جۇڭ يىن

شەشۋشى ۋاقىت بولعان سايىن وي - سانانى سولعۇرلىم سەرگەك ۇستاۋ كەرەك، باستان - اياق سولعۇرلىم تىڭعىلىقتى جۇرگىزۋ كەرەك، كۇش ۇستىنە سولعۇرلىم كۇش قوسۋ، ىستەگەن ىستەن سولعۇرلىم ناتيجە شىعارۋ كەرەك. 3 - ايدىڭ 17 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ٴماجىلىس اشىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ جاعدايىنا تالداۋ جاساپ، ىندەتتەن ساقتانۋ - تىزگىندەۋ قىزمەتىن قاتاڭ، ويداعىداي يگەرۋ جونىندە ورنالاستىرۋ جاسادى. باس شۋجي شي جينپيڭ «تاباندىلىقتىڭ ٴوزى جەڭىس» دەپ تەرەڭدەي اتاپ كورسەتىپ، بىلاي دەپ باسا دارىپتەدى: وڭىرلەر، تاراۋلار، تاراپتار كەزەكتەگى ەل ٴىشى - سىرتىنداعى ىندەتتەن ساقتانۋ - تىزگىندەۋدىڭ كۇردەلىلىگىن، جاپالىلىعىن، قايتالامالىلىعىن جەتە تانىپ، ونان ارى اتتانىسقا كەلىپ، يدەيانى بىرلىككە كەلتىرىپ، سەنىمدى بەكەمدەپ، قاجىماي - تالماي تاباندىلىق كورسەتىپ، ىندەتتىڭ الدىن الۋ قىزمەتتەرىن ەگجەي - تەگجەيلى، ناقتى يگەرۋ كەرەك.

«تاباندىلىقتىڭ ٴوزى جەڭىس»، بۇل ەلىمىزدىڭ ىندەتكە قارسى اتتانۋ شايقاسىندا كەلەلى ستراتەگيالىق جەتىستىككە قول جەتكىزۋىندەگى تەرەڭ تولعانىسى ٴارى ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋدەگى تابيعي تالاپ. ىندەتتىڭ كەڭ تارالۋىنىڭ الەمدىك 4 - تولقىننىڭ ىقپالىندا، اسىرەسە، ەلىمىزدىڭ توڭىرەگىندەگى ەلدەر مەن وڭىرلەردەگى ىندەت جاعدايى دەڭگەيىنىڭ جىلدام كوتەرىلۋىنە بايلانىستى، وعان قوسا كەزەكتە باستى تارالىپ جاتقان وميكروننىڭ وزگەرگەن شتاممىنىڭ تارالۋ جىلدامدىعى اناعۇرلىم تەز، جاسىرىنعىشتىق سيپاتى اناعۇرلىم كۇشتى بولعاندىقتان، ەلىمىزدە سىرتتان كىرگەن ناۋقاستار كورنەكتى ارتتى، ٴىشىنارا وڭىرلەردە توپتالۋ سيپاتىنداعى ىندەت جارىققا شىقتى. اماليات ەلىمىزدىڭ قازىر اتقارىپ وتىرعان «سىرتتان كىرۋدەن، ىشتە قايتا بەلەڭ بەرۋدەن ساقتانۋ» جالپى تاكتيكاسى جانە «يكەمدى تۇردە نولگە ٴتۇسىرۋ» جالپى باعىتى مەن ٴبىرسىپىرا ساقتانۋ - تىزگىندەۋ شارالارى وميكروننىڭ وزگەرگەن شتاممىنان تۋىنداعان ىندەت ٴۇشىن جارامدى دا ٴونىمدى ەكەندىگىن، ٴبىراق وميكروننىڭ وزگەرگەن شتاممىنىڭ تارالۋ جىلدامدىعى تەز، جاسىرىنعىشتىق سيپاتى اناعۇرلىم كۇشتى بولۋ ەرەكشەلىگى بىزدەن ساقتانۋ - تىزگىندەۋ شارالارىنىڭ اناعۇرلىم ەرتە، اناعۇرلىم شاپشاڭ، اناعۇرلىم قاتاڭ، اناعۇرلىم ناقتى بولۋىن تالاپ ەتەتىندىگىن دالەلدەدى. بۇل اراداعى شەشۋشى ٴتۇيىن − ىندەتتەن ساقتانۋ - تىزگىندەۋدى ۇدايىلاندىرۋ جالپى تاكتيكاسىنان، جالپى باعىتىنان اۋىتقىماۋعا، بوساڭسىماۋعا تاباندى بولۋ، بەيعامدىققا سالىنۋ يدەياسىن، شايقاستان جالىعۋ كوڭىل كۇيىن، باق سىناۋ پسيحيكاسىن، بوساڭسۋ پيعىلىن باتىل جويىپ، باستان - اياق تىڭعىلىقتى جۇرگىزۋ، ۇزاق ۋاقىت قاجىماي قۇلشىنۋ پوزيتسياسىن قاي - قاشان دا ساقتاپ، جەتىستىكتى بەكەمدەيتىن، شايقاس تابىسىن كەڭەيتەتىن قاتاڭ شارانى الىپ شىعۋ.

