شينجياڭ گازەتىنىڭ ٴتىلشىسى ۋي حۇڭپيڭ 3 - ايدىڭ 16 - كۇنى ۇرىمجىدەن حابارلايدى. جالپى حالىقتىق توپتىڭ يممۋنيتەتتىك قورعانىس تورىن قالىپتاستىرۋدى جەدەلدەتۋ ٴۇشىن، رايونىمىز قارتتار قاۋىمىنا جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەگۋدى جەدەل ىلگەرىلەتتى. جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ 60 جاستان جوعارعى قارتتاردى قورعاۋ ٴونىمى قانداي؟ 3 - ايدىڭ 16 - كۇنى ٴتىلشى اۆتونوميالى رايوندىق اۋرۋدىڭ الدىن الۋ جانە تىزگىندەۋ ورتالىعى يممۋنيتەتتىك جوبالاۋ ورنىنىڭ مەڭگەرۋشىسى قايسار وسمانمەن سۇحباتتاستى.
«قازىرگە دەيىن ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ شەكارا ٴىشى - سىرتىنداعى 60 جاستان جوعارى قارتتارعا ەگىلۋ مولشەرى 500 ميلليون رەتتەن اسىپ، ەگىلۋ بارىسىندا تاماشا حاۋىپسىزدىكتى كورسەتتى» دەدى قايسار.
2 جىلدان بەرى جاڭا تيپتى ايدارشا ۆيرۋستى زەرتتەۋ ارقىلى قارتتار جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرگەننەن كەيىن بەيتاراپ انتيدەنە دەڭگەيىنىڭ جاستاردان تومەن بولعاندىعى، ونىڭ ۇستىنە بارلىق ادام جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرگەننەن كەيىن، ۋاقىتتىڭ وتۋىمەن بەيتاراپ انتيدەنەنىڭ دەڭگەيى بەلگىلى دارەجەدە تومەندەگەندىگى دە بايقالدى. «ٴبىز قارتتار قاۋىمىن جەدەل ۆاكسينا ەكتىرۋگە ۇندەپ قانا قالماستان، قارتتاردى كۇشەيتىلگەن ۆاكسينا ەكتىرۋگە دە ۇندەۋىمىز كەرەك». قايسار بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ يممۋنيتەتتى كۇشەيتۋى اۋميكروننىڭ وزگەرگەن شتاممىنىڭ قارسىلىق قۋاتتى بۇزۋ سيپاتتى جۇعىمداۋىن تەجەپ، اۋميكروننىڭ قايتا تارالۋ كۇشىن تومەندەتەدى. ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى اۋميكرون جونىنەن ٴونىمدى، يممۋنيتەتتى كۇشەيتۋ ونىمدىلىگى اناعۇرلىم كورنەكتى.
قايسار تانىستىرىپ بىلاي دەدى: سوزىلمالى ناۋقاسقا شالدىققان قارتتاردىڭ دەنساۋلىق جاعدايى تۇراقتى، ٴدارى - دارمەكپەن تىزگىندەۋى جاقسى بولسا بولعانى، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋىنە بولادى. قارتتار جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋدەن ىلگەرى ٴوزىنىڭ نەگىزگى اۋرۋلارىنىڭ ويداعىداي تىزگىندەلگەن - تىزگىندەلمەگەندىگىن تۇراقتاندىرۋى ٴارى تۇراقتى مەرزىمدە تۇرعان بولۋى كەرەك، ەگەر ٴوزىنىڭ تۇراقتى مەرزىمدە تۇرعان - تۇرماعاندىعىنا ٴجىپ تاعا الماسا، شيپاگەردەن كەڭەس سۇراۋىنا بولادى، ٴدارى - دارمەكپەن تىزگىندەۋى جاقسى، اۋرۋ جاعدايى ورنىقتى بولعان جاعدايدا، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋىنە بولادى.
ەكتىرگەن كەزدە قارتتار ۆاكسينا ەگۋ ورنىنداعى شيپاگەرلەرگە ٴوزىنىڭ ناقتى دەنساۋلىق جاعدايىن، تاياۋدان بەرى ٴىشىپ جۇرگەن دارىلەرىنىڭ ينفورماتسياسىن ىرىقتىلىقپەن مالىمدەۋى ٴارى جاعدايدان حابارلى بولۋ ماقۇلدىق حاتىن شىنايى تولتىرۋى كەرەك.
ەكتىرگەننەن كەيىن قارتتار ەگۋ ورنىندا 30 مينۋت قالىپ جاعدايىن بايقاۋى قاجەت. ەكتىرگەن كۇنى ۋكول سالعان ورىندى قۇرعاق ۇستاۋى ٴارى جەكە تازالىعىنا كوڭىل ٴبولۋى كەرەك. ەكتىرگەننەن كەيىن ٴبىر اپتا ىشىندە ىلگەرىدە رەاكسيا بەرەتىن زاتتارعا جانە ۇنەمى كەزدەسەتىن رەاكسيا قاينارىنا جولاماۋى، مۇمكىندىكتىڭ بارىنشا اراق ىشپەۋى، اششى - تۇششى، تىتىركەندىرەتىن نەمەسە تەڭىز ونىمدەرى سياقتى ازىقتىقتاردى جەمەۋى، جەڭىل ازىقتانىپ، كوبىرەك سۋ ٴىشىپ، ۇيلەسىمدى دەمالعانى ٴجون.