چيۋ شۋحۋا، جاۋ تيانجيە، جياۋ ي – مين، سەرجان ۇعىباي ۇلى، شى گاڭ، جۋ بين قاتارلىلار ءتوراعالار مىنبەسىنەن ورىن الدى

    قۇرماش سىرجان ۇلى ۇكىمەت قىزمەتىنەن بايانداما جاسادى ءارى «ىلە قازاق اۆتونوميالى وبلىسىنىڭ حالىق شارۋاشىلىعى مەن قوعامدىق دامۋىنىڭ 14 – بەسجىلدىق جوباسى جانە 2035 – جىلعا دەيىنگى

    بولاشاقتىق نىسانا باعدارلاماسىنا (جوبا نۇسقا)» تۇسىنىك جاسادى، ابدۇسالام سادىق ءماجىلىستى باسقاردى

    اۆتونوميالى وبلىستىق 14 – كەزەكتى حالىق قۇرىلتايى 5 – ءماجىلىسىنىڭ ناق مايدانى. لي شين - ان فوتوسى

    ءتىلشىمىز لي شين – ان حابارلايدى. الدىڭعىعا مۇراگەرلىك ەتىپ، ءورىس اشا ۇلى جوبا جاسادى، بولاشاققا جول اشىپ، دامۋدى جوسپارلادى. 1 – ايدىڭ 9 – كۇنى تۇستەن بۇرىن ىلە قازاق اۆتونوميالى وبلىستىق 14 – كەزەكتى حالىق قۇرىلتايىنىڭ 5 – ءماجىلىسى قۇلجا قالاسىندا اشىلدى.

    وبلىستىق مادەنيەت – كوركەمونەر قيمىل ورتالىعى جيىن زالى ايبىندى دا دۋماندى تۇسكە شومدى، مەملەكەت گەربى ءتوراعالار مىنبەسىنىڭ تورىنە ءىلىنىپ، ونىڭ ەكى جاعىنا بەستەن 10 نارت قىزىل تۋ قويىلدى. نەگىزگى ءماجىلىس الاڭىندا ماجىلىسكە قاتىناسقان وبلىسقا توتە قاراستى ورىنداردىڭ حالىق قۇرىلتايى ۋاكىلدەرى جانە بولىمشە ءماجىلىس الاڭدارىندا بەينە ەكران فورماسىندا ماجىلىسكە قاتىناسقان تارباعاتاي ايماعىنداعى مەن التاي ايماعىنداعى وبلىستىق حالىق قۇرىلتايى ۋاكىلدەرى تۇتاس وبلىستاعى ءار ۇلت حالقىنىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭداردا جۇكتەلگەن قاسيەتتى بورىشىن اسقاق ايبىنمەن وتەدى.

    ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى چيۋ شۋحۋا، جاۋ تيانجيە، ابدۇسالام سادىق، تۇڭ رۇيچيڭ، رازيا ابليز، تالعات ءتالىم ۇلى، جۇمان بارشابەك ۇلى، نۇرجان مامەت ءتوراعالار مىنبەسىنىڭ الدىڭعى قاتارىنان ورىن الدى.

    قۇرماش سىرجان ۇلى، جياۋ ي – مين، سەرجان ۇعىباي ۇلى، شى گاڭ، جۋ بين، شيە چياڭ، پارحات ءسايدي، كۇلان سەيپىلقان قىزى، رازبەك قامزا ۇلى، گاۋ تيانشان، ديڭ باڭۋىن قاتارلى وبلىس باسشىلارى، سونداي – اق وبلىستىق سوتتىڭ، پروكۋراتۋرانىڭ باسشىلارى جانە ءماجىلىس ءتوراعالار القاسىنىڭ باسقا دا مۇشەلەرى ءتوراعالار مىنبەسىنەن ورىن الدى.

    اۆتونوميالى وبلىستىق 14 – كەزەكتى حالىق قۇرىلتايىنىڭ 5 – ماجىلىسىنە قاتىناسۋعا ءتيىستى ۋاكىل 442 ادام، ماجىلىسكە قاتىناسقانى 380 ادام، بۇل زاڭدا بەلگىلەنگەن ادام سانىنا ۇيلەسەدى.

    ساعات 10 نان 30 مينۋت وتكەندە ءماجىلىستىڭ اشىلۋ سالتىن باسقارۋشى ابدۇسالام سادىق ىلە قازاق اۆتونوميالى وبلىستىق 14 – كەزەكتى حالىق قۇرىلتايى 5 – ءماجىلىسىنىڭ اشىلعاندىعىن جاريالادى. كوپشىلىك ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.