تاياۋدا بۇكىل ەلدىڭ ٴوز جەرىندە كورىنگەن توپتالۋ سيپاتىنداعى ىندەت جاعدايىندا تارالۋ ٴتۇيىنى كوپ، اۋقىمى كەڭ بولۋ، ٴجيى تۋىلۋ ەرەكشەلىگىنە قاراتا، عىلمي، دالمە - ٴدال بولۋعا، يكەمدى تۇردە نولگە تۇسىرۋگە تاباندى بولىپ، ٴتۇرلى شارالاردى اناعۇرلىم شاپشاڭ، اناعۇرلىم دالمە - ٴدال ىستەپ، اناعۇرلىم ەگجەي - تەگجەيلى تياناقتاندىرىپ، حىسۋان ەكشەپ تەكسەرۋ جانە قاتەرلى ادامداردى ٴبىر - بىرلەپ تەكسەرۋدى، باسقارۋ - تىزگىندەۋدى جەدەلدەتىپ، «تەكسەرىلۋگە تيىستىلەرىن قالدىرماي تەكسەرۋدى»، «اۋاشالانۋعا تيىستىلەرىن قالدىرماي اۋاشالاۋدى»، «ەمدەلۋگە تيىستىلەرىن قالدىرماي ەمدەۋدى»، «باسقارۋعا تيىستىلەرىن قالدىرماي باسقارۋدى» قۇلشىنا ورىنداپ، ىندەتتىڭ تارالۋ، ٴورشۋ اۋقىمىن تەز ارادا اۋىزدىقتاپ، قوعامدىق جاقتا «نولگە ٴتۇسىرۋدى» جەدەل جۇزەگە اسىرۋ كەرەك. ساقتانۋ - تىزگىندەۋ شارالارىن ۇدايىلاندىرۋدى كۇشەيتىپ، شەكارا وتكەلدەرى جانە شەكارا وڭىرلەردەگى ساقتانۋ - تىزگىندەۋدى قاتايتىپ، ادام، زات، قورشاعان ورتادان بىردەي ساقتانۋعا تاباندى بولىپ، ادامداردى جابىق اينالىمدا باسقارۋدى كورنەكتىلەندىرىپ، ٴتۇيىندى الاڭ - ورىندارداعى ساقتانۋ - تىزگىندەۋدى ۇدايىلاندىرۋدى كۇشەيتىپ، مەديتسينالىق قۇرىلىمدار سياقتىلاردىڭ «قاراۋىل ٴتۇيىنى» رولىن ساۋلەلەندىرىپ، كوپ تۇيىندە ۇشتاسۋ، الدىن الا ساقتاندىرۋ مەحانيزمىن كەمەلدەندىرىپ، «انتيگەنىن ەكشەپ تەكسەرۋ، حىسۋان بويىنشا دياگنوز قويۋ» سىندى قاداعالاۋ ۇلگىسىن جالپىلاستىرىپ، بايقاۋدىڭ دەر كەزىندە بولۋىن جوعارىلاتۋ كەرەك. «ٴتورت جاق جاۋاپكەرشىلىگىن» ناقتىلاندىرىپ، «ٴتورت ەرتە بولۋ» تالابىن تياناقتاندىرىپ، ساقتانۋ - تىزگىندەۋ قىزمەتىن قاتاڭ، ناقتى ورىستەتىپ، ىندەت ٴتۇيىندى وڭىرلەرىنە قاراتىلعان ساقتانۋ - تىزگىندەۋ جەتەكشىلىگىن كۇشەيتىپ، قۋزاپ تەكسەرۋدى، جاۋاپقا تارتۋدى كۇشەيتىپ، ٴتۇرلى شارالاردىڭ تولىق تياناقتانۋىنا شىنايى كەپىلدىك ەتىپ، ٴىشىنارا توپتالۋ سيپاتىنداعى ىندەتتى شاپشاڭ تىزگىندەۋ كەرەك.

