شينجياڭ گازەتىنىڭ شولۋشىسى

جاڭا جىلدىڭ العاشقى كۇندەرى پامير ۇستىرتىندەگى جاي ٴبىر مالشى نەشە ٴجۇز ميلليون ينتەرنەت قولدانۋشىنىڭ ماراپاتىنا بولەنگەن تانىمال ادامعا اينالدى. ونىڭ وسىنشاما ماراپاتقا بولەنۋىنىڭ سىرى نەدە؟ ونىڭ جان سۇيىنەرلىك باۋراۋ كۇشى قايدان كەلدى؟ ول پارتيا مۇشەسى زناگىن كورسەتكەن سول ٴبىر ساتتە، ەگەر ٴسىز ونىڭ جانارىنان كىرشىكسىزدىك پەن پاكتىكتى اڭعارا بىلسەڭىز، ەگەر ٴسىز ونىڭ جان دۇنيەسىندەگى وزىنە دەگەن سەنىم مەن ماقتانىشتى سەزىنە الساڭىز، ٴسىز، ٴسوز جوق، بۇل سۇراقتىڭ جاۋابىن تابا الاسىز − ٴبىر قاراپايىم ادامنىڭ جارقىراپ، ماڭايىنا ساۋلە شاشۋىنا سەنىمنىڭ كۇشى سەبەپ بولعاندىعىن تۇسىنەسىز؛ سەنىمنىڭ كۇشى سان مىڭداعان قاراپايىم ادامداردى ٴبىر - بىرىمەن ۇندەستىرىپ، كوڭىل كۇيلەرىن توعىستىردى.

پاراساتتى ادامدار: «سەنىم بولماسا، ناعىز تاماشا ٴمورال دا بولمايدى»، - دەگەن ەكەن. بىلتىر جازداعى سول ٴبىر كورىنىستى اۋەلگى قالپىنا كەلتىرسەڭىز، ابدۇجاپپار مەڭدىنىڭ وبرازى حيكايانىڭ تۋىلىپ دامۋىنا ىلەسە ۇزدىكسىز اسقاقتاي بەردى. قاسىنداعى سەرىگى ەكەۋى باتپاققا باتقان اۆتوكولىكتى بار كۇشتەرىن سالىپ يتەرىپ شىعارعان كەزدە، ٴبىز جۇڭحۋا ۇلتىنىڭ باسقالارعا كومەكتەسۋدى قۋانىش سانايتىن ٴداستۇرلى تاماشا ٴمورالىن كوردىك؛ قيىنشىلىعى شەشىلگەن ساياحاتشىلار اقشا بەرىپ العىس ايتپاقشى بولعاندا، ول قول يشاراسىمەن اقشا المايتىندىعىن بىلدىرگەن كەزدە، ٴبىز ٴمورالدى ماڭىزدى ورىنعا قويىپ، پايدامەن ساناسپايتىن، ٴوزىمشىل ويدان، جەكە نيەتتەن ادا بەكزاتتىقتى كورەمىز؛ ال، ول ابدىراي شاپانىنىڭ ٴوڭىرىن اشىپ، كەۋدەسىندەگى جارقىراعان پارتيا مۇشەسى زناگىن كورسەتكەندە، سان مىڭداعان ادامنىڭ جان دۇنيەسى ٴدۇر سىلكىندى، ويتكەنى ٴبىز ودان ٴبىر كومپارتيا مۇشەسىنىڭ رۋحاني دۇنيەسىن، سەنىم نۇرلاندىرعان كوك اسپانىن كوردىك.

