− باس شۋجي شي جينپيڭنىڭ ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ٴسوزى وبلىسىمىزدىڭ ىندەتتەن ساقتانۋ - تىزگىندەۋ قىزمەتىنە ايقىن باعدار كورسەتتى

تىلشىلەرىمىز لي يافىڭ، لۋ جۇڭ حابارلايدى. «وڭىرلەر، تاراۋلار، تاراپتار كەزەكتەگى ەل ٴىشى - سىرتىنداعى ىندەتتەن ساقتانۋ - تىزگىندەۋدىڭ كۇردەلىلىگىن، جاپالىلىعىن، قايتالامالىلىعىن جەتە تانۋى كەرەك»، «باستان - اياق حالىقتى بارىنەن جوعارى قويۋعا، ٴومىردى بارىنەن جوعارى قويۋعا تاباندى بولىپ، عىلمي، دالمە - ٴدال بولۋعا، يكەمدى تۇردە نولگە تۇسىرۋگە تاباندى بولۋ كەرەك»... باس شۋجي شي جينپيڭنىڭ 3 - ايدىڭ 17 - كۇنى اشىلعان ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ٴسوزى وبلىسىمىزدىڭ ىندەتتەن ساقتانۋ - تىزگىندەۋ قىزمەتتەرىنە ايقىن باعدار كورسەتتى. كوپشىلىك جابال مىنالاردى ٴبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، يدەيانى ونان ارى بىرلىككە كەلتىرىپ، سەنىمدى بەكەمدەپ، ىندەتتەن ساقتانۋ قىزمەتتەرىن قاجىماي - تالماي، ەگجەي - تەگجەيلى، ناقتى يگەرەمىز.

 ٴماجىلىس بىلاي دەپ باسا دارىپتەگەن بولاتىن: اۋرۋدان ساقتانۋ جانە ونى تىزگىندەۋ جۇيەسى رەفورماسىن جەدەلدەتىپ، ٴتۇيىندى ادامدار شوعىرىن قاداعالاۋ قامتىمىن  كەڭەيتىپ، كوپ ارنادا قاداعالاۋ، الدىن الا ساقتاندىرۋ مەحانيزمىن كەمەلدەندىرىپ، ىندەت جاعدايىن قاداعالاۋ، الدىن الا ساقتاندىرۋ جانە شۇعىل توتەپ بەرۋ قابىلەتىن جاپپاي جوعارىلاتۋ كەرەك.

قۇلجا قالالىق دەنساۋلىق ساقتاۋ، سالاماتتىق كوميتەتى پارتكومىنىڭ شۋجيى، ورىنباسار مەڭگەرۋشىسى ليۋ جۇن بىلاي دەدى: «ٴبىز باس شۋجي شي جينپيڭنىڭ ماڭىزدى ٴسوزىنىڭ رۋحىن ٴىس جۇزىندىك ارەكەتىمىز ارقىلى دايەكتىلەندىرىپ، تياناقتاندىرىپ، كەزەكتەگى ىندەتتەن ساقتانۋ - تىزگىندەۋدىڭ كۇردەلىلىگىن، جاپالىلىعىن، قايتالامالىلىعىن تەرەڭ تانىپ، اناعۇرلىم جۇمىلىپ، يدەيانى بىرلىككە كەلتىرىپ، سەنىمدى بەكەمدەپ، ىندەتتەن ساقتانۋ قىزمەتتەرىن قاجىماي - تالماي، ەگجەي - تەگجەيلى، ناقتى يگەرىپ؛ ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ تالابىن تياناقتاندىرىپ، حىسۋان تەكسەرۋ، ۆاكسينا ەگۋ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىزمەتتەرىن ٴتۇيىندى تۇردە مىقتى يگەرىپ، ساقتانۋ - تىزگىندەۋ قىزمەتىن قاتاڭ، شىنايى ورىستەتىپ، ىندەتتەن ساقتانۋ قابىلەتىن جوعارىلاتىپ، ۇيىمدىق باسشىلىقتى كۇشەيتىپ، سالعىرتسۋ يدەياسىنان ارىلىپ، ىندەتتەن ساقتانۋ - تىزگىندەۋدىڭ ٴتۇرلى قىزمەتتەرىن ۋاقىتپەن جارىسا مۇقيات جاقسى ىستەيمىز».