    ءماجىلىستىڭ كەڭەستىك ءتارتىبى بويىنشا اۆتونوميالى وبلىستىڭ باستىعى قۇرماش سىرجان ۇلى اۆتونوميالى وبلىستىق حالىق ۇكىمەتى اتىنان ۇكىمەت قىزمەتىنەن بايانداما جاسادى ءارى «ىلە قازاق اۆتونوميالى وبلىسىنىڭ حالىق شارۋاشىلىعى مەن قوعامدىق دامۋىنىڭ 14 – بەسجىلدىق جوباسىنا جانە 2035 – جىلعا دەيىنگى بولاشاقتىق نىسانا باعدارلاماسىنا (جوبا نۇسقا)» تۇسىنىك جاسادى.

    قۇرماش سىرجان ۇلى ۇكىمەت قىزمەتىنەن باياندامادا الدىمەن «13 – بەسجىلدىق» مەزگىلىندەگى قىزمەتتەرگە شولۋ جاسادى. ول بىلاي دەدى: «13 _ بەسجىلدىق» مەزگىلى - جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزىلگەن كەزەڭ ءارى اۆتونوميالى وبلىستىڭ ەكونوميكالىق، قوعامدىق دامۋىندا بەلەستىك مانگە يە شەشۋشى مەزگىل. ءبىز اۆتونوميالى رايوندىق پارتكوم مەن ۇكىمەتتىڭ جانە اۆتونوميالى وبلىستىق پارتكومنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ جاڭا داۋىردەگى شينجياڭدى جونگە سالۋ جالپى جوباسىن، وتە _ موتە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن دايەكتىلەندىرۋگە، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، اۆتونوميالى رايوندىق پارتكومنىڭ «1+3+3+ رەفورما جاساۋ، ەسىك اشۋ» قىزمەت ورنالاستىرۋىن باتىل تياناقتاندىرىپ، «التىنى ورنىقتىرۋ» قىزمەتىن تىڭعىلىقتى ويداعىداي ىستەپ، «التىنى قامتاماسىز ەتۋ» مىندەتىن جاپپاي تياناقتاندىرىپ، «13 _ بەسجىلدىق» جوبانى تابىسپەن تامامداپ، كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزدىك، جاپپاي دوڭگەلەك داۋلەتتى قوعام قۇرۋدىڭ جەڭىسى مەنمۇندالاۋدا، بۇكىل وبلىستا قوعامدىق جالپى جاعداي ورنىقتى بولعان، حالىق تىنىش تىرشىلىك ەتىپ، الاڭسىز تۇرمىس كەشىرگەن، ۋنيۆەرسالدى ناقتى قۋات كورنەكتى كۇشەيگەن تاماشا جاعداي جارىققا شىعىپ، باياندى تىنىشتىققا قادام تاستاۋ ءۇشىن بەرىك نەگىز قالاندى.