 ابدۇجاپپار مەڭدى ەڭ نەگىزگى ساتىداعى مالشى پارتيا مۇشەسى رەتىندە سەنىم جونىندەگى تەرەڭ كوزقاراسىن ايتىپ بەرە الماۋى، ۇلى قاعيدانى سويلەي الماۋى مۇمكىن. الايدا قولىن كوتەرىپ تۇرىپ پارتيا تۋى استىندا سەرت بەرگەن سول كۇننەن باستاپ، سەنىمنىڭ ۇرىعى ونىڭ جۇرەگىنە بىلىنبەي تامىر تارتتى. ول جونىنەن العاندا، ٴبىر كوممۋنيستىك پارتيا مۇشەسىنىڭ سەنىمى − پارتيا مۇشەسى زناگىن ٴار كۇنى تاستاماي تاعىپ ٴجۇرۋ، شەكارا كۇزەتشىسى رەتىندە، بوران - شاشىنعا قاراماي شەكارا لەنياسىندا ٴجۇرۋ، جولدان اداسقان ساياحاتشىلارعا ىقىلاسپەن كومەكتەسۋ، جارالانعان حايۋاناتتاردى قۇتقارۋ، «مەيلى ۇلكەن - كىشى ٴىس بولسىن، ٴار كۇنى ٴبىر جاقسى ٴىس ىستەۋ»... ٴدال وسىنداي تالىقپاس تاباندىلىق، قاراپايىم نانىم - سەنىمنىڭ بايتەرەگىن جاپىراق جايا قاۋلاتىپ، جان دۇنيەسىن تۋسىتتى. ونىڭ پارتيا مۇشەسى زناگىن كورسەتۋى قاراعاندا جاي عانا ارەكەتتەي كورىنگەنىمەن، ىشكى جان دۇنيەسىندەگى شىنايى سۇيىسپەنشىلىكتىڭ تابيعي كورىنىسى ەدى. ول حالىقتىڭ مۇددەسىن كوزدەيتىن جۇڭگو كوممۋنيستىك پارتياسىن شىن نيەتىمەن قىزۋ سۇيگەندىك، كوممۋنيستىك پارتيا مۇشەسى سىندى وسى ٴبىر داڭقتى اتتى شەكسىز قاستەرلەگەندىك، ٴارقانداي ٴبىر جاعداي استىندا، ٴوزىنىڭ پارتيانىڭ ادامى ەكەندىگىن ەسىندە بەرىك ساقتاپ، ٴسوز - ارەكەتىمەن، ٴىس - قيمىلىمەن پارتيانىڭ وبرازىن قورعاعان، پارتيا مۇشەسىنىڭ ابىرويىن قورعاعان بۇكپەسىزدىك جانە ادالدىق. سول ٴبىر ساتتە، ٴبىز سەنىمنىڭ اسقاقتىعىن كورگەندەي بولدىق. ونىڭ بيىكتىگى ادامدى ىنتىقتىرادى؛ ونىڭ قۇندىلىعى جۇرەك تەبىرەنتتى.

 جان دۇنيەسىندەگى سەنىمىن بەرىك ساقتاي العان ادام، سونشاما قاراپايىم ٴارى سونشاما قاستەرلى بولادى، قاراپايىمدىلىق قۇرمەت سەزىمىن تۋدىرادى. ٴبىر اۋىز ادەمى ٴسوز ايتپاعانىمەن، الايدا ابدۇجاپپار مەڭدى پارتيا مۇشەسى زناگىن كورسەتكەن سول ٴبىر ساتتە، بارلىق كوممۋنيستىك پارتيا مۇشەلەرى جونىنەن ايتقاندا، ٴبىر رەتكى اسەرلى پارتيالىلىق تاربيە، جان دۇنيەنى ٴۇنسىز شىڭداۋ بولىپ، ٴبىزدىڭ ومىرلىك نىسانامىزدى جانە ارەكەت بەتالىسىمىزدى ٴتىپتى دە بەكەمدەي ٴتۇستى.

