ءتىلشىمىز مىڭ شيا حابارلايدى. 1 - ايدىڭ 9 – كۇنى تۇستەن كەيىن ساياسي كەڭەس اۆتونوميالى وبلىستىق 13 – كەزەكتى كوميتەتىنىڭ 5 – ءماجىلىسى وبلىستىق مادەنيەت – كوركەمونەر قيمىل ورتالىعىندا 2 – رەتكى جالپى مۇشەلەر جيىنىن وتكىزدى. وبلىستىق ساياسي كەڭەستىڭ ءتوراعاسى سەرجان ۇعىباي ۇلى جيىندى باسقاردى.

    وبلىستىق پارتكومنىڭ شۋجيى چيۋ شۋحۋا، وبلىستىق ساياسي كەڭەستىڭ باسشىلارىنان جياۋ ي – مين، سەرجان ۇعىباي ۇلى، پارحات ءسايدي، ليۋ كىحۋا، لي شينجۇن، پان شيڭكى، گۇلبارشىن سەرىكباي قىزى، لاگۋا سايبۇگجاپ، ليۋ چيڭحۋا، نۇراحىمەت زۇنۇن، كۇڭ ليڭشىڭ ءتوراعالار مىنبەسىنىڭ الدىڭعى قاتارىنان ورىن الدى.

    بۇل رەتكى جيىندا قۇلجا قالاسىندا نەگىزگى جيىن الاڭى، تارباعاتاي، التاي ايماقتارىندا بولىمشە جيىن الاڭدارى ورنالاستىرىلدى. جيىن بەينە ەكران فورماسىندا اشىلدى. ساياسي كەڭەستىڭ 12 مۇشەسى جيىندا ءسوز سويلەدى.

    ساياسي كەڭەس مۇشەلەرى شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارۋ، وتكەل ەكونوميكاسىنىڭ جوعارى ساپالى دامۋىنا دەم بەرۋ، قوعامدىق جونگە سالۋ ءتاسىلىن كۇشەيتۋ جانە جاڭالاۋ، شاعىن تۇرعىندار اۋماقتارىنىڭ قوجالىق ىستەرىن كەمەلدەندىرىپ، الەۋمەتتىك اۋماقتاردىڭ جونگە سالۋ قۋاتى قۇرىلىسىن كۇشەيتۋ، شينجياڭدا ءسىلام ءدىنىن جۇڭگوشالاندىرۋ باعىتىنا تاباندى بولۋ، تاريحي مادەني مۇرالاردى قورعاۋ جانە ودان پايدالانۋدى كۇشەيتۋ، وڭىرلىك جەلىدە وقىتۋعا قىزمەت وتەۋ قۋاتى قۇرىلىسىن جەدەلدەتۋ، ىلە وبلىسى وقۋ – اعارتۋىنىڭ ءبىر كەلكى جوعارى ساپالى دامۋىن ىلگەرىلەتۋگە كۇش سالۋ، اۆتونوميالى وبلىستىڭ مال شارۋاشىلىعىنىڭ جوعارى ساپالى دامۋىن جەبەۋ، ۇلتتاردىڭ ۇلى ىنتىماعىن بەكەمدەۋ سياقتى جاقتاردان دۇرىس تانىم، ايقىن تۇسىنىكتەردى ورتاعا قويدى.

    ساياسي كەڭەس مۇشەلەرى ءسوز سويلەپ، لەبىز بىلدىرگەننەن كەيىن وبلىستىق پارتكومنىڭ شۋجيى چيۋ شۋحۋا ءسوز سويلەدى.

    چيۋ شۋحۋا بىلاي دەدى: ءماجىلىستىڭ الدىندا ساياسي كەڭەس مۇشەلەرىنىڭ جازباشا ماتەريالىن مۇقيات وقىپ شىعىپ، كوپشىلىكتىڭ ۇسىنىس – پىكىرىنىڭ نەگىزگى تاقىرىبى كورنەكتى، كوزقاراسى ايقىن، وي ءورىسى كەڭ، ءىس جۇزىندىككە جاناسىمدى ەكەنىن سەزىندىم، بۇل كوپشىلىكتىڭ كاسىپتىك رۋحىن، نازاريالىق ساپاسىن جانە جالپى جاعداي تانىمىن ايگىلەيدى. وبلىستىق پارتكوم مەن حالىق ۇكىمەتى كوپشىلىكتىڭ ۇسىنىس – پىكىرىن سارالاپ قابىلداۋ، زەرتتەۋ، تياناقتاندىرۋ قىزمەتىن مۇقيات جۇرگىزىپ، ۇيلەسىمدى ۇسىنىس – پىكىرلەردى اۆتونوميالى وبلىستىڭ ورنىقتىلىقتى، دامۋدى، رەفورمانى جەبەۋ وي جەلىسى مەن شاراسىن بەلگىلەۋدە جانە عىلمي شەشىم جاساۋدا شىنايى كادەگە جاراتادى.

