ٴتىلشىمىز لي يافىڭ حابارلايدى. باس شۋجي شي جينپيڭ 3 - ايدىڭ 17 - كۇنى اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە: «ستراتەگيالىق تاباندىلىقتى ساقتاپ، ورنىقتىلىق بارىسىندا ىلگەرىلەۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ويداعىداي ٴبىر تۇتاس جوسپارلاپ، اناعۇرلىم ٴونىمدى شارالار قولدانىپ، ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە جەتۋگە كۇش سالىپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن بارىنشا ازايتۋ كەرەك» دەپ باسا دارىپتەدى. باس شۋجي شي جينپيڭنىڭ ماڭىزدى ٴسوزىنىڭ رۋحى وبلىسقا توتە قاراستى ورىنداردىڭ ىندەتتەن ساقتانۋ - تىزگىندەۋدى جانە ەكونوميكا مەن قوعامنىڭ دامۋىن ٴبىر تۇتاس جوسپارلاۋىنا ايقىن بەتالىس كورسەتىپ بەردى. وبلىسقا توتە قاراستى ورىندار، تاراۋلار بەلسەنە ارەكەتكە كەلىپ، باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات دايەكتىلەندىرىپ، تياناقتاندىرىپ، ىندەتتەن ساقتانۋ شارالارىن ەگجەي - تەگجەيلى، ناقتى يگەرىپ، ىندەتتەن ساقتانۋ - تىزگىندەۋ ورەسىن عىلمي، دالمە - ٴدال ۇزدىكسىز جوعارىلاتىپ، تۇرمىستىق تۇتىنۋ بۇيىمدارىن ٴوندىرۋدى، قامداۋدى ويداعىداي ىستەپ، بۇقارانىڭ قالىپتى ٴوندىرىس - تۇرمىسىنىڭ ورنىقتى، ٴتارتىپتى بولۋىن ساقتادى.
«باس شۋجي شي جينپيڭنىڭ ماڭىزدى ٴسوزىنىڭ رۋحى ٴبىزدىڭ سەنىمىمىز بەن كۇش - قۋاتىمىزدى ارتتىردى.ٴبىز، ٴسوزسىز، باس شۋجيدىڭ تالابىنا ساي ىندەتتەن ساقتانۋ - تىزگىندەۋ قىزمەتىن قاتاڭ، ناقتى ورىستەتىپ، ۇدايىلانعان دالمە - ٴدال ساقتانۋدى تاباندىلىقپەن جاقسى ىستەيمىز» دەدى 3 -ايدىڭ 25 - كۇنى وبلىستىق جۇقپالى اۋرۋلاردان ساقتانۋ - تىزگىندەۋ ورتالىعىنىڭ ورىنباسار مەڭگەرۋشىسى چىن جىشىڭ. ول تاعى بىلاي دەدى: كەزەكتە جانە بۇدان كەيىنگى ٴبىر مەزگىلدە وبلىسقا توتە قاراستى ورىنداردا ۆاكسينا ەگۋ جونىندەگى عىلىم جالپىلاستىرۋ ۇگىتىن كۇشەيتىپ، جاڭا تيپتى ايدارشا ۆيرۋس ۆاكسيناسىن ەگۋدىڭ جالپى بارىستىق قىزمەتىن ورنىقتى ىلگەرىلەتىپ، ىندەتتەن ساقتانۋ - تىزگىندەۋ جەتىستىكتەرىن ۇزدىكسىز بەكەمدەيمىز.
