(2022 - جىلى 2 - ايدىڭ 14 - كۇنى ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 1 - ماجىلىسىندە ماقۇلداندى)

ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ 1 - ٴماجىلىسى اۆتونوميالى وبلىستىق حالىق قۇرىلتايى تۇراقتى كوميتەتى پارتگرۋپپاسىنىڭ شۋجيى، ورىنباسار مەڭگەرۋشىسى جاۋ تيانجيە جاساعان قىزمەت بايانداماسىن تىڭدادى جانە قارادى. ٴماجىلىس اۆتونوميالى وبلىستىق حالىق قۇرىلتايى تۇراقتى كوميتەتىنىڭ 5 جىلدىق قىزمەتىن تولىق تۇراقتاندىرىپ، باياندامادا العا قويىلعان بۇدان بىلايعى قىزمەت ۇسىنىستارىنا قوسىلىپ، باياندامانى بەكىتۋدى ۇيعاردى.

ٴماجىلىس بىلاي دەپ قارادى: وتكەن 5 جىلدا اۆتونوميالى وبلىستىق حالىق قۇرىلتايى تۇراقتى كوميتەتى وبلىستىق پارتكومنىڭ پارمەندى باسشىلىعىندا بۇكىل وبلىس قىزمەتىنىڭ جالپى جاعدايىن تىعىز توڭىرەكتەپ، نەگىزگى زاڭ مەن زاڭداردا بەلگىلەنگەن قىزمەت ۇقىعىن زاڭ بويىنشا جۇرگىزىپ، ٴتۇرلى قىزمەتتەردى ٴتارتىپتى ورىستەتىپ، پارمەندى اتقارىپ، ٴونىمدى ىلگەرىلەتىپ، مەملەكەتتىڭ جەرگىلىكتى بيلىك ورگاندارىنىڭ رولىن تولىق ساۋلەلەندىرىپ، بۇكىل وبلىستىڭ ەكونوميكاسىنىڭ، قوعامىنىڭ جوعارى ساپالى دامۋى مەن دەموكراتيالىق ساياسي قۇرىلىسىنا بەلسەندى ۇلەس قوستى.

ٴماجىلىس مىنالاردى باسا دارىپتەدى: ەكىنشى 100 جىلدىق كۇرەس نىساناسىنىڭ جاڭا ساپارىنا جورىق جاساۋ بارىسىندا جەرگىلىكتى حالىق قۇرىلتايلارى پارتيا مەن حالىقتىڭ ماڭىزدى تاپسىرماسىن ۇستىنە الىپ، حالىق قۇرىلتايى ۋاكىلدەرى قالىڭ حالىق بۇقاراسىنىڭ كوكەيتەستى تىلەگىن ارقالاپ وتىر، جاۋاپكەرشىلىكتەرى اۋىر، بورىشتارى داڭقتى. اۆتونوميالى وبلىستىق حالىق قۇرىلتايى تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ٴار كەزەكتى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، ورتالىقتىڭ حالىق قۇرىلتايى قىزمەت ٴماجىلىسىنىڭ رۋحى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اۆتونوميالى رايوندىق پارتكومنىڭ قىزمەت ورنالاستىرۋى مەن وبلىستىق پارتكومنىڭ قىزمەت تالابىنا ساي، جۇيە كوزقاراسىنا تاباندى بولىپ، نازاردى جاڭا ورنالاستىرۋعا، جاڭا قالىپقا ۇيلەسۋگە شوعىرلاندىرىپ، «ٴتورت ورگان» دەڭگەي تالابى بويىنشا، باستان - اياق «ەكى جالپى جاعدايدى» كوكەيدە ساقتاپ، اناعۇرلىم جوعارى ساياسي تۇرعىمەن، تاماشا كۇرەسكەرلىك بەينەمەن، شىنايى قىزمەت ستيلىمەن، زاڭمەن باسقارۋعا قۇرمەت ەتىپ، مىندەتىن ادالدىقپەن اتقارىپ، بورىشتى شىنايى ادا ەتىپ، ماڭىزدى تاپسىرمانى ورىنداپ، جالپى بارىسىندىق حالىق دەموكراتياسىن دامىتۋ، ىلەنىڭ رەفورما جاساۋ، دامۋ، ورنىقتىلىق ىستەرىنىڭ جاپپاي العا باسۋىن ىلگەرىلەتۋ بارىسىندا تىڭ دا اناعۇرلىم زور ۇلەس قوسۋى كەرەك.