وبلىسىمىزدىڭ ەكولوگيالىق ورتا جۇيەسىندەگى پارتيالى كادرلار پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن مۇقيات ۇيرەندى، دايەكتىلەندىردى 

ٴتىلشىمىز مىڭ شيا حابارلايدى. جاقىنعى كۇندەردەن بەرى وبلىسىمىزدىڭ ەكولوگيالىق ورتا جۇيەسىندەگىلەر پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ قىزۋ ورلەۋىن كوتەردى. بارشا پارتيالى كادرلار ٴبىر اۋىزدان بىلاي دەدى: يدەيا مەن ارەكەتتى جالپى ٴماجىلىس رۋحىمەن بىرلىككە كەلتىرىپ، قيىندىقتاردى جەڭە قامال الىپ، بەلسەنە ۇلەس قوسىپ، ەكولوگيالىق ورتا ساپاسىنىڭ ۇزدىكسىز جاقسارۋىن جەبەيمىز.

جالپى ماجىلىستە بىلاي دەپ باسا دارىپتەلگەن: ەكولوگيالىق وركەنيەت قۇرىلىسىندا پارتيا ورتالىق كوميتەتى ەكولوگيالىق وركەنيەت قۇرىلىسىن بۇرىن بولماعان تەبىنمەن مىقتى ۇستاپ، كورىكتى جۇڭگو قۇرىلىسىندا ماڭىزدى قادام تاستالىپ، ەلىمىزدە ەكولوگيالىق ورتانى قورعاۋدا تاريحي سيپاتتى، بۇرىلىس سيپاتتى، جالپى جاعدايلىق سيپاتتى وزگەرىستەر تۋىلدى.

وبلىستىق ەكولوگيالىق ورتا مەكەمەسى پارتيا باسشىلىق گرۋپپاسىنىڭ شۋجيى لي شينحۋا بىلاي دەدى: «وبلىسقا توتە قاراستى ورىندارداعى ەكولوگيالىق ورتا جۇيەسىندەگىلەر جالپى ٴماجىلىستىڭ رۋحىن ۇيرەنۋدى، دايەكتىلەندىرۋدى كەزەكتەگى كەلەلى ساياسي مىندەت رەتىندە قاراپ، اتقارۋ جوبالارىن زەرتتەپ جانە جاساپ، جالپى ٴماجىلىستىڭ رۋحىن شوعىرلى، جۇيەلى ۇيرەنىپ جانە جەتكىزىپ، بارىنشا دايەكتىلەندىرىپ جانە تياناقتاندىرىپ، جالپى ٴماجىلىستىڭ رۋحىن ەكولوگيالىق ورتانى قورعاۋدىڭ ٴتۇرلى قىزمەتتەرىن جەبەۋدىڭ قۇدىرەتتى قوزعاۋشى كۇشىنە شىنايى اينالدىرىپ، ونى ەكولوگيالىق وركەنيەت قۇرىلىسىنىڭ جانە ورتانى قورعاۋدىڭ نىسانا - مىندەتتەرىمەن ۇشتاستىرىپ، بوستىقتاردى دەر كەزىندە تەكسەرىپ، تولىقتاپ، ەكولوگيالىق ورتانى قورعاۋداعى ولقىلىقتاردى تولىقتاۋدى جەدەلدەتۋگە كۇش سالادى».

وبلىستىق ورتا جونىنەن شۇعىل جاعدايعا توتەپ بەرۋ جانە شىرعالاڭداردى تەكسەرۋ ورتالىعىنىڭ مەڭگەرۋشىسى تان يالي بىلاي دەدى: «جالپى ٴماجىلىستىڭ رۋحىن ىشكەرىلەي ۇعىنىپ، باتىل دايەكتىلەندىرىپ جانە تياناقتاندىرىپ، ونى كەزەكتەگى ٴتۇرلى قىزمەتتەرمەن ۇشتاستىرىپ، وبلىسقا توتە قاراستى ورىندارداعى ٴتۇرلى ورتانى قورعاۋدى باقىلاۋ - تەكسەرۋ جەتىستىكتەرىنىڭ تياناقتانۋىن، ونىمدىلىك كورسەتۋىن اناعۇرلىم قاتاڭ ولشەممەن ىلگەرىلەتۋگە قۇلشىنامىز».

«جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىندا» بىلاي دەپ اتاپ كورسەتىلدى: تۇنىق سۋ، جاسىل تاۋ - باعالى بايلىق ۇستانىمىنا، ٴسوز، جوق، تاباندى بولىپ، تاۋ، سۋ، ورمان، ەگىنجاي، كول، جايىلىم، قۇمدى ٴبىر تۇلعالاندىرىپ قورعاۋ مەن جۇيەلى وڭاۋعا تاباندى بولىپ، ەكولوگيالىق ورتانى كوزىمىزدىڭ قاراشىعىنداي قورعاپ، ەكولوگيالىق ورتانى جانىمىزداي ايالاپ، جاسىل دامۋدى، اينالمالى دامۋدى، تومەن كومىر قىشقىل گازدى دامۋدى اناعۇرلىم سانالىلىقپەن ىلگەرىلەتىپ، ٴوندىرىسى دامىعان، تۇرمىسى باردام، ەكولوگياسى تاماشا وركەنيەتتى دامۋ جولىمەن جۇرۋگە تاباندى بولۋ كەرەك.

بۇل جونىندە وبلىستىق ەكولوگيالىق ورتانى قورعاۋ مەكەمەسىنىڭ باستىعى امىرەجان ۇسەن بىلاي دەدى: «جالپى ٴماجىلىستىڭ رۋحىن قىزمەتتىڭ قوزعاۋشى كۇشىنە اينالدىرىپ، ورتانى قورعاۋدى بەستى ٴبىر تۇلعالاندىرۋ جالپىلىق ورنالاستىرۋىمەن جاپپاي توعىستىرۋعا تاباندى بولىپ، جاڭالىق اشا، سايكەستى، جاسىل، اشىق، ورتاق يگىلىككە كەنەلە دامۋ ۇستانىمىن دايەكتىلەندىرىپ، <بەسكە، استە، جول قويماۋ> تومەنگى شەك تالابىن قاتاڭ ساقتاپ، كەزەكتەگى ورتانى قورعاۋ جاعىنداعى كورنەكتى ماسەلەلەرگە نەمقۇرايدى قاراۋ، ناتيجە جاراتپاۋ، نىسايلىق ماسەلەلەردى ەلەمەۋ، قاتىستى شارا قولدانباۋ سياقتى جايتتەردىڭ تۋىلۋىنا، استە، جول قويمايمىز».

«قورشاعان ورتا حاۋىپسىزدىگى كىشى - گىرىم ٴىس جوق، ول حالىق بۇقاراسى ٴومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىنا سايادى» دەدى امىرەجان ۇسەن. ول تاعى بىلاي دەدى: «ەگەر، ٴتۇزىم - شارالاردان ماسەلە بايقالسا، ونى تۇزەتىپ تولىقتاعانىمىزبەن ورتانىڭ لاستانۋ شىرعالاڭى تۋىلۋىنىڭ كۇرت كوبەيۋ اۋقىمى ٴونىمدى تەجەلمەيدى. كىشى ساڭلاۋ بىتەلمەي، ۇلكەن ساڭلاۋ وڭالمايدى. ىرىقسىز تولىقتاعاننان ىرىقتى تولىقتاعان ارتىق. سوندىقتان وبلىسقا توتە قاراستى ورىندارداعى ەكولوگيالىق ورتانى قورعاۋ جۇيەسى قاتىستى تۇزىمدىك جۇيە مەن ورتانى قورعاۋ شاراسىن جەدەل كەمەلدەندىرىپ، ورتانى قورعاۋدى باقىلاۋ - باسقارۋ، زاڭ اتقارۋ سىندى اكىمشىلىك يقۋاتتى كەمەلدەندىرىپ، ورتانى قورعاۋدى باسقارۋ ورەسىن جوعارىلاتۋى كەرەك.

