شينحۋا اگەنتتىگىنىڭ تىلشىلەرى چىن فاڭ، دۇڭ رۇيفىڭ، پىڭ يۇنجيا، گۋ تيانچىڭ

3 - ايدان بەرى بۇكىل ەل بويىنشا جالپى 320 مىڭنان استام جەرگىلىكتى جۇعىمدالۋشى مالىمدەلىپ، 30 ولكەنى شارپىدى... ىندەتتەن ساقتانۋ - تىزگىندەۋ جاعدايى قاتاڭ دا كۇردەلى بولدى.

ۆيرۋسپەن بەلدەسكەن شەشۋشى ساتتە، باس شۋجي شي جينپيڭ بىلاي دەپ اتاپ كورسەتتى: «باستان - اياق حالىقتى بارىنەن جوعارى قويۋعا، ٴومىردى بارىنەن جوعارى قويۋعا تاباندى بولىپ، عىلمي، دالمە - ٴدال بولۋعا، يكەمدى نولگە تۇسىرۋگە تاباندى بولۋ، ىندەتتىڭ تارالۋ، ٴورشۋ بەتالىسىن تەز ارادا تىزگىندەۋ كەرەك».

اماليات «يكەمدى نولگە ٴتۇسىرۋدىڭ» عىلىمعا قۇرمەت ەتكەن، زاڭدىلىقتى ايگىلەگەن، بۇكىلدەي قاجەتتى، ونىڭ ۇستىنە ونىمدىلىگى كورنەكتى، قۇندى تاجىريبە ەكەندىگىن دالەلدەدى. ٴبىز «يكەمدى نولگە ٴتۇسىرۋ» باس باعىتىنا اۋىتقىماي تاباندى بولىپ، اناعۇرلىم قاتاڭ پوزيتسيا، اناعۇرلىم تۇبەگەيلى شارا، اناعۇرلىم جەدەل ارەكەت ارقىلى باس شۋجي شي جينپيڭنىڭ ماڭىزدى نۇسقاۋىن ناقتاپ تياناقتاندىرىپ، ٴبىر نيەتپەن كۇش قوسىپ وسى قاتاڭ شايقاستىڭ جەڭىسىنە تەز ارادا قول جەتكىزۋىمىز كەرەك.

«يكەمدى نولگە ٴتۇسىرۋ» − عىلىمعا قۇرمەت ەتكەندىك، زاڭدىلىقتى ايگىلەگەندىك، بۇكىلدەي قاجەتتى

باستان - اياق حالىقتىڭ ٴومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويىپ، «يكەمدى نولگە تۇسىرۋگە» تاباندى بولۋ − جۇڭگونىڭ ىندەتكە قارسى اتتانۋ ونىمدىلىگىن تۇجىرىمداۋداعى ماڭداي الدى ولشەم.

جۇڭگوداعى ٴبىر ميلليارد 400 ميلليوننان استام جالپى حالىق سانىن جيناقتىق سان ەتىپ، كولەمدى قارتتار شوعىرى سىندى ناقتى مەملەكەت جاعدايىن ەسكەرىپ، دەر كەزىندە قاتاڭ ساقتانۋ - تىزگىندەۋ جۇرگىزبەگەندە، وڭاي جۇعىمدالاتىنداردىڭ جۇعىمدالۋ حاۋپى ارتىپ، اقىر - اياعىندا كولەمدى قايتا بەلەڭ بەرۋ جارىققا شىعىپ، جۇڭگونىڭ ەمدەۋ جۇيەسى تۋرالاۋ حاۋپىنە ٴدوپ كەلەدى.

مەملەكەتتىك دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى ما شياۋۋي مىنالاردى ٴبىلدىردى: «يكەمدى نولگە ٴتۇسىرۋدىڭ» جاۋھارى، بىرىنشىدەن، تەز، ەكىنشىدەن، دالمە - ٴدال بولۋىندا. «يكەمدى» دەگەنىمىز مۇلدەم جۇعىمدالماۋعا ۇمتىلۋ ەمەس؛ ال «نولگە ٴتۇسىرۋ» دەگەنىمىز بىرەۋى بايقالعان زامان بىرەۋىن جويىپ وتىرۋ، ىندەتتىڭ كولەمدى تۇردە قايتا بەلەڭ بەرۋ جاعدايىن بولعىزباۋدىڭ تومەنگى شەگىن ساقتاۋ دەگەندىك. تەز جانە دالمە - ٴدال بولعان «يكەمدى نولگە ٴتۇسىرۋ» − جۇڭگونىڭ ىندەتتى تىزگىندەۋىندەگى «اسىل».

