汉文 ىلە اقپارات تورابىنا حوش كەلدىڭىزدەر!
ىندەتتەن ساقتانۋ - تىزگىندەۋدىڭ ءبىرىنشى شەبىندە كاۋاپ ناندى جەتكىلىكتى دايىندايمىن
2022-03-24 15:42:28     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

جياڭشيدە شارۋاشىلىق قۇرعان شينجياڭدىق جاس مىرادىل:

ىندەتتەن ساقتانۋ - تىزگىندەۋدىڭ ءبىرىنشى شەبىندە كاۋاپ ناندى جەتكىلىكتى دايىندايمىن

انار بۇلت / شينجياڭ گازەتىنىڭ ءتىلشىسى ۋاڭ جيڭجيڭ


11 قىزمەتكەردىڭ اربىرىنە 1000 يۋاننان ىندەت قوسىمشا قاراجاتىن بەرگەننەن كەيىن، جياڭشيدىڭ نانچاڭ قالاسىنداعى ءبىر شينجياڭ تاعامجايىنىڭ قوجايىنى مىرادىل مامەتوللا كوپشىلىكتى باستاپ ەكىگە ءبولىنىپ، ءبىر گرۋپپاداعى 8 ادام سول ماڭداعى الەۋمەتتىك اۋماققا ەرىكتى بولۋعا اتتانسا، ەندى ءبىر گرۋپپاداعى 4 ادام اسحانادا قالىپ نان جاۋىپ، كاۋاپ پىسىرىپ، نانچاڭ قالاسىنىڭ ىندەتتەن ساقتانۋ - تىزگىندەۋ ءبىرىنشى شەبىندەگى قىزمەتكەرلەرگە اقىسىز كاۋاپ نان ازىرلەدى.

”2020 - جىلى ىندەت تۋىلعاندا مىرادىلدىڭ داشۋەدە شارۋاشىلىق قۇرىپ تاپقان اقشاسى دەرلىك سەلگە كەتتى. ىندەتكە قايتالاي تاپ بولعاندا، ورنىنان قايتا تۇرعان ول بار قايراتىن جۇمساپ كوپشىلىكپەن بىرگە، ءسوزسىز، ىندەتتى جەڭۋگە بەل بۋدى“، - دەدى قىزمەتكەر شۇي يۇيفان.

  ءبىر نانعا ءۇش ىستىك كاۋاپ قوسۋ كەرەك پە، الدە بەس ىستىك؟

3 - ايدىڭ 13 - كۇنى نانچاڭدا جاڭا تيپتى ايدارشا ۆيرۋس وكپە قابىنۋ ىندەتى بايقالدى. 3 - ايدىڭ 18 - كۇنىنەن باستاپ، مىرادىلدىڭ تاعامجايى تۇرعان نانچاڭ جوعارى، جاڭا تەحنيكا كاسىپتەرىن اشۋ رايونىندا (تومەندە قىسقاشا ”نانچاڭ جوعارى، جاڭا رايونى“ دەلىنەدى) كۇن ارالاپ ءبىر رەت جالپ−ى حالىقتىق حىسۋان تەكسەرۋ جاسالدى.

”ىندەت تۋىلا سالىسىمەن، مىرادىلدەن تەلەفون كەلدى، قىزمەتكەرلەرىمەن اقىلداسىپ بولعانىن، كوپشىلىكتىڭ ەرىكتى بولعىسى كەلەتىنىن ايتتى، ونىڭ ۇستىنە ىندەتتەن ساقتانۋ - تىزگىندەۋدىڭ ءبىرىنشى شەبىندەگى قىزمەتكەرلەرگە اقىسىز تۇسكى تاماق دايىنداماقشى ەكەن“، - دەدى نانچاڭ (مەملەكەتتىك) داشۋەسى عىلىم - تەحنيكا بازارىن باسقارۋ كوميتەتى كەڭسەسىنىڭ مەڭگەرۋشىسى جاڭ شۇيحۋا.

