لي يافىڭ (ٴوز ٴتىلشىمىز)

كاسىپورىن جونىنەن العاندا، تاماشا ساۋدا ورتاسى كۇن نۇرى، اۋا جانە سۋ سياقتى تيتتەي دە كەم بولسا بولمايدى. بيىلعى ۇكىمەت قىزمەتىنەن بايانداماعا نازار سالساق: تيجارات - ساۋدا ورتاسىن ۇزدىكسىز ساپالىلاندىرىپ، ساۋدا ورتاسىن ارناۋلى رەتتەۋ - وڭاۋدى ىشكەرىلەي ورىستەتىپ، كاسىپورىندارعا ساياتىن اقى الۋدى ۇزدىكسىز اداقتاپ، ارناعا ٴتۇسىرىپ، حالىق باسقارۋىنداعى كاسىپورىنداردى ۇزدىكتەرىن جەتىلدىرۋ ينجەنەرياسىن اتقارىپ، حالىق باسقارۋىنداعى كاسىپورىندارعا ساياتىن جالپىعا ٴتيىمدى فينانستىق قىزمەت وتەۋدى كۇشەيتۋ كەرەك ...، دەلىنگەن. ارت - ارتىنان شىعارىلعان رەفورما شارالارى مەن جاڭالىق اشۋ شارالارى كاسىپورىندارعا جىگەر جانە كۇش - قۋات بەرىپ، كاسىپورىنشىلاردى بارىنشا مەيىرگە بولەدى.

ٴتىلشى اۆتونوميالى وبلىستىڭ «ەكى ٴماجىلىسى» كەزىندە تيجارات - ساۋدا ورتاسىن قالاي جاقسارتۋ جونىندە تىلشىلىك ىستەدى.

وبلىستىق حالىق قۇرىلتايىنىڭ ۋاكىلى جاڭ جيانجۇن قىزمەت ىستەيتىن ىلە شينزى ازىق - تۇلىك ونەركاسىپ شەكتى سەرىكتەستىگى نەگىزىنەن سۋسىزداندىرىلعان كوكونىستەردى مانەرلەۋدى نەگىز ەتەدى. قۇرىلعان 14 جىلدان بەرى 7 جىل ۋاقىت جۇمساپ زەرتتەۋ جۇرگىزىپ، حالىقارالىق بازاردا ٴوتىمدى بولعان سۋسىزداندىرىلعان پيازدى شىعاردى. بۇگىنگى تاڭدا، «كاسىپورىن + بازا + شارۋا وتباسىلارى» سىندى كوكونىس شارۋاشىلىعىن دامىتۋ ۇلگىسى ارقىلى ٴتىپتى دە كوپ شارۋا وتباسىلارىنىڭ كىرىسىن ارتتىرىپ، اۋقاتتانۋىنا جەتەكشىلىك ەتۋدە. 

جاڭ جيانجۇن بىلاي دەدى: كاسىپورنىمىزدىڭ كىشكەنەدەن زورايۋى ٴار دارەجەلى پارتكومدار مەن ۇكىمەتتەردىڭ ساۋدا ورتاسىن ۇزدىكسىز ساپالىلاندىرىپ، تۇلعالىق ەكونوميكاعا قىزمەت وتەۋ، قولداۋ سەرپىنىن ارتتىرىپ، كاسىپورىنشىلاردى ۋايىمىنان ارىلتىپ، كاسىپورىننىڭ دامۋىنا زەيىن - زەردەنى شوعىرلاندىرعاندىعىنىڭ ارقاسى. 

بيىلعى ۇكىمەت قىزمەتىنەن باياندامادا مىنالار العا قويىلدى: حالىقتىق شارۋاشىلىققا قاراتىلعان جالپىعا ٴتيىمدى فينانستىق قىزمەت وتەۋدى كۇشەيتىپ، «ۇكىمەت، بانكە، كاسىپورىنداردى» ٴتۇيىلىستىرۋ قيمىلىن ۇدايى ورىستەتىپ، چۋاننيڭ بيولوگيالىق سەرىكتەستىگىنىڭ، تيانيۇن بالىق شارۋاشىلىعى سەرىكتەستىگىنىڭ بازارعا شىعىپ قارجى قۇراۋىنا قولداۋ كورسەتۋ كەرەك. سالىقتى كەمەيتۋ، اقىنى تومەندەتۋ ساياساتىنىڭ تياناقتانۋىن كۇشەيتىپ، كاسىپورىنداردىڭ قيىنشىلىعىن شەشۋ شاراسىن دالمە - ٴدال اتقارىپ، بازار تۇلعالارىنىڭ دامۋ كومەسكى قۋاتىنىڭ تولىق اشىلۋىنا، بازاردىڭ ومىرشەڭدىك كۇشىنىڭ تولىق تاسقىنداۋىنا مۇمكىندىك جاساۋ كەرەك.

جاڭ جيانجۇننىڭ قاراۋىنشا، بۇل حالىقتىق كاسىپورىنداردىڭ اقاۋسىز دامۋىنا قولداۋ كورسەتۋ نىساناسى مەن بەتالىسىن ايقىنداپ بەرگەنى ٴارى ٴتىپتى دە كوپ كاسىپورىنشىلارعا ىلە وبلىسىنىڭ ساۋدا ورتاسىن ۇزدىكسىز جاقسارتۋ جاعىنداعى سەنىمى مەن بەكىمىن كورسەتكەنى، بۇل − ىلە وبلىسىنىڭ بەلسەنە ٴىس تىندىرىپ، باتىلدىقپەن جاۋاپكەرلىك ارقالاۋىنىڭ ناقتى بەينەسى.

