汉文 ىلە اقپارات تورابىنا حوش كەلدىڭىزدەر!
كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاسادى، ىندەتتەن ساقتانۋ - تىزگىندەۋدىڭ ٴتۇيىندى قىزمەتتەرىن مىقتى، ناقتى يگەرۋدى اقىلداستى، ورنالاستىردى
2022-05-12 16:08:04     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ٴماجىلىس اشىپ

كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاسادى، ىندەتتەن ساقتانۋ - تىزگىندەۋدىڭ ٴتۇيىندى قىزمەتتەرىن مىقتى، ناقتى يگەرۋدى اقىلداستى، ورنالاستىردى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى


شينحۋا اگەنتتىگىنىڭ 5 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 5 - ايدىڭ 5 - كۇنى ٴماجىلىس اشىپ، كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاسادى، ىندەتتەن ساقتانۋ - تىزگىندەۋدىڭ ٴتۇيىندى قىزمەتتەرىن مىقتى، ناقتى يگەرۋدى اقىلداستى، ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى ٴارى ماڭىزدى ٴسوز سويلەدى.

ٴماجىلىس مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى ٴبىز حالىقتى بارىنەن جوعارى قويۋعا، ٴومىردى بارىنەن جوعارى قويۋعا تاباندى بولىپ، سىرتتان كىرۋدەن، ىشتە قايتا بەلەڭ بەرۋدەن ساقتانۋعا تاباندى بولىپ، يكەمدى نولگە تۇسىرۋگە تاباندى بولىپ، ساقتانۋ - تىزگىندەۋ شارالارىن ۋاقىتقا، جاعدايعا قاراي ۇزدىكسىز رەتتەپ، ىندەتتەن ساقتانۋ - تىزگىندەۋدە كەلەلى ستراتەگيالىق جەتىستىككە قول جەتكىزدىك. بيىل 3 - ايدان بەرى بۇكىل ەل بويىنشا جوعارىدان تومەنگە دەيىن ٴبىر جاعادان باس، ٴبىر جەڭنەن قول شىعارىپ، تىزە قوسا شايقاس جاساۋ ارقىلى ٴبىز ۋحاندى قورعاۋ شايقاسىنان بەرگى ساقتانۋ - تىزگىندەۋدىڭ ەڭ قاتاڭ سىناعىنان ٴوتىپ، كەزەڭدىك ناتيجەگە قول جەتكىزدىك. اماليات ٴبىزدىڭ ساقتانۋ - تىزگىندەۋ باعىتىمىزدى پارتيانىڭ سيپاتى مەن باس ماقساتى بەلگىلەگەندىگىن، ٴبىزدىڭ ساقتانۋ - تىزگىندەۋ ساياساتىمىزدىڭ تاريحتىڭ سىنىنان وتە الاتىندىعىن، ٴبىزدىڭ ساقتانۋ - تىزگىندەۋ شارالارىمىزدىڭ عىلمي، ٴونىمدى ەكەندىگىن دالەلدەپ وتىر. ٴبىز ۋحاندى قورعاۋ شايقاسىندا جەڭىسكە جەتتىك، شاڭحايدى قورعاۋ شايقاسىندا دا، ٴسوز جوق، جەڭىسكە جەتە الامىز.