قۇلجا قالالىق انالار مەن بالالار دەنساۋلىعىن ساقتاۋ شيپاحاناسىنىڭ باستىعى شى مەي بىلاي دەدى: «باس شۋجي شي جينپيڭنىڭ ماڭىزدى ٴسوزى ىندەتتەن ساقتانۋدىڭ ٴتۇرلى قىزمەتتەرىن ەگجەي - تەگجەيلى، ناقتى ىستەۋگە ايقىن تالاپتار قويدى، ٴبىز قىزمەت امالياتىمىزبەن بىرلەستىرە وتىرىپ، بۇلجىتپاي تياناقتاندىرامىز. قۇلجا قالالىق ەمدەۋ - قۇتقارۋ گرۋپپاسىنىڭ ٴبىر مۇشەسى رەتىندە ٴبىز ٴبىر تۇتاس جوسپارلاپ ورنالاستىرۋى، سايكەستىرۋدى جاقسى ىستەپ، تۇتاس قالاداعى ەمدەۋ قۇرىلىمدارىنىڭ ىندەتتەن ساقتانۋ - تىزگىندەۋ قىزمەتىن قاتاڭ دا ناقتى، ەگجەي - تەگجەيلى تياناقتاندىرامىز».

3 - ايدىڭ 21 - كۇنى ٴتىلشى وبلىستىق اۆتوموبيل جولاۋشى تاسىمال باس بەكەتىندە كىرەر اۋىزعا دەنە تەمپەراتۋراسىن ولشەۋ تۇعىرى ورناتىلعانىن كوردى، جولاۋشىلار بەكەتكە كەلگەن سوڭ دەنە تەمپەراتۋراسىن زەردەلى تەكسەرتىپ، سالاماتتىق كودىن تەكسەرۋدەن وتكىزەدى. بەكەتكە كىرگەن جولاۋشىلار تۇتاس بارىستا ماسكا تاعىپ، تالاپ بويىنشا ارالىق ساقتايدى، ادامداردىڭ جاناسۋى ٴبىرشاما كوپ ورىندار مەرزىم بويىنشا سپيريت جانە 84 زارارسىزداندىرۋ سۇيىقتىعىمەن زارارسىزداندىرىلىپ، كولىك ىشىندە جولاۋشىلار ارالىق ساقتاپ وتىرادى. 

 نىلقىعا جۇرەتىن كولىك بەلەتىن ساتىپ العالى تۇرعان جولاۋشى لي حۇيپيڭ بىلاي دەدى: «ىندەتتەن ساقتانۋ - تىزگىندەۋ بارىسىندا پارتيا مەن ۇكىمەت ٴارقانداي بوداۋ بەرۋدەن تايىنباي، حالىقتىڭ سالاماتتىعىن قورعاۋ سىندى ايبىندى ۋادەسىن امالياتتا ايگىلەپ، حالىقتى بارىنەن جوعارى قويۋدى، ٴومىردى بارىنەن جوعارى قويۋدى شىن مانىندە ناقتاپ تياناقتاندىردى. بارلىعىمىز دا ىندەتتەن ساقتانۋ - تىزگىندەۋ تالابىنا سانالى بويسۇنىپ، جەكە ساقتىقتى كۇشەيتىپ، ىندەتتەن ساقتانۋ - تىزگىندەۋ قىزمەتىنە جاقسى سايكەسۋىمىز كەرەك».

وبلىستىق اۆتوموبيل  جولاۋشى تاسىمال باس بەكەتى شەكتى سەرىكتەستىگىنىڭ ورىنباسار ديرەكتورى شيا ۋىنگۋاڭ بىلاي دەدى: «باس شۋجي شي جينپيڭنىڭ ماڭىزدى ٴسوزى ىندەتتەن ساقتانۋ - تىزگىندەۋ قىزمەتىن ەگجەي - تەگجەيلى، ناقتى ىستەۋىمىزگە ايقىن تالاپتار قويدى. جولاۋشى تاسىمال بەكەتى ادامدار شوعىرلانعان ورىن، ٴبىز ىندەتتەن ساقتانۋ - تىزگىندەۋ قىزمەتىن بار كۇشىمىزبەن جاقسى ىستەپ، جولاۋشىلاردىڭ حاۋىپسىز جول جۇرۋىنە كەپىلدىك ەتەمىز».

قۇلجا قالاسى حانبيڭ اۋىل شارۋاشىلىق ساۋدا بازارى بازاردىڭ قامداۋىن قامتاماسىز ەتۋمەن بىرگە، ىندەتتەن ساقتانۋ - تىزگىندەۋ قىزمەتىن دە بوساڭسىتپادى. قۇلجا قالالىق اۋىل شارۋاشىلىق ساۋدا توبى حانبيڭ اۋىل شارۋاشىلىق ساۋدا بازارى بولىمشە سەرىكتەستىگىنىڭ ورىنباسار ديرەكتورى يۋان ي - نيڭ بىلاي دەدى: «ٴبىز باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات دايەكتىلەندىرىپ، ونى قىزمەت امالياتىمىزبەن بىرلەستىرىپ، بۇلجىتپاي تياناقتاندىرىپ، ىندەتتەن عىلمي، دالمە - ٴدال ساقتانۋ ورەمىزدى بار كۇشپەن جوعارىلاتامىز».