«جالپى ٴماجىلىستىڭ رۋحىن ۇيرەنۋدەگى تەتىك - تياناقتاندىرۋدا» دەدى وبلىستىق ەكولوگيالىق ورتانى قورعاۋ مەكەمەسى قۇلجا قالالىق بولىمشە مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى لۇي حايجۇن. ول تاعى بىلاي دەدى: «تەرەڭ ۇيرەنۋگە، تىڭنان جوبا جاساۋعا، شىنايى ىستەۋگە تاباندى بولىپ، لاستانۋدى ازايتۋ، كومىر قىشقىل گازىنىڭ شىعارىلۋىن ازايتۋ تۇلعالىق تالابىن جاپپاي تياناقتاندىرىپ، لاستانۋدى دالمە - ٴدال وڭاۋعا، عىلمي وڭاۋعا، زاڭ بويىنشا وڭاۋعا تاباندى بولىپ، ەكولوگيالىق ورتاسى تاماشا، ەكولوگيالىق شارۋاشىلىعى شالقىعان، ەكولوگيالىق مەكەنى جانعا جايلى، ەكولوگيالىق وركەنيەتى گۇلدەنىپ - كوركەيگەن كورىكتى قۇلجا قۇرۋدى جەدەلدەتەمىز».

وبلىستىق ورتانى باقىلاۋ - ولشەۋ پۋنكتىنىڭ ورىنباسار باستىعى حالمۇرات تىلەۋالدى بىلاي دەدى: «ەكولوگيانى ماڭداي الدى ورىنعا قويۋعا، قاتاڭ باسقارۋعا، قاتاڭ مەڭگەرۋگە، ٴتۇرلى نىسانا - مىندەتتەردىڭ ولشەمىنە، ۇلگىسىنە تۋرالاۋعا تاباندى بولىپ، ورتانى قورعاۋدى باقىلاۋ - تەكسەرۋ مەن باقىلاۋ - ولشەۋ قىزمەتىن كۇش سالا ويداعىداي ىستەپ، وبلىسقا توتە قاراستى ورىنداردى جاپپاي گۇلدەندىرۋدى جەدەلدەتۋ ٴۇشىن بەرىك ەكولوگيالىق ورتا نەگىزىن قالايمىز».

كەزەكتە وبلىسقا توتە قاراستى ورىندارداعى ەكولوگيالىق ورتا جۇيەسى ورتانى قورعاۋ قۇرىلىمدارىنىڭ باقىلاۋ - ولشەۋدى، باقىلاۋ - تەكسەرۋدى، زاڭ اتقارۋدى باسقارۋ ٴتۇزىمى رەفورماسىن جالعاستى ورنىقتى ىلگەرىلەتىپ، ورتانى قورعاۋدى باسقارۋ مەن ورتانىڭ لاستانۋىن وڭاۋدى وسىزامانداندىرۋدى تۇزىمدىك كەپىلمەن قامتاماسىز ەتۋدە. «ينتەرنەت +» ۇلگىسىندەگى ورتانى قورعاۋ ارەكەتىن جەدەل ىلگەرىلەتىپ، ورتانى قورعاۋ كەشەندى شارالارىن ساپالىلاندىرىپ، ورتانى قورعاۋدى باسقارۋ تاسىلىنە بۇرىلىس جاساۋدى ىلگەرىلەتىپ، ورتانى قورعاۋ الەۋمەتتىك قىزمەت وتەۋ ورەسىن جوعارىلاتتى. ورتانى قورعاۋ ۇگىت - تاربيە تەبىنىن ارتتىرىپ، ويداعىداي ۇگىتتەپ، ويداعىداي قىزمەت وتەپ، ەكولوگيالىق ورتانى قورعاۋ قىزمەتىن ويداعىداي ىستەپ، ورتانى قورعاۋ وڭ ەنەرگياسىن ۇيىستىرىپ، ورتانى قورعاۋدىڭ تاماشا اۋانىن قالىپتاستىردى. وسى ٴبىرقىدىرۋ شارالار ارقىلى جالپى ٴماجىلىس رۋحىنىڭ تياناقتانۋىن جەدەلدەتىپ، وبلىسقا توتە قاراستى ورىنداردىڭ جوعارى ساپالى، جاسىل دامۋىن جەبەدى.