وميكرون «كولەمدى جۇقپالى تۇماۋ» ەمەس، تارالۋ قارقىنى تەز، جۇعىمدالاتىن ادام سانى كوپ. اۋەلى، جاڭا تيپتى ايدارشا ۆيرۋسى الدا قالاي وزگەرسە دە، ٴالى اسا جوعارى تۇراقسىزدىقتى ساقتاپ كەلەدى. دۇنيە ٴجۇزى دەنساۋلىق ساقتاۋ ۇيىمى ۋىتى كۇشتى ۆيرۋستىڭ وزگەرگەن شتاممىنان ٴتىپتى دە اۋىر جاعدايدىڭ تۋىلۋى مۇمكىن ەكەندىگىن اتاپ كورسەتتى.

جۇڭگو اۋرۋدان ساقتانۋ جانە تىزگىندەۋ ورتالىعىنىڭ ەپيدەميولوگيا باس مامانى ۋ زۇنيوۋ بىلاي دەپ قارادى: ٴىشىنارا مەملەكەتتەر كوپ ٴتۇرلى سىناقتاردى وتكەرگەن سوڭ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ ۇتىمدى شاراسىن تابا المادى، لاجىسىزدىقتان باسقا تۇسكەنىن كورۋگە تاۋەكەل ەتتى، بۇل شىنىن قۋعاندا، شاراسىزدىقتان تۋعان تالعام ەدى. ەگەر دە ناۋقاس پەن ٴولىم - ٴجىتىم سانى زور مولشەردە جوعارىلاسا، وسى مەملەكەتتەر تاعى دەرەۋ ساقتانۋ - تىزگىندەۋ شاراسىن قاتايتاتىنى داۋسىز.

ۋحان «شايقاسىنىڭ» سىناعىن باستان وتكەرىپ، دەلتا ىندەتىنىڭ سىنىنان وتكەن سوڭ، جۇڭگو ٴبىرى بايقالعاندا ٴبىرىن جويۋدى جۇزەگە اسىردى. «يكەمدى نولگە ٴتۇسىرۋ» − تارالۋى كۇشتى وزگەرگەن شتاممەن تالاي رەت قيان - كەسكى كۇرەس جاساعاننان كەيىنگى ٴونىمدى توتەپ بەرۋ شاراسى. ەلىمىزدىڭ 2 جىلدان ارتىق ساقتانۋ - تىزگىندەۋ امالياتى مىنانى دالەلدەدى: «يكەمدى نولگە ٴتۇسىرۋ» ەلىمىزدىڭ ٴىس جۇزىندىك جاعدايىنا سايكەسەدى، سونداي - اق ەلىمىزدىڭ وسى كەزەڭدە جاڭا تيپتى ايدارشا ۆيرۋس وكپە قابىنۋ ىندەتىن دەر كەزىندە تىزگىندەۋدىڭ ەڭ تاماشا تالعامى. بۇل ناعىز ادامدى نەگىز ەتكەندىك.

«حالىقتىڭ ٴومىرى بارىنەن ماڭىزدى». جۇڭگو ينجەنەريا اكادەمياسىنىڭ ورىنباسار باستىعى، جۇڭگو مەديتسينا عىلىم اكادەمياسى بەيجيڭ شيەحى مەديتسينا شۋەيۋانىنىڭ باستىعى ۋاڭ چىن بىلاي دەدى: «ادىلەتتىلىك» پەن «مۇددە» دە جۇڭگو كوممۋنيستىك پارتياسى باستان - اياق حالىقتىڭ ٴومىرىن ماڭداي الدى ورىنعا قويدى.

