەنەرگيا، جاسىل كەن كاسىبى، شەكارا وتكەلى ەكونوميكاسى سياقتى 6 جاققا شوعىرلاندىراتىندىعىن ايتتى. ”دامۋدى ادام مەن تابيعاتتىڭ جاراسىمدى قاتار ءومىر سۇرەتىن تۇرعىسىندا تۇرىپ جوسپارلاۋ كەرەك“. ۋاكىل جەڭىس قادىس التاي ايماعى اكىمشىلىك مەكەمەسىنىڭ ءۋاليى، ول، جوعارى ساپالى دامۋدى جۇزەگە اسىرۋدىڭ جاسىل دامۋدى جەتەكشى ەتۋدەن ايرىلا المايتىندىعىن ءبىلدىردى.

”قاناس، كوكتوعاي قاتارلى 5A دارەجەلى كورىنىس وڭىرىندە حالىقارالىق ساياحات دەمالىس اۋماعىن قۇرۋدى توڭىرەكتەي وتىرىپ ساياحاتتى دامىتۋدىڭ اناعۇرلىم ساپالى قوزعاۋشى كۇشىن جەتىلدىرەمىز“. جەڭىس قادىس بىلاي دەدى: ءداستۇرلى ساياحات باسىمدىعىن كەڭەيتۋ نەگىزىندە، ”جۇڭگو قار قالاسى“، ”ادامزاتتىڭ قار شاڭعى مەكەنى“ قاتارلى قار - مۇز بايلىعى باسىمدىعىن كوزدە ۇستاپ، قىسقى وليمپيادادان كەيىنگى قار - مۇز كاسىپ سالاسى سىندى ءىرى ءىستى ويداعىداي ىستەپ، قار - مۇز سپورتىن، قار - مۇز ساياحاتىن، جابدىق جاساۋدى، كاسىپ سالاسىنا قىزمەت وتەۋدى شوعىرلى ءبىر تۇلعالاندىرعان قار - مۇز كاسىپ سالاسى تىزبەگىن دامىتىپ، التايدى دۇنيە جۇزىلىك قار - مۇز سپورتىنداعى جانە قار - مۇز ساياحاتىنداعى كوزەۋلى جەرگە اينالدىرامىز.

تۇنىق سۋ، جاسىل تاۋ الا كەلگەن باعالى بايلىق تەك ساياحات عانا ەمەس. مەملەكەتتىڭ سۋ قاينارىن ساقتاۋ سيپاتىندىق تاۋلى - جايلىمدى ەكولوگيالىق فۋنكتسيالىق ءوڭىر، شينجياڭداعى ءبىرىنشى ۇلكەن جاراتىلىستىق ورمان ءوڭىرى رەتىندە، التاي سالاماتتىق كاسىپ سالاسىن دامىتۋ باسىمدىعىمەن ەرەكشەلەنەدى. ”بۇكىل ەل بويىنشا ەرەن كۇتىمدەلۋ دەمالىس كوزەۋلى جەرىن قالىپتاستىرۋ − ءبىزدىڭ نىسانامىز“. جەڭىس قادىس بىلاي دەدى: التاي قالاسى ”كۇتىمدەلۋ +“ كاسىپ سالاسىن توعىستىرا دامىتۋدا جەدەل قادام تاستادى، كەلەشەكتە بۇكىل ايماققا ىرگە كەڭەيتىپ، كۇتىمدەلۋ شاعىن قالاشىقتارىنان، حالىقتىق تۇسەلحانا شوعىرلى اۋماقتارىنان، جاراقاتتان ساۋىقتىرۋ ورتالىقتارىنان، ءدارىلى تاعام، ءدارىلى ۋاننا، ءدارىلى سۋسىن ەرەكشەلىگىندەگى كۇتىمدەلۋ ماركالارىنان ءبىر توبىن تۇلعالاپ، ءار ۇلت بۇقاراسىن، اسىرەسە، جەرگىلىكتى ەگىنشى - مالشىلاردى كاسىپ سالاسىنىڭ دامۋىنا شىن مانىندە قاتىناستىرىپ، كاسىپ سالاسى دامۋى الا كەلگەن تيىمدىلىكتەردى سەزىنۋىنە مۇمكىندىك جاسايمىز.

