تىلشىلەرىمىز گو جۇن، حان شاشا حابارلايدى. ءۇش كۇنگە جالعاسقان ساياسي كەڭەس اۆتونوميالى وبلىستىق 13 -كەزەكتى كوميتەتىنىڭ 5 -ءماجىلىسى ءتۇرلى كۇنتارتىپتەرىن تابىسپەن ورىنداپ، 1 -ايدىڭ 10 -كۇنى تۇستەن كەيىن وبلىستىق مادەنيەت -كوركەمونەر قيمىل ورتالىعىندا جابىلدى. جابىلۋ ءماجىلىسى باستالۋدىڭ الدىندا سايلاۋ جينالىسى وتكىزىلدى. وبلىستىق ساياسي كەڭەس باسشىلارىنان جياۋ ي -مين، سەرجان ۇعىباي ۇلى، پارحات ءسايدي، ليۋ كىحۋا، لي شينجۇن، پان شيڭكى، گۇلبارشىن سەرىكباي قىزى، لاگۋا سايبۇگجاپ، ليۋ چيڭحۋا، نۇراحىمەت زۇنۇن، كۇڭ ليڭشىڭ ءتوراعالار مىنبەسىنىڭ الدىڭعى قاتارىنان ورىن الدى، وبلىستىق ساياسي كەڭەس پارتگرۋپپاسىنىڭ شۋجيى جياۋ ي-مين ءماجىلىستى باسقاردى.
ساياسي كەڭەس اۆتونوميالى وبلىستىق 13 -كەزەكتى كوميتەتى 5 -ماجىلىسىنە قاتىناسۋعا ءتيىستى مۇشە 283 ادام، قاتىناسقانى 237 ادام، بۇل بەلگىلەمەدەگى ادام سانىنا ۇيلەسەدى.
ماجىلىستە «ءماجىلىستىڭ سايلاۋ ءادىسى» جانە باس بەلەت باقىلاۋشىنىڭ، بەلەت باقىلاۋشىلاردىڭ ەسىمدىگى ماقۇلداندى، جۇڭگو حالىق ساياسي كەڭەسى ىلە قازاق اۆتونوميالى وبلىستىق 13 -كەزەكتى تۇراقتى كوميتەتىنىڭ تۇراقتى مۇشەلەرى سايلاندى. ما گوچياڭ، چىن شاۋ-ۋي، ەرنۇر ناۋان ۇلى، سەرىك قابىكەن ۇلى ساياسي كەڭەستىڭ تۇراقتى مۇشەلىگىنە سايلاندى. جاڭادان سايلانعان تۇراقتى مۇشەلەر الدىعا شىعىپ مۇشەلەرمەن كەزدەستى.
سايلاۋ ءماجىلىسى اياقتاعاننان كەيىن ساياسي كەڭەس اۆتونوميالى وبلىستىق 13 -كەزەكتى كوميتەتى 5 -ءماجىلىسىنىڭ جابىلۋ ءماجىلىسى اشىلدى. وبلىس باسشىلارىنان چيۋ شۋحۋا، قۇرماش سىرجان ۇلى، جاۋ تيانجيە، ابدۇسالام سادىق، جۋ بين، شيە چياڭ، پارحات ءسايدي، كۇلان سەيپىلقان قىزى، رازبەك قامزا ۇلى، گاۋ تيانشان، ديڭ باڭۋىن ءتوراعالار مىنبەسىنەن ورىن الدى.
