ٴتىلشىمىز ٴپاتيما حابارلايدى. 2 - ايدىڭ 11 - كۇنى ساياسي كەڭەس ىلە قازاق اۆتونوميالى وبلىستىق 14 ـ كەزەكتى كوميتەتىنىڭ 1 ـ ٴماجىلىسى ۇسىنىس جوبالارىن تەكسەرۋ كوميسسياسىنىڭ 2 ـ رەتكى جيىنىن اشتى، جيىندى ساياسي كەڭەس اۆتونوميالى وبلىستىق 14 ـ كەزەكتى كوميتەتى 1 ـ ٴماجىلىسى ٴتوراعالار القاسىنىڭ تۇراقتى ٴتوراعاسى، ۇسىنىس جوبالارىن تەكسەرۋ كوميسسياسىنىڭ مەڭگەرۋشىسى نۇراحىمەت زۇنۇن باسقاردى، ۇسىنىس جوبالارىن تەكسەرۋ كوميسسياسىنىڭ مۇشەلەرى جيىنعا قاتىناستى.

جيىندا مۇشەلەردىڭ ۇسىنىس جوبالارى تەكسەرىپ تۇراقتاندىرىلدى؛ ساياسي كەڭەس ىلە قازاق اۆتونوميالى وبلىستىق 14 - كەزەكتى كوميتەتى 1 - ٴماجىلىسىنىڭ ۇسىنىس جوبالارىن تەكسەرۋ جاعدايى جونىندەگى دوكلادى (جوبا نۇسقا) كەڭەسىلدى، قارالدى.

ساياسي كەڭەس اۆتونوميالى وبلىستىق 14 ـ كەزەكتى كوميتەتىنىڭ 1 ـ ٴماجىلىسى كەزىندە، ٴار ۇلت، ٴار سالا ساياسي كەڭەس مۇشەلەرى وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن ارناۋلى كەڭەس قۇرىلىمىنىڭ پارتيانىڭ جاڭا داۋىردەگى شينجياڭدى جونگە سالۋ جالپى جوباسىن دايەكتىلەندىرۋ، تياناقتاندىرۋ بارىسىنداعى ماڭىزدى رولىن تولىق ساۋلەلەندىرىپ، وبلىستىق پارتكوم مەن ۇكىمەتتىڭ وزەكتى قىزمەتىن، حالىق بۇقاراسى جاپپاي كوڭىل ٴبولىپ وتىرعان، قوعام جاپپاي نازار اۋدارىپ وتىرعان ماسەلەلەردى تىعىز توڭىرەكتەپ، ساياسي جاقتان كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ىسىنە كەڭەس بەرۋ فۋنكتسياسىن مۇقيات اتقارىپ، ۇسىنىس جوبالارى ارقىلى بەلسەنە سىندارلى اقىل - كەڭەس بەردى.

وسى رەتكى ماجىلىستەگى ۇسىنىس جوبالارىنىڭ جالپى تۇلعالىق ساپاسى ٴبىرشاما جوعارى، تاقىرىپ تاڭداۋى دالمە - ٴدال بولعان، ورتاعا قويىلعان پىكىر، ۇسىنىستاردىڭ عىلميلىعى، جارامدىلىعى كورنەكتى جوعارىلاعان. 2022 ـ جىلى 2 ـ ايدىڭ 10 ـ كۇنى ساعات 22 گە دەيىن، جالپى 363 ۇسىنىس جوباسى تاپسىرىپ الىندى، تەكسەرۋ ارقىلى 357 ۇسىنىس جوباسى تىزىمگە الىنىپ، تىزىمگە الىنۋ مولشەرى %98.3 كە جەتتى؛ تىزىمگە الىنعان ۇسىنىس جوبالارى ىشىندە نازاردى باس نىساناعا شوعىرلاندىرىپ، قوعام ورنىقتىلىعى مەن باياندى تىنىشتىقتى ىلگەرىلەتۋ جاعىنداعى ۇسىنىس جوباسى 39 بولىپ، تىزىمگە الىنعان جالپى ساننىڭ % 10.9 ىن يەلەدى؛ ەكونوميكانىڭ جوعارى ساپالى دامۋىن ىلگەرىلەتۋ جاعىنداعى ۇسىنىس جوباسى 150 بولىپ، تىزىمگە الىنعان جالپى ساننىڭ % 42 ىن يەلەدى؛ حالىق تۇرمىسىن قامتاماسىزداندىرۋ جانە جاقسارتۋ جاعىنداعى ۇسىنىس جوباسى 168 نۇسقا بولىپ، تىزىمگە الىنعان جالپى ساننىڭ % 47.1 ىن يەلەدى.

ٴماجىلىس جابىلعاننان كەيىن اۆتونوميالى وبلىستىق ساياسي كەڭەس ۇسىنىس جوبالارىن قايتا قاراۋ جيىنىن جانە ۇسىنىس جوبالارىن ٴبىر جاقتى ەتۋگە تاپسىرۋ جيىنىن اشىپ، وسى رەتكى ٴماجىلىس كەزىندە تىزىمگە الىنعان ۇسىنىس جوبالارىن وبلىستىق پارتكوم مەن وبلىستىق حالىق ۇكىمەتىنىڭ قاتىستى تاراۋلارىنىڭ ٴبىر جاقتى ەتۋىنە تاپسىرادى. ٴماجىلىستىڭ ۇسىنىس جوبالارىن تاپسىرۋ ۋاقىتى اياقتالعاننان كەيىن تاپسىرىپ الىنعان ۇسىنىس جوبالارىن اۆتونوميالى وبلىستىق ساياسي كەڭەستىڭ ۇسىنىس جوباسى كوميتەتى دەر كەزىندە تەكسەرىپ، تىزىمگە الادى ٴارى قاتىستى تاراۋلاردىڭ ٴبىر جاقتى ەتۋىنە تاپسىرادى.