− اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ جونىندە (2)

شينجياڭ گازەتىنىڭ شولۋشىسى

5 جىلدىق ساپاردا قايراتتانا ىلگەرىلەدىك، 5 جىلدىق ەڭبەك ماۋەلى جەمىس بەردى. اۆتونوميالى رايوندىق 10 - رەتكى پارتيا قۇرىلتايى 5 جىلدان بەرگى اۆتونوميالى رايوننىڭ قوعام ورنىقتىلىعى، ەكونوميكالىق دامۋ، حالىق تۇرمىسىن جاقسارتۋ سياقتى قىزمەتتەردە قول جەتكىزگەن كورنەكتى ناتيجەلەرىن وبيەكتيۆ تۇردە قورىتىندىلادى، بۇل ادامعا تەرەڭ شابىت بەرىپ، ەرەكشە جىگەرلەندىرەدى. جاڭا ساپاردا ٴبىز شينجياڭ قىزمەتىندە قول جەتكەن كەلەلى ناتيجەدەن ەكپىندەي ىلگەرىلەيتىن كۇش - قۋات قابىلداپ، ماقساتتان جازباي، ۇزدىكسىز كۇرەس جاساپ، قامال الىپ، قيىندىقتاردى جەڭە وتىرىپ ۇلى ٴىس جاراتىپ، قولايلى جاعدايدان ۇتىمدى پايدالانىپ، جاڭا جاعداي اشۋىمىز كەرەك.

5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم شي جينپيڭ جاڭا ٴداۋىر جۇڭگوشا سوتسياليزم يدەياسى ارقىلى شينجياڭنىڭ بارلىق قىزمەتىنە ٴبىر تۇتاس باسشىلىق ەتۋگە تاباندى بولىپ، بۇكىل رايونداعى قالىڭ پارتيا مۇشەلەرىن، كادرلاردى جانە ٴار ۇلت بۇقاراسىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاستىرا ورنىقتىرىپ، شينجياڭدى مادەنيەتپەن نارلەندىرىپ، حالىقتى اۋقاتتاندىرىپ، شينجياڭدى گۇلدەندىرىپ، شينجياڭدى باياندى كوركەيتىپ، شينجياڭ قىزمەتىندە ەلەۋلى ناتيجەگە قول جەتكىزدى.

وسى 5 جىلدا قوعامدىق كەلەلى جاعداي ٴۇرتىس ورنىقتى بولىپ، بۇرىنعى زورلىقتى كۇش لاڭكەستىك ارەكەتتەرى كوپ تۋىلاتىن، ٴجيى تۋىلاتىن جاعداي ٴبىرجولاتا وڭالىپ، ٴار ۇلت بۇقاراسىنىڭ تىنىشتىق، ورنىقتىلىق جونىندەگى ارمان - تىلەگى جۇزەگە استى؛ ەكونوميكا ورنىقتى، اقاۋسىز دامىپ، جالپىلىق ناقتى قۋات كورنەكتى كۇشەيىپ، بۇكىل ەل حالقىمەن بىرگە جاپپاي دوڭگەلەك داۋلەتكە قادام تاستادى؛ بۇقارانىڭ تۇرمىسى كورنەكتى جاقسارىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتتى، حالىق بۇقاراسىن الاڭداتقان، شۇعىل، قيىن، ۋايىمداعان، ٴزارۋ ماسەلەلەردەن ٴبىر توبى ٴونىمدى شەشىلدى؛ ۇلتتار ىنتىماقتى بولىپ، دامىپ، العا باسىپ، ٴار ۇلت كادر - بۇقاراسى ارالاسۋ، ىشتەسۋ، توعىسۋ بارىسىندا سۇيىسپەنشىلىكتەرى بارعان سايىن قويۋلاپ، جۇڭحۋا ۇلتى ورتاق تۇلعا تانىمى جۇرەكتەرگە تەرەڭ تامىر تارتتى؛ ٴدىن سالاسى تاتۋ، جاراسىمدى بولىپ، توركىنىن تۇزەپ، قاينارىن الاستاۋ، دۇرىستى جەبەپ، بۇرىستى جويۋ جۇزەگە اسىرىلدى؛ يدەولوگيا شەبى بەكەمدەلىپ، كۇشەيتىلىپ، شينجياڭدى مادەنيەتپەن نارلەندىرۋ قوماقتى تابىسقا قول جەتكىزدى، تۇتاس رايوندا جوعارىدان تومەنگە دەيىن نەگىزگى اۋەن اناعۇرلىم اسقاقتاپ، وڭ ەنەرگيا اناعۇرلىم تولىقتاندى؛ ەكولوگيالىق ورتا ٴۇرتىس جاقسارىپ، كوركەم شينجياڭنىڭ اسپانى اناعۇرلىم اشىق، جەرى اناعۇرلىم جاسىل، سۋى اناعۇرلىم تۇنىق بولدى؛ شينجياڭدى زاڭمەن جونگە سالۋ پارمەندى ىلگەرىلەتىلىپ، ٴار ۇلت حالقىنىڭ ٴوز - وزىنە قوجايىن بولۋ ۇقىق - مۇددەسى تولىق قامتاماسىز ەتىلدى؛ بيڭتۋان قىزمەتى تىڭعىلىقتى ورىستەتىلىپ، ورنىقتىرعىش، دومنا پەش، ۇلگى كورسەتۋ ٴوڭىرى سىندى ەرەكشە رولى ٴونىمدى ساۋلەلەندى؛ پارتيا قۇرىلىسى جالپى بەتتىك كۇشەيىپ، ٴار دارەجەلى پارتيا ۇيىمدارىنىڭ جاسامپازدىق قۋاتى، ۇيىسۋ قۋاتى، جاۋىنگەرلىك قۋاتى كورنەكتى كۇشەيىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى كەپىلدىك ازىرلەندى.