جاڭا عانا ٴوتىپ كەتكەن 2021 - جىلدا، بۇكىل پارتيادا تەرەڭ پارتيا تاريحىن ۇيرەنۋ تاربيەسى ورىستەتىلدى. پارتيامىزدىڭ تالاي تاۋقىمەتتى باستان كەشىرىپ، قاجىماس قايسارلىق كورسەتىپ، قانشاما قاتەرگە جولىقسا دا مۇراتىنان جازباي، جۇڭحۋانىڭ بايتاق دالاسىندا شۇعىلالى ناتيجەلەردى جاراتۋى جانە وشپەس ەڭبەك ٴسىڭىرۋى، ٴتۇبىن قۋعاندا، بىزدە پارتيانىڭ تۋىن تۋ ەتىپ، پارتيانىڭ بورىشىن بورىشىم دەپ بىلگەن سان مىڭداعان تاڭداۋلى كوممۋنيستىك پارتيا مۇشەسىنىڭ بولعاندىعىندا. بۇل اسقاق سەنىم ارقىلى ۇيىسقان داڭقتى قوسىن. قان سەلدەي اققان داۋىردە، جۇرەكتە سەنىم بولعاندىقتان، الدىڭعىلارى قۇربان بولسا، ارتتاعىلارى اتويلاي ۇمتىلىپ، ولىمنەن تايسالماي ۇلتتى جويىلۋ حاۋپىنەن قۇتقارۋشىلار بار بولدى؛ بەيبىتشىلىك جىلدارىندا، جۇرەكتە سەنىم بولعاندىقتان، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا، ەكپىندەي العا ىلگەرىلەۋشىلەر، شىن ىقىلاسىمەن ٴوزىن ارناۋشىلار بولدى. ٴدال وسى سەنىمنىڭ كۇشى بولعاندىقتان، جۇڭگو كوممۋنيستىك پارتياسى باستان - اياق ەڭ كەڭ حالىقتىڭ ٴتۇبىرلى مۇددەسىنە ۋاكىلدىك ەتىپ ٴارى ەڭ كەڭ حالىقتىڭ باتىل قولداپ - قۋاتتاۋىنا يە بولىپ، جەڭىستەن - جەڭىسكە جەتتى.

ەڭ جان تەبىرەنتەتىنى سەنىم. سەنىمنىڭ كۇشىن ۇرپاقتان - ۇرپاققا جالعاستىرۋعا، ٴوزارا جەتكىزۋگە، ۇزدىكسىز تولىستىرۋعا بولادى. جاڭا داۋىردەگى جۇڭگوشا سوتسياليستىك شينجياڭ قۇرۋدىڭ ەكپىندەي ىلگەرىلەگەن جورىعىندا، سەنىمنىڭ كۇشى ٴار ۇلت كادر - بۇقاراسىن بوران - شاشىنعا بوگەلمەي العا باسۋعا ىنتىماقتاستىرا ۇيىستىراتىن تەلەگەي ۇلى كۇش. ٴبىز بەينە ابدۇجاپپار مەڭدى سياقتى ٴوزىمىزدىڭ ٴبىرىنشى سالاۋاتىمىز كوممۋنيستىك پارتيا مۇشەسى ەكەندىگىن، ٴبىرىنشى قىزمەت جاۋاپكەرشىلىگىمىز پارتيا ٴۇشىن قىزمەت ىستەۋ ەكەندىگىن ەستە بەرىك ساقتاپ، باس ماقسات تانىمىن، اۆانگارد تانىمىن ۇزدىكسىز نىعايتىپ، باس شۋجي شي جينپيڭنىڭ تالاپ ەتكەنىندەي «جايشىلىقتا كوزگە ٴتۇسىپ، شەشۋشى ساتتە كەۋدە كەرە العا شىعىپ، قاتەرلى، قيىن وتكەلدە اتويلاپ العا شىعىپ»، اسقاق جىگەرمەن قايراتتانا ۇمتىلىپ، شىنايى ىستەپ، كەرەناۋلىققا سالىنبايتىن اسقاق بەينەمەن، تاريحتىڭ ۇمىتىنەن شىعا الاتىن، ٴداۋىردىڭ ۇمىتىنەن شىعا الاتىن، حالىقتىڭ ۇمىتىنەن شىعا الاتىن شىت جاڭا تاراۋ جازۋىمىز كەرەك.