باسقارۋ كوميتەتىنىڭ ءبىر تۇتاس قىزمەت ورنالاستىرۋىن كۇتىپ وتىرعان ۋاقىتتا، 29 جاستاعى مىرادىل قىزمەتكەرلەردى باستاپ جيىن اشىپ، قانداي تاماق جەتكىزسە ءارى قولايلى، ءارى كوپشىلىكتىڭ قارنىن تويدىرۋعا بولاتىنىن اقىلداستى. قىزمەتكەر ماحمۇتجان ابىلەت: ”شينجياڭدا اسىعىس كەزدە نانعا بىرنەشە كاۋاپ قوسىپ جۇرە - ءجۇرىپ جەۋگە بولاتىن، ايتپەسە وسىنى جەتكىزبەيمىز بە؟“، - دەدى، ونىڭ ويىن كوپشىلىك ءبىر اۋىزدان ماقۇلدادى.

ءبىر نانعا نەشە ىستىك كاۋاپ قوسۋ كەرەكتىگى جونىندە كوپشىلىك تۇرلىشە ويدا بولدى. ”ىندەتتەن بەرى شينجياڭنان قويدىڭ سان ەتىن الدىرۋعا دا ۋاقىت كەتەتىن بولدى، ءۇش ىستىك كاۋاپ قوسايىق“، - دەپ ماحمۇتجان وزىندىك قۇندى ويلاستىردى. ”نانچاڭدا وسى كۇندەرى تەمپەراتۋرا تومەن، ىندەتتەن ساقتانۋ - تىزگىندەۋ قىزمەتكەرلەرى ءبىر تۇرعاندا جارتى كۇن بويى كوپشىلىككە حىسۋان تەكسەرۋىن جاسايدى، نە بولسادا بەس ىستىك كاۋاپ قوسايىق، كوپشىلىكتىڭ ءبارىنىڭ قارنى تويسىن“، - دەدى مىرادىل ءسوز بايلامىن ايتىپ.

3 - ايدىڭ 18 - كۇنى تۇستەن بۇرىن جالپى حالىقتىق حىسۋان تەكسەرۋدى اياقتاتقان سوڭ مىرادىل 11 قىزمەتكەرىمەن بىرگە ءتۇن جارىمىنا دەيىن ىستىككە كاۋاپ ەتىن وتكىزىپ شىقتى، ولار تاعى ىندەتتەن ساقتانۋ - تىزگىندەۋ قىزمەتكەرلەرىنە اقىسىز تۇسكى اس دايىنداۋ جايلى حاباردى دوۋيىنعا شىعاردى: ”بۇكىل نانچاڭ قالاسى قامتىلادى، قاجەت ەتكەندەر ادرەسىن قالدىرسىن، ءسوزسىز، جەتكىزىپ بەرەمىز“. كەلەسى كۇنى تۇستە نانچاڭ جوعارى، جاڭا رايونى داشۋە عىلىم - تەحنيكا بازارىن سەنتر ەتىپ، كاۋاپ ناندى بۋىن بۇرقىراتىپ سىرتقا تاسىدى. ”الىس جەرلەرگە قاراتا ءبىز بەلگىلى ورىنداعى ورتالىق تۇستان قابىلداۋشى بەلگىلەدىك، ماڭىنداعىلار سوندا بارىپ الادى“، - دەدى شۇي يۇيفان.

3 - ايدىڭ 21 - كۇنىنە دەيىن مىرادىل مەن قىزمەتتەستەرى نانچاڭ قالاسىنىڭ ىندەتتەن ساقتانۋ - تىزگىندەۋ ءبىرىنشى شەبىندەگىلەرگە 1000نان استام كاۋاپ نان جەتكىزىپ بەردى. ”كاۋاپ ناندى العان كوپتەگەن ادام ىندەت جاعدايى وڭالعان سوڭ ءبىزدىڭ دۇكەنگە قادام تاستايتىندىقتارىن ايتتى، ونى ەستىپ ءماز - ءمايرام بولدىم“، - دەدى شۇي يۇيفان.

  وزگەشە بەينەمەن ىندەتكە قارسى سايىسقا شىقتى

”مىرادىل ’90 - جىلداردىڭ تۇلەگى‘، ’جۇڭگو 4 - مامىر جاستار مەدالىنىڭ‘ يەگەرى“، - دەدى شۇي يۇيفان، ءبىر جىلدىڭ الدىندا وسى تاعامجايعا قوسىلعانىندا، مىرادىل وعان ءوزىنىڭ شارۋاشىلىق قۇرۋ حيكاياسىن بايانداپ بەرگەن بولاتىن.