    قۇرماش سىرجان ۇلى بىلاي دەدى: ەندى عانا وتكەن 2020 _ جىلى توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى، جاپالى دا اۋىر رەفورما، دامۋ، ورنىقتىلىق مىندەتى الدىندا ءبىز اۆتونوميالى وبلىستىق پارتكومنىڭ پارمەندى باسشىلىعىندا، پارتيا ورتالىق كوميتەتىنىڭ جانە اۆتونوميالى رايوندىق پارتكومنىڭ شەشىم _ ورنالاستىرۋلارىن ىشكەرىلەي دايەكتىلەندىرىپ، «1 + 3» ءتۇيىندى قىزمەتىن ىشكەرىلەي ىلگەرىلەتىپ، ستراتەگيالىق تۇراقتىلىقتى ساقتاپ، ماشاقاتتى قۇلشىنىس جاساپ، باتىل جاۋاپكەرلىك ارقالاپ، ىسكەرلىك كورسەتىپ ۇدايىلانعان ىندەتتەن ساقتانۋ _ تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتتىك، بۇكىل وبلىستاعى جوعارى _ تومەندەگىلەر مەن ءار ۇلت حالقىنىڭ ايانباي كۇرەس جاساۋىندا ىندەتتەن ساقتانۋ _ تىزگىندەۋ مەن ەكونوميكالىق، قوعامدىق دامۋدىڭ «قوس جەڭىسىنە» قول جەتكىزىپ، اۆتونوميالى وبلىستىڭ «13 _ بەسجىلدىق» جوباسىنىڭ نىسانا _ مىندەتتەرىن تابىسپەن ورىنداپ، جاپپاي دوڭگەلەك داۋلەتتى قوعام قۇرۋ ءۇشىن بەرىك نەگىز قالاپ، بۇكىل وبلىستاعى ءار ۇلت حالقىنا تولىمدى جاۋاپ قايتاردىق. وبلىس بويىنشا ءوندىرىس جالپى ءونىم قۇنى 230 ميلليارد 200 ميلليون يۋان ورىندالىپ، %4.4 ارتاتىندىعى، ادەتتەگى الەۋمەتتىك مەجە ەسەپ كىرىسى 16 ميلليارد 950 ميلليون يۋانعا جەتەتىندىگى، تۇراقتى مۇلىككە قوسىلعان قارجى (شارۋا وتباسىلارى قامتىلمايدى) %55.5 بولاتىندىعى، قالا _ قالاشىق تۇرعىندارىنىڭ جان باسىندىق تيەسىلى كىرىسى 32 مىڭ 634 يۋانعا جەتىپ، %2.3 ارتاتىندىعى، اۋىل _ قىستاق تۇرعىندارىنىڭ جان باسىندىق تيەسىلى كىرىسى 15 مىڭ 725 يۋانعا جەتىپ، %6.9 ارتاتىندىعى مەجەلەندى.

    قۇرماش سىرجان ۇلى بىلاي دەپ اتاپ كورسەتتى: ءبىز ىندەتكە قارسى اتتانۋ زور شايقاسى مەن زور سىناعى الدىندا حالىق بۇقاراسىنىڭ باس اماندىعى مەن دەنساۋلىق اقاۋسىزدىعىن ماڭداي الدى ورىنعا قويۋعا تاباندى بولىپ، ىندەتكە قارسى اتتانۋ ۇلى رۋحىن بار كۇشپەن ساۋلەلەندىرىپ، ىندەتتەن ساقتانۋ _ تىزگىندەۋدەن قامال الۋ شايقاسىندا زور تابىسقا قول جەتكىزدىك؛ ىندەتتەن ساقتانۋ _ تىزگىندەۋ مەن ەكونوميكالىق، قوعامدىق دامۋدى كۇش سالا ءبىر تۇتاس جوسپارلاپ، ورنىقتىلىق پەن ساياساتتىڭ پايداسىنان تولىق پايدالانىپ، تۇلعالىق ەكونوميكانى، وتكەل ەكونوميكاسىن، ساياحات ەكونوميكاسىن بار كۇشپەن دامىتىپ، ادام، زات، قاتىناس، ينفورماتسيا، قارجى اينالىمدارىن شىنايى ىركىلىسسىزدەندىرىپ، ەكونوميكانىڭ دامۋ قارقىنىن جاپپاي جوعارىلاتىپ، ونىمدىلىگىن ارتتىردىق؛ حالىقتى وزەك ەتۋ سىندى دامۋ يدەياسىنا تاباندى بولىپ، حالىق تۇرمىسى قۇرىلىسىن ۇزدىكسىز ىلگەرىلەتىپ، نەگىزگى حالىق تۇرمىسىن بار كۇشپەن قامتاماسىزداندىرىپ، ءار ۇلت بۇقاراسىنىڭ باقىت كورسەتكىشىن ونان ارى جوعارىلاتتىق؛ ۇكىمەتتىڭ وزىندىك قۇرىلىسىن كۇشەيتۋگە تاباندى بولىپ، ۇكىمەت فۋنكتسياسىنا بۇرىلىس جاساۋدى جەدەلدەتىپ، قىزمەت ستيلىن ءۇرتىس جاقسارتىپ، ۇكىمەتتىڭ يقۋاتىن ۇزدىكسىز جوعارىلاتتىق.

