شينجياڭ مادەنيەت - ساياحات جۇيەسى:

ارەكەتتە ايگىلەپ، ونىمدىلىك كورسەتىپ، الەۋمەتتىك مادەنيەت بويىنشا قىزمەت وتەۋ دەڭگەيىن جوعارىلاتتى

انار بۇلت \ شينجياڭ گازەتىنىڭ ءتىلشىسى لي لي

شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى ورىستەتىلگەننەن بەرى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسى مادەنيەت - كوركەمونەر بويىنشا قىزمەت وتەۋ فۋنكتسياسىن تولىق ساۋلەلەندىرىپ، الەۋمەتتىك مادەنيەت الاڭ - سارايلارىنىڭ قىزمەت وتەۋ تاسىلىندە جاڭالىق اشىپ، كوركەمونەر ۇيىرمەسىندەگى پارتيالى تىرەكتىلەردى كونسەرت قويۋ شاعىن اترەتىن قۇرىپ، نەگىزگى ساتىعا بارىپ، حالىققا تيىمدىلىك جەتكىزۋ كونسەرتىن ۇزدىكسىز قويۋعا ۇيىمداستىرىپ، قالىڭ حالىق بۇقاراسىنىڭ كۇن سايىن ارتىپ وتىرعان رۋحاني مادەنيەت قاجەتىن قاناعاتتاندىرىپ، نەگىزگى تاقىرىپتىق تاربيەنىڭ جەتىستىكتەرىن ءىس جۇزىندىك ونىمدىلىك ارقىلى سىننان وتكىزدى.

”شينجياڭ كىتاپحاناسىنىڭ 4 - قاباتىنداعى بۇل ورىن كەڭ دە تىنىش، ورىندىق جايلى، بەرىلە ۇيرەنۋ وتە وڭاي. كومپيۋتەرلى اۋماقتاعى ەلەكترلى جوعارى - تومەن ءتۇسىرۋ ۇستەلىن سىناپ كورۋ دە وتە كەرەمەت“... شياۋحۇڭشۋ بلوگگەرى ”جاۋ لۇييوۋ“ ينتەرنەتتە ءوزىنىڭ شينجياڭ كىتاپحاناسىندا وزدىگىنەن ۇيرەنگەن سۋرەت - ماتىندەرىن جاريالاعاننان كەيىن، ىلگەرىندى - كەيىندى 100دەن استام سايتتاس ونىمەن پىكىر الماستىردى.

وقىرماندارعا جايلى كىتاپ وقۋ ورتاسىن ازىرلەۋدەن سىرت، نەگىزگى تاقىرىپتىق تاربيە ورىستەتىلگەننەن بەرى شينجياڭ كىتاپحاناسى ۋاقىتتى ۇزارتۋ قىزمەت وتەۋىن باستادى، ءبىرىنشى قاباتتاعى كىتاپ وقۋ اۋماعى، كىتاپ ءۇيى سياقتى وڭىرلەردە سەيسەنبىدەن جەكسەنبىگە دەيىن ساعات 22گە دەيىن اشىلدى.

”شينجياڭ كىتاپحاناسىنىڭ اشىق قىزمەت وتەۋى − كوپتەگەن وقىرماننىڭ ءۇنى. نەگىزگى تاقىرىپتىق تاربيە ورىستەتىلگەننەن كەيىن، ءبىز مۇنى حالىق ءۇشىن ناقتى ءىس ىستەۋدىڭ ناقتى شاراسى ەتتىك، سونىمەن بىرگە بۇل الەۋمەتتىك كىتاپحانانىڭ تۇنگى قىزمەت وتەۋ ونىمدىلىگىن جوعارىلاتۋداعى پايدالى سىناق سانالادى“. شينجياڭ كىتاپحاناسى پارتكومىنىڭ ورىنباسار شۋجيى، كىتاپحانا باستىعى ۋاڭ شۋگۋاڭ بىلاي دەپ تانىستىردى: الداعى جەردە ءبىز وسى قىزمەتتى ۇزدىكسىز جاقسى ىستەپ، ۋاقىتتى ۇزارتىپ اشۋ كولەمىن بىرتىندەپ كەڭەيتىپ، ءار جاقتان قامتاماسىز ەتۋدى ويداعىداي ىستەپ، قىزمەت وتەۋدى اناعۇرلىم جاقسارتامىز، دەڭگەيىن جوعارىلاتامىز.