باس شۋجي شي جينپيڭ بىلاي دەپ باسا دارىپتەدى: «ستراتەگيالىق تاباندىلىقتى ساقتاپ، ورنىقتىلىق بارىسىندا ىلگەرىلەۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ويداعىداي ٴبىر تۇتاس جوسپارلاپ، اناعۇرلىم ٴونىمدى شارالار قولدانىپ، ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە جەتۋگە كۇش سالىپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن بارىنشا ازايتۋ كەرەك». ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ويداعىداي ٴبىر تۇتاس جوسپارلاۋ ٴبىر رەتكى زور شايقاس ٴارى ٴبىر رەتكى زور سىناق. ىندەتتەن ساقتانۋ - تىزگىندەۋ قىزمەتىن ويداعىداي ىستەۋدىڭ ەكونوميكالىق، قوعامدىق كەلەلى جاعدايدىڭ ورنىقتىلىعىنا تىكە قاتىستى ەكەندىگىن؛ ەكونوميكانىڭ ورنىقتى اينالىمىن جانە قوعامنىڭ جاراسىمدىلىعىن، ورنىقتىلىعىن ساقتاعاندا عانا ىندەتتەن ساقتانۋ - تىزگىندەۋدى ۇدايىلاندىرۋعا تاباندى بولۋعا پارمەندى تىرەك ازىرلەۋگە بولاتىندىعىن، ٴسوزسىز، سەرگەكتىكپەن تانىپ جەتۋىمىز كەرەك. ٴار دارەجەلى پارتكومدار مەن ۇكىمەتتەر يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، جاۋاپكەرشىلىك ارقالاۋ باتىلدىعىن، عىلمي ساقتانۋ - تىزگىندەۋ پاراساتىن، ٴبىر تۇتاس جوسپارلاپ تەڭ ٴمان بەرۋ جوسپارىن، ۇيىمداستىرىپ اتقارۋ قابىلەتىن اناعۇرلىم شىڭداپ، ىندەتتىڭ تارالۋىن ٴۇزۋ جىلدامدىعى مەن تەبىنىن شىنايى جوعارىلاتىپ، ىندەتتىڭ كولەمدى قايتا بەلەڭ بەرۋىنىڭ تۋىلماۋىنىڭ تومەنگى شەگىن باتىل ساقتاۋ كەرەك. «التىنى ورنىقتىرۋ»، «التىنى قامتاماسىز ەتۋ» قىزمەتىن ۇزدىكسىز ويداعىداي ىستەپ، حالىق تۇرمىسىن ٴۇرتىس جاقسارتىپ، ماكرولىق ەكونوميكانىڭ جالپى جاعدايىن كۇش سالا ورنىقتىرىپ، ەكونوميكالىق اينالىمنىڭ ۇيلەسىمدى اۋماعىن، قوعامدىق كەلەلى جاعدايدىڭ ورنىقتىلىعىن ساقتاپ، ٴىرى شايقاس، ۇلكەن ەمتيحان بارىسىندا اۋەلگى ماقساتتى، بورىشتى امالياتتا ايگىلەۋ، تولىمدى جاۋاپناما تاپسىرۋ كەرەك.

ەل ٴىشى - سىرتىنداعى ىندەت جاعدايىنا كوز جىبەرگەندە، ىندەتتەن ساقتانۋ - تىزگىندەۋدى ۇدايىلاندىرۋ جاپالى دا قىم - قۋىت ٴارى ۇزاق ۋاقىت تاباندى بولۋدى قاجەت ەتەتىن قىزمەت، وڭىرلەردە، تاراۋلاردا، تاراپتاردا، ٴسوز جوق، يدەيالىق دايىندىق جانە قىزمەت دايىندىعى بولۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قاجىمايتىن تاباندىلىقتى كۇشەيتىپ، قامال الىپ، قيىندىقتى جەڭەتىن قايسارلىقتى شىڭدايتىن بولساق، ٴبىز ىندەتتەن ساقتانۋ - تىزگىندەۋدى ۇدايىلاندىرۋ سىندى وسى ۇزاق ۋاقىتتىق شايقاستىڭ جەڭىسىنە، ٴسوز جوق، قول جەتكىزىپ، ىندەتتەن تۋىنداعان شىعىندى ەڭ تومەنگى شەككە ٴتۇسىرىپ، ەلىمىز ەكونوميكاسىنىڭ، قوعامىنىڭ تاماشا دامۋ جاعدايىن، ٴسوز جوق، ساقتاپ، تۇتاس جىلدىق نىسانا - مىندەتتەردىڭ دەر كەزىندە جۇزەگە اسۋىنا شىنايى كەپىلدىك ەتە الامىز.

(3 - ايدىڭ 19 - كۇنگى «حالىق گازەتىندە» باسىلعان)