جاڭ جيانجۇن بىلاي دەدى: ۇكىمەتتىڭ جەلىلەس ساياسات بەلگىلەپ، حالىق باسقارۋىنداعى كاسىپورىنداردىڭ دامۋىنا كومەكتەسۋى − تابيعي بەتالىس، كاسىپورنىمىز دا ۇكىمەت قىزمەتىنەن باياندامانى ارقاۋ ەتىپ، كاسىپورىننىڭ كەلەسى قادامداعى دامۋىنا جالپى جاعداي تۇرعىسىنان جانە ستراتەگيالىق تۇرعىدان دالمە - ٴدال تۇجىرىم جاساپ جانە ۇزاق بولاشاقتىق جوبا جاساپ، كاسىپورىننىڭ دامۋ قوزعاۋشى كۇشى مەن ومىرشەڭدىك كۇشىن ۇزدىكسىز كۇشەيتەدى. سونىمەن بىرگە، ۇكىمەتتىڭ ساياساتتى تياناقتاندىرۋدى مىقتى يگەرۋ بارىسىندا شىنايى شارا قولدانىپ، كاسىپورىندارعا ساياساتتىڭ ناقتى ونىمدىلىگىن سەزىندىرۋىن ٴۇمىت ەتەمىن.

بيىلعى ۇكىمەت قىزمەتىنەن باياندامادا «<ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن> ۇزدىكسىز تەرەڭدەتىپ، ۇكىمەتتىك قىزمەت وتەۋدىڭ <ٴبىر جەلىدە ٴبىر تۇتاس ٴبىتىرۋ> قۋاتىن اناعۇرلىم جوعارىلاتىپ، بۇكىل وبلىستاعى <ولكە اتتاپ ٴبىر تۇتاس بىتىرىلەتىن> ٴىس ٴتۇرىن 95 كە جەتكىزىپ، بازار تۇلعالارىن تىزىمدەۋ، تىركەۋ ۋاقىتىن ٴبىر قىزمەت كۇنىنە قىسقارتۋ، جاڭادان تىركەلگەن بازار تۇلعالارىن 55 مىڭ 100 گە جەتكىزۋ كەرەكتىگى» اتاپ كورسەتىلدى.

وبلىستىق حالىق قۇرىلتايىنىڭ ۋاكىلى ۋاڭ جياڭ بىلاي دەپ قارادى: تيجارات - ساۋدا ورتاسىن جاقسارتۋدا «ٴادىس - امال» ورتاسىن جاقسى ىستەۋدەن سىرت، «كۇتىمدەۋ» بۋىنى، «كەڭەيتۋ» ٴادىسى جاعىندا ٴتىپتى دە تىندىرىمدى جۇمىس ىستەۋ كەرەك. بىلايشا ايتقاندا، الدىڭعى مەزگىلدەگى ساۋداگەر شاقىرىپ، قارجى ەنگىزۋ مەن جول ورتاسىنداعى ساياساتتىڭ تياناقتانۋى، سونداي - اق سوڭعى مەزگىلدەگى بازار ارناسىنىڭ كەڭەيۋى مەن قامتاماسىز ەتۋ جونىنەن قىزمەت وتەۋدە ۇكىمەت تاراۋلارى جۇمىستىڭ ونىمدىلىگىن جوعارىلاتۋى كەرەك، وسىلاي ىستەگەندە عانا كاسىپورىنشىلاردى قارجى قوسۋ جاعىنان اناعۇرلىم الاڭسىز ەتۋگە، اناعۇرلىم زور دامۋ سەنىمىنە يە ەتۋگە بولادى.

ۋاڭ جياڭ بىلاي دەدى: اۆتونوميالى وبلىسىمىزداعى كاسىپورىنداردىڭ ونىمدەرىن ەل ىشىندەگى، حالىقاراداعى بازارعا ەنگىزىپ، ساتۋ ارناسىن اشۋداعى كۇش - قۋاتى ٴبىرشاما ٴالسىز. ول مىنانى ۇسىنىس ەتتى: ۇكىمەت ساحنا ازىرلەپ، مەملەكەت مەنشىگىندەگى كاسىپورىنداردىڭ تۇعىرىن سەنىمدىلىك جۇيەسى ەتىپ، ىلەنىڭ ەرەكشە ونىمدەرى مەن ورتا، شاعىن، ۇساق كاسىپورىندارىن وسى جۇيە مەن تۇعىرعا شوعىرلاندىرىپ، ىلەنىڭ ايگىلى ماركا ونىمدىلىگىن قالىپتاستىرۋ قاجەت. سونىمەن بىرگە، كاسىپتىك ساتۋ دارىندىلار قوسىنىنىڭ ابزالدىعىن ساۋلەلەندىرىپ، ٴتىپتى دە كوپ ونىمدەردى ەل ٴىشى مەن حالىقاراداعى ٴىرى قامداۋ تىزبەگىنە ەنگىزۋ قاجەت، بۇل ساتۋ ارناسىن كەڭەيتىپ، كەمەلدەندىرىپ قانا قويماي، حالىق باسقارۋىنداعى كاسىپورىنداردىڭ قارجى قۇراۋى قيىن بولۋ ماسەلەسىن شەشىپ، تاماشا اينالىم قالىپتاستىرىپ، بازارلانعان، زاڭ - تۇزىمدەنگەن، حالىقارالانعان تيجارات - ساۋدا ورتاسىن ساپالىلاندىرۋعا بولادى.