    قۇرماش سىرجان ۇلى بىلاي دەدى: بەس جىلدىق دامۋ بارىسىنداعى تابىستار زور قۇلشىنىستىڭ ارقاسى، بۇعان _ وسپاق قول جەتكەن جوق. بۇل تابىستار اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتىنىڭ جانە اۆتونوميالى وبلىستىق پارتكومنىڭ پارمەندى باسشىلىعىنىڭ، شينجياڭعا كومەك بەرگەن ولكە _ قالالاردىڭ قالتقىسىز كومەگىنىڭ، بۇكىل وبلىستاعى ءار ۇلت حالقىنىڭ ىنتىماقتاسا كۇرەس جاساۋىنىڭ ناتيجەسى، سونداي _ اق بۇعان حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ جانە قوعامنىڭ ءار سالاسىنداعىلاردىڭ قاجىرلى قۇلشىنىسى سىڭگەن.

    قۇرماش سىرجان ۇلى بىلاي دەدى: «14 _ بەسجىلدىق» مەزگىلى ــ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعى باستالعان، ەكىنشى 100 جىلدىق كۇرەس نىساناسىنا اتتانعان ءبىرىنشى 5 جىل، اۆتونوميالى وبلىستىڭ قوعام ورنىقتىلىعى جەتىستىكتەرىن بەكەمدەپ، جوعارى ساپالى دامۋدى جەبەپ، باياندى تىنىشتىققا قادام تاستايتىن شەشۋشى بەس جىل.

«14 _ بەسجىلدىق» مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسى: جۇڭگوشا سوتسياليزم ۇلى تۋىن بيىك ۇستاپ، پارتيا 19 _ قۇرىلتايىنىڭ جانە پارتيا 19 _ كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ماركسيزم _ لەنينيزم، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، 3 _ رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، وتە _ موتە، باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتىلەندىرىپ، تياناقتاندىرىپ، پارتيانىڭ جاڭا داۋىردەگى شينجياڭدى جونگە سالۋ جالپى جوباسىن تولىق، دالمە _ ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، بەستى «ءبىر تۇلعالاندىرۋ» جالپىلىق ورنالاستىرۋىن ٴبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، شينجياڭدى زاڭمەن جونگە سالۋ، شينجياڭدى ىنتىماقتاستىرا ورنىقتىرۋ، شينجياڭدى مادەنيەتپەن نارلەندىرۋ، حالىقتى اۋقاتتاندىرىپ، شينجياڭدى گۇلدەندىرۋ، شينجياڭدى باياندى كوركەيتۋ جالپى تالابىنا ساي، جاڭالىق اشا، سايكەستى، جاسىل، اشىق، تەڭ يگىلىككە كەنەلەتىن جاڭا دامۋ ۇستانىمىن بۇلجىتپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋ، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى كەپىل ەتىپ، دامۋ مەن حاۋىپسىزدىكتى ءبىر تۇتاس جوسپارلاپ، ەل ءىشى ءىرى اينالىمىن نەگىزگى تۇلعا ەتكەن، ەل ءىشى، حالىقارا قوس اينالىمى ٴبىرىن _ ٴبىرى جەبەگەن جاڭا دامۋ ارناسىنا ىرىقتى تۇردە توعىسىپ، وڭىرلەردى ءبىر تۇلعالاندىرىپ دامىتۋ ستراتەگياسىن اتقارىپ، تۇلعالىق ەكونوميكانى، وتكەل ەكونوميكاسىن، ساياحات ەكونوميكاسىن ءتۇيىن ەتكەن وسىزاماندانعان ەكونوميكا جۇيەسىن كۇش سالا دامىتىپ، جوعارى ساپالى دامۋ بويىنشا ەكونوميكادا الۋەتتى وبلىس قۇرىپ، ەكونوميكالىق اينالىمنىڭ ورنىقتى، باياندى بولۋىن، قوعامنىڭ تىنىش، جاراسىمدى بولۋىن جۇزەگە اسىرىپ، ىنتىماقتى، جاراسىمدى، گۇلدەنىپ _ كوركەيگەن، باي، وركەنيەتتى، العا باسقان، حالىق تىنىش تىرشىلىك ەتىپ، الاڭسىز تۇرمىس كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭنىڭ ىلە وبلىسى تاراۋىن جازۋعا قۇلشىنۋ.

