سىندارلى كەڭەس بەرىپ، باتىلدىقپەن جاڭا بورىش ارقالاپ، الىمدى اقىل ايتىپ، جاڭا جورىققا قادام تاستادى

حالىق قۇرىلتايى ۋاكىلدەرى گرۋپپالارعا ٴبولىنىپ، ۇكىمەت قىزمەتىنەن باياندامانى تالقىلادى جانە قارادى

ٴتىلشىمىز ما چىڭلۋ حابارلايدى. اۆتونوميالى وبلىستىق 15 - كەزەكتى حالىق قۇرىلتايىنىڭ 2 - ماجىلىسىنە قاتىناسىپ جاتقان بارلىق ۋاكىلدەر مەن سىرتتاي قاتىناسقاندار 1 - ايدىڭ 5 - كۇنى تۇستەن بۇرىن 15 گرۋپپاعا ٴبولىنىپ، ۇكىمەت قىزمەتىنەن باياندامانى توڭىرەكتەپ تالقى ورىستەتتى.

ٴارقايسى ۋاكىلدەر ۇيىرمەسىنىڭ تالقى مايدانىندا، ۋاكىلدەر بەلسەنە ٴسوز سويلەپ، اسەرلەرىن اڭگىمەلەپ، دامۋدى تىلگە تيەك ەتىپ، الىمدى اقىل ايتتى. كوپشىلىك ٴبىر اۋىزدان بىلاي دەپ قارادى: «وبلىستىق ۇكىمەتتىڭ قىزمەت بايانداماسىنىڭ تاقىرىبى ايقىن، مىندەتى انىق، ٴتۇيىنى كورنەكتى، وي جەلىسى ايقىن، بۇكىل وبلىستىڭ وتكەن جىلعى ەكونوميكالىق، قوعامدىق دامۋ جەتىستىكتەرى جان - جاقتى، وبيەكتيۆ تۇردە قورىتىندىلانىپ، بۇكىل وبلىستىڭ بيىلعى دامۋ جاڭا نىساناسى، جاڭا مىندەتى ايقىن العا قويىلىپ، ىلەنىڭ بولاشاق دامۋىنداعى تاماشا جوباسى عىلمي بەينەلەنىپ، كەلەسى قادامداعى قىزمەتكە ورنالاستىرۋ جاسالعان، بۇل ىلەنىڭ دامۋ ٴىس جۇزىندىگىنە ۇيلەسەدى، ادامدى العا باسۋعا شابىتتاندىراتىن، جالپى جاعدايدى تەگىس مەڭگەرگەن، شىندىققا جۇگىنىپ، ناقتى ٴىس ىستەيتىن تاماشا بايانداما بولدى».

تالقىدا ۋاكىلدەر ٴىس جۇزىندىكتى تياناق ەتىپ، ٴوز قىزمەتتەرىمەن ۇشتاستىرىپ، سيفرلى ۇكىمەت جانە اكىمشىلىك قىزمەت وتەۋ رەفورماسى، توعىسپالى مەديانى دامىتۋ، اۋىل - قىستاقتى گۇلدەندىرۋدى جەبەۋ، وقۋ - اعارتۋ، ەمدەۋ، دەنساۋلىق ساقتاۋدى دامىتۋ سياقتى قولامتالى، قيىن ماسەلەلەر مەن حالىق تۇرمىسىنداعى كورنەكتى ماسەلەلەر جونىندە بەلسەنە اقىل - كەڭەس بەردى. ۋاكىلدەر مىنانى ٴبىلدىردى: «باياندامادا العا قويىلعان ٴتۇرلى نىسانا - مىندەتتەردى توڭىرەكتەپ، زەيىن - زەردەنى شوعىرلاندىرىپ، كۇش - قۋاتتى ۇيىستىرىپ، جاۋاپكەرشىلىكپەن ىسكەرلىك كورسەتىپ، ۋاكىلدىك جاۋاپكەرشىلىگىمىزدى ويداعىداي ادا ەتىپ، وبلىستىق ۇكىمەتتىڭ قىزمەت بايانداماسىندا بەينەلەنگەن تاماشا جوبانى ايبىندى كورىنىسكە اينالدىرۋعا دەم بەرىپ، ىلەنىڭ ەكونوميكاسى مەن قوعامىنىڭ جوعارى ساپالى دامۋىن ىلگەرىلەتۋدە تىڭ ۇلەس قوسامىز».