ماجىلىستە جۇڭگو حالىق ساياسي كەڭەسى ىلە قازاق اۆتونوميالى وبلىستىق 13-كەزەكتى كوميتەتى 5-ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسى؛ جۇڭگو حالىق ساياسي كەڭەسى ىلە قازاق اۆتونوميالى وبلىستىق 13-كەزەكتى كوميتەتى 5-ءماجىلىسىنىڭ ساياسي كەڭەس 13-كەزەكتى كوميتەتى 4-ماجىلىسىنەن بەرگى ۇسىنىس جوبالار قىزمەتى جاعدايىنان جاسالعان دوكلاد جونىندەگى قاۋلىسى؛ جۇڭگو حالىق ساياسي كەڭەسى ىلە قازاق اۆتونوميالى وبلىستىق 13-كەزەكتى كوميتەتى 5-ءماجىلىسىنىڭ ساياسي كەڭەس 13-كەزەكتى كوميتەتى 5-ماجىلىسىندەگى ۇسىنىس جوبالارىن تەكسەرۋ جاعدايى جونىندەگى دوكلادى؛ جۇڭگو حالىق ساياسي كەڭەسى ىلە قازاق اۆتونوميالى وبلىستىق 13-كەزەكتى كوميتەتى 5-ءماجىلىسىنىڭ ساياسي قاۋلىسى ماقۇلداندى.
وبلىستىق ساياسي كەڭەستىڭ ءتوراعاسى سەرجان ۇعىباي ۇلى جابىلۋ ءماجىلىسىن باسقاردى ءارى ءسوز سويلەدى. ول بىلاي دەدى: ساياسي كەڭەس 13-كەزەكتى كوميتەتىنىڭ 5-ءماجىلىسى – وبلىس بويىنشا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ، 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ، جۇڭگو كوممۋنيستىك پارتياسى اۆتونوميالى رايوندىق 9-كەزەكتى كوميتەتى ونىنشى، ون ءبىرىنشى جالپى ماجىلىستەرىنىڭ جانە اۆتونوميالى وبلىستىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىنىڭ رۋحىن دايەكتىلەندىرىپ، تياناقتاندىرىپ جاتقان جاعدايدا اشىلعان ءبىر رەتكى اسا ماڭىزدى ءماجىلىس، بۇل بۇكىل وبلىستاعى ءار ۇلت، ءار سالا جۇرتشىلىعىنىڭ ساياسي ومىرىندەگى زور ءىس، بۇعان قوعامداعى ءار سالا بارىنشا نازار اۋدارىپ وتىر. ءماجىلىس كەزىندە جالپى ساياسي كەڭەس مۇشەلەرى مىندەتتى تىڭعىلىقتى اتقارىپ، جاۋاپكەرلىكتى ادا ەتىپ، جالپى جاعدايدى ەستەن شىعارمايتىن بيىك تۇرعىمەن، دامۋعا كوڭىل بولەتىن كەڭ پەيىلدىكپەن، قايراتتانا ۇلەس قوساتىن تاماشا بەينەمەن الىمدى اقىل، كەلەلى كەڭەس بەرىپ، ساياسي كەڭەس مۇشەلەرىنىڭ كۇشتى جاۋاپكەرلىك ارقالاۋ سەنىمىن ايگىلەپ، ساياسي كەڭەس قىزمەتىنىڭ جالىندى ومىرشەڭدىك قۋاتىن بەينەلەدى. ءماجىلىستىڭ ستيلى پاك، سالتى دۇرىس، تابىسى مول بولىپ، مۇشەلەر قىزۋ تالقى ورىستەتىپ، شىندىققا جۇگىنىپ، ناقتى ءىس تىندىرىپ، حالىق ساياسي كەڭەسىنىڭ ساياسي ۇيىم جانە دەموكراتيا فورماسىندىق يقۋاتىن تولىق ساۋلەلەندىرىپ، سوتسياليستىك كەڭەسۋ ۇلگىسىندەگى دەموكراتيانىڭ ومىرشەڭدىگى مەن ابزالدىعىن تولىق ايگىلەدى. ءماجىلىستىڭ تابىستى اشىلۋى سەنىمدى كۇشەيتىپ، ورتاق تانىم ۇيىستىرىپ، قايراتتى تاسقىنداتتى.
