بورىشتى ەستە بەرىك ساقتاپ، باتىلدىقپەن جاۋاپكەرشىلىك ارقالاپ، قايراتتانا جەلكەن جايىپ، تاعى دا ساپارعا اتتانامىز

ىلە وبلىسىنداعى بارشا پارتيالى كادرلار پارتيا 20 - كەزەكتى ورتالىق كوميتەتى ەكىنشى جالپى ٴماجىلىسىنىڭ رۋحىن مۇقيات ۇيرەندى

ٴتىلشىمىز ۋاڭ جىحۋا حابارلايدى. ەندى عانا اياقتاعان پارتيا 20 ـ كەزەكتى ورتالىق كوميتەتى ەكىنشى جالپى ٴماجىلىسى ىلە وبلىسىنداعى بارشا پارتيالى كادرلار اراسىندا كۇشتى اڭىس قوزعادى. كوپشىلىك پارتيا 20 ـ كەزەكتى ورتالىق كوميتەتى ەكىنشى جالپى ٴماجىلىسىنىڭ رۋحىن مۇقيات ۇيرەنىپ جانە ٴتۇسىنىپ، ٴبىر اۋىزدان شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، وزىنە سەنىپ، ٴوزىن الۋەتتەندىرىپ، تۋراشىلدىقتان اينىماي، جاڭالىق اشىپ، قايراتتانا العا ۇمتىلىپ، قايسارلىقپەن سايىسىپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتىپ، رەفورما جاساۋ سەنىمى مەن بەكىمىن نىعايتىپ، پارتيا 20 ـ قۇرىلتايىندا بەلگىلەنگەن نىسانا ـ مىندەتتەر ٴۇشىن بىرگە كۇرەس جۇرگىزەتىندىكتەرىن ٴبىلدىردى. 

چاپچال سىبە اۆتونوميالى اۋدانى سورتتى تۇقىم جەتىلدىرۋ الاڭى پارتكومىنىڭ ورىنباسار شۋجيى جيا گويۇي مىنانى ٴبىلدىردى: كادرلار مەن جۇمىسشى ـ قىزمەتكەرلەر جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ەكىنشى جالپى ٴماجىلىسىنىڭ مازمۇنىن ۇيرەنگەننەن كەيىن، كوپشىلىك ٴتۇرلى قىزمەتتەردى قالاي ويداعىداي ورىستەتۋ جونىندە تالقى جۇرگىزدى. سورتتى تۇقىم جەتىلدىرۋ الاڭى ورايدى مىقتى يگەرىپ، قۇرىلعىلى اۋىل شارۋاشىلىعى جانە ورگانيكالىق كۇرىش سىندى ەكى ٴىرى اۋىل شارۋاشىلىعى ەرەكشە كاسىپ سالاسىن مىقتاپ ارقاۋ ەتىپ، قۇرىلعىلى اۋىل شارۋاشىلىعىن، كوكونىس قالتقىلارىن، كوكونىس اتىزدارىن بىرتىندەپ ”تىنىعىپ جەمىس - كوكونىس ٴۇزۋ“ جانە ”سەيىل - سەرۋەن ساياحاتىنا“ دامىتۋدى بەلسەنە ىلگەرىلەتىپ، ەكولوگيالىق ساياحاتتى دامىتىپ، وسى زامانعى اۋىل شارۋاشىلىعىن كاسىپ سالالاندىرۋ بىرلەسكەن تۇلعاسىن قۇرىپ، اۋىل شارۋاشىلىعىنا جاتپايتىن كاسىپتەر ارقىلى كىرىستى ارتتىرۋ ٴورىسىن كەڭەيتىپ، سورتتى تۇقىم جەتىلدىرۋ الاڭىنداعى ٴار ۇلت جۇمىسشى - قىزمەتكەرلەرىن كىرىستەرىن ارتتىرىپ، بايۋعا جەتەكتەيمىز.

كوكتەمدە ەكپىندەي ىلگەرىلەۋگە كۇش - قۋات توپتالدى، ىلەنىڭ بايتاق دالاسىندا تىرشىلىك تىنىسى مەن ومىرشەڭدىك قۋات تاسقىندادى. ىلە وبلىستىق مادەنيەت سارايى پارتيا ياچەيكاسىنىڭ ورىنباسار شۋجيى چياۋ يۇي بىلاي دەدى: ”بۇقارالىق مادەنيەت قىزمەتكەرى رەتىندە، ٴبىز نەگىزگى ساتىعا ىشكەرىلەي ارالاسىپ، حالىققا تامىر تارتىپ، حالىققا قىزمەت ەتىپ، بۇقارالىق مادەنيەتتىڭ جاسامپازدىق جاراتۋشىسى، تاراتۋشىسى جانە قىزمەت وتەۋشىسى بولۋدى ويداعىداي ورىنداپ، جۇڭحۋانىڭ تاڭداۋلى ٴداستۇرلى مادەنيەتىنىڭ قۇن مازمۇنىن اشىپ، جۇڭحۋانىڭ تاڭداۋلى ٴداستۇرلى مادەنيەتىنىڭ ومىرشەڭدىك كۇشىن جالىنداتىپ، ٴوز بورىشىمىزدى جۇڭحۋا ۇلتى ورتاق تۇلعا تانىمىن بەرىك ورناتۋمەن، جۇڭحۋا ۇلتىنىڭ ورتاق رۋحاني مەكەنىن قۇرۋمەن توعىستىرىپ، حالىق بۇقاراسىنىڭ تابىس سەزىمىن، باقىت سەزىمىن ۇزدىكسىز جوعارىلاتامىز“.

جاڭا جورىق جۇرتتى جىگەرلەندىرەدى، جاڭا جوبا جاندى جەلپىندىرەدى. قارا ٴدوڭ اۋىلى دۇڭيۋان الەۋمەتتىك اۋماعىنىڭ ٴبىرىنشى شۋجيى، قۇلجا قالاسى توعىسپالى مەديا ورتالىعىنىڭ وسى الەۋمەتتىك اۋماقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى جاڭ يان بىلاي دەدى: ”پارتيا مۇشەسى بولۋ سالاۋاتىممەن مەن پارتيا 20 ـ قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، قابىلەتىمدى قۇلشىنا جوعارىلاتىپ، ٴورىس اشا جاڭالىق اشىپ، ىسكەرلىك ستيلىمدى ونان ارى شىڭداپ، ماسەلەگە باتىلدىقپەن بەتپە ـ بەت كەلىپ، شىنايى يگەرىپ، ناقتى ىستەپ، قىزمەتىمدى جاقسى ىستەپ، كۇش ـ قۋاتىمدى سارقا جۇمساپ، ەكىنشى 100 جىلدىق كۇرەس نىساناسىن جۇزەگە اسىرۋعا كۇش قوسامىن“.