”10 ميلليون كيلوۆات دارەجەلى تازا ەنەرگيامەن قامداۋ بازاسىن جانە كومىر قىشقىل گازىن شىعارمايتىن ەرەكشە كاسىپ سالاسىنان ۇلگى كورسەتۋ ءوڭىرىن قۇرۋدى جەدەل ىلگەرىلەتەمىز“. جەڭىس قادىس بىلاي دەپ تانىستىردى: التاي ايماعى بۇكىل شينجياڭداعى بىردەن - ءبىر جەل، جارىق، سۋ ەنەرگيا بايلىعىن اشۋدى بىردەي ازىرلەگەن ءوڭىر. جاراتىلىستىق بايلىق ارتىقشىلىعى التايدىڭ ونەركاسىبىنە، وتە - موتە، تازا ەنەرگيا كاسىپ سالاسىنىڭ دامۋىنا قانات ءبىتىردى. ءبىر توپ ءىرى تيپتى جەل - جارىق ەنەرگياسى ءوزارا تولىقتايتىن، جەل - جارىق - سۋ زاپاس قورى سىندى كوپ ەنەرگيامەن ءبىرىن - ءبىرى تولىقتايتىن، ەنەرگيانى ساقتاپ، ىركىپ ءوز جەرىندە قابىلدايتىن نىساندار ىرگە تەۋىپ، جۇمىس باستادى، كەلەسى قادامدا ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرىپ، كاسىپ سالاسى تىزبەگىنىڭ اناعۇرلىم بەكەمدەلۋىنە، كاسىپورىنداردىڭ اناعۇرلىم ىشكەرىلەي ىرگە تەۋىپ تامىر تارتۋىنا مۇمكىندىك جاسايمىز.

التايدىڭ كەن ونىمدەرى بايلىعى مول، تازا ەنەرگيا كاسىپ سالاسىنىڭ دامۋىمەن ۇشتاستىرا وتىرىپ، جاسىل كەن كاسىبى، ءسوز جوق، بۇدان بىلايعى دامۋ تاقىرىبىندا بولۋعا ءتيىستى مازمۇن. ”جاسىل دامۋ ارقىلى جاسىل كەن كاسىبىنە دەم بەرەمىز“. جەڭىس قادىس: ”جاسىل ءتۇستى“ − كەن ونىمدەرى بايلىعىن بارلاۋ، اشۋ مەن كاسىپ سالاسى تىزبەگىن ۇزارتۋدىڭ ەڭ جارقىن اجارىنا اينالدىرىپ، اشۋ، پايدالانۋ بارىسىندا تابيعاتقا قۇرمەت ەتەمىز، تابيعاتقا ۇيلەسەمىز، تابيعاتتى قورعايمىز، - دەدى.

جەڭىس قادىس مىنالاردى ءبىلدىردى: التاي ايماعىنىڭ بايلىق باسىمدىعىن، وڭىرلىك ورىن باسىمدىعىن، ەكولوگيالىق باسىمدىعىن تياناق ەتىپ، ىنتىماقتاسقاندا عانا جەڭىسكە جەتە الاتىندىعىمىزعا، كۇرەس جۇرگىزگەندە عانا تابىسقا جەتەتىندىگىمىزگە كامىل سەنىپ، پارتيا 20 - قۇرىلتايى كەسكىندەگەن تاماشا جوبانى ءار ۇلت بۇقاراسى كوزبەن كورىپ، قولمەن ۇستاي الاتىن حالىق تۇرمىسى جاعىنداعى ناقتى تيىمدىلىككە شىن مانىندە اينالدىرامىز.