بۇل رەتكى ءماجىلىس ىلە وبلىستىق پارتكومنىڭ، حالىق قۇرىلتايىنىڭ، حالىق ۇكىمەتىنىڭ وسكەلەڭ ءمان بەرۋىنە جانە بار كۇشپەن قولداپ-قۋاتتاۋىنا يە بولدى. وبلىستىق پارتكومنىڭ شۋجيى چيۋ شۋحۋا، وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى جانە وبلىستىق پارتكومنىڭ، حالىق قۇرىلتايى تۇراقتى كوميتەتىنىڭ، ۇكىمەتتىڭ، سوتتىڭ، پروكۋراتۋرانىڭ باسشىلارى ماجىلىسكە قاتىناستى. وبلىستىق پارتكومنىڭ شۋجيى چيۋ شۋحۋا مۇشەلەردىڭ لەبىز ءبىلدىرۋ ماجىلىسىندە ماڭىزدى ءسوز سويلەدى، بۇل وبلىستىق پارتكوم مەن ۇكىمەتتىڭ ساياسي كەڭەس قىزمەتىنە وسكەلەڭ ءمان بەرگەندىگىن جانە بار كۇشپەن قولداعاندىعىن تولىق ايگىلەدى.
بۇكىل وبلىستاعى ءار دارەجەلى ساياسي كەڭەس ۇيىمدارى مەن بارشا ساياس كەڭەس مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، وبلىستىق پارتكومنىڭ پارمەندى باسشىلىعىندا، جاڭا داۋىردەگى جۇڭگوشا سوتسياليستىك شينجياڭنىڭ ىلە تاراۋىن قۇلشىنا جازۋعا ەسەلى ۇلەس قوسۋلارى كەرەك.
بۇل رەتكى ءماجىلىس بەينە ەكران ءماجىلىسى فورماسىندا اشىلىپ، نەگىزگى ءماجىلىس الاڭى ىلە وبلىستىق مادەنيەت-كوركەمونەر قيمىل ورتالىعىنا ورنالاستىرىلدى، تارباعاتاي، التاي ايماقتارىندا بولىمشە ءماجىلىس الاڭدارى ورنالاستىرىلدى. نەگىزگى ءماجىلىس الاڭىنداعى ماجىلىسكە وبلىستىڭ ءتورت باسشىلىق القاسىنىڭ باسشىلارى، سوتتىڭ، پروكۋراتۋرانىڭ باسشىلارى، ساياسي كەڭەس وبلىستىق 13-كەزەكتى كوميتەتىنىڭ مۇشەلەرى جانە قۇلجا قالاسىندا تۇراتىن ساياسي كەڭەس اۆتونوميالى رايوندىق 12-كەزەكتى كوميتەتىنىڭ مۇشەلەرى، ساياسي كەڭەس 13-كەزەكتى كوميتەتىنىڭ مۇشەلەرى ەمەس وبلىسقا توتە قاراستى اۋداندىق، قالالىق ساياسي كەڭەس پارتگرۋپپاسىنىڭ شۋجيلارى مەن ساياسي كەڭەسكە قاتىناسقان ورىنداردىڭ نەگىزگى باسشىلارى قاتىناستى. تارباعاتاي، التاي ايماقتارىنداعى بولىمشە ءماجىلىس الاڭىنداعى ماجىلىسكە تارباعاتاي ايماعىندا، التاي ايماعىندا تۇراتىن ساياسي كەڭەس اۆتونوميالى وبلىستىق 13-كەزەكتى كوميتەتىنىڭ مۇشەلەرى مەن ساياسي كەڭەس وبلىستىق 13-كەزەكتى كوميتەتىنىڭ مۇشەسى ەمەس تارباعاتاي ايماقتىق، التاي ايماقتىق قىزمەت كوميتەتتەرىنىڭ ءبىر ءبولىم باسشىلىق القا مۇشەلەرى قاتىناستى.
ءماجىلىس ايبىندى مەملەكەت ءانى اۋەنىمەن تابسىپەن جابىلدى.