ٴتىلشىمىز حان شاشا حابارلايدى. 12 - ايدىڭ 3 - كۇنى وبلىستىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى جاۋ تيانجيە وبلىسقا توتە قاراستى ورىندارداعى ٴار دارەجەلى حالىق قۇرىلتايى ۋاكىلدەرىنە، حالىق قۇرىلتايى كادرلارىنا پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندە ۇگىت - لەكسيا جاسادى.
وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى ابدۇسالام سادىق ۇگىت - لەكسيا ٴماجىلىسىن باسقاردى، ورىنباسار مەڭگەرۋشىلەرى ٴرازيا ابليز، تالعات ٴتالىم ۇلى، جۇمان بارشابەك ۇلى نەگىزگى ٴماجىلىس الاڭىندا ماجىلىسكە قاتىناستى.
ۇگىت - لەكسيادا پارتيا 19 - كەزەكتى ورتالىق كوميتەتى التىنشى جالپى ٴماجىلىسى اشىلۋىنىڭ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنىڭ ماڭىزدى ٴمانىن؛ پارتيا 19 - كەزەكتى ورتالىق كوميتەتى بەسىنشى جالپى ماجىلىسىنەن بەرى پارتيا مەن مەملەكەتتىڭ ٴتۇرلى ىستەرىندە قول جەتكىزىلگەن تىڭ ٴارى كەلەلى ىلگەرىلەۋشىلىكتەردى؛ پارتيانىڭ 100 جىلدىق كۇرەسىنىڭ اۋەلگى ماقساتى مەن بورىشىن جانە كەلەلى تابىستارىن؛ جۇڭگوشا سوتسياليزمنىڭ جاڭا داۋىردەگى تاريحي تابىستارى مەن تاريحي وزگەرىستەرىن؛ پارتيانىڭ 100 جىلدىق كۇرەسىنىڭ تاريحي ٴمانى مەن تاريحي تاجىريبەلەرىن؛ تاريحتى اينا ەتىپ، بولاشاققا جول اشۋدىڭ ماڭىزدى تالاپتارىن تەرەڭ تانىپ جەتۋ؛ باس شۋجي شي جينپيڭنىڭ جالپى ماجىلىستەگى ماڭىزدى بايانداماسىن، ماڭىزدى تۇسىندىرمەسىن، ماڭىزدى ٴسوزىن دالمە - ٴدال يگەرۋ؛ پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ كەلەلى تاريحي ٴمانى مەن رەال ٴمانىن ىشكەرىلەي ۇيرەنۋ، ٴمانىن شىنايى ۇعىنۋ، تەرەڭدەي تۇسىنۋ، يگەرۋ جاقتارىنان پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندە جۇيەلى تۇسىنىك جاسالدى.
جاۋ تيانجيە مىنانى اتاپ كورسەتتى: پارتيا 19 - كەزەكتى ورتالىق كوميتەتى التىنشى جالپى ٴماجىلىسى رۋحىنىڭ ناقتى ٴمانىن ىشكەرىلەي ۇعىنىپ، تەرەڭ ٴتۇسىنىپ، جالپى ٴماجىلىس رۋحىمەن يدەيانى بىرلىككە كەلتىرىپ، كۇش - قۋاتتى ۇيىستىرۋ كەرەك. نازاريادا جاڭالىق اشۋ تۇرعىسىنان «ٴۇش رەتكى سەكىرىستى»؛ امالياتتىق تابىس تۇرعىسىنان «ٴتورت ۇلى سەكىرىستى»؛ ۋاقىت - كەڭىستىك تۇرعىسىنان پارتيانىڭ 100 جىلدىق كۇرەسىنىڭ ٴتورت تاريحي كەزەڭىندەگى نەگىزگى مىندەتتى؛ تاريحي تاجىريبەلەر تۇرعىسىنان پارتيانىڭ 100 جىلدىق كۇرەسى بارىسىندا قالىپتاستىرعان «ونعا تاباندى بولۋدى»؛ كەلەلى ٴمان تۇرعىسىنان پارتيانىڭ 100 جىلدىق كۇرەسىنىڭ 5 ٴىرى تاريحي ٴمانىن؛ بولاشاققا بەت الۋ تۇرعىسىنان «ەكىنى تۇراقتاندىرۋ» مەن جاڭا داۋىردەگى جۇڭگو كوممۋنيستەرىنىڭ ەمتيحانعا قاتىناسۋ جولىن ٴتۇيىندى تۇردە ٴتۇسىنۋ جانە يگەرۋ كەرەك.
جاۋ تيانجيە بۇكىل وبلىستاعى ٴار دارەجەلى حالىق قۇرىلتايى ۋاكىلدەرىنەن، حالىق قۇرىلتايى كادرلارىنان يدەيا مەن ارەكەتتى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىمەن، ورتالىقتىڭ حالىق قۇرىلتايى قىزمەتى ٴماجىلىسىنىڭ رۋحىمەن شىنايى بىرلىككە كەلتىرىپ، باس شۋجي شي جينپيڭنىڭ ماڭىزدى ٴسوزىنىڭ رۋحىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋدى تالاپ ەتتى.
