汉文 ىلە اقپارات تورابىنا حوش كەلدىڭىزدەر!
اۆتونوميالى وبلىستىڭ 2022 - جىلعى «كوكتەم سامالى قيمىلى» جانە قۇلجا اۋدانىنىڭ كوكتەمگى قىزمەتكەر قابىلداۋ جينالىسى باستالدى
2022-03-03 12:53:20     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

20220228000233_3b256c1f3cdad6e80875fba15346a318d50ef1f5.jpg

سۋرەتتە: توراپتاعى جۇرگىزۋشى تىكە تاراتىلىمدا جۇمىس ورنىن تانىستىرۋدا. ۋاڭ جىحۋا فوتوسى


ٴتىلشىمىز ۋاڭ جىحۋا حابارلايدى. 2 - ايدىڭ 27 - كۇنى قۇلجا اۋدانىنىڭ مادەنيەت الاڭىندا ادامدار قايشالىسىپ، ايرىقشا دۋمانعا بولەندى. وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جاۋاپتى بولىپ، قۇلجا اۋدانى ۇستىنە الىپ وتكىزگەن اۆتونوميالى وبلىستىڭ 2022 - جىلعى «كوكتەم سامالى قيمىلى» ارناۋلى قىزمەتكەر قابىلداۋ جينالىسى جانە قۇلجا اۋدانىنىڭ كوكتەمگى قىزمەتكەر قابىلداۋ جينالىسى وسى ارادا وتكىزىلدى. وبلىس ٴىشى - سىرتىنان كەلگەن 60 تان استام كاسىپورىن توقىما، كيىم - كەشەك، قۇرىلىس ماتەريالدارى، حيميا - ونەركاسىپ ەلەكترون، قوعامدىق قىزمەت وتەۋ، اۋىل شارۋاشىلىعىن كاسىپ سالالاندىرۋ، اس - سۋ، ساياحات سياقتىلاردى قامتىعان 1963 جۇمىس ورنىن ازىرلەدى.

ٴتىلشى قيمىل ورنىنان قۇلجا اۋدانىنىڭ ٴارقايسى اۋىل - قالاشىقتارىنان كەلگەن مىڭنان استام كاسىپ كۇتۋشىنىڭ ٴاربىر قىزمەتكەر قابىلداۋ تەكشەسىندە ٴيىن تىرەسكەنىن كوردى. ولاردىڭ كەيبىرەۋلەرى كاسىپورىنداردىڭ قىزمەتكەر قابىلداۋ تالابىن سۇراپ ۇعىسىپ، كەيبىرەۋلەرى كاسىپ تاڭداۋ ينفورماتسياسىن تولتىرىپ، قىزمەتكەر قابىلداۋ ورنى توتەنشە قاربالاس كۇيگە تۇسكەن.

شولاقاي اۋىلى سايمالى قىستاعىنىڭ تۇرعىنى ٴناسىردىن سۇلەيمان بىلاي دەدى: «ۇيىمە جاقىن ماڭداعى كولەمدى كاسىپورىندا ۇزاق ۋاقىت ورنىقتى جۇمىستانىپ، تۇرمىسىمدى ونان ارى قامتاماسىزداندىرسام دەيمىن. ۇكىمەتتىڭ وسىنداي جۇمىستانۋ تەكشەسىمەن قامداپ، اناعۇرلىم كوپ تاڭداۋ ورايىنا يە ەتكەندىگىنە العىس ايتامىن».

ىلە ۋيلۇن توقىماشىلىق عىلىم - تەحنيكا شەكتى سەرىكتەستىگىنىڭ باس ديرەكتورى جوۋ چياڭ بىلاي دەدى: «بيىل ٴبىز قۇرىلعىلاردى ىسكە قوسىپ، ٴوندىرىس كولەمىن كەڭەيتىپ، ٴونىم مولشەرى جاعىندا 25 ميلليون مەتر وڭدەلمەگەن كەزدەمە ٴوندىرۋدى مەجەلەپ وتىرمىز. سوندىقتان قىزمەتكەر سانىن كوبەيتىپ، 18 - 36 جاس ارالىعىنداعى ايەل قىزمەتكەرلەردى قابىلداماقپىز. سىناق مەرزىمىنەن كەيىن ولاردىڭ ايلىق ەڭبەكاقىسى 4500 - 7000 يۋان ارالىعىندا بولادى، ۇزدىكتەرىن باسقارۋشى قىزمەتكەرلىككە وسىرەمىز».

بيىل وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى «كوكتەم سامالى قيمىلىن» قامتىعان 24 ٴتۇرلى الەۋمەتتىك جۇمىستاندىرۋعا قىزمەت وتەۋ ارناۋلى قيمىلىن ورىستەتەدى. اۋدان، قالا، وڭىرلەردىڭ ەرەكشەلىگىنە قاراي جەلىدە جانە جەلىدەن تىس قىزمەتكەر قابىلداۋدى بىرگە جۇرگىزەدى. توراپتا قابىلداۋ، ناق مايداندا قابىلداۋ، توراپتا ۇستىنەن تاراتىپ جۇمىس ورنىن تانىستىرۋ، اۋىل - قىستاقتارعا دەيىن بارىپ قابىلداۋ سياقتى تۇرلىشە فورمالار ارقىلى جۇمىستاندىرۋ تەكشەسىن قۇرىپ، بۇقارانى ورنىقتى كىرىسكە يە ەتەدى.

سول كۇنى توراپتاعى جۇرگىزۋشى جاۋ يوۋمەي ٴبىر جاعىنان تىكە تاراتىلىمدا كاسىپورىنداردىڭ جۇمىسشى قابىلداۋ ينفورماتسياسىن تاراتسا، ەندى ٴبىر جاعىنان كورەرمەندەرمەن ٴوزارا پىكىر اۋىستىرىپ، جۇمىس ىزدەۋشىلەردىڭ تىكە تارالىم ارقىلى ادام ىستەتۋشى ورىندارمەن بايلانىس ورناتۋىنا دانەكەر بولىپ، وڭىرلىك شەكتەمەگە ۇشىراماۋىنا مۇمكىندىك جاراتتى.

 وبلىستىق جۇمىستانۋعا قىزمەت وتەۋ، باسقارۋ مەكەمەسى شارۋا جۇمىسكەرلەر ٴبولىمىنىڭ باستىعى ما شياۋرۇڭ بىلاي دەدى: «بيىل ٴبىز 24 ٴتۇرلى الەۋمەتتىك جۇمىستاندىرۋعا قىزمەت وتەۋ ارناۋلى قيمىلىنا سۇيەنىپ، كاسىپورىنداردىڭ قىزمەتكەر قابىلداۋ قاجەتىن ٴىز قۋا انىقتاپ، جۇمىستاندىرۋ تەكشەسىن قۇرىپ، جۇمىستانۋعا قىزمەت وتەۋدى ويداعىداي ىستەپ، كاسىپورىنداردىڭ دامۋىن جۇمىسكەر ىستەتۋ كەپىلىمەن قامدايمىز».