جاڭ حۇي:

پارتيا قۇرىلتايىنىڭ رۋحىن جەتەكشى ەتىپ، الەۋمەتتىك يگىلىك ارىز - شاعىمدارىندا ىسكەرلىك تانىتامىن

ەرىكتى تىلشىلەر ۋاڭ چىن، شاۋ مەيچي حابارلايدى. 10 - ايدىڭ 26 - كۇنى اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، ىلە وبلىستىق حالىق پروكۋراتۋراسى پارتگرۋپپاسىنىڭ شۋجيى، ورىنباسار باس پروكۋرورى جاڭ حۇي وبلىسقا توتە قاراستى ورىندارداعى پروكۋراتۋرا ورگاندارىنىڭ پروكۋرورلارىنا اۆتونوميالى رايوندىق 10 - رەتكى پارتيا قۇرىلتايىنىڭ رۋحى جونىندە ۇگىت - لەكسيا جاساعان كەزىندە باياندامانىڭ ەكولوگيالىق ورتانى قورعاۋ بولەگىندەگى مازمۇندارمەن سايكەستىرە وتىرىپ، بىلاي دەپ ىشكەرىلەي تۇسىنىك جاسادى: «ەكولوگيالىق ورتانى قورعاۋدىڭ وسىناۋ تابىستارىنا وڭايلىقپەن قول جەتكەن جوق، زاڭدىق باقىلاۋ - تەكسەرۋ جۇرگىزەتىن ورگان رەتىندە ٴبىز الەۋمەتتىك يگىلىك ارىز - شاعىم فۋنكتسيامىزدى ۇزدىكسىز ويداعىداي ساۋلەلەندىرۋىمىز، زاڭ بويىنشا جونگە سالۋدىڭ كۇش - قۋاتى ارقىلى شينجياڭنىڭ ٴمولدىر سۋى مەن جاسىل تاۋىن قورعاۋىمىز كەرەك».

اۆتونوميالى رايوندىق 10 - رەتكى پارتيا قۇرىلتايى بايانداماسىندا مىناۋ العا قويىلدى: وسى بەس جىلدا ەكولوگيالىق ورتا ٴۇرتىس جاقسارىپ، اسپان اشىق، جەر جاسىل، سۋ اناعۇرلىم تۇنىق بولدى. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە امالياتتا ايگىلەپ، كورىكتى شينجياڭ قۇرىلىسىندا تىڭ ونىمدىلىككە قول جەتكىزدىك. ٴار ۇلت جۇرتشىلىعى اناعۇرلىم تازا اۋامەن تىنىستاپ، اناعۇرلىم تازا سۋمەن سۋسىنداپ، اناعۇرلىم الاڭسىز ازىق - تۇلىكپەن تاماقتانىپ، تۇرمىس ورتاسى ٴتىپتى دە جانعا جايلى بولا ٴتۇستى، تاماشا ەكولوگيالىق ورتا حالىق تۇرمىسىنىڭ باقىت كورسەتكىشىنە اينالدى.

ىلە وبلىسىنداعى پروكۋراتۋرا ورگاندارىنىڭ الەۋمەتتىك يگىلىك ارىز - شاعىم تاراۋلارىنداعى كادرلار مەن ساقشىلار بۇدان تەرەڭ شابىت الدى. جاقىنعى جىلداردان بەرى ىلە وبلىسىنداعى پروكۋراتۋرا ورگاندارى شي جينپيڭنىڭ ەكولوگيالىق وركەنيەت يدەياسىن جەتەكشى ەتىپ، الەۋمەتتىك يگىلىك ارىز - شاعىم فۋنكتسياسىنان پايدالانىپ، تۇنىق سۋ، جاسىل تاۋ  − باعا جەتپەس بايلىق ۇستانىمىن بەرىك ورناتىپ، الەۋمەتتىك يگىلىك ارىز - شاعىم دەلولارىن ٴبىتىرۋ مەحانيزمىن كۇش سالا ارناعا ٴتۇسىرىپ، الەۋمەتتىك يگىلىك ارىز - شاعىمدارىن باقىلاۋ - تەكسەرۋ اياسىن ۇزدىكسىز كەڭەيتىپ، الەۋمەتتىك يگىلىك ارىز - شاعىمدارىن تەكسەرۋ قىزمەتىن زاڭ بويىنشا ورىستەتىپ، الەۋمەتتىك مۇددەنى ٴادىليالىق قامتاماسىزداندىرۋ جوباسىن قالىپتاستىردى.

«2017 - جىلى الەۋمەتتىك يگىلىك ارىز - شاعىم قىزمەتى ورىستەتىلگەننەن بەرى ىلە وبلىسىنداعى پروكۋراتۋرا ورگاندارى ارىز - شاعىمنان بۇرىن تەكسەرۋ ۇسىنىسىن بەرۋ، ايىپتاۋ ارقىلى 44 مىڭ 773.5 مۋ جايىلىمدى، 9 مىڭ 236.84 مۋ ورماندىق جەردى قالپىنا كەلتىردى، 10 سۋ قاينارىن جونگە سالۋعا قۋزاۋشىلىق ەتىپ، 65 كيلومەتر وزەن ارناسىن تازارتتى، جوندەدى ...» ىلە وبلىستىق حالىق پروكۋراتۋراسى 6 -  تەكسەرۋ ٴبولىمىنىڭ مەڭگەرۋشىسى جاڭ پىڭيان ٴبىر گرۋپپا ساندى مالىمەت ارقىلى ىلە وبلىسىنداعى پروكۋراتۋرا ورگاندارىنىڭ الەۋمەتتىك يگىلىك ارىز - شاعىمدى تەكسەرۋ قىزمەتىنىڭ جاقىنعى جىلدارداعى ەكولوگيالىق ورتانى قورعاۋ جاعىنا قوسقان ۇلەسىن مولشەرمەن تۇجىرىمداپ كورسەتتى.