بۇقارانىڭ تىلەگى − قۇلشىنۋدىڭ بەتالىسى. 5 - ايدىڭ 22 - كۇنىنەن 6 - ايدىڭ 23 - كۇنىنە دەيىن شينجياڭ مادەنيەت سارايى نەگىزگى تاقىرىپتىق تاربيەنىڭ تەكسەرۋ - زەرتتەۋ ارناسىن كەڭەيتىپ، ارالاۋ، اڭگىمەلەسۋ ورىستەتىپ، ينتەرنەت تۇعىرىندا تەكسەرۋ سۇراۋ قاعازىن تاراتىپ، بۇقارانىڭ پىكىر - ۇسىنىستارىنا جان - جاقتى تالداۋ جاساپ، شينجياڭ مادەنيەت سارايى پارتيا ياچەيكاسىنىڭ اقىلداسۋى ارقىلى 1 - كەزەكتى كوركەمونەر كەشكى مەكتەبىن اشۋدى ۇيعاردى. كوركەمونەر كەشكى مەكتەبى افريكا بارابانى، يوگا، جول - جوسىن، حاتكەرلىك سياقتى 4 كوركەمونەر تۇرىندەگى كەشكى الەۋمەتتىك يگىلىك كۋرسىن اشتى.

كوركەمونەر كەشكى مەكتەبى قالا تۇرعىندارىنىڭ تۇنگى تۇرمىسىن بايىتىپ، ءتىپتى دە كوپ ادامدى قالانىڭ كەشكى الەۋمەتتىك مادەنيەت قىزمەت وتەۋىنەن يگىلىكتەندىرىپ، قالانىڭ كەشىنە تىڭ ومىرشەڭدىك كۇش قوستى. ءۇرىمجى قالاسىنىڭ تۇرعىنى ليۋ جۇن كوركەمونەر كەشكى مەكتەبىنىڭ يوگا ساباعىنا قاتىناستى، ”شينجياڭ مادەنيەت سارايىنىڭ ورتاسى جاقسى، ساباق وتەتىن وقىتۋشىلاردىڭ ماماندىعى كۇشتى، مۇعالىممەن بىرگە جاتتىعىپ جاتىرمىز، اجەپتاۋىر يگىلىگىن كورىپ وتىرمىز، وسىنداي تاربيەلەۋ ساباعىن ۇنەمى اشىپ تۇرۋدى ءۇمىت ەتەمىن“.

”ءبىز بۇقارانىڭ قاجەتىن باعدار، بۇقارانىڭ رازىلىعىن نىسانا ەتىپ، بۇقارانىڭ مادەنيەت قاجەتىمەن دالمە - ءدال ءتۇيىلىسىپ، بۇكىل رايونىمىزداعى ءار دارەجەلى مادەنيەت سارايلارىن (پۋنكت) الەۋمەتتىك مادەنيەت قىزمەت وتەۋ ۇلگىسىندە جاڭالىق اشۋعا جەتەكتەپ، الەۋمەتتىك مادەنيەت قىزمەت وتەۋ جۇيەسىن ۇزدىكسىز كەمەلدەندىرىپ، قىزمەت ساپاسى مەن قىزمەت وتەۋ دەڭگەيىن جوعارىلاتامىز“، - دەدى شينجياڭ مادەنيەت سارايى پارتيا ياچەيكاسىنىڭ شۋجيى، ساراي باستىعى جوۋ ۋىنلياڭ.

ون ەكى مۇقام كوركەمونەرىنىڭ كلاسسيكالىق شىعارماسى «جۇلا»، سىبىزعىمەن جەكە ورىندالعان «كوكتەم»، كومەديا «قوشتاسۋ»، قۇمىل مۇقامىنان ءۇزىندى «ەڭ كوركەم»، گۋجىڭ كۇيى «قىز سۇيىسپەنشىلىگى»، «جۇڭحۋانى سۇيەمىن» اتتى اسپاپتىق مۋزيكا ورىندالدى... 6 - ايدا شينجياڭ كوركەمونەر تەاترى مۇقام كوركەمونەر ۇيىرمەسىندەگى پارتيا مۇشەلەرى تىرەكتىلەرىنەن ۇيىمداسقان مادەنيەت ارقىلى حالىققا تيىمدىلىك جەتكىزۋ كونسەرت قويۋ شاعىن اترەتى حوتان ايماعىنا، اقسۋ ايماعىنا ىركەس - تىركەس اتتاندى، ارتيستەر مەن قىزمەتكەرلەردەن 24 ادام اۋىل - قىستاق ساحناسىندا ەرەكشە كوركەمونەرلىك ورەگە جانە وسى زامانعى تىنىسقا يە ادەبيەت - كوركەمونەر تۋىندىلارىن ورىنداپ، نەگىزگى ساتى كورەرمەندەرىنىڭ قارسى الۋىنا يە بولدى.

