汉文 ىلە اقپارات تورابىنا حوش كەلدىڭىزدەر!
كۇنەس اۋدانى كوكتەم ماۋسىمىنداعى مالدى، ٴۇي قۇسىن ىندەتتەن ساقتاۋ قىزمەتىن ٴتارتىپتى ورىستەتتى
2022-03-05 11:10:52     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴتىلشىمىز حان شاشا، ەرىكتى ٴتىلشى دۇڭ گومەي حابارلايدى. 2 - ايدىڭ 28 - كۇنى كۇنەس اۋدانى تالدى قالاشىعى ۇشتوبە قىستاعىنداعى مالشى اكبار احمەتجاننىڭ ۇيىندە، ٴتىلشى مال شيپاگەرلەرىنىڭ، ىندەتتەن ساقتانۋ قىزمەتكەرلەرىنىڭ سيىر - قويلارعا ۆاكسينا سالىپ، مالداردىڭ دەنساۋلىق جاعدايىن تەكسەرىپ جاتقانىن كوردى.

كوكتەم ماۋسىمىندا حايۋاناتتاردا بولاتىن ىندەتتەن ساقتانۋ قىزمەتىن ويداعىداي ىستەۋ ٴۇشىن، تالدى قالاشىعى اۋىل - قىستاق ەكونوميكاسىن دامىتۋ ورتالىعىنىڭ ىندەتتەن ساقتانۋ قىزمەتكەرلەرى تۇتاس قالاشىقتىڭ باعىمشىلىق جاعدايىن تەكسەرىپ، تىزىمگە الىپ، شارۋالاردىڭ باعىمشىلىق الاڭدارى مەن اۋلادا باعىلعان سيىر، قوي، تاۋىق سياقتى مال، ٴۇي قۇستارىنا ۆاكسينا سالۋ، قورا ـ قالتقىنى دەزينفەكسيالاۋ سياقتى ىندەتتەن ساقتانۋ قىزمەتىن جۇرگىزدى ٴارى باعىمشىلىقپەن شۇعىلداناتىن وتباسىلارىنا مال، ٴۇي قۇستارىنىڭ ىندەت بەلگىسى مەن زيانى  جونىندەگى بىلىمدەردى ٴتۇسىندىرىپ، ولاردىڭ تازالىق، دەزينفەكسيالاۋ سياقتى ىندەتتەن ساقتانۋ قىزمەتىن ويداعىداي ىستەۋىنە جەتەكشىلىك ەتتى.

«بۇگىن ىندەتتەن ساقتانۋ قىزمەتكەرلەرى سيىرلارىما ۆاكسينا سالدى، سونداي - اق كوكتەمگى مال ىندەتىنەن ساقتانۋ بىلىمدەرىن ٴتۇسىندىردى، بۇنىڭ مەن سياقتى باعىمشىلارعا كومەگى اسا زور بولدى» دەدى اكبار احمەتجان.

ىندەتتەن ساقتانۋ قىزمەتىندە، ىندەتتەن ساقتانۋ قىزمەتكەرلەرى «اۋىلدا قىستاق، قىستاقتا گرۋپپا، گرۋپپادا وتباسى، وتباسىندا مال قاعىس قالماۋ، ۆاكسينادان قاعىس قالعان مال بولماۋ» پرينسيبى بويىنشا مال، ٴۇي قۇستارىنا ۆاكسينا سالۋ، قۇلاق بەلگىسىن تاعۋ، يممۋنيتەتتىك ارحيۆىن تولتىرۋ سياقتى قىزمەتتەردى قاتاڭ ورىستەتىپ، يممۋنيتەتتىك مال، ٴۇي قۇسى بەلگىسىن تاعۋ مولشەرىن %100 كە جەتكىزدى.

تالدى قالاشىعى اۋىل - قىستاق ەكونوميكاسىن دامىتۋ ورتالىعىنىڭ ورىنباسار مەڭگەرۋشىسى ورازاي دۇيسەنعازى ۇلى بىلاي دەدى: «كوكتەم ماۋسىمى − حايۋاناتتار ىندەتى كوپ تۋىلاتىن، وڭاي تۋىلاتىن مەزگىل. بىرنەشە كۇننەن بەرى تالدى قالاشىعى ساقتانۋدى نەگىز ەتۋ، ساقتانۋ مەن ەمدەۋدى ۇشتاستىرۋ پرينسيبىنە ساي مال، ٴۇي قۇستارىنىڭ كوكتەمگى ىندەتتەن ساقتانۋ قىزمەتىن ىلگەرىلەتىپ، قاراستى اۋماقتاعى مال، ٴۇي قۇسى باعىمشىلىعى كاسىبىنىڭ باياندى، اقاۋسىز دامۋىن جەبەدى. ىندەتتەن ساقتانۋ قىزمەتى بارىسىندا، ىندەتتەن ساقتانۋ ساباقحاناسىن اشۋ، كوكتەمگى ىندەتتەن ساقتانۋ بىلىمدەرىن جالپىلاستىرۋ، سونداي - اق شوعىرلى يممۋنيتەتتەندىرۋدى تارتىپپەن ورىستەتىپ، باعىمشىلىق الاڭدارىنىڭ ىندەتتەن ساقتانۋدى باسقارۋىنا جەتەكشىلىك ەتۋ ارقىلى ٴار تۇلىك مالدىڭ ىندەتكە شالدىعۋى سەبەبىنەن تۋىلاتىن زياندى ازايتىپ، بۇقارانىڭ ەكونوميكالىق زيانىن تومەندەتىپ، مال شارۋاشىلىعى كاسىبىنىڭ باياندى، اقاۋسىز دامۋىنا مۇمكىندىك جاسالدى» دەدى.

ۇعىسۋعا قاراعاندا، كوكتەمدە حايۋاناتتاردا بولاتىن ىندەتتەن ساقتانۋ قىزمەتىن تىڭعىلىقتى ىستەۋ ٴۇشىن، كۇنەس اۋدانى ٴارقايسى اۋىل - قالاشىقتاردىڭ ىندەتتەن ساقتانۋ قىزمەتكەرلەرىن وتباسىلارىن ارالاپ تەكسەرۋگە، جاعداي ۇعىسۋعا، ۇگىت قىزمەتىن بەلسەنە ورىستەتۋگە ۇيىمداستىرىپ، شوعىرلى  ۆاكسينا سالۋ مەن قاعىس قالعانىن تەكسەرۋ، سالىنباعاندارىن تولىقتاۋدى ۇشتاستىرۋ ٴتاسىلىن قولدانىپ، قاراستى رايونداعى باعىمشىلىقپەن شۇعىلداناتىن وتباسىلاردىڭ سيىر، قوي سياقتى مالدارىن ىندەتتەن ساقتاندىرۋدى، تولىق قامتۋدى، قالتارىس قالدىرماۋدى جۇزەگە اسىرىپ، يممۋنيتەت ساپاسى مەن ونىمدىلىگىنە كەپىلدىك ەتكەن.