وبلىستىق حالىق قۇرىلتايىنىڭ ۋاكىلى، تارباعاتاي ايماعى تولى اۋداندىق پارتكومنىڭ ورىنباسار شۋجيى، اۋدان اكىمى داۋلەت پاريوللا ۇلى مىنانى ٴبىلدىردى: «وبلىستىق ۇكىمەتتىڭ قىزمەت بايانداماسىندا 2023 - جىلعى بۇكىل وبلىستىڭ حالىق تۇرمىسىن قامتاماسىزداندىرۋ، ەكونوميكانى جوعارى ساپالى دامىتۋ سياقتى ٴىرى جوبالار جان - جاقتى، جۇيەلى ايگىلەنگەن، مازمۇنى ايقىن، جارقىن تۇيىندەرى كورنەكتى. مەن ٴماجىلىس رۋحىن مۇقيات ۇيرەنىپ، ٴارى ونى قىزمەتتىڭ قوزعاۋشى كۇشىنە اينالدىرىپ، تولى اۋدانىنىڭ ٴىس جۇزىندىگىمەن ۇشتاستىرىپ، ونەركاسىپ رايونىنىڭ دامۋىن ىلگەرىلەتۋ، نىسان قۇرىلىسىن ٴساتتى باستاۋدى جۇزەگە اسىرۋ، ەگىن، مال شارۋاشىلىق ٴوندىرىسىن مىقتى يگەرۋ سياقتى جاقتاردا قىزمەت تەبىنىن اناعۇرلىم ارتتىرىپ، ٴىس جۇزىندىك ارەكەت ارقىلى اۋىل - قىستاقتى گۇلدەندىرۋدى ىلگەرىلەتەمىن».

وبلىستىق حالىق قۇرىلتايىنىڭ ۋاكىلى، نىلقى اۋدانى كوكقوتقۇر موڭعۇل اۋىلى جىرىنتاي قىستاعى پارتيا ياچەيكاسىنىڭ شۋجيى داۋاسايرىن موندىبايىر بىلاي دەدى: «وبلىستىق ۇكىمەتتىڭ قىزمەت بايانداماسى ادامدى العا باسۋعا شابىتتاندىرىپ، ٴبىرقىدىرۋ جاڭا تالاپتاردى العا قويدى، وتە - موتە، باياندامادا العا قويىلعان اۋىل - قىستاقتى گۇلدەندىرۋدى جاپپاي ىلگەرىلەتۋ، اۋىل شارۋاشىلىعىن دامىتىپ، شارۋالاردىڭ كىرىسىن ارتتىرۋدى جەبەۋ مازمۇندارى مەنى قاتتى اسەرلەندىردى. قىستاق پارتيا ياچەيكاسىنىڭ شۋجيى رەتىندە مەن پارتيا ياچەيكاسىنىڭ ۇيتقىلىق، جەتەكشىلىك رولىن تولىق ساۋلەلەندىرىپ، پارتيا ياچەيكاسىنىڭ ۇيىستىرۋ قۋاتى مەن جاۋىنگەرلىك قۋاتىن شىنايى ارتتىرىپ، قىستاقتىڭ بار بايلىعىنا سۇيەنىپ، جەر جاعدايىنا قاراي كومەسكى كۇشتەردى اشىپ، بۇقارانى اۋقاتتانۋ جولىنا باستايمىن».

وبلىستىق حالىق قۇرىلتايىنىڭ ۋاكىلى، التاي ايماعى قابا اۋداندىق ەلەكترمەن قامداۋ سەرىكتەستىگى پارتيا ياچەيكاسىنىڭ شۋجيى، ورىنباسار ديرەكتور ەكپىن ىسقاق ۇلى بىلاي دەدى: «نەگىزگى ساتىداعى ەلەكتر سالاسى قىزمەتكەرى رەتىندە، مەن التاي ايماعىنىڭ ەنەرگيا، ەلەكتر كاسىبىنىڭ دامۋىنا ەرەكشە نازار اۋدارامىن. وبلىستىق ۇكىمەتتىڭ قىزمەت بايانداماسىندا التاي ايماعىنىڭ شىعىس بولىگىندەگى ەلەكتردى سىرتقا شىعارۋ ارناسى نىسانىن اۆتونوميالى رايوننىڭ جوباسىنا ەنگىزۋدى نىسانا ەتۋ ەرەكشە العا قويىلعان، بۇل التاي ايماعىنىڭ تازا ەنەرگيانى دامىتۋ جانە ەلەكتر تورابىنىڭ حاۋىپسىز، ورنىقتى اينالىمىن پارمەندى جەبەيدى. بۇدان كەيىن پارتيا 20 - قۇرىلتايىنىڭ رۋحىن ۇيرەنىپ، دايەكتىلەندىرىپ، <حالىقتىڭ ەلەكتر كاسىبىن حالىق ٴۇشىن قىزمەت ەتتىرۋ> باستى ماقساتتى ادا ەتىپ، حالىق قۇرىلتايى ۋاكىلىنىڭ رولىن ويداعىداي ساۋلەلەندىرىپ، اۆتونوميالى وبلىستىڭ ەكونوميكاسى مەن قوعامىنىڭ دامۋىنا ۇلەس قوسامىن».