    «14 _ بەسجىلدىق» مەزگىلىندەگى ەكونوميكالىق، قوعامدىق دامۋ نىساناسى مىناداي: ەكونوميكانىڭ دامۋىن تىڭ ساتىعا كوتەرۋ، رەفورما جاساۋ، ەسىك اشۋدا تىڭ قادام تاستاۋ، ۇلتتار ىنتىماعىندا تىڭ كۇشەيۋدى، قوعامدىق قۇرىلىستا تىڭ ىلگەرىلەۋشىلىكتى جۇزەگە اسىرۋ، ەكولوگيالىق وركەنيەت قۇرىلىسىندا تىڭ ناتيجەگە قول جەتكىزۋ، حالىقتىڭ ىرىس _ قۇت دەڭگەيىن تىڭ ورەگە كوتەرۋ، قوعام ورنىقتىلىعىندا جاڭا جاعداي جاراتۋ، جونگە سالۋ يقۋاتىن تىڭ دەڭگەيگە كوتەرۋ. بۇكىل وبلىستىڭ وڭىرلىك ءوندىرىس جالپى ءونىم قۇنىنىڭ جىلىنا %8 تەن استام ارتتىرۋ؛ ادەتتەگى الەۋمەتتىك مەجە ەسەپ كىرىسىن جىلىنا %8 تەن استام ارتتىرۋ؛ تۇراقتى مۇلىككە قوسىلاتىن قارجىنى جىلىنا %18 تەن استام ارتتىرۋ؛ جەرگىلىكتى ورىننىڭ كولەمدى ونەركاسىپ ارتقان قۇنىن جىلىنا %12 تەن استام ارتتىرۋ؛ جەرگىلىكتى ورىننىڭ سىرتقى ساۋدا يمپورت _ ەكسپورت جالپى سوماسىن جىلىنا %15 تەن استام ارتتىرۋ؛ قالا _ اۋىل تۇرعىندارىنىڭ جان باسىندىق تيەسىلى كىرىسىنىڭ جىلدىق ورتاشا ارتۋىن جەكە _ جەكە %6 كە جانە %7 كە جەتكىزۋ، قالا _ قالاشىقتارداعى تىزىمگە الدىرىلعان جۇمىسسىزدىق مولشەرىن %4.5 ىشىندە تىزگىندەۋ، مۇنىڭ ىشىندە وبلىسقا توتە قاراستى ورىنداردىڭ نەگىزگى ەكونوميكالىق كورسەتكىشىن شينجياڭ بويىنشا الدىڭعى ورىنعا شىعارۋ.

    قۇرماش سىرجان ۇلى مىنانى اتاپ كورسەتتى: «14 _ بەسجىلدىق» جوبا نىساناسىن جۇزەگە اسىرۋدا وسىزامانعى كاسىپ جۇيەسىنىڭ دامۋىن، نەگىزدىك قۇرىلعىلار قۇرىلىسىن جەبەۋدىڭ، جاڭاشا قالا _ قالاشىقتاندىرۋدى جەدەل ىلگەرىلەتۋدىڭ، اۋىل _ قىستاقتى كوركەيتۋدىڭ، رەفورمانى تەرەڭدەتىپ، تيجارات _ ساۋدا ورتاسىن جاقسارتۋدىڭ، شينجياڭدى مادەنيەتپەن نارلەندىرۋدىڭ، كورىكتى ىلە قۇرۋدىڭ، شينجياڭعا باعىتتامالى كومەك بەرۋدىڭ، بيڭتۋان مەن جەرگىلىكتى ورىننىڭ، ارميا مەن جەرگىلىكتى ورىننىڭ توعىسپالى دامۋىنىڭ، قوعام ورنىقتىلىعى مەن باياندى تىنىشتىقتىڭ، حالىق تۇرمىسىن قامتاماسىزداندىرۋ مەن جاقسارتۋدىڭ تىڭ داستانىن جازۋىمىز كەرەك.