    چيۋ شۋحۋا مىنانى ءبىلدىردى: بيىل - «قوس 100 جىلدىق» كۇرەس نىساناسى توعىسقان جانە اۋىسقان جىل، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعى باستالعان جىل، پارتيامىز قۇرىلعاندىعىنىڭ 100 جىلدىعى ءارى اۆتونوميالى وبلىسىمىزدىڭ «14 - بەسجىلدىق» جوباسى باستالعان ءتۇيىندى جىل. جۋىردا عانا اۆتونوميالى وبلستىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى مەن اۆتونوميالى وبلىستىق پارتكوم تۇراقتى كوميتەتىنىڭ ماجىلىسىندە قاراپ، ماقۇلدانعان «14 – بەسجىلدىق» جوبا مەن 2035 - جىلعا دەيىنگى بولاشاقتىق نىسانا جونىندەگى ۇسىنىسىنىڭ وسى جولعى ەكى ءماجىلىستىڭ قاراۋىنا تاپسىرىلعان «ىلە قازاق اۆتونوميالى وبلىسىنىڭ حالىق شارۋاشىلىعى مەن قوعامدىق دامۋىنىڭ <14 – بەسجىلدىق> جوباسى جانە 2035 – جىلعا دەيىنگى بولاشاقتىق نىسانا باعدارلاماسىنىڭ» (جوبا نۇسقا) بارىندە «14 – بەسجىلدىقتىڭ» جوعارى ورەلى جوباسى ايقىندالىپ، اۆتونوميالى وبلىسىمىزدىڭ بولاشاق دامۋ جوسپارى جاسالىپ، ءار ۇلت بۇقاراسىنىڭ تاماشا تۇرمىسى كوزدەلدى.

مەن اۆتونوميالى وبلىستاعى ءار دارەجەلى ساياسي كەڭەس ۇيىمدارى مەن بارشا ساياسي كەڭەس مۇشەلەرىنىڭ ساياسي دەڭگەيدى بارىنشا جوعارىلاتىپ، جاۋاپكەرلىكپەن بورىش ارقالاۋدى كۇشەيتىپ، ساياسي جاقتا پارتكوممەن سانالى تۇردە باعىتتاس، يدەيادا نيەتتەس، قىزمەتتە تەڭ قادامدا بولىپ، ءتىپتى دە زور تىڭ ۇلەستەر قوسۋىن ءۇمىت ەتەمىن. چيۋ شۋحۋا مىنانى تالاپ ەتتى: ءار دارەجەلى ساياسي كەڭەس ۇيىمدارى مەن بارشا ساياسي كەڭەس مۇشەلەرى دۇرىس ساياسي بەتالىستان جازباي، «ءتورت تانىمدى» شىنايى كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداۋى؛ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرىپ، پارتيا ورتالىق كوميتەتىنىڭ شەشىمدەرىن - ورنالاستىرۋلارىن جانە اۆتونوميالى رايوندىق پارتكومنىڭ قىزمەت تالاپتارىن ساياسي كەڭەس قىزمەتىندە دايەكتىلەندىرۋى، تياناقتاندىرۋى كەرەك. ۇدايىلانعان ىندەتتەن ساقتانۋ – تىزگىندەۋ بارىسىندا تىڭ ىسكەرلىك كورسەتىپ، «سىرتتان كىرۋ مەن ىشتە بەلەڭ بەرۋدەن ساقتانۋدى» ءبىر ءسات تە بوساڭسىتپاۋ؛ توسىن تۋىلعان الەۋمەتتىك دەنساۋلىق ساقتاۋ ۋاقيعالارىن ءبىر جاقتى ەتۋ، ىندەتتەن ساقتانۋ - تىزگىندەۋ جانە قوعامدىق جونگە سالۋ سياقتى كەڭەس تاقىرىپتارىن تىعىز توڭىرەكتەي وتىرىپ ۇكىمەت ىسىنە اقىل - كەڭەس بەرىپ، ىندەتتەن ساقتانۋ - تىزگىندەۋدىڭ ۇزاق ءونىمدى مەحانيزمىن قالىپتاستىرۋ ءۇشىن زەيىن قۋات جاعىنان قولداۋ كورسەتۋى كەرەك. قوعام ورنىقتىلىعىن قورعاۋدى ءبارىن باسىپ تۇسەتىن ساياسي مىندەت ەتۋدە تاباندى بولۋ؛ ساياسي كەڭەستىڭ ىنتىماقتاسۋ اياسى، بايلانىس اياسى كەڭ، سيىسىمدىلىعى كۇشتى بولۋداي وزگەشە ابزالدىلىعىن تولىق ساۋلەلەندىرىپ، ءار ۇلت بۇقاراسىن پارتكومنىڭ، ۇكىمەتتىڭ شەشىمدەرىن تۇسىنۋگە، قولداۋعا، تياناقتاندىرۋعا باستاۋى كەرەك. شينجياڭدى مادەنيەتپەن نارلەندىرۋ ينجەنەرياسىن زور كۇشپەن ىلگەرىلەتۋ كەرەك. ەكونوميكانى جوعارى ساپامەن دامىتۋ بارىسىندا اقىل جانە كۇش قوسىپ، «دارىندىلار قامباسى»، «اقىلشىلار ۇيىرمەسى» بولۋ رولىن تولىق ساۋلەلەندىرىپ، جىبەك جولى ەكونوميكالىق بەلدەۋىنىڭ ماڭىزدى وزەكتى رايونىنداعى ماڭىزدى ءتۇيىندى بىرگە قۇرۋدى توڭىرەكتەپ، ىشكەرىلەي تەكسەرۋ – زەرتتەۋ جۇرگىزىپ، ۇكىمەت ىسىنە بەلسەنە اقىل – كەڭەس بەرىپ، اۆتونوميالى وبلىسىمىز ەكونوميكاسىن جوعارى ساپالى دامىتۋدا كوپتىڭ پىكىرىن كەڭ كولەمدى قابىلداپ، كەمەلدى جوبا جاساپ، اقىل – كەڭەس بەرۋ كەرەك. وزىندىك قۇرىلىستى كۇشەيتۋ بارىسىندا كەلبەتىن كورنەكتىلەندىرىپ، ءار دارەجەلى ساياسي كەڭەس ۇيىمدارى مەن بارشا ساياسي كەڭەس مۇشەلەرى باس نىسانانى مىقتى يگەرىپ، كىرىسۋ ءتۇيىنىن ءدال تاۋىپ، اقىل – كەڭەس بەرىپ، پارتكومنىڭ جۇگىن ءبولىسىپ، ۇكىمەتكە كۇش قوسىپ، بۇقارانىڭ ءسوزىن سويلەپ، قوعامعا قىزمەت وتەپ، اۋىر مىندەتتىڭ ۇددەسىنەن شىعىپ، بورىشتى تولىق ورىنداۋ كەرەك.