وسى كۇنى قۇلجا قالاسى تيانباي حالىقارالىق زات ساتىپ الۋ ورتالىعىنان ٴتىلشى بۇل ورتالىقتىڭ وسىندا كىرگەندەردىڭ ماسكا تاعۋىن قاداعالاۋ، دەنە تەمپەراتۋراسىن ولشەۋ، سالاماتتىق كودىن تەكسەرۋ سياقتى ىندەتتەن ساقتانۋ - تىزگىندەۋ شارالارىن قاتاڭ تياناقتاندىرىپ جاتقانىن كوردى، وسى زات ساتىپ الۋ ورتالىعى ەرەن بازارىنىڭ سۋىق تىزبەكتى زات قويۋ رايونىندا ساتۋشى ۋاڭ جۋ - ان قولىنا قولعاپ كيىپ، ۇدايىلانعان دالمە - ٴدال ساقتانۋ تالابى بويىنشا ٴار ەكى ساعاتتا ٴبىر رەت توڭازىتقىش بەتى، قىزمەت ۇستەلى، شۇمەك، قول جۋۋ استاۋى جانە تارازى سياقتىلاردى زارارسىزداندىرادى، زات ساتىپ الۋ ورتالىعى 3 ساعاتتا ٴبىر رەت ورتانى زارارسىزداندىرادى.
«قاتارعا تۇرۋ كوبىرەك تۋىلاتىن جاس كۇيدە ساقتاۋ رايونىندا، ەرەن بازارىمىز بايساي، باكلاجان، قيار سياقتىلاردى الدىن الا تارازىلاپ جاس كۇيىندە ساقتاۋ جارعاعىمەن وراپ قويادى، اقشا الۋ تەكشەسىنە جاناسپاي تولەم جۇمىسىن ورىندايتىن ەتىپ ارالىق بولگىش تاقتايشا ورناتتى» دەدى ىلە تيانباي حالىقارالىق زات ساتىپ الۋ ورتالىعى باس مەڭگەرۋشىسىنىڭ كومەكشىسى گۋ ليچۇن، ول تاعى بىلاي دەدى: زات ساتىپ الۋ ورتالىعىنىڭ ىندەتتەن ساقتانۋ - تىزگىندەۋ جاۋاپكەرشىلىگىن ناقتىلاندىرۋ، ٴتۇرلى ىندەتتەن ساقتانۋ شارالارىن عىلمي، دالمە - ٴدال تياناقتاندىرۋ ارقىلى تۇتىنۋشىلارعا ەڭ جوعارى شەكتە حاۋىپسىز، الاڭسىز زات ساتىپ الۋ ورتاسىن جاراتامىز.
قۇلجا قالالىق قۇبىر سۋ شەكتى سەرىكتەستىگى ٴوندىرىس ٴبولىمىنىڭ باستىعى ما حۇڭۋي بىلاي دەدى: سەرىكتەستىك ٴتۇيىندى حالىق تۇرمىسى كاسىپورنى رەتىندە، ىندەتتەن ساقتانۋ - تىزگىندەۋ قىزمەتتەرىن قاتاڭ، شىنايى، ەگجەي - تەگجەيلى يگەرىپ، جەلىلەس باسقارۋ ٴتۇزىمى مەن قىزمەت شارالارىن شىعارىپ جانە وعان وزگەرىس ەنگىزىپ، قاراستى اۋماقتى سۋمەن قامداۋ ٴتارتىبىنىڭ قالىپتى بولۋىنا جان - جاقتى كەپىلدىك ەتتى.
«ٴبىز باس شۋجيدىڭ ماڭىزدى ٴسوزىنىڭ رۋحىن قاز - قالپىندا دايەكتىلەندىرىپ، تياناقتاندىرىپ، ٴتۇرلى بازار وبيەكتىلەرىنىڭ ۇدايىلانعان، دالمە - ٴدال ساقتانۋ - تىزگىندەۋ قىزمەتىن ەگجەي - تەگجەيلى، ناقتى يگەرۋىمىز كەرەك». وبلىستىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى شۋە ميڭ بىلاي دەدى: بازار باقىلاۋ - باسقارۋ تاراۋى رەتىندە سەنىمدى بەكەمدەپ، اركىم ٴوز جاۋاپكەرلىگىن ٴبىلىپ، اركىم ٴوز جاۋاپكەرلىگىن ادا ەتىپ، وبلىسقا توتە قاراستى ورىنداردىڭ ازىق - تۇلىك، ٴدارى - دارمەك، ونەركاسىپ ونىمدەرى ساپاسىنىڭ، ەرەكشە جابدىقتار حاۋىپسىزدىگىنىڭ تومەنگى شەگىن باتىل ساقتاپ، وڭاي - وسپاق كەلمەگەن ىندەتتەن ساقتانۋ - تىزگىندەۋ جەتىستىكتەرىن قورعايمىز جانە بەكەمدەيمىز.
قۇلجا اۋەجايىندا ٴتىلشىنىڭ ۇعىسۋىنا قاراعاندا، قىزمەتكەرلەر ۇشاق كۇتۋ زالىن بەلگىلەنگەن ۋاقىتتا دەزينفەكسيالاۋدان سىرت، اۋەجاي ىشىندەگى جوعارى جيىلىكتە جاناساتىن زاتتاردى ٴبىر كۇندە 3 رەت جاپپاي دەزينفەكسيالاعان، سونداي - اق كىرىپ - شىققان جولاۋشىلاردىڭ تەمپەراتۋراسىن ولشەۋ، سالاماتتىق كودىن تەكسەرۋ سياقتى ىستەردى قاتاڭ تياناقتاندىرعان. سونىمەن بىرگە، اۋەجاي عيماراتىنا كىرگەن جولاۋشىلاردان ماسكى تاعۋدى تالاپ ەتىپ، اۆتوماتتى قىزمەت وتەۋ قۇرىلعىلارىنىڭ جانىنا دەزينفەكسيالاۋ قۇرىلعىلارىن قويىپ، جولاۋشىلاردى جەكە قورعانۋ قىزمەتىن جاقسى ىستەۋگە جەتەكتەگەن.
قۇلجا (نارات، موڭعۇلكۇرە) اۋەجايى پارتيا مۇشەلەرىنىڭ بۇقاراعا قىزمەت وتەۋ ٴبولىمىنىڭ جاۋاپتىسى لي يانلي تىلشىگە بىلاي دەدى: اۋەجايداعى قىزمەتكەرلەر سالعىرتتىق يدەياسىن، شايقاستان جالىعۋ پيعىلىن، باق سىناۋ پسيحيكاسىن جانە بوساڭسۋ كوڭىل كۇيىن باتىل جەڭىپ، رايونعا، دارەجەگە بولىنگەن، پارىقتى مامىلە جاسالاتىن دالمە - ٴدال ساقتانۋ - تىزگىندەۋ دەڭگەيىن شىنايى يگەردى. سونىمەن بىرگە، تاربيەلەۋ تەبىنىن ارتتىرىپ، شۇعىل جاعدايعا توتەپ بەرۋ جاتتىعۋىن ورىستەتىپ، حالىقتىڭ باس اماندىعى مەن دەنساۋلىعىن مۇمكىندىكتىڭ بارىنشا قورعادى.
قۇلجا قالاسى نيڭيۋان جولى ٴمالى باسقارماسى دايىندىق گرۋپپاسىنىڭ مۇشەسى چاڭ سايۋي بىلاي دەدى: ٴبىز شاعىن اۋماقتاعى تۇرعىنداردى ىندەتتەن ساقتانۋ قىزمەتىنىڭ ماڭىزدىلىعىن تولىق بىلۋگە بەلسەنە تاربيەلەپ جانە جەتەكتەپ، قاراستى رايوننىڭ ٴىس جۇزىندىك جاعدايىمەن ۇشتاستىرىپ، عىلىم جالپىلاستىرۋ بىلىمدەرىن ۇگىتتەۋ قاعازىن تاراتىپ، ساقتانۋ - تىزگىندەۋ بىلىمدەرىن ۇگىتتەۋدى ورىستەتىپ، ۇلكەن تۇرعىندار رايوندارىندا جىلجىمالى حىسۋان تەكسەرۋ تۇيىندەرىن قۇرىپ، قاتارعا تۇرعىزۋدى ازايتىپ، ادامنىڭ شوعىرلانۋىنان ساقتانىپ، تۇرعىنداردىڭ عىلمي، دالمە - ٴدال ساقتانۋ - تىزگىندەۋ دەڭگەيىن ۇزدىكسىز جوعارىلاتتىق.