    قۇرماش سىرجان ۇلى بىلاي دەدى: 2021 - جىل _ «قوس 100 جىلدىق» كۇرەس نىساناسىنىڭ توعىسۋ جانە الماسۋ جىلى، «14 _ بەسجىلدىقتىڭ» باستالۋ جىلى، پارتيامىز قۇرىلعاندىعىنىڭ 100 جىلدىعى، بيىلعى ۇكىمەت قىزمەتىن ويداعىداي ىستەۋدىڭ ءمانى زور. ءبىز شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 _ قۇرىلتايىنىڭ جانە پارتيا 19 _ كەزەكتى ورتالىق كوميتەتى ەكىنشى، ٴۇشىنشى، ٴتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ورتالىقتىڭ ەكونوميكالىق قىزمەت ٴماجىلىسىنىڭ جانە 3 – رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جۇڭگو كوممۋنيستىك پارتياسى اۆتونوميالى رايوندىق 9 _ كەزەكتى كوميتەتى ونىنشى، ون ءبىرىنشى جالپى ماجىلىستەرىنىڭ جانە ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، وبلىستىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىنىڭ رۋحىن دايەكتىلەندىرىپ، تياناقتاندىرىپ، پارتيانىڭ جاڭا داۋىردەگى شينجياڭدى جونگە سالۋ جوباسىن تولىق، دالمە _ ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جوعارى ساپالى دامۋدى تياناق ەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋ، جاڭالىق اشۋدى ٴتۇبىرلى قوزعاۋشى كۇش، ىندەتتەن ساقتانۋ _ تىزگىندەۋدى ويداعىداي ىستەۋ مەن قوعام ورنىقتىلىعىن قورعاۋدى العى شارت ەتىپ، «1+3» ٴتۇيىندى قىزمەتىن ىشكەرىلەي ىلگەرىلەتىپ، حالىق تۇرمىسىنا تىعىز جاناسىپ، دامۋدى جەدەلدەتىپ، ٴۇش ٴىرى قامال الۋ شايقاسىن ۇزدىكسىز ويداعىداي جۇرگىزىپ، «التىنى ورنىقتىرۋ» قىزمەتىن تىڭعىلىقتى ىستەپ، «التىنى قامتاماسىز ەتۋ» مىندەتىن جاپپاي تياناقتاندىرىپ، تۇلعالىق ەكونوميكانى، وتكەل ەكونوميكاسىن، ساياحات ەكونوميكاسىن ٴتۇيىن ەتكەن وسىزاماندانعان كاسىپ جۇيەسىن جەدەل قۇرىپ، 1 _ كاسىپتى ساپالىلاندىرىپ، دەڭگەيىن جوعارىلاتۋدى، 2 _ كاسىپتى كۇشەيتىپ، كولەمدەندىرۋدى، 3 _ كاسىپتى قۇنىتتاي ىستەپ، جوعارى ساتىعا كوتەرۋدى ىلگەرىلەتىپ، 1 _، 2 _، 3_ كاسىپتەردىڭ توعىسپالى دامۋىن جەبەپ، جوعارى ساپالى دامۋ بويىنشا ەكونوميكادا الۋەتتى وبلىس قۇرىپ، اۆتونوميالى وبلىستىڭ قوعام ورنىقتىلىعى مەن باياندى تىنىشتىعىندا جاڭا جاعداي اشۋعا كۇش سالۋ كەرەك.

    2021 _ جىلعى ەكونوميكالىق، قوعامدىق دامۋدىڭ نەگىزگى مەجەلى نىسانالارى: ىندەتتى مۇلدە تۋدىرماۋ، ورنىقتىلىقتان شاشاۋ شىعارماۋ، ەكونوميكانى تىڭ ساتىعا كوتەرۋ، وڭىرلىك ءوندىرىس جالپى ءونىم قۇنىن %7.5؛ ادەتتەگى الەۋمەتتىك مەجە ەسەپ كىرىسىن %11.1؛ تۇراقتى مۇلىككە قوسىلعان قارجىنى (شارۋا وتباسىلارى قامتىلمايدى) %45؛ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىن %7.2؛ قالا _ قالاشىق تۇرعىندارىنىڭ جان باسىندىق تيەسىلى كىرىسىن %6 ؛ اۋىل _ قىستاق تۇرعىندارىنىڭ جان باسىندىق تيەسىلى كىرىسىن %6.5 ارتتىرۋ؛ قالا _ قالاشىقتارداعى تىزىمگە الىنعان جۇمىسسىزدىق مولشەرىن %4.5 ىشىندە تىزگىندەۋ.