2013 - جىلى 9 - ايدا مىرادىل حوتان ايماعى شەريا اۋدانىنان جياڭشيدىڭ نانچاڭىنا داشۋەگە كەلەدى، ساۋداعا سۇڭعىلا ول ينتەرنەت ەلەكتروندى ساۋداسى ارقىلى شينجياڭنىڭ اۋىل شارۋاشىلىعى ونىمدەرىن ساتتى. شىلاننان تارتىپ سوقماققا دەيىن، ودان ءتىپتى شينجياڭنىڭ بارلىق اۋىل شارۋاشىلىعى ونىمدەرىنە دەيىن، ول 36 سەرىگىمەن بىرگە شارۋاشىلىق قۇرۋ ۇجىمىن قۇرىپ، تۇعىر قۇرىپ، شينجياڭداعى 700دەن استام كەدەي وتباسىنىڭ كىرىس ارتتىرۋىنا كومەكتەستى، ول تاعى داڭقپەن جۇڭگو كوممۋنيستىك پارتياسىنا مۇشە بولدى.

”داشۋەنى بىتىرگەندە ول العاشقى قوماقتى قارجىسىن تاۋىپ بولعان ەدى“. جياڭشي عىلىم - تەحنيكا شۋەيۋانى وداق كوميتەتىنىڭ ارناۋلى قىزمەتتەگى وداق كادرى سۇن بيڭ مىرادىلدىڭ جەتىلۋىنە ءۇرتىس نازار اۋدارىپ كەلدى. 2020 - جىلى جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراپ، ونىڭ ەڭبەكتەنىپ قوسقان قارجىسى سەلگە كەتىپ، ۇجىمىندا نەبارى 3 ادام قالدى. ”سول رەتكى سوققىدان كەيىن ول جەلىدە قۇلاعان ەكەم، جەلىدەن سىرت ورنىمنان تۇرىپ، وي جەلىسىن وزگەرتىپ، ناقتى شارۋاشىلىقپەن اينالىسام دەگەن ەدى“، - دەدى سۇن بيڭ.

وسى ساتتە جاڭ شۇيحۋا مىرادىلدى ىزدەپ كەلدى. ”داشۋەدە شارۋاشىلىق قۇرىپ اجەپتاۋىر اتى شىققان ەدى، ونىڭ قيىنشىلىققا تاپ بولعانىن ەستىپ، ىزدەپ كەلىپ ويىن سۇرادىم، بىرنەشە رەت اڭگىمەلەسكەننەن كەيىن شينجياڭ ونىمدەرىن جەلىدەن تىس ساتۋدى تۇلعالاۋ ويى پايدا بولدى“، - دەدى جاڭ شۇيحۋا.

مىرادىل جالاقىسى كەشىرىم ەتىلگەن دۇكەنگە، كەڭسە ورنىنا جانە قامباعا يە بولدى، جەرگىلىكتى ورىن وعان ۇكىمەتتىڭ ءوسىمى قازىنادان تولەنەتىن قارىز اقشا دا الىپ بەردى. ەلەكتروندى ساۋدا ىستەۋ تاجىريبەسى بار مىرادىل جەلىدە تيجارات جۇرگىزگەندە تۇتىنۋشىلاردىڭ نازارىن بۇرۋعا ەپتى بولدى، جەلىدەن تىس قۇنتتاپ قىزمەت وتەۋ دە تۇتىنۋشىلاردىڭ سەزىنۋىن جوعارىلاتتى. 2021 - جىلى مىرادىلدىڭ دۇكەنى نانچاڭ قالاسىندا اتى ءبىرىنشى بولىپ ەل اۋزىنا ىلىنگەن ينتەرنەتتە ۇزدىك دۇكەنگە اينالىپ، كۇنىنە ورتا ەسەپپەن 300 قاريدار قابىلداپ تۇردى. ”ادام قاپتاپ كەتتى، ول الدىن الا كەلىسۋ ارقىلى قاريدارلار اعىنىن تەجەدى، بىرەۋلەر ونى اقىماق سانادى. ول ادام وتە كوپ بولسا، قىزمەت وتەۋ ساپاسىنا كەپىلدىك ەتۋ قيىنداسادى دەيدى، بۇل جىگىت ۇزاق بولاشاقتىق جوسپار جاساي بىلەدى“، - دەدى جاڭ شۇيحۋا.