سول كۇنى وبلىستىق حالىق قۇرىلتايى تۇراقتى كوميتەتى تاعى اۆتونوميالى رايوندىق حالىق قۇرىلتايى تۇراقتى كوميتەتى وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ قىزمەتى كوميتەتىنىڭ مەڭگەرۋشىسى تيان لەيجىندى حالىق قۇرىلتايى ورگاندارىنىڭ ۇكىمەتتىك قۇجاتتاردى ٴبىر جاقتى ەتۋ مەن جوبالاپ جاساۋ جانە حالىق قۇرىلتايى باقىلاۋىنىڭ زاڭدىق فورماسى مەن قىزمەت ٴتارتىبى سياقتى جاقتاردان ماجىلىسكە قاتىناسقاندارعا لەكسيا سويلەۋگە ۇسىنىس ەتتى، مۇنداعى ماقسات − باس شۋجي شي جينپيڭنىڭ ورتالىقتىڭ حالىق قۇرىلتايى قىزمەتى ماجىلىسىندەگى ماڭىزدى ٴسوزىنىڭ رۋحىن ىشكەرىلەي ۇيرەنىپ، ٴمانىن ٴتۇسىنىپ، وبلىسقا توتە قاراستى ورىنداردىڭ حالىق قۇرىلتايى جۇيەسىندەگى كادرلاردىڭ مىندەتىن اتقارۋ قابىلەتىن جوعارىلاتىپ، حالىق قۇرىلتايىنىڭ «ٴتورت ورگاندىق» فۋنكىتسياسىن شىنايى، ويداعىداي اتقارىپ، جاڭا داۋىردەگى حالىق قۇرىلتايى قىزمەتىنىڭ جاڭا جول، جاڭا ٴادىس - شارالارى جونىندە ىزدەنىس جاساپ، حالىق قۇرىلتايى ٴتۇزىمىنىڭ جالپى بارىستىق حالىق دەموكراتياسىن دامىتۋداعى نەگىزگى ارنالىق رولىن تولىق ساۋلەلەندىرۋ بولىپ تابىلادى.
وبلىستىق حالىق قۇرىلتايى ورگانىنداعى بارلىق كادرلار نەگىزگى ٴماجىلىس الاڭىندا ۇگىت - لەكسيانى تىڭدادى. ٴماجىلىس بەينە - ەكران فورماسىندا اشىلىپ، وبلىسقا توتە قاراستى اۋداندىق، قالالىق حالىق قۇرىلتايى تۇراقتى كوميتەتتەرىندە بولىمشە ٴماجىلىس الاڭى ورنالاستىرىلىپ، حالىق قۇرىلتايىنىڭ ٴىشىنارا ۋاكىلدەرى بولىمشە ٴماجىلىس الاڭىندا ۇگىت - لەكسيانى تىڭدادى.
وبلىستىق حالىق قۇرىلتايى تۇراقتى كوميتەتى كەڭسەسى ارىز - ارمان باسقارماسىنىڭ باستىعى ارشىن مۇرات ۇلى بىلاي دەدى: «حالىق قۇرىلتايى ارىز - ارمان باسقارماسىنىڭ قىزمەتكەرى بولۋ تۇرعىسىنان پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭىزدى ساياسي مىندەت ەتىپ، بيىل جىلدىڭ سوڭى مەن كەلەسى جىلدىڭ باسىنداعى ارىز - ارمان قىزمەتى جونىندە كۇنى بۇرىن ويداعىداي جوبا - جوسپار جاسايمىن. حالىقتى وزەك ەتۋدەي دامۋ يدەياسىن امالياتتا ايگىلەپ، حالىق ارىز - ارمان قىزمەتىندە حالىق ٴۇشىن ويداعىداي قىزمەت ەتۋگە تاباندى بولىپ، بۇقارا اڭىس ەتكەن كورنەكتى ارىز -ارمان ماسەلەلەرىن ويداعىداي شەشۋگە كۇش سالىپ، حالىق بۇقاراسىنىڭ تابىس سەزىمىن جانە باقىت سەزىمىن جوعارىلاتۋعا قۇلشىنامىن».
«التىنشى جالپى ٴماجىلىس رۋحىن ىشكەرىلەي ۇيرەنگەننەن كەيىن ەرەكشە جىگەرلەنىپ، تەرەڭ اسەر الدىم. بۇدان بىلايعى قىزمەت بارىسىندا حالىق قۇرىلتايى قىزمەتىنە قاتىستى زاڭ - ەرەجە بىلىمدەرىن مۇقيات ۇيرەنىپ، ىلەنى زاڭمەن جونگە سالۋ قۇرىلىسىنا تيەسىلى ۇلەس قوسامىن» دەدى وبلىستىق حالىق قۇرىلتايى تۇراقتى كوميتەتى كەڭسەسى حاتشىلار باسقارماسىنىڭ قىزمەتكەرى شاۋ جيا - نيڭ.