بىلتىردان بەرى ىلە وبلىسىنداعى پروكۋراتۋرا ورگاندارى وڭىرلىك ەرەكشەلىكتى كورنەكتىلەندىرىپ، ىلە وزەنى الابىن قورعاۋ الەۋمەتتىك يگىلىك ارىز - شاعىم قيمىلىن ورىستەتىپ، ىلە وزەنى الابىندا زاڭدى، كەمەلدى رەسمياتتاردى وتەمەي تۇرىپ جۇمىس باستاعان قۇرىلىستارعا، اسىرەسە، وزەن ارناسىنان زاڭسىز قۇم، تاس قازۋ سياقتى زاڭعا قايشى ارەكەتتەرگە قاتاڭ سوققى بەردى. ىلە وزەنى الابىنداعى ايگىلى كورىنىس رايوندارى، گەولوگيالىق جۇرتتاردى قورعاۋ رايوندارى، جاراتىلىستىق قورىق رايوندارى سياقتى كەن بايلىقتارىن اشۋعا تيىم سالىنعان وڭىرلەرگە باقىلاۋ جۇرگىزىپ، زاڭسىز اشۋ، قۇرىلىس جۇرگىزۋ ارەكەتتەرىنە تيىم سالىپ، ىلە وزەنى الابىنىڭ ەكولوگيالىق حاۋىپسىزدىگىن قورعادى.

بۇدان سىرت، ىلە وبلىسىنداعى پروكۋراتۋرا ورگاندارى «قارلى تاۋ مۇزدىعىن قورعاۋ»، «جابايى حايۋاناتتاردى قورعاۋ» الەۋمەتتىك يگىلىك ارىز - شاعىم ارناۋلى قيمىلىن بەلسەنە ورىستەتىپ، قاراستى وڭىردەگى بۇعى، قىرعاۋىل، بۇركىت سياقتى جابايى حايۋاناتتاردى زاڭسىز باعۋ سىندى زاڭعا قايشى ارەكەتتەرگە باعىتتاي وتىرىپ، قاتىستى تاراۋلاردى زاڭ بويىنشا مىندەت وتەۋگە قۋزاپ، جابايى حايۋاناتتار بايلىعىن شىنايى قورعادى؛ شەكتەن تىس مال باعىپ ەكولوگيالىق ورتانى ٴبۇلدىرۋ قۇبىلىسىنا باعىتتاي وتىرىپ، زاڭ بويىنشا پروكۋراتۋرالىق ۇسىنىس بەرىپ، دالمە - ٴدال باقىلاۋدى شىن مانىندە جۇزەگە اسىردى.

«مەملەكەتتىڭ جانە قوعامدىق الەۋمەتتىڭ مۇددەسىن قورعاۋ − پروكۋراتۋرا ورگاندارىنىڭ الەۋمەتتىك يگىلىك ارىز - شاعىمىن بەرۋدەگى ەڭ سوڭعى ماقساتى». جاڭ حۇي بىلاي دەدى: «ىلە وبلىسىنىڭ پروكۋراتۋرا ورگاندارىنداعى بارلىق پروكۋراتۋرا قىزمەتكەرى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، <جۇڭگو كوممۋنيستىك پارتياسى ورتالىق كوميتەتىنىڭ جاڭا داۋىردەگى پروكۋراتۋرا ورگاندارىنىڭ زاڭدىق باقىلاۋ قىزمەتىن كۇشەيتۋ جونىندەگى پىكىرىنىڭ> قاتىستى تالاپتارىن دۇرىس يگەرىپ، پروكۋراتۋرا قىزمەتىن سانالى تۇردە جالپى جاعداي تۇرعىسىنان جوبالاپ جانە ىلگەرىلەتىپ، ٴتۇيىندى قىزمەتتەردى ارقاۋ ەتىپ، دەلو ٴبىتىرۋ مەحانيزمىن كۇش سالا ارناعا ٴتۇسىرىپ، دەلو ٴبىتىرۋ ساپاسىن، ونىمدىلىگىن جوعارىلاتىپ، اۆتونوميالى رايوندىق 10 - رەتكى پارتيا قۇرىلتايىندا جاسالعان ايبىندى جوبانى شىن مانىندە ناقتى قىزمەت ناتيجەسىنە اينالدىرادى».

ىلە وبلىستىق حالىق پروكۋراتۋراسى 6 - تەكسەرۋ ٴبولىمىنىڭ حاتشىسى ليۋ چىڭجىن: «اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەنۋ ارقىلى پروكۋراتۋرا قىزمەتكەرى رەتىندە، حالىق پروكۋراتۋراسىنىڭ باقىلاۋ مىندەتىن شىنايى ساۋلەلەندىرىپ، شينجياڭنىڭ تۇنىق سۋ، جاسىل تاۋىن ويداعىداي قورعاپ، حالىق بۇقاراسىنىڭ تۇرمىس ورتاسىنىڭ اناعۇرلىم جايلى بولۋىنا ۇلەس قوسامىن» دەدى.