”وسى رەت نانچاڭدا تۇتقيىل ىندەت تۋىلعاندا مەن دە باستابىندا ابىرجىپ قالدىم“، - دەدى مىرادىل، ساباسىنا تۇسكەن سوڭ ول وزىنە ىندەتكە قايتا ءدوپ كەلگەندە، ءسوزسىز، الدىڭعى جولعىعا ۇقسامايتىن بەينە كورسەتۋ كەرەك، الدىڭعى جولى ىرىقسىز كۇتۋمەن بولدىق، وسى رەت، ءسوز جوق، ”بۇكىل كۇشپەن قارسى سوققى بەرۋىمىز“ كەرەك دەپ ويلاپ، سونىمەن ول سەرىكتەرىن باستاپ ىندەتكە قارسى اتتانۋدىڭ ءبىرىنشى شەبىندە شاپقىلادى.

  كاۋاپ نان مەن قىش ىدىس سورپاسىنىڭ سۇيىسپەنشىلىگى

مىرادىل نانچاڭدا تۇرمىس كەشىرگەلى 10 جىلعا تاياعاندىعىن، داشۋە كەزىندە ارمانى ورىندالىپ، قۋانىشقا بولەنگەنى شارۋاشىلىق قۇرۋدان جويقىن تابىس سەزىمىنە كەنەلگەنىن؛ كەيىن وزگەرىسكە تاپ بولىپ، ۇكىمەتتىڭ كومەگىمەن قايتادان ەڭسە كوتەرگەندىگىن ايتتى. سوڭعى 2 جىلدا باعىنا جاراي نانچاڭدىقتاردىڭ تاعامجايعا دەگەن تەرەڭ سۇيىسپەنشىلىگىنىڭ ارقاسىندا، 2021 - جىلدىڭ سوڭىندا قارىزىن تۇگەل قايتاردى، سونداي - اق 10 سەرىگىمەن بىرگە وسى كۇنگە جەتتى، ”مەن ءبىر پارتيا مۇشەسىمىن، شەشۋشى ساتتە، ءسوز جوق، كەۋدە كەرىپ العا شىعۋىم كەرەك“، - دەدى ول.

مىرادىلدەن سىرت، جياڭشيدە تاعى كوپتەگەن شينجياڭدىق ىندەتتەن ساقتانۋ - تىزگىندەۋدىڭ ءبىرىنشى شەبىنە بەلسەندىلىكپەن ارالاسىپ، شينجياڭ - جياڭشي ەكى جەر حالقىنىڭ تەرەڭ سۇيىسپەنشىلىگىن ۇيىستىردى.

ابدۇللا ۇلاشىمنىڭ جياڭشيدە قىزمەت ىستەگەنىنە 20 نەشە جىل بولدى، كەزىندە 7 - كەزەكتى مەملەكەتتىك ءمورال ونەگەسىنە كورسەتىلۋ سيلىعى، 7 - كەزەكتى نانچاڭ قالاسى ءمورال ونەگەسى قاتارلى اتاقتارعا يە بولعان. نانچاڭ قالاسىنىڭ ىندەتتەن ساقتانۋ - تىزگىندەۋ ەرىكتىلەرىن قابىلداپ جاتقاندىعىن بىلگەن سوڭ ول دا دەرەۋ تىزىمدەلدى.

بىلتىر گانجياڭ وزەنىندە سۋعا ءتۇسىپ كەتۋشىنى قۇتقارعان شينجياڭدىق ناسىرجان ابليميت قازىر نانچاڭ قالاسى شيحۋ رايونىندا ەرىكتى قىزمەتكەر. ول كۇندىز حىسۋان ۇلگىسىن جيناۋ تۇيىنىندە ءتارتىپتى ساقتاۋعا كومەكتەسەدى، كەشتە دۇكەن قىزمەتكەرلەرىن تۇندەلەتىپ نان جابۋعا ورنالاستىرادى، ءار كۇنى تۇستە كەسىمدى ۋاقىتتا جاشىك - جاشىك نان مەن ءوزى ساتىپ العان مينەرال سۋىن حىسۋان ۇلگىسىن جيناۋ تۇيىنىنە جەتكىزەدى.

”وسىنىڭ ءبارى كاۋاپ نان مەن قىش ىدىس سورپاسىنىڭ سۇيىسپەنشىلىگى. كوپشىلىك بىرگە قۇلشىنسا، ىندەت، ءسوز جوق، تەز ارادا وتە شىعادى“، - دەدى مىرادىل.