بيىل جىل باسىنان بەرى شينجياڭ كوركەمونەر تەاترىنىڭ مۇقام كوركەمونەر ۇيىرمەسى، ۇلتتىق وركەستر، سەرىك ويىنى ۇيىرمەسى، وپەرا ۇيىرمەسى، پيەسا ۇيىرمەسى سياقتى ورىندار ”انار ءدانى“ مادەنيەت - كوركەمونەر شاعىن اترەتى، كاسىپتىك تەاترلار مەن ۇيىرمەلەردىڭ حالىققا تيىمدىلىك جەتكىزۋ كونسەرتى سياقتى قيمىلداردى ۇزدىكسىز ورىستەتىپ، قازىرگە دەيىن 670 رەت ويىن قويىپ، 72 مىڭنان استام بۇقارانى يگىلىككە كەنەلتتى.

”قازىرگە دەيىن رايونىمىزدىڭ مادەنيەت - ساياحات جۇيەسى نەگىزگى ساتىعا بارىپ، 1000 رەتتەن استام حالىققا تيىمدىلىك جەتكىزۋ ادەبيەت - كوركەمونەر ويىنىن قويىپ، 299 مىڭ ادام - رەت بۇقارانى يگىلىككە كەنەلتتى“. اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ مۇشەسى، شينجياڭ كوركەمونەر تەاترحاناسى پارتكومىنىڭ شۋجيى ساي شياۋرۇڭ بىلاي دەپ تانىستىردى: اۆتونوميالى رايوندىق مادەنيەت جانە ساياحات مەڭگەرمەسى تاعى بۇكىل شينجياڭداعى 39 اۋدان - قالاداعى 458 اۋىل - قالاشىقتا ”ءان - ءبيلى تەاتردى اۋىل - قىستاققا جەتكىزۋ“ نىسانىن ورىستەتىپ، ءارقايسى اۋىل - قالاشىقتا جىلىنا 6 رەت كونسەرت قويدى؛ شينجياڭ چۇيزىجۇي تەاترى، سىبە ۇلتىنىڭ ”حاندۋ كوكتەمى“ سياقتى جويىلۋعا اينالعان درامالىق جانرلار ارقىلى حالىققا تيىمدىلىك جەتكىزۋ بويىنشا كونسەرت قويۋ قيمىلدارى ءار ۇلت بۇقاراسىنا جوعارى ساپالى مادەنيەت ازىرلەدى.

اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرمە باستىعى يان نايمين بىلاي دەدى: اۆتونوميالى رايوننىڭ مادەنيەت - ساياحات جۇيەسى نەگىزگى تاقىرىپتىق تاربيەنىڭ ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“ جالپى تالابىن مىقتاپ يگەرىپ، نازاريا ۇيرەنۋدى، تەكسەرۋ - زەرتتەۋدى، دامۋدى ىلگەرىلەتۋدى، قاداعالاۋ، رەتتەۋ - تۇزەتۋدى ساباقتاستىرىپ، شينجياڭدى مادەنيەتپەن نارلەندىرۋدى قۇلشىنا ىلگەرىلەتىپ، الەۋمەتتىك مادەنيەت بويىنشا قىزمەت وتەۋ دەڭگەيىن جوعارىلاتىپ، اۋىل - قىستاق مادەنيەت قىزمەت وتەۋىن ازىرلەۋدى بايىتىپ، ءار ۇلت بۇقاراسىن اناعۇرلىم مول، اناعۇرلىم باي، اناعۇرلىم جوعارى ساپالى رۋحاني مادەنيەت تۇرمىسىنان يگىلىكتەندىرەدى.