اماليات «يكەمدى نولگە ٴتۇسىرۋدىڭ» بۇكىلدەي ٴونىمدى ەكەنىن دالەلدەدى

4 - ايدىڭ 12 - كۇنى تۇستەن كەيىن جيلين قالاسى 5 - فاڭساڭ شيپاحاناسىنداعى ناۋقاستار تۇگەلدەي ساۋىعىپ شيپاحانادان شىقتى. جەرگىلىكتى ورىنداعى وسى ەڭ ۇلكەن فاڭساڭ شيپاحاناسى ەڭ قاۋىرت كەزدە 5 مىڭنان ارتىق ناۋقاستى قابىلداعان بولاتىن، جۇمىس اتقارعان 30 كۇندە قوعامدىق ايادا نولگە تۇسىرۋگە پارمەندى تىرەك ازىرلەدى.

ۋحان وتكەلىن بىتەۋ سىندى بۇرىن بولماعان ساقتانۋ - تىزگىندەۋ شاراسىن العا قويۋدان كوپ جەردىڭ قاتاڭ، شۇعىل باسقارۋ - تىزگىندەۋ، قۇرساۋلاۋ - تىزگىندەۋ سىندى ىندەتتەن ساقتانۋ شاراسىن اتقارۋىنا دەيىن، ودان ەكونوميكانى دامىتۋعا تاماشا شارت - جاعداي ازىرلەگەنگە دەيىن... جۇڭگو ٴونىمدى امالياتى ارقىلى ىندەت تاجالىنا قايتا - قايتا سوققى بەرىپ، «ىندەت» شايقاسىنىڭ جەڭىسىنە قول جەتكىزۋدىڭ ىرىقتىلىق ۇقىعىنا تىنباي قول جەتكىزىپ وتىردى.

بۇرىننان بەرى جۇڭگو ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە قول جەتكىزۋگە قۇلشىنىپ، ىندەتتىڭ ەكونوميكالىق، قوعامدىق دامۋعا ىقپالىن ەڭ جوعارى شەكتە ازايتىپ كەلدى.

2020 - جىلى ىندەت بۇكىل الەم ەكونوميكاسىنا سوققى جاساعان كەزدە جۇڭگو «ىندەتتى الدىمەن تىزگىندەدى»، «جۇمىستى، ٴوندىرىستى الدىمەن قالپىنا كەلتىردى»، «ەكونوميكانىڭ كەرى ارتۋدان وڭ ارتۋعا بەت الۋىن الدىمەن جۇزەگە اسىردى».

2021 - جىلى ىشكى ٴوندىرىس جالپى ٴونىم قۇنى الدىڭعى جىلداعىدان %8.1 ارتتى، 2 جىلدا ورتا ەسەپپەن %5.1 ارتتى، ەكونوميكانىڭ ارتۋ قارقىنى الەمدەگى نەگىزگى ەكونوميكالىق تۇلعالاردىڭ الدىنا شىقتى.

بۇل «يكەمدى نولگە تۇسىرۋگە» تاباندى بولىپ، شىنداپ ساقتانعاندا عانا ىندەتتىڭ سوققىسىن ەڭ جوعارى شەكتە تومەندەتىپ، اناعۇرلىم ويداعىداي دامۋدى مۇمكىندىكتىڭ بارىنشا جۇزەگە اسىرۋعا بولاتىندىعىن ىشكەرىلەي دالەلدەدى.

وميكرون وزگەرگەن شتاممىنىڭ تارالۋ جىلدامدىعى تەز، جۇعىمدالعان ادامدار كوپ، ىندەتتىڭ ساقتانۋ - تىزگىندەۋ جاعدايى قاتاڭ دا كۇردەلى بولىپ، «يكەمدى نولگە ٴتۇسىرۋدى» جۇزەگە اسىرۋدىڭ قيىندىعى ونان ارى جوعارىلادى.

جىلدام اڭىس قايتارىپ، ٴونىمدى تياناقتاندىرعاندا، «جىلدام قيمىلداپ، جەدەل اۋىزدىقتاۋدى» جۇزەگە اسىرۋعا بولادى −

  ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ سىندى «ٴتورت ەرتە بولۋ پرينسيبىن» تياناقتاندىرىپ، قاراستى جەر، تاراۋ، ورىن، جەكە سىندى «ٴتورت جاقتىڭ جاۋاپكەرشىلىگىن» ناقتىلاندىرۋ كەرەك.

