ءتىلشىمىز حان شاشا حابارلايدى. ساياسي كەڭەس اۆتونوميالى وبلىستىق 13 – كەزەكتى كوميتەتى 5 – ءماجىلىسىنىڭ ۇسىنىس جوبالارىن تەكسەرۋ كوميسسياسىنىڭ جالپى مۇشەلەر جيىنى 1 – ايدىڭ 8 – كۇنى قۇلجا قالاسىنداعى تيانيۋان حالىقارالىق قوناق سارايىندا وتكىزىلدى، وبلىستىق ساياسي كەڭەس پارتگرۋپپاسىنىڭ مۇشەسى، ورىنباسار ءتوراعاسى نۇراحىمەت زۇنۇن جيىندى باسقاردى.

    جيىندا «جۇڭگو حالىق ساياسي كەڭەسى ىلە قازاق اۆتونوميالى وبلىستىق 13 – كەزەكتى كوميتەتى ۇسىنىس جوبالارىن تەكسەرۋ كوميسسياسىنىڭ ساياسي كەڭەس 13 – كەزەكتى كوميتەتى 5 – ءماجىلىسىنىڭ ۇسىنىس جوبالارىن تەكسەرۋ جاعدايى جونىندەگى بايانداماسى (جوبا نۇسقا)» قارالدى ءارى ماقۇلداندى، ۇسىنىس جوبالارىن تەكسەرۋ جانە ءبىر جاقتى ەتۋ سياقتى جاقتاردا پىكىر – ۇسىنىستار قويىلدى.

    جيىندا بىلاي دەپ اتاپ كورسەتىلدى: ساياسي كەڭەس اۆتونوميالى وبلىستىق 13 – كەزەكتى كوميتەتىنىڭ 5 – ءماجىلىسى كەزىندە ءار ۇلت، ءار سالا ساياسي كەڭەس مۇشەلەرى، ساياسي كەڭەسكە قاتىناسۋشى ورىندار جانە ساياسي كەڭەستىڭ ارناۋلى كوميتەتتەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن، 3 – رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، جۇڭگو كوممۋنيستىك پارتياسى اۆتونوميالى رايوندىق 9 – كەزەكتى كوميتەتى ون ءبىرىنشى جالپى ءماجىلىسىنىڭ رۋحىن جانە اۆتونوميالى وبلىستىق پارتكوم تۇراقتى كوميتەتى (كەڭەيتىلگەن) ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن تىعىز ۇشتاستىرىپ، ارناۋلى كەڭەس قۇرىلىمدارىنىڭ پارتيانىڭ جاڭا داۋىردەگى شينجياڭدى جونگە سالۋ جالپى جوباسىن تولىق، دالمە – ءدال تياناقتاندىرۋداعى ماڭىزدى رولىن ساۋلەلەندىرىپ، سوتسياليستىك كەڭەستىك دەموكراتيانىڭ ەرەكشە ابزالدىعىن ايگىلەپ، ساياسي جاقتان كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، كەڭەس بەرۋ فۋنكتسياسىن مۇقيات اتقارىپ، ۇسىنىس جوبالارى ارقىلى قىزمەت مىندەتىن اتقارىپ، بەلسەنە اقىل – كەڭەس بەردى.

    1 – ايدىڭ 8 – كۇنى ساعات 18 گە دەيىن جيىنى 280 ۇسىنىس جوباسى تاپسىرىپ الىندى، مۇنىڭ ءبارى - مۇشەلەردىڭ جەكە ءوزى نەمەسە بىرلەسىپ العا قويعان ۇسىنىس جوبالارى. ءماجىلىستىڭ ۇسىنىس جوبالارىنىڭ جالپى ساپاسى ءبىرشاما جوعارى، تاقىرىپ تاڭداۋعا بارىنشا نازار شوعىرلانعان، پىكىر – ۇسىنىستاردى العا قويۋدىڭ عىلميلىعى، يكەمدىلىگى كورنەكتى جوعارىلاعان. «ۇسىنىس جوباسى قىزمەتى ەرەجەسىندەگى»، «ۇسىنىس جوبالارىن تەكسەرۋ قىزمەتى جونىندەگى ەگجەي - تەگجەيلى ەرەجەدەگى» جانە «ساياسي كەڭەس ىلە قازاق اۆتونوميالى وبلىستىق كوميتەتىنىڭ ۇسىنىس جوبالارىنىڭ ساپاسىن ونان ارى جوعارىلاتۋ جونىندەگى اتقارۋ پىكىرىندەگى» بەلگىلەمەلەرگە ساي، تەكسەرۋ ارقىلى 263 ۇسىنىس جوباسى تىزىمگە الىنىپ، تىزىمگە الىنۋ مولشەرى %93.9 كە جەتتى.

    ۇسىنىس جوبالارىن تەكسەرۋ، تىزىمگە الۋ ارقىلى اۆتونوميالى وبلىستىق ساياسي كەڭەس ۇسىنىس جوبالارىن قايتا قاراۋ جيىنى مەن ۇسىنىس جوبالارىن بىتىرۋگە تاپسىرۋ جيىنىن اشىپ، وسى جولعى ءماجىلىس كەزىندە تىزىمگە الىنعان ۇسىنىس جوبالارىن وبلىستىق پارتكومنىڭ، وبلىستىق حالىق ۇكىمەتىنىڭ قاتىستى تاراۋلارىنىڭ بىتىرۋىنە تاپسىرادى. ءماجىلىس اياقتاعاننان كەيىن ۇسىنىس جوباسى كوميتەتى مۇشەلەر تاپسىرعان ۇسىنىس جوبالارىن ۇزدىكسىز قابىلدايدى ءارى تەكسەرىپ، تىزىمگە الادى.