شەتسىز - شەكسىز كورىنىس شىت جاڭا بەينەگە ەندى. بۇگىنگى بايتاق شينجياڭ مولشىلىققا كەنەلگەن، تىنىش تا بەيبىت، ٴار ۇلت بۇقاراسى ورنىقتىلىقتىڭ، دامۋدىڭ، رەفورمانىڭ جەتىستىكتەرىنەن تولىق يگىلىكتەنىپ، تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، التاي تاۋىنان، تيانشان تاۋىنان كۇنلۇن تاۋىنا دەيىن تۇس - تۇسى جالىنداعان ومىرشەڭدىك پەن ۇمىتكە تولدى. اسا تاماشا وسى جاعداي شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، ورتالىق پەن مەملەكەت ورگاندارىنىڭ، ورتالىق كاسىپورىندارىنىڭ جانە شينجياڭعا كومەكتەسەتىن ولكە - قالالاردىڭ قالتقىسىز كومەكتەسۋىنىڭ ناتيجەسى، سونداي - اق بۇكىل شينجياڭداعى ٴار ۇلت حالقىنىڭ بىرگە ىنتىماقتاسا كۇرەس جاساۋىنىڭ ناتيجەسى.

اماليات ٴبىزدىڭ «ٴتورت تانىمدى» شىن مانىندە كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، مىزعىماس تاباندىلىقپەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرسەك بولعانى، شينجياڭ قىزمەتىنىڭ بەتالىسى ايقىن، جولى دۇرىس، ناتيجەسى ويداعىداي بولاتىندىعىن، قوعام ورنىقتىلىعى مەن باياندى تىنىشتىق باس نىساناسىنىڭ، ٴسوز جوق، جۇزەگە اساتىندىعىن تولىق دالەلدەدى.

تابىس كوڭىلدى جەلپىندىرىپ، ادامدى ەكپىندەي ىلگەرىلەۋگە ۇندەيدى. شينجياڭ قىزمەتىندە قول جەتكىزگەن كەلەلى ناتيجەلەر ٴبىر نيەتپەن ىنتىماقتاسىپ، قايسارلىقپەن شايقاس جۇرگىزۋدەن كەلگەن، قوعام ورنىقتىلىعى مەن باياندى تىنىشتىق باس نىساناسىنىڭ جاڭا جاعدايىن اشۋدا ٴبىز، ٴسوز جوق، اناعۇرلىم ٴىس تىندىرىپ ناتيجە شىعاراتىن ەرىك - جىگەردى شىڭداي ٴتۇسۋىمىز كەرەك. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، «14 - بەسجىلدىقتىڭ» باستاما جىلى، وسى شەشۋشى تاريحي تۇيىندە اۆتونوميالى رايوندىق 10 - رەتكى پارتيا قۇرىلتايى بۇدان كەيىنگى 5 جىلعى، ٴتىپتى، ونان دا ۇزاق ٴبىر مەزگىلدەگى شينجياڭ قىزمەتىنىڭ نىسانا - مىندەتتەرىنە ورنالاستىرۋ، جايعاستىرۋ جاسادى، شينجياڭ قىزمەتى جاڭا تاريحي باستامادا تۇر. وسى رەتكى قۇرىلتاي رۋحىن ويداعىداي دايەكتىلەندىرۋدە، تياناقتاندىرۋدا ٴبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگو كوممۋنيستىك پارتياسىنىڭ 100 جىلدىق ساپارىنان ەكپىندەي ىلگەرىلەيتىن ۇلى كۇش قابىلداپ، شينجياڭ قىزمەتىندە قول جەتكىزگەن كەلەلى ناتيجەدەن جوڭكىلگەن قوزعاۋشى كۇش قابىلداپ، ۇلى پارتيا قۇرۋ رۋحىن اسقاقتاتىپ، توراڭعى رۋحىن، بيڭتۋان رۋحىن امالياتتا ايگىلەپ، استە بوساڭسىمايتىن قايراتپەن، جاپالى بولعان سايىن العا باساتىن ارىنمەن، تاباندىلىقپەن، جاپالىلىقپەن كۇرەس جۇرگىزىپ، ادالدىقپەن جاۋاپكەرشىلىك ارقالاپ، قالتقىسىز ۇلەس قوسىپ، جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا حالىق رازى بولاتىن جاۋاپناما تاپسىرۋىمىز كەرەك.

ناتيجە وتكەنگە ٴتان، بولاشاق كۇرەسپەن كەلەدى. وڭاي - وسپاق قولعا كەلمەگەن ورنىقتىلىق، دامۋ جاعدايىن ەرەكشە قاستەرلەپ، ناتيجەنى ساۋلەلەندىرىپ، كۇش ۇستىنە كۇش قوسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، نازاردى باس نىساناعا شوعىرلاندىرىپ، جاپالىلىقپەن ىستەپ، ناقتى ىستەپ، ايانباي ىستەپ، ٴتۇرلى مىندەتتەردى اناعۇرلىم تەرەڭ، اناعۇرلىم ناقتى، اناعۇرلىم ٴونىمدى تياناقتاندىرايىق.