ٴماجىلىس مىنالاردى باسا دارىپتەدى: قازىر بۇكىل الەمدە ىندەت جاعدايى ٴالى دە جوعارى دەڭگەيدە تۇر، ۆيرۋس ٴالى دە توقتاۋسىز وزگەرۋدە، ىندەتتىڭ ەڭ سوڭىندا قايدا باراتىندىعى جايلى ٴالى دە اسا زور تۇراقسىزدىق ٴومىر سۇرۋدە، تىنىستايتىن، كىدىرىپ تىنىعاتىن كەز ٴالى جەتكەن جوق. ەلىمىز حالىق سانى كوپ ٴىرى ەل، قارتتاردىڭ سانى كوپ، وڭىرلەردىڭ دامۋى بىركەلكى ەمەس، مەديتسينالىق بايلىقتىڭ جالپى مولشەرى جەتكىلىكسىز، ساقتانۋ - تىزگىندەۋدى بوساڭسىتساق، ٴسوز جوق، ادامداردىڭ كەڭ كولەمدە جۇعىمدالۋىنا، قىرۋار سالماقتى ناۋقاستاردىڭ پايدا بولۋى مەن اۋرۋدان ٴولۋ جايتىنە اپارىپ سوعىپ، ەكونوميكانىڭ، قوعامنىڭ دامۋى مەن حالىقتىڭ ٴومىرىنىڭ حاۋىپسىزدىگى، دەنساۋلىعى اۋىر ىقپالعا ۇشىرايدى. پارتيا ورتالىق كوميتەتى بەلگىلەگەن ىندەتتەن ساقتانۋ - تىزگىندەۋگە قاتىستى باعىت - ساياساتتاردى ىشكەرىلەي، تولىق، جان - جاقتى تانىپ، تانىمنىڭ، دايىندىقتىڭ، قىزمەتتىڭ جەتكىلىكسىز بولۋى سياقتى ماسەلەلەردى باتىل جەڭىپ، نەمقۇرايدى قاراۋ، ەلەپ - ەسكەرمەۋ، وزىنىكىن ٴجون ساناۋ سياقتى يدەيالاردى باتىل جويىپ، قاي - قاشان دا وي - سانانى سەرگەك ۇستاپ، «يكەمدى نولگە ٴتۇسىرۋ» باس باعىتىنا مىزعىماي تاباندى بولىپ، ەلىمىزدىڭ ىندەتتىڭ الدىن الۋعا قاتىستى باعىت - ساياساتتارىن بۇرمالايتىن، ودان كۇمانداناتىن، ونى تەرىسكە شىعاراتىن ٴسوز - ارەكەت اتاۋلىمەن باتىل كۇرەس جۇرگىزۋ كەرەك.

ٴماجىلىس مىنالاردى اتاپ كورسەتتى: تاباندىلىق ٴتۇبى جەڭىس. قازىر ىندەتتەن ساقتانۋ - تىزگىندەۋ قىزمەتى «اعىنعا قارسى جۇزەتىن، العا ىلگەرىلەمەسەك كەرى شەگىنەتىن» شەشۋشى مەزگىلدە جانە ماشاقاتتى كەزەڭدە تۇر، ٴار دارەجەلى پارتكومدار مەن ۇكىمەتتەر سەنىمدى بەكەمدەپ، ىندەتكە قارسى اتتانۋ كۇرەسىنىڭ كۇردەلىلىگى مەن جاپالىلىعىن تەرەڭ تانىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، كۇرەسكەرلىك رۋحتى تولىق ساۋلەلەندىرىپ، ىندەتتەن ساقتانۋ - تىزگىندەۋ قورعانىن باتىلدىقپەن بەرىك سوعۋ، ىندەتتەن ساقتانۋ - تىزگىندەۋدىڭ وڭاي - وسپاق قولعا كەلمەگەن جەتىستىكتەرىن باتىل بەكەمدەۋ، اركىم ٴوز جاۋاپكەرشىلىگىن ٴبىلۋ، اركىم ٴوز جاۋاپكەرشىلىگىن ادا ەتۋ كەرەك.

