ەرىكتى ٴتىلشى حۋ يۇيپيڭ بۋرىلتوعايدان حابارلايدى. تاياۋ كۇندەردەن بەرى بۋرىلتوعاي اۋدانىنداعى ٴار دارەجەلى پارتيا ۇيىمدارى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قيمىلىن بەلسەنە ورىستەتتى، پارتيالى كادرلار «ۇيرەنۋدە قۋاتتى ەل» ۇيرەنۋ تۇعىرى، «ميكرو بلوك، ٴۇنحات جانە اقپارات كليەنتى» جاڭا مەديا تەكشەسى سياقتى «ساۋساق ۇشى ساباقحاناسىنان» پايدالانىپ، جالپى ٴماجىلىس رۋحىن ۇيرەنۋ، دايەكتىلەندىرۋ ورلەۋىن كوتەردى.

تۇتاس اۋدانداعى ٴارقايسى پارتيا (قىزمەتى) كوميتەتتەرى «ۇيرەنۋدە قۋاتتى ەل» ۇيرەنۋ تۇعىرىنان پايدالانىپ، «پارتيا 19 - كەزەكتى التىنشى جالپى ٴماجىلىس رۋحىن ۇيرەنۋ، ۇگىتتەۋ، دايەكتىلەندىرۋ ارناۋلى تاقىرىپتىق ۇيرەنۋى» سياقتى مازمۇنداردى تىڭدادى جانە كوردى. ارناۋلى تاقىرىپتا ورنالاستىرىلعان «وزەكتى اقپاراتتار»، «ۇيرەنۋ، دايەكتىلەندىرۋ»، «ورتالىقتىڭ ۇگىت - لەكسيا ۇيىرمەسى»، «ماڭىزدى شولۋ»، «تۇسىنىكتەمە»، «قىزۋ پىكىر»، «بەينە كەسكىن حابارلارى»، «ٴداۋىر جاۋاپناماسى» سياقتى 8 ايداردى قابىلداپ، ونداعى دىبىستىق جانە كەسكىندىك حابارلاردان جالپى ٴماجىلىس رۋحىنىڭ تەرەڭ ٴمانى مەن وزەكتى مازمۇنىن ۇعىنىپ، مۇرات - سەنىمدى بەكەمدەپ، اۋەلگى ماقسات پەن بورىشتى ەستە بەرىك ساقتاپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ٴىس جۇزىندىك قىزمەت بارىسىندا قاز - قالپىندا تياناقتاندىرىپ، پارتيانىڭ 100 جىلدىق تاريحى بارىسىنان قاجىماي - تالماي كۇرەس جۇرگىزەتىن كۇش - قۋات قابىلداپ، ٴتىپتى دە اسقاق بەينەمەن جاڭا ساپارعا قادام تاستاپ، جاڭا داۋىرگە ەسە قوساتىندىقتارىن ٴبىلدىردى. 

تۇتاس اۋدانداعى تاراۋلاردىڭ (ورىندار) 298 پارتيا ياچەيكاسى «ۇيرەنۋدە قۋاتتى ەل» ۇيرەنۋ تۇعىرىنان، مەكەمە - ورىننىڭ ٴۇنحات شوعىرىنان پايدالانىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ مازمۇنداماسى، سۋرەتتى، جازباشا تۇسىندىرمەلەر سياقتى مازمۇنداردى جالعاپ تاراتىپ، ورتاقتاسىپ، ساقتاپ الىپ، 5 مىڭ 700 دەن استام پارتيالى كادر وزدەرى ىرىقتى ۇيرەنۋ جانە شوعىرلى ۇيرەنۋگە قاتىناسۋ ارقىلى ۇيرەنۋدە ەستەلىك الىپ، ۇيرەنۋ اسەرىن جازىپ، ۇيرەنۋ اسەرىن ٴبولىستى، ياچەيكا پارتيا ىستەرىن اشىق جاريالاۋ تەكشەسىندە پارتيالى كادرلاردىڭ ۇيرەنۋ جەتىستىكتەرىن شوعىرلى جاريالاپ وتىردى. 

بۇل اۋداننىڭ توعىسپالى مەديا ورتالىعى «بۋرىلتوعاي ٴنول ارالىق» ٴۇنحات الەۋمەتتىك ٴنومىرى، «بۋرىلتوعاي جاقسى جەر» كليەنتى، توعىسپالى مەديا ورتالىعىنىڭ ميكرو بلوگى، توعىسپالى مەديا ورتالىعى دۋين ٴنومىرى سياقتى جاڭا مەديا تەكشەلەرى ارقىلى ورتالىقتىڭ، اۆتونوميالى رايوننىڭ مەديالارىنداعى ماڭىزدى حابارلاردى، شولۋلاردى جانە ۇگىتتىك، تۇسىندىرمە ماقالالاردى ۋاعىندا كوشىرىپ تاراتىپ، حابارلاۋ تەبىنىن ارتتىرىپ، تۇتاس اۋدان كولەمىندە جالپى ٴماجىلىس رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن كوتەردى. 

ٴارقايسى پارتيا (قىزمەت) كوميتەتتەرى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۋاعىندا جەتكىزىپ، ارناۋلى ادام ورنالاستىرىپ، سۋرەت، جازباشا ماتەريال، ميكرو بەينە كەسكىن سياقتى تاسىلدەر ارقىلى قىزۋ اڭىستى، قىزمەت جاعدايىن جانە جاقسى تاجىريبەلەر مەن ادىستەردى دەر كەزىندە قورىتىندىلادى. اۋداندىق توعىسپالى مەديا ورتالىعى راديو، تەلەۆيزيا، «ميكرو بلوك، ٴۇنحات جانە اقپارات كليەنتى» جاڭا مەديا تەكشەسى ارقىلى ۇيرەنۋ جاعدايىن، قىزۋ اڭىس سياقتىلاردى ۇزدىكسىز حابارلاپ، جالپى ٴماجىلىس رۋحىن ۇيرەنۋ، دايەكتىلەندىرۋدىڭ قويۋ اۋانىن قالىپتاستىردى.