    چيۋ شۋحۋا بىلاي دەدى: وبلىستىق پارتكوم ساياسي كەڭەس قىزمەتىنە اۋەلگىسىندەي وسكەلەڭ ءمان بەرىپ، ساياسي كەڭەس قىزمەتىن كەڭەس كۇنتارتىبىنە ەنگىزۋگە تاباندى بولىپ، ساياسي كەڭەس مۇشەلەرىنىڭ مىندەتىن اتقارىپ، جاۋاپكەرلىگىن ويداعىداي ادا ەتۋىنە، ۇسىنىستىق جوبالارىن ءبىرجاقتى ەتۋ ساپاسىن جوعارىلاتۋىنا كوڭىل ءبولىپ، قولداۋ كورسەتىپ، ساياسي كەڭەس قىزمەتىندە ءدوپ كەلگەن ماڭىزدى ماسەلەلەردى دەركەزىندە زەرتتەپ جانە ونى ءبىر جاقتى ەتىپ، ساياسي كەڭەس قىزمەتىنىڭ ورىستەتىلۋىنە ءتيىمدى شارت - جاعداي جاراتادى. ءتارتىپ تەكسەرۋ، باقىلاۋ - تەكسەرۋ ورگاندارى، ۇيىمداستىرۋ، ۇگىت، بىرلىكساپ سياقتى تاراۋلار ساياسي كەڭەس پارتگرۋپپاسىمەن قارىم - قاتىناس جانە سايكەسۋدى كۇشەيتىپ، ساياسي كەڭەستىڭ پارتيا قۇرىلىسى، قوسىن قۇرىلىسى، اقپارات - ۇگىتى سياقتى جاقتارىنا قولداۋ كورسەتىپ، كەپىلمەن قامتاماسىزداندىرۋى كەرەك. ۇكىمەت پەن قاتىستى تاراۋلار ساياسي كەڭەسپەن جانە ونىڭ ارناۋلى كوميتەتتەرىمەن بەلسەنە قارىم - قاتىناس جانە سەلبەستىك ورناتىپ، ساياسي كەڭەس قىزمەتىنە بەلسەنە ات سالىسىپ، جاعدايدى ءبىلۋ، اكىمشىلىككە قانىق بولۋ، جاۋاپكەرلىكتى اتقارىپ، ناتيجەنى كادەگە جاراتۋ جاقتارىندا قولداۋ كورسەتىپ، كومەكتەسىپ، پارتكوم ءمان بەرگەن، ۇكىمەت قولداعان، ساياسي كەڭەس ىرىقتى بولعان، ءارقايسى جاق سايكەسكەن، قوعام نازار اۋدارعان ساياسي كەڭەس قىزمەتىنىڭ جاڭا جاعدايىن جاراتۋ كەرەك.