ٴماجىلىس مىنالاردى باسا دارىپتەدى: ٴىشىنارا توپتالۋ سيپاتتى ىندەتتى ٴبىر جاقتى ەتۋدى جەدەلدەتىپ، تەكسەرۋگە تيىستىلەرىن تۇگەل تەكسەرىپ، اۋاشالاۋعا تيىستىلەرىن تۇگەل اۋاشالاپ، جيىپ الۋعا تيىستىلەرىن تۇگەل جيىپ الىپ، ەمدەۋگە تيىستىلەرىن تۇگەل ەمدەپ، قالىڭ بۇقارانى جاۋاپكەرشىلىك، حىسۋان تەكسەرۋ، ەپيدەميولوگيالىق تەكسەرۋ، اۋاشالاۋعا اپارۋ جانە الەۋمەتتىك اۋماقتا باسقارۋ - تىزگىندەۋ سياقتى ٴتۇيىندى بۋىنداردا سايكەسە، بىرلەسە قيمىلداپ، جۇعىمدالۋشىلار مەن حاۋىپ - قاتەرى بار ادامدار شوعىرىن دەر كەزىندە ٴبىر - بىرلەپ تەكسەرىپ انىقتاۋعا، باسقارىپ - تىزگىندەۋگە شىنايى كەپىلدىك ەتۋ كەرەك. ساقتانۋ - تىزگىندەۋ قابىلەتى قۇرىلىسىن كۇشەيتىپ، وڭىرلەر ارا سەلبەسە ساقتانۋدى، ولكە ىشىندە ٴبىر تۇتاس جوسپارلاۋدى كۇشەيتىپ، ساقتانۋ - تىزگىندەۋگە قاتىستى ادام كۇشىن، زاتتىق ماتەريالداردى جەتەرلىك، تولىق دايىنداپ، ىندەتكە توتەپ بەرۋ دايىندىعىن ويداعىداي ىستەۋ كەرەك. ساقتانۋ - تىزگىندەۋ شارالارىن دەر كەزىندە كەمەلدەندىرىپ، ۆيرۋستىڭ وزگەرۋىنە قاتىستى زەرتتەۋلەردى جانە ونىڭ الدىن الۋ سەرپىنىن ارتتىرىپ، قارا دۇرسىندىكپەن، ٴبىر تاياقپەن ايداۋدان اۋلاق بولىپ، بۇقارانىڭ نەگىزگى تۇرمىسىن قامتاماسىز ەتۋدى جانە تۇرمىستىق زاتتىق ماتەريالدارمەن قامداۋدى ٴبىر ۋاقىتتا ويداعىداي ىستەپ، بۇقارانىڭ اۋرۋ كورسەتۋ، ەمدەلۋ قاجەتىن ويداعىداي قامتاماسىز ەتۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋ شارالارىن قاتاڭ تياناقتاندىرىپ، سىرتتان كىرۋدەن ساقتانۋدا ادامنان، زاتتان، قورشاعان ورتادان بىرگە ساقتانۋ تالابىن تىڭعىلىقتى دايەكتىلەندىرىپ، سالانىڭ جاۋاپكەرشىلىگى مەن مەكەمە - ورىننىڭ جاۋاپكەرشىلىگىن ناقتىلاندىرۋ كەرەك. حالىق بۇقاراسىنا تىعىز ارقا سۇيەي وتىرىپ، حالىقتىق شايقاستى ويداعىداي جۇرگىزىپ، ينفورماتسيا جاريالاۋدى كۇشەيتىپ، قوعامنىڭ الاڭداۋشىلىعىنا ىرىقتىلىقپەن جاۋاپ قايتارۋ تانىمىن، ٴوزىن قورعاۋ تانىمىن كۇشەيتۋگە، ساقتانۋ - تىزگىندەۋ جاۋاپكەرشىلىگى مەن بورىشىن سانالى تۇردە ارقالاۋعا، جەكە ادام، وتباسى سياقتىلاردىڭ كۇندەلىكتى ساقتانۋ - قورعانۋ شارالارىن تياناقتاندىرۋعا جەتەكتەپ، يممۋنيتەتتى كۇشەيتۋ ۆاكسيناسىن ەگۋ قىزمەتىن ىلگەرىلەتىپ، بۇقارالىق ساقتانۋدىڭ، بۇقارالىق تىزگىندەۋدىڭ قورعانىس شەبىن بەكەمدەۋ كەرەك.

ٴماجىلىس مىنالاردى اتاپ كورسەتتى: ٴار دارەجەلى پارتكومدار، ۇكىمەتتەر جانە قوعامنىڭ ٴار جاعى يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ٴبىر اۋىزدىلىقتى ساقتاپ، سالعىرتسۋ يدەياسىن، شايقاستان قاجۋ نىسايىن، باق سىناۋ ويىن، بوساڭسۋ پيعىلىن جەڭىپ، جاپپاي اتتانىسقا كەلتىرىپ، جان - جاقتى ورنالاستىرۋ جاساپ، ۋاقىت كۇتىپ تۇرمايدى دەيتىن رۋحپەن، مينۋت - سەكۋندتپەن جارىساتىن ارەكەت - قيمىلمەن ىندەتتەن ساقتانۋ - تىزگىندەۋ قىزمەتتەرىن ناقتى، ەگجەي - تەگجەيلى يگەرۋ كەرەك. ٴار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ۇزدىكسىز اتويلاپ الدا ٴجۇرىپ، قايسارلىقپەن ايانباي شايقاس جاساپ، جاۋىنگەر قورعاندىق جانە اۆانگارد ۇلگىلىك رولدارىن ساۋلەلەندىرۋى كەرەك. ىندەتكە قارسى اتتانۋ كۇرەسىندە جارىققا شىققان وزات تيپتەر مەن ىزگى ىستەردى ۇگىتتەپ، حابارلاپ، قالىڭ كادرلار مەن بۇقارانى سەنىمدى بەكەمدەپ، قيىندىقتى بىلەك بىرىكتىرە جەڭىپ، ٴبىر نيەتپەن ىنتىماقتاسىپ، ىندەتكە قارسى اتتانۋ قىزمەتىن ويداعىداي ىستەۋگە ىنتالاندىرۋ كەرەك.

ٴماجىلىس باسقا دا ىستەردى اقىلداستى.