    قۇرماش سىرجان ۇلى بىلاي دەدى: جوعارىداعى نىسانالاردى جۇزەگە اسىرۋدا، ءبىر تۇتاس جوسپارلاپ، تەڭ ءمان بەرىپ، تەتىكتى مىقتى يگەرىپ، تومەندەگى قىزمەتتەردى ءتۇيىندى تۇردە ويداعىداي ىستەۋ كەرەك: ءبىرىنشى، ۇدايىلانعان ىندەتتەن ساقتانۋ _ تىزگىندەۋدى باستان _ اياق مىقتى يگەرۋ؛ ەكىنشى، قوعامنىڭ ءۇرتىس ورنىقتىلىعى مەن باياندى تىنىشتىعىن قورعاۋدان جازباۋ؛ ءۇشىنشى، تۇلعالىق ەكونوميكانى كۇش سالا دامىتۋ؛ ءتورتىنشى، ساياحات ەكونوميكاسىن بار كۇشپەن دامىتۋ؛ بەسىنشى، وتكەل ەكونوميكاسىن بار كۇشپەن دامىتۋ؛ التىنشى، اۋىل _ قىستاقتى كوركەيتۋ ستراتەگياسىن ىشكەرىلەي اتقارۋ؛ جەتىنشى، قالا مەن اۋىلدىڭ توعىسپالى دامۋىن ءبىر تۇتاس جوسپارلاپ ىلگەرىلەتۋ؛ سەگىزىنشى، نەگىزدىك قۇرىلعىلار قۇرىلىسى تەبىنىن ارتتىرۋ؛ توعىزىنشى، ءتۇيىندى سالالاردىڭ رەفورماسىن ۇزدىكسىز تەرەڭدەتۋ؛ ونىنشى، حالىق تۇرمىسىن كۇش سالا قامتاماسىزداندىرۋ جانە جاقسارتۋعا تاباندى بولۋ. ون ءبىرىنشى، ەكولوگيالىق ورتانى قورعاۋ قۇرىلىسىن كۇشەيتۋ؛ ون ەكىنشى، شينجياڭدى مادەنيەتپەن نارلەندىرۋ ينجەنەرياسىن جاپپاي اتقارۋ؛ ون ءۇشىنشى، ۇلتتار ىنتىماعىن، ءدىن جاراسىمدىلىعىن ۇزدىكسىز بەكەمدەۋ؛ ون ءتورتىنشى، توعىسپالى دامۋدى ىشكەرىلەي ىلگەرىلەتۋ.

    قۇرماش سىرجان ۇلى تاعى «ىلە قازاق اۆتونوميالى وبلىسىنىڭ حالىق شارۋاشىلىعى مەن قوعامدىق دامۋدىڭ 14 – بەسجىلدىق جوباسى جانە 2035 – جىلعا دەيىنگى بولاشاقتىق باعدارلاماسى جونىندە (جوبا نۇسقا)» «باعدارلامانىڭ» ازىرلەنۋ بارىسىنان تارتىپ، «باعدارلامانىڭ» جالپى جاقتان يگەرىلۋى، «13 – بەسجىلدىقتاعى» جوبانىڭ ورىندالۋ جاعدايى، «14 – بەسجىلدىق» ەكونوميكالىق، قوعامدىق دامۋدىڭ جالپى تۇلعالىق تالابى، «14 – بەسجىلدىق» مەزگىلىندەگى ەكونوميكالىق، قوعامدىق دامۋدىڭ نەگىزگى مىندەتتەرى جونىندە تۇسىنىك جاسادى.

    وسى رەتكى ماجىلىستە اۆتونوميالى وبلىستىڭ 2020 – جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە اۆتونوميالى وبلىستىڭ 2021 – جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداما، اۆتونوميالى وبلىستىڭ 2020 – جىلعى ادەتتەگى مەجە ەسەبىنىڭ اتقارىلۋ جاعدايى جانە اۆتونوميالى وبلىستىڭ 2021 – جىلعى مەجە ەسەپ جوباسى جونىندەگى بايانداما جازباشا باسىپ تاراتىلدى.

    ماجىلىستە تاعى ءماجىلىستىڭ كەڭەس جوبالارىن داۋىسقا سالۋ ءادىسى داۋىسقا سالىنىپ ماقۇلداندى.

    وبلىس باسشىلارىنان تاعى جاڭ جۇي، ەلشات تۇرسىنباي ۇلى، چىن شياڭ، ليۋ كىحۋا، لي شينجۇن، پان شىڭكى، گۇلبارشىن سەرىكباي قىزى، لاگۋا سايبۇگجاپ، ليۋ چيڭحۋا، نۇراحىمەت زۇنۇن ماجىلىسكە قاتىناستى ءارى ءتوراعالار مىنبەسىنەن ورىن الدى.

    ساياسي كەڭەس وبلىستىق 13 – كەزەكتى كوميتەتىنىڭ 5 – ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى. وسى جولعى ماجىلىسكە سىرتتاي قاتىناسقان قىزمەتكەرلەر پاراللەل جيىن زالىندا ءماجىلىستى سىرتتاي تىڭدادى.