تيانجين 1 - ايدىڭ 8 - كۇنى ىندەتتىڭ تۇتقيىل سوققىسىنا ۇشىرادى، 1 - ايدىڭ 21 - كۇنى قوعامدىق ايادا نولگە تۇسىرىلگەندىگى جاريالاندى، ەل ىشىندە العاش رەت وميكرونمەن زور كولەمدە شايقاسۋ كەزەڭدىك شايقاس ناتيجەسىنە قول جەتكىزدى. شىنجىن «اقىرىن ٴجۇرۋ تۇيمەشىگىن» باسقاننان قوعامدىق ٴوندىرىس، تۇرمىس ٴتارتىبىن جۇيەلى قالپىنا كەلتىرە باستاعانعا دەيىن 10 كۇنگە جەتپەيتىن ۋاقىت جۇمسادى.

سوتسياليزم ٴتۇزىمىنىڭ ارتىقشىلىعى ىندەتكە قارسى اتتانىپ، قامال الۋدىڭ بەرىك قورعانىن بەكەمدەدى −

ىندەت تۋىلعاننان كەيىن، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ جالپىلىق گرۋپپاسى جيلين، شاڭحاي سياقتى جەرلەرگە قىزمەت گرۋپپاسىن جىبەرىپ، قاتىستى جەرلەردىڭ ىندەتتەن ساقتانۋ - تىزگىندەۋ قىزمەتىن ٴتارتىپتى، پارمەندى ىلگەرىلەتۋىنە جەتەكشىلىك ەتتى.

بۇكىل ەلدەگى 16 ولكەدەن 40 مىڭنان استام ەمدەۋ قىزمەتكەرى شاڭحايعا كومەككە جىبەرىلدى؛ 11 ولكە بىرلەسىپ قامتاماسىز ەتىپ، بىرلەسىپ قامداپ، شاڭحايدى 18 مىڭ توننا كوكونىسپەن قامدادى؛ پارتيا مۇشەلەرى شاعىن اۋماقتىڭ قۇرساۋلاۋ كەزىندەگى زاتتىق ماتەريالدارمەن قامتاماسىز ەتۋ قىزمەتىنە الدىمەن ات سالىستى... سارقىلماس جۇڭگو كۇشى ۋاقىتشا «اقىرىن ٴجۇرۋ تۇيمەشىگىن» باسقان قالالارعا تىرەك بولدى.

ٴبىر ميلليارد 400 ميلليوننان استام حالىقتىڭ ٴتۇسىنۋى مەن قولداۋى «يكەمدى نولگە ٴتۇسىرۋدىڭ» بۇقارالىق نەگىزى بولدى −

بەلسەنە ۆاكسينا ەكتىردى، ەپيدەميولوگيالىق تەكسەرۋ ارقىلى تەگىن انىقتاۋ مەن باسقارۋ - تىزگىندەۋ ورنالاستىرۋىنا سايكەستى، حىسۋان تەكسەرۋگە ات سالىستى، جەكەلىك قورعانۋدى ويداعىداي ىستەدى... جۇڭگو حالقى جۇدىرىقتاي جۇمىلىپ، ٴبىر - بىرىنە قارايلاسىپ، ۆيرۋستىڭ قايتا تاپ بەرۋىن سان مارتە تويتاردى. ەڭ جاڭا ساندى مالىمەتتەردە كورسەتىلۋىنشە، بۇكىل ەلدە جاڭا تيپتى ايدارشا ۆيرۋس ۆاكسيناسىن ەگۋ دوزا - رەت سانى 3 ميلليارد 300 ميلليوننان اسقان.

«يكەمدى نولگە ٴتۇسىرۋ» جالپى باعىتىنا، ٴسوز جوق، تاباندى بولۋ كەرەك

باس شۋجي شي جينپيڭ بىلاي دەپ باسا دارىپتەدى: جەر - جەر، تاراۋلار، تاراپتار كەزەكتەگى ەل ٴىشى - سىرتىنداعى ىندەتتەن ساقتانۋ - تىزگىندەۋدىڭ كۇردەلىلىگىن، جاپالىلىعىن، قايتالامالىلىعىن جەتە تانىپ، ونان ارى اتتانىسقا كەلىپ، يدەيانى بىرلىككە كەلتىرىپ، سەنىمدى بەكەمدەپ، قاجىماي - تالماي تاباندىلىق كورسەتىپ، ىندەتتەن ساقتانۋ قىزمەتتەرىن ەگجەي - تەگجەيلى، ناقتى يگەرۋى كەرەك.

تاباندىلىقتىڭ ٴوزى جەڭىس، تاباندى بولعاندا عانا، جەڭىسكە جەتۋگە بولادى.

ىندەتتەن ساقتانۋ - تىزگىندەۋدىڭ قاتاڭ جاعدايى الدىندا، ٴبىز، ٴسوز جوق، «يكەمدى نولگە ٴتۇسىرۋ» باس باعىتىنا تاباندى بولۋىمىز كەرەك.

ٴىشىنارا وڭىرلەردى باسقارۋ - تىزگىندەۋ ۋاقىتتىق قولايسىزدىق اكەلەدى، بۇل كوپشىلىكتىڭ حاۋىپسىزدىگى ٴۇشىن. ٴبىر جەردى تاپجىلماي قورعاۋ اناعۇرلىم كوپ جەردىڭ اماندىعى ٴۇشىن.

ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاۋ شايقاسىن ويداعىداي جۇرگىزۋ ٴۇشىن، جۇڭگو اناعۇرلىم عىلمي، دالمەل - ٴدال ساقتانۋ - تىزگىندەۋ شارالارىن قولدانىپ، بار كۇشتى سالىپ ٴوندىرىستى ورنىقتىرىپ، قامداۋعا كەپىلدىك ەتتى. ىندەتتەن ساقتانۋ - تىزگىندەۋدى تىڭعىلىقتى ىستەۋگە شىنايى كەپىلدىك ەتۋ العى شارتىندا، جۇمىستى، ٴوندىرىستى قالپىنا كەلتىرىپ، ٴوندىرىس، تۇرمىس ٴتارتىبىن قالپىنا كەلتىرۋدى ىلگەرىلەتتى.

ىندەتتەن ساقتانۋعا تاباندى بولىپ، قامتاماسىزداندىرۋ مەن قامداۋعا بىردەي ٴمان بەرىپ، بۇقارانىڭ «كەزەك كۇتتىرمەيتىن ماسەلەسىن» ويداعىداي شەشۋ ٴدال «يكەمدى نولگە ٴتۇسىرۋدىڭ» بولۋعا ٴتيىس ٴمانى بولىپ تابىلادى. حالىق تۇرمىسىنداعى كىشكەنە ىستەردى ويداعىداي شەشۋ «يكەمدى نولگە ٴتۇسىرۋدىڭ» كەلەلى جاعدايىنا سايادى. ىندەتتەن ساقتانۋ - تىزگىندەۋ مەن حالىق تۇرمىسىن قامتاماسىزداندىرۋدىڭ قاتىناسىن ويداعىداي ٴبىر جايلى ەتۋ − وسىزاماندانعان جونگە سالۋ قابىلەتىن جوعارىلاتۋداعى، ٴسوزسىز، جاۋاپ قايتارۋعا ٴتيىس ماسەلە.

ىندەتكە قارسى اتتانۋ جۇڭگو حالقىنىڭ ورتاق قۇلشىنىسىن قاجەت ەتەدى. دامىلسىز قايتالانعان ىندەت الدىندا بەرىك تە باتىل وتكىرلىك پەن بۇلجىماس بەكىم ارقىلى ۋاقىتتىق قيىندىقتى بىرگە جەڭۋدىڭ قۋاتتى بىرىككەن كۇشىن ۇيىستىرساق، وسى زور شايقاستىڭ، قاتاڭ شايقاستىڭ جەڭىسىنە، ٴسوز جوق، قول جەتكىزە الامىز.

شينحۋا اگەنتتىگىنىڭ 4 - ايدىڭ 12 - كۇنى